عشق .... دخلت البيت وكان اتفاجئ بنور هي بنتها سمر ماشاء الله صايرة مرة راحت سلمت عليها واني متفاجئه بجيتها تقريبا صار الها اربع سنوات مااتقبل ترجع لعراق عفتها هي وبنتها يم ماما طايرة بيها عبالك رجعت لماما الحياة بشوفه نور دائما تكول نور نسخه سمر ماما يعني الله يرحمها ....
راحت لمطبخ واشوف غرام مخبوصه بالمطبخ وريحه البصل خنكتني باوعتلي كالت اتفاجئتي موو؟
كتبها اي ولج انصدمت اصلا كالت عود هي سوتها مفاجئه بس مبين ماما تدري احسها كتلها ماادري اروح ابدل وانزل اساعدج كالت اي والله تر هسه اكعد ادك على راسي من الهوسه ومابقى شي ويجي قاسم والجهال كتلها ياا ولج على كيفج هسه بسرعه ابدل واجيج ....
راحت راكضت بدلت لبست دشداشتي السوده ونزلت شال وياي خاف يجي قاسم....
نزلت ساعدت غرام اني طبخت التمن وهي مجهزة الحشوة مالت البرياني واكفه اسوي تشريب لحم اني وكفت غسلت الاماعين ومسحت الكاع وراحت كعدت يم غرام كاعدة اسوي زلاطه اني كعدت سويت الخضورات باعتلي وكالت ماشاء الله شفتي بنت نور شكد كبرانه متغيرة ولا عرفتها كتلها اي والله اني هم مااعرفتها ماشاء الله صايرة مرة اكلج لعد زوج نور وين كالت لج مااصدكين جايه وحدها تكول زوجي عنده شغل مااكدر يجي واني مشتاقه لخاله زينه ...
كتلها عزززه شلون دبرتها هو اني من المعهد لبيت اجيت ركض ....
هي ضحكت وكال شبيج حبي ماتعرفين نور اسوي لبراسها وهي متحررة الله يرحمه ابويه ماكان يكول الها لا بس احنا قيدنا ولعب بينا لعب الله يرحمه حرمنا من كولشي لج مو قاسم يطلعني مرة بالسنه عود اذا متت بالتواسيل واكون قبلها زعلانه شهر حتى يطلعني من اطلع اظل فاتحه حلكي شلون الناس متغيرة ولج البنات قبل مايصير عبايه هسه لا عيني يركض بالمولات بالبنطرون واني اذا طلعت قاسم يظل يعير بيه لشهر طلعتج وطلعتج منا لمن ياكل قلبي .....
باوعتلها وكتلها كلمن حظه خيه ...
كمت كبست التمن وكمت وكالتلي غرام صبي هسه هم بالطريق هم والله صبيت السفرة شكبرها ماشاء الله كلشي مسويه غرام ماادري يمت لحكت شويه دخل قاسم والجهال اول ماادخل قاسم وشاف نور ظل مصدم بمكانه وصافن عليها منا لمن راحت هي سلمت عليه وحلكه انشك شك بالضحك وياها حيل يابه صالي شكد مااشفت قاسم هلكد ضحك وشاقه ..
باوعت لغرام شفتها كاعده بالمطبخ مثل كل مرة وتباوع علينا راحت عليها كتلها شكو صافن الحلو باوعتلي كالت لا مابيه شي اكلج طلعي البن من الثلاجه على ما اطلع الزلاطه كتلها لا روحي كعدي اني كولشي اطلع كالت تعبتج وانتي هستوج راجعه من المعهد كتلها لا ولج تعبج راحه روحي كعدي ومعليج بالباقي .....
كاعده اوزع الماي والبن على السفرة وسمعت قاسم كال بصوت عالي اععععع شنو ريحه البصل هذي احنا...
اشوفهم كلهم صفنوا امي كالت يمه غير من الاكل مااشوفه ذاك هو كال الها لا يوم اقترب على غرام وكال الها خرب بيوم شنو هذي الريحه شبيج ...
اشوف وجه غرام انخطف احمر على اصفر ....
نور ضحكت وكالت خطيه صار الها ساعه غركانه بالبصل كتلها عوفي وتعالي اندز اكل جاهز هي مااقبلت ......
هو ضحك وكال عوفها هي طول عمرها هيج اتعودنا عليها .......
اني انصدمت اصلا من يمي انكلب وجهي احمر غرام ضحكت واحسه راح اطك من البجي كامت تحوص كالت كايمه اساعد غرام واحسه صوتها بي عبرة مالت بجي ....
طبيت لمطبخ وظلت تفتر بي طبيت وراها كتلها حبيبتي غرومه شسوين كملت
كالت هااا اكلج عشق اني راسي يوجعني صاعده انام
كتلها ياعمري لا اضوجين من حجيه انت مااتعرفي لقاسم خلي يولي ....
هي مسحت دموعها وكالت ههه لا يمعوده اصلا مايهمني صاعده انام ....
صعدت غرام وامي ضاجت وحتى مااتغدت زين واني بالجذب كعدت على الاكل علمود ماما وقاسم اصلا ولا سأل ولا كال وين غرام شكد حقير ليش يصرف هيج صدك جدب من يمته هيج قاسم يصرف .....
خلصوا غداء امي راحت نامت هي ونور وبنتها وكملن راح لغرفته اني اخذت الاماعين وكعدت اغسل بيهن من لمن انكسر ظهري يله كملت .....
اخذت صنيه بيها اكل لغرومه اعرفها مانايمه ومن تزعل لازم تاكل اووويلي عليج اسوده عليه حظج مثل حظي ...
اخذت الصنيه شفتها فتحه كتبي تقرء بيهن وجاي تاكل من الغراض الجبتهن وموعها عشره عشرة خليت الصنيه يمه وحظنتها كتلها اروح فدوة الج لا تبجين ياروحي خلي يولي قاسم طاح حظه ...
كالت وهي تشهك تعبت عشق تعبت اني الى متى ابقى بهذا الذل ....
اني سكتت مااعرفت شجاوبها ظلت تبجي وتحجي منا لمن عيونها صارن دم باوعتلي كالت شفت شكد حقيرة نور ولا دافعتلي ولا عبالك اني اختها ...
كتلها حبي خلي تولي انسى ....
اني كعدت اكل نسته وهي خطيه وكعت الاكل تاكل وتبجي الله يساعدها اني من يمي دمعت من موقف قاسم .....
كملت غرام اكل نامت خطيه راسها كام يوجعها اني اخذت الصنيه ونزلت اغسل الاماعين وكان اسمع صوت نور ماادري اتخيل لو صدك سمعتها عبالك تبجي ....
راحت لغرفه ماما امشي على اصابعي حتى لا يحسون بيه اقتربت من باب الغرفه وكان اسمع نور تبجي وتكول لماما .....
خاله والله مااعندي حظ وين مااروح مسدوه بوجهي
امي كالت الها لا يمه لا تكولين هيج يمكن بيها صالح الله ماايسد باب اذا ماايفتح الف باب ....
كالت الها يوم اني خايفه على نفسيه سمر حاف تتعب تعرفيها انتي شكد حساسه وعلى اقل شي تبجي........
كالتلها حبيبتي كولشي يصلح وهي صغيرة وتنسى تلتهي وياه الجهال والله كريم انتي بس ديري بالج عليها هي ماشاء الله كبيرة وتخبل صيرة
كالت الها الله كريم ....
ظلت نور تبجي وتحجي كلام ماافتهمته وامي هم تحجي وياها بصوت ناصي ومااسمعت شي راحت راكض لمطبخ عزلته وخليت الجاي على النار هدئه لان العصر امي تحب تشربه صعدت شفت غرام نايمه فاتحه حلكها خطيه من الصبح لحد هسه تركض الله يساعدها اخذت كتبي ولملزم وطفيت الضوء وطلعت عفتها تنام على راحتها .....
صعدت بالسطح فرشت وخليت كتبي وكعدت كان الجوى حلو كلوش مغيم وبي هواء عالي فتحت كتبي قريت المحاظرة لقريتها اليوم كانت سهله عكس توقعي يمكن لان شرح الاستاذ كولش حلو وسهل راسن يدخل لعقل الطالب .....
بقيت اقرء منا ل٥ العصر كملت لميت غراضي وطبيت شفت غرام بعدهي نايمه خليت كتبي بالغرفه ونزلت شفت امي كاعده هي ونور وسمر صبات جاي وكعك اني بست امي وظلت تسألني على المدرسين والمحاظرلت ونور شجعتني اكمل دراسه وكالت مااكو احلى من الدراسه تنعش حياتج ....
لحظت سمر مااتحجي لو تحجي قليل كلمه لو كلمتين على الرغم من كانت صغيرة كولش وكحه وحركه وهواي تحجي يمكن سن المراهقه هو مأثر عليها ....
عفتهم وراحت سويت كيك وجهال غرام نزلوا يم ماما ...
كعدت اراقب الكيكه اجتي نهى كعدت يمي ومبينه ضايجه باوعتلها كتلها دبدوبه شكو ضايجه باوعتلي وكالت خاله اصلا مااشفتني شكد ضعفانه اليوم ..... ضحكت وكتلها اي ماشاء الله شلون ضعفتي ماتعلميني ....
كالت ليش مااشفتني اليوم مااتغديت .....
اني ضحكت بصوت عالي وكتلها ياظالمه لو ما شفتج اكلتي ماعون التمن كوله ...
كالت يااا خاله غير ابدأ درجه درجه خما اكطع الاكل نهائيا واموت .....
كتلها لا عمي حقج ....
كالت بس خاله اني ضايجه على ماما احسها مقهورة حتى مااكعدت اكلت ويانا على الاكل اني خايفه خاف تعوفنا احنا وبابا وتروح مثل ام صديقتي ...
كتلها لا حبيبتي ماما ماتكدر تعوفكم انتوا روحها من الدنيا وبعدين عادي مشاكل عاديه بين بابا وماما ويصالحون بعدين هسه مو انتي وملوكه تتعاركون وبعدين تصالحون هم بابا وماما يصالحون .....
كالت اي اصلا بابا يحبها لماما .....
كتلها اي ياعمري وماما هم تحبه ...
هي اقتربت على اذاني وكالت راح اكولج شي بس مو اكولين لبابا ....
كتلها اي كولي مااكول لاحد ....
كالت مرات اسمع ماما تغلط على بابا من اتقريني ...
ضحكت وكتلها الله يساعدها زين مااطلعت عن الاسلام من وراج.......
كالت خاله اصلا كتلها مااريد ادرس واكعد مثل خاله عشق بالبيت ...
كتلها ولج مو بعينج اني مو كاعدة اقرء واروح واجي ...
كالت بس انتي مااجاي تروحين لمدرسه اني هم مااحبها ومااريد اروح
كتلها .... اني اختلف عنكم مو اني جبيرة والكبار ماايروحون مدرسه يكعدون يقرون بالبيت ومن يجي وكت الامتحانات يروحون يمتحنون .....
سكتت شويه وكالت اروح اكعد امي ....
كتلها لا ولج عوفيها نايمه خطيه تعبانه ...
كالت لعد اروح اكعد بابا ...
كتلها ليش ابوج بابيت ...
كالت اي شفته صعد لغرفته نام وملوكه نامت يمه ...
كتلها ها زين لعد ..
كالت خاله يمت تنطيني كيكه ...
اني ضحكت وكتلها لعد والرجيم
كالت اي عادي مايسمن اصلا اني مااكل هواي بس قطعه ....
ضربتها على كرشها وكتلها لعد كومي غسلي الاماعين حتى اطلع الكيكه ..
كصيت الكيكه وزعتها عليهم وعزلت لغرام ...
ونزل قاسم شايل ملوكه وعلى ضحك وسوالف وتحشيش ...
نزلت هم غرام وكلنا كعدنا بالحديقه ...
كان كال قاسم لنور ليش مااطلعج ازورين انتي وبنتج واخذكم لمطعم باوع لماما كال الها يمه انتي هم طلعي ويانا ....
امي كالت اله لا يوم اني تعبانه روحوا انتوا واخذ غرام وتونسوا ...
هو باوع لنور وكال الها ها شكلتي ...
كالت اي والله اريد اطلع شويه ازور ومشتاقه لزيارة واريد اخلي سمورة اشوف النجف ...
كال يله لعد كومي بدلي انتي وبنتج ...
امي كالت الها اخذ غرام والجهال وياك صالهم هواي مااطالعين ...
كال الها يمه هوسه اصير ومااسيطر عليهم وبعدين اطلعهم ...
طبعا راح هو ونور وسمر ...
وغرام اختفت ولا كعدت يمنا كالت راسي يوجعني وصعدت .....
اني صار الدنيا مغرب طبت امي اصلي والجهال طلعوا كتبهم كتلهم عوف ماما اني اقريكم .....
كعدت سويت عشاء وهم قريتهم وساعدتهم بتحضر جنطهم ......
وغسلت ملابس المدرسه مالتهم وخليتهم كعدين على الكارتون بس محمد راح يم امي روحه بيها حتى يصيح الها ماما من هو صغير لحد ماكبر هو اغلب الوكت ينام يم امي ...
صارت بال١٠ صعدت البنات ينامن ومحمد نام يم امي وجهزت غرفه لنور وبنتها ينامن بيها هم طبعا لهسه مااراجعين واشوف غرام مثل البركان تريد تنفجر شحده واحد يحجي وياها كلمه وحدة .....
اني حضرت غراضي لان هم عندي باجر محاظرة ونمت غرام ظلت كاعده اعرفها هسه قلبيها نار وينها وين النوم .......
كعدت الصبح تقريبا الساعه بال٦ شفت غرام ماموجودة هم غسلت ولبست بنطرون وقميص واخذت كتبي ونزلت شفت غرام واكفه اسوي ريوك وماما كاعده يمها كلت صباح الخير وبست ماما ....
كلت لغرام البارحه ياساعه نمتي مااحسيت بيج ....
كالت مانمت لان شبعت نوم الظهر ..
كتلها هاااا لعد قاسم ونور رجعوا.......
كالت اي رجعوا يمكن الساعه بال ١٢ باليل
كتلها حيل شدعوا
امي غمزتي وكالت مو طلعوا متاخرين لذالك تاخروا
اني غيرت الموضوع وكتلها ليش الجهال لهسه نايمين ماايروحون المدرسه ...
كالت لا اليوم ظهري كتلها لعد اني هم اطلع عندي محاظرة بال٧ ...
ودعت ماما وطلعت ....
الجوى مغيم وعاصفه وقليل ناس بالشارع ظليت امشي وكفت يم محل لشتريت ماي ولحظت سيارة سودة نفسها البارحه شفتها الصبح كمت ابلع بريكي بلع كلت هاهيه ياعشق اليوم مخطوفه يعني مخطوفه خاف البارحه شردت منهم اليوم يلزمون ...
ظليت واكفه يم ابو المحل مااريد اتحرك ...
يتبع ...
صباح الخير والعافيه عليكم شلونكم حبايبي عساكم بخير وصحه وعافيه طبعا هم ماكو تفاعل ولا اكو تشجيع الا القليل راح ابدأ لمايتفاعلون نهائيا راح انطي بلوك ...
المهم طبعا انتوا جاي تلاحظون شويه حزن بالبارتات بس هذي حياتنا لان ايامنا الحلوة دائما قليله صبروا وراح تتفاجئون بالأحداث وشكرا الكم ...
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
