عوفني تعبت من وراك الى متى هاا ..
الى متى تبقى بظلمك هذا الى متى تبقى بجبروتك
شوفي ربي شلون راح يكسرك على كل مرة لمستني على كل مرة جرحتني ...
انت ماتخاف الله شوف جسمي شنو سويت بي شلون ....
روايه حقيقيه
غرام .. نازك ولجج نازك وينج نازك .. ها غرومه شكو غرام ... اكولج ماتحجين وياه قاسم حتى اروح اشوف امي نازك ....ليش ولجج ماتحجين وياه انتي اني شكو خاف متعاركين غرام .. هاا لا مامتعاركين بس اكول انتي خابري احسن نازك .. لج تقشمرين عليه لا عبالج ماانتبهت لعصبيه اخويه وانتي اي مكان يكعد بي قاسم انتي اطفرين شكو ولج غرام .. يوووو ماكو شي بس شويه عركه صغيرة نازك .. لا اجذبين اعرف قاسم مايعصب علمود امور تافه اكيد مسويه شي .. كانت نازك نحجي وياي واني بالي راح لذيج اليله .. وراء وفاة بابا بسبوع .. كنت كاعدة بالغرفه ابجي ماكو احد بالبيت نازك بالكليه وحلا بالمدرسه وقاسم اصلا يطلع من وجه الصبح يرجع نص اليل ومرات مايرجع ... كعدت اذكر بابا وابجي لو اذكر ماما واخر مرة شفتها مثل الهيكل العظمي وكل يوم صحتها تترجع اكثر لو اذكر دموع وبجي عشق كل مااخابرها ... كعدت ابجي وانوح على عائلتي بيوم وليله ادمرت انفتح باب الغرفه رفعت راسي اجتي عيوني بعيون قاسم شفته شلون تعبان ولحيته طولانه وعيونه ذبلانه وكفت كدامه وكتله بصوتي الرايح من البجي الله يساعدك باوعلي وكلي ليش تبجين عبالك كال كلمه سر حتى عيوني ينزلن دموعهن وكفت كدامه ابجي واشهك ماحسيت نفسي الا ندفنت بحظنه كان حاظني بكل قوه واني ابجي غركت قميصه بالبجي .. بعدني عن حظنه بعد ماهدئت قرب عليه حيل وباسني من راسي وكلي لا تبجين بنيتي دموعج كسرت قلبي اني كمت اشهك وابجي مااحسيت الا لزمني من ظهري وجرني حيل اله بحيث لزك جسمه بجسمي بدون سابق اخذ شفايفي بين شفايفه وايده لزم راسي من وراه ومثبته كام ياكل بشفايفي قوي حاولت ابعده عني حاولت ادفعه بس هو مثل الحايط ولا يتحرك ... حسيت بطعم الدم وبعد مااكدرت اتنفس وخر عني بعد مااحسه اني راح اختنك بعدت عنه واني اتنفس بسرعه وهو اكلني بعيونه ... كتله شنو انت من بشر راسن استغليت وضعي ماعندك انسانيه يعني اول مااشفتني ضعيفه راسن استغليت ضعفي حقها نور من تكول عليك همجي وحش .. اني حجيت هل كلمتين مااحسيت اله قاسم لزمني من شعري وكام يحجي بعصبيه وجه صار احمر من العصبيه كلي لج ادبسز منو الهمجي احجيييي كان يصيح ويشد على شعري كتله واني ابجي قاسم شعري اخخخ عوف شعري الله يخليك ظليت ابجي واتوسل بي يعوفني لان شكله كولش يخوف واحسه شعري راح يوكع بيده هو ذبني بالكاع وطلع .. ذاك اليوم لهذا اليوم وهو مايحجي وياي ولا يكعد يمي حتى صار مرات مايجي لبيت .. صراحه من بدايه زواجي من قاسم لهسه مااشفت شي مو حلو منه او من اخواته بالعكس كانن اخواته حبابات خاصه نازك صارت صديقتي الروح بالروح هي ثالث سنه كليه تربيه اما حلا مو كولش علاقتي وياها هسه هي خامس علمي هذي ثاني سنه تعيد السنه صراحه هي كولش مدلله عود لان اخر العنقود والصغيرة ولان مالحكت ماحظت لا بحنان ابوها ولا امها فكولش مدلليها خاصه قاسم يعني مافد يوم يطب البيت اذا ماجايب شي الها ولا يوم شفته عصب عليها .. اما مصطفى هو يصير توم هو ونازك مكمل كليه ادارة وقتصاد ويشتغل بمعرض مال محمد لان ماكو تعين وخاصه علاقه مصطفى ومحمد كولش قويه من كانوا صغار اصدقاء لحد ماكبروا وخاصه بعد مافسخ محمد الشراكه بينه وبين ذالك الرجال لان شريك محمد السابق احتاج فلوس لذالك باع النص مالته لمحمد ومن صارت المسؤليه هواي على محمد شغل مصطفى وياه لان خطيه مايلحك بين دوام والمعرض ... ومصطفى خاطب وحدة غريبه يعرفها من الكليه وخطيه تأجل عرسه من وراء وفاة بابا .. اما بالنسبه لدراستي فقاسم غلس عليها اكثر من مرة كتله على دراستي يكول بعدين ومانعرف البعدين يمته ... بس من اتوفى بابا بعد اني سديت هذا الموضوع لان كان خبر وفاة بابا صادم لكل تخربطت اوضاعنا كلنا من ناحيه وفاة بابا ومناحيه مرض ماما اجمعت علينا الضروف من كل جانب بابا على الرغم ظلمني بس من اتوفى اتمنيت لو اشوفه يوم واحد واركض بحظنه مثل ماكنت صغيرة واضم راسي بصدره اتأثرة بخبر موته هواي ماكنت اتخيل يصير بيه هيج كل ظني اني اكره بابا من يوم الزوجني بس كان ظني غلط ... اما مرض ماما لكسر كل حيلي كان كل خوفي افقد امي كنت كل يوم اخابر عشق وابجي على فراق امي صار شهر مااجتي وشافتني كانت كل يوم تجي اشوفني مرات اجيب اليه غراض لو اجيب اليه غداء وتكعد تنصحني حتى اكسب قاسم .. وخاصه قاسم مايخليني اروح لان بيت اهلي بي زلم هواي والشارع مليان زلم علمود وفاة بابا يعني راح يصير شهر على وفاة وكل اسبوع ناس جايه من المحافظات ماشاء الله ولا يخلصون ...... _________________________________________ عشق مرت تقريبا سنتين على وفاة بابا حياتنا تبدلت اول شي صار خلال هذي السنه هو انتقلنا لبيت جديد اني اسمي البيت الابيض ههههه لان فعلا كل الوانه ابيض حتى اغلب الاثاب لونه ابيض ... محمد اصر انو ننتقل لبيت جديد بعد ماشاف صحت امي تتراجع صح امي عاضت هواي لان هذا البيت بي هواي ذكريات طفولتنا وذكريات وياه بابا لذالك محمد بقى البيت لان بي ذكرياتنا وخاصه هذا البيت باسم ماما بابا مسجله قبل لا يموت بس وراء مانتقلنا لبيت الجديد امي اصرت تنقل البيت باسمي واسم غرام ونور تكول هذا ضمان لمستقبلنا ... والحمدالله هذا البيت الجديد وجه خير علينا ماما رجعتلها صحتها ورجعت لها عافيتها قبل صح مو مثل قبل لان دائما باليل اسمعها تبجي لو من اصب الغداء لو العشى هي تذكر بابا الله يرحمه ادري ماما تحب بابا هواي دائما تكول ابوج على الرغم عصبي ومو اي احد يكدر يعاشره بس شايل طيبه بكد الدنيا هو وفر اليه عائله ماكدرت احظى بيها من كنت يم اهلي .. اغلب حجي ماما على بابا وكل يوم مسويه اله ثوب .... اما بالنسبه اليه صار يجون اليه خطابه هواي خاصه من كبرت وتغير شكلي وتصرفاتي بس ولا وحدة من هذني القسم تصير لازم محمد يطلع بي شي يعني من يروح يسأل عليهم حتى على جده السابع يسأل وماما تكوم اشيط وتنطفي وتزعل على محمد لان يعطل قسمتي بس هو يجاوبها برود يمه هي بس هذي بقت وبعدها صغيرة مامستعد انطبها لاي واحد لو تردين يصير مثل ماصار بغرام زوجها ابويه الله يرحمه وهي صغيرة وماتفهم شي ولا عبالج اني غبي ومافهم انو علاقه غرام مو طبيعه بقاسم بس منتظر تجي وتكولي ياخويه مامرتاحه وياه قاسم اني من ايدي اروح واجيبها تعيش هنا ملكه بس هي كل ماسألها شلونج وياه زوجج تكول مرتاحه بعد ماادري امي كلتله يمه قاسم حباب وانت تعرفه وتعرف اخلاقه والله شاهد لو اشوف غرام مامرتاحه وياه اني اكول الك روح جيبها بس اني اشوفها مرتاحه عوفها يايمه بلكت الله يكعد حظها وياه قاسم كال الها يمه اني قابل مااريد سعادتها بس غير خايف عليهن اريد اوفر الهن كولشي مااريد وحدة بيهن محتاجه كالت اله لا يمه ان شاء الله بوجودك مايحتاجن شي .. طبعا اكثر واحد تعبان بينا هو محمد خطيه كولش تعبان من دوامه وشغله وحتى شغل بابا يعني من ينزل من دوامه يظل يركض منا ومنا وكل شهر مخصص راتب اليه ولنور ولغرام على الرغم قاسم مايقبل بس محمد يكول اله هذا حقها ومايصير ناكله هذي وصيه ابويه طبعا ابويه ماوصى علينا بس محمد مايقبل ياكل حقنا ... واما نور صار عدها بنوته وسمتها سمر على اسم ماما وهسه عمرها اربع اشهر تقريبا بس اسوده عليه كل ماتجي تبجي وتشكي من زوجها على كثر خياناته وفوكاها جبر نور تترك وظيفتها التعبت عليها وبس نور ماقبلت وهددها بالطلاق فنجرت تتركها علمود بيتها وبنتها كالت بلكت يتغير ويصير بي خير ويهتم بيه وبنته طبعا من عرف محمد انو نور تركت وظيفتها لعب بيها لعب كلتله زوجي مامقصر وياي وارد اكعد واهتم ببنتي مااكدر اعوفها بالحضانه خاف يصير بيها شي ولا اكدر اعوفها يم خاله زينه هم تعبانه ومريضه مااكدر .. بس محمد ماقتنع بحجي نور وظل يسأل امي اذا صاير شي بس امي ماكالت لمحمد على خيانه زوجها خاف تصير مشاكل مالها اول ولا الها تالي وخاف يخترب بيت نور لذالك فضلت السكوت .. اما اني ومحمد صارت المسافه بينا من السماء لكاع اقتنعت انو هو مو اليه اقتنعت انو هو مثل اخويه عقلي قتنع بس قلبي حاوطته بسلاسل وقفلته لان ادري قلبي مايقتنع بهذا حجي .. خليت حاجز بيني وبين محمد وخاصه من ماما كامت تصر علمود محمد حتى يزوج يعني بين كلمه والثانيه وكالت يمه اخاف اموت مااشوف بزرك وكل مانطلع وشافت بنيه وسألت عنها تريدها لمحمد بس محمد مأجل سالفه الزواج لان مافارغ من الشغل ولو ادري بي هو يحب وحدة ماادري بس احسه يحب بنيه لان مرات من يكعد ويانا يلزم الفون ويراسل واكيد اول مايتعدل وضعه ياخذ امي ويروح يخطبها ..................... زينه ... ولج عشق وينج تعالي عشق .. ها يوم شكو زينه .. وينج من البارحه ليوم لا اطلعين ولا اكعدين يمنا شسالفتج ولج عشق .. ماكو شي يوم زينه ... شنو ماكو شي شو تعالي كعدي يمي عشق .. ( راحت كعدت يم ماما على ميز بالمطبخ وهي كعده تقطع الزلاطه ) زينه ... اي احجي شكو حبيبتي من البارحه ليوم حابسه نفسج بالغرفه وحتى محمد سأل عليج امي كالت محمد سأل عليه وقلبي كمز من مكانه اصرفت عادي حتى مالفت انتباه امي .. كتلها ماكو شي بس تعبانه ... كالت لا بيج شي انتي من سمعتي غرام راح تكمل دراستها وانتي تغير وجهج لا عبالج ماحسيت بيج تر لا عبالج كبرت وماادري عنجن كتلها يوم اني هم اريد اكمل دراستي يعني انتي ترضيها نور دكتورة وغرام راح تقدم خارج واني شنو يعني معقوله الوحيدة بخواتي مامكمله دراسه يعني حتى بنات عماتي وعمامي مكملات دراسي والله عيب من احد يسألني شمكمله دراسه شنو اكول اله ثالث متوسط مامكمله باوعتلي وكالت يمه غرام امرها بيد رجلها وهو رادها تكمل دراسه وبعدين نور هذي التحجين عليها ذيج هي تعبت وسهرت وموتت روحها ولج حتى ابوها الله يرحمه ظل زعلان علبها سنتين من رفضت قاسم وحركت روحها علمود الدراسه وذيج هي بطلت وكعدت تخدم بعمتها وحمواتها وحتى غرام لا عبالج وقاسم يخليها تتوظف لا حبيبتي مايقبل واذا حن قلبه عليها يخليها تكمل كليه .... كتلها ماما حبيبتي فهمي عليه تذكرين من انتي تكولين الشهادة سند اني اريد سند اليه حتى لو بس اكمل سادس المهم احصل شهادة خاف يفتر بيه الزمن وحتاجها ..... صفنت امي شويه وكالت اي والله تدري ولج عشق انتي اكثر وحدة خايفه عليج عكب عيني لانج فقيرة وينضحك عليج بكلمتين خلي اكول لامحمد واقنعه بلكت الله يقبل ... كمزت من مكاني وبستها كتلها صدك ماما تحجين وياه كالت اي يايمه احجي هو اني شنو اريد من حياتي غير فرحتج انتي واخواتج .. بستها من راسها وكتلها الله يطول عمرج يغاليه اكولج يمت يرجع محمد وتحجين وياه كالت ياا شبيج هو اليوم اخوج نزل لدوامه .. ( ها صدك ماكلت الك محمد صار دوامه كل اسبوع وينزل يومين ) يتبع ... السلام عليكم طبعا قبل ثلاث ايام نشرت الكم بارت صح لو غلطانه كلت الكم عندي متحانات والله شاهد ماجاي اكذب كتلكم اجلت كوس كامل وهسه جاي امتحن بعضكم تقبل الموضوع واشكركم هواي علمودكم نزلت هذا البارت بس مع الاسف البعض الاخر اصلا يمكن ماعنده حساس يعني شنو انتوا ماتستحون يعني لدرجه تكولون متت ليش بله لان من ثلاث ايام مانزلت بارت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طبعا هذا صاحب الحساب انسان ماعنده حساس كاتب الكاتبه ماتت بله اخي انت ماتستحي ماعندك ذرة حساس يعني فوك ماتحملتك من بدايه الروايه لهسه تكتب تعليق يسم البدن وتستهزء ماعاجبك لا تقرء ... اني انسانه حالي حالكم مو كل الوكت اكدر الزم الفون واكتب عندي حياتي مو بس انتوا تريدون تكملون الروايه انما اني هم اريد اكملها قبل الدراسه وان شاء الله تكمل ... وارجع اشكر الناس لقدر ظرفي ودعتلي اشكركم هوواي مع السلامه
