عشق.... اقترب عليه محمد وهمس يم اذاني وانفاسه تحرك ركبتي كلي ماتخيلت طعم شفايفج عسل هيج راد يصير بيه سكر من وراج ...
ضربت بصدره واخذت سمورة وراحت ركضت لغرفتي خليت هذي اليله سمر تنام يمي خاف تفز باليل وتكعد ماما او نور ...
كعدت الصبح على بجي سمر كعدت شلتها وبدلت الها وطلعت شفت البيت فارغ اكيد كلهم طالعين حضرت ريوك اليه وحليب لسمر كعدت اكل وابتسم كل مااذكرت كلامات محمد وغزله ...
كملت اكل خليت العاب سمر بالصاله وكعدتها وكمت نظفت البيت وسويت اكل طبيت اغسل ولبست دشداشه مخصرة على جسمي لونها اسود وبيها خطوط من اطرافها سمائي طلعت عليه اجنن مشطت شعري وكعدت العب وياه سمر بس اهلي كولش اتاخروا صارت بال١ ونص الظهر وهم ماموجودين وسمورة جاعت كمت وكلتها ونامت صارت بال٢ اندك الباب لبست شالي وركضت فتحت الباب دخلت ماما ونور ومحمد وياهم جنط هواي اتوقع غراض نور ..
راحت صبيت الاكل كعدنا ناكل ونور ضايجه والدمعه بعينها خطيه كل ساعه تنزل دمعتها وتمسحها وماما كعدت تنصحها وتكول الها هو نذل ومايستاهلج ومن هذا الكلام خطيه اليوم اطلقت واخذت حضانه بنتها صار طلاقها بسرعه لان هو مااعترض راسن قبل بالطلاق حتى مااراد بنته وهذا الشي كسر نور اكثر ...
امي كالت الها ترجع لوظيفتها ولحياتها وتبني نفسها من جديد ومحمد شجعها على هذا الشي هي كامت تبجي ومحمد كام حظنها وباس راسها وكلها ماطول راسي يشم الهوى مااخلي وحدة منجن مكسورة وماما كامت تبجي وياها ...
ماما كولش تعز نور دائما تكولي احسه نور صديقتي مو مثل بنتي لان نور فاهمه والكل ياخذ رائيها حتى بابا الله يرحمه ...
كان الوضع كئيب خاصه من التحق محمد بالمعسكر وترك نور المكسورة وماما الضايعه المتعرف شنو اسوي حتى تجمع حطام نور وتركني واني غارقه بحلامي وياه ...
محمد صار حبي صار حياتي وكل املي صار النور وسط ظلامي مايمر يوم اذا مانتراسل اني وياه مايمر يوم اذا ماانام على انفاسه زاد حبي اله صرت معشوقه محمد رجع قلبي بكل نبض ينذره لمحمد ....
مرت الايام وحياتي مثل العسل غركانه بي حياتنا هادئه نور منعزله وحتى من يجن عماتي ابدا ماتطلع عزلت نفسها عن الكل ماعدا ماما ..
ماما مااعرف شلونها اوصفها منو يصدك هذا المرة مرة ابويه منو يصدك كل هذا الحب والحنان والتضحيه يطلع من مرت اب ..
مرت اب تبجي قبل لا احنا نبجي مرة اب خسرت شبابها وكسرت عمرها علمود تربينا مرت اتحملت الضرب بس حتى مايضربنا بابا مرت اب اتحمل الاهانه والذل بس حتى انكمل تعليمنا مرت اب ذبت روحها بالنار علمود تنقذ نور ...
ونعم الام مافد يوم اعتبرنها مرت اب امنا هذي امنا وكل حياتنا الحضن لحمينا مهما كبرنا ....
كل مانكون ضعيفين ناخذ القوة من ماما ..
ماما طول عمرها قويه مافد يوم شفنها ضعيفه ..
الا يوم دارت بيها الدنيا وشفنا ماما ضعيفه وهي تقابل مصدر ضعفها جزء من ماضيها ماضيها الطول عمرها حاولت تهرب منه حاولت تتخلص منه بس ماكانت تعرف انو الماضي يبقى معلق بينا ماكانت تعرف انو الماضي جزء منا ...
كنا كاعدين بالحديقه اني وعيوني على محمد وهو كاعد يشرب جكاير ويحجي وياه ماما على دوامه وبحظني سمر تلعب وماما كبال محمد تشرب جاي وتحجي وياه ونور كاعده ويانا بس تفكيرها بغير عالم ...
سمعنا الباب يندك كام محمد يفتح الباب دقايق ومحمد اجى النا وجه مايتفسر باوع لماما وكلها حجيه كومي لبسي حجابج اكو شخص يريد يشوف امي صفنت بوجه وكلتله منو كلها اشوفيه وانتي تعرفيه كامت ماما لبست حجابها وطلعت لستقبال واحنا وراها لبسنا حجابنا طبت ماما لستقبال هي ومحمد ونور واني راحت اجيب اصب عصير وكيك محمد كال اليه وبيدي سمر اوكل بيها كيك ..
اخذت الصنيه وقبل لا ادك الباب سمعت صياح ماما وهي تعيط بصوت تعبان ومكسور ...
دكيت الباب واني ايدي على قلبي خاف صاير شي فتحت نور الباب وجها مايتفسر اخذت الصنيه هزت براسي الها بمعنى شكو اشرتي بمعني بعدين اخذت الصنيه وسدت باب الستقبال ظليت واكف وراء الباب اسمع شكو
سمعت ماما وهي تكوله شتريد جاي جاوبها شخص بصوت تعبان كولش ومبين عليه الكبر كلها سامحيني ماما ضحكت وكالت اله علمن اسامحتك .......
واكفه ولزكه اذاني بالباب وانفتح الباب وكعت يبووو مااسالف الكم شلون فشله والكل يباوعلي ...
باوعلي محمد وهو كوه لزم حلكه لا يضحك وكلي يكومي بويه سوي عشى عدنا خطار كمت اني وماما راحت لغرفتها ودموعها على خدها ونور راحت وراها ومحمد اخذ رجال كولش كبير بالعمر ولحيته طويله مشيب لغرفه الضيوف ...
راحت اسوي العشاء واجتي نور لمطبخ اساعدني لزمتها من ايدها كتلها شكو شبيها امي تبجي ومنو هذا الرجال كالت عمه ان شاء الله شبيج على كيفج هذا الرجال اب ماما كتلها شنوووووو كالت اي ولج اني هم تفاجئت كل ظني انو هو ميت لان ولا مرة خاله ذكرته يمنا كتلها لعد وينه كل هذي السنوات كالت ماادري ماحجوا شي بس كال الها سامحيني وماما ماقبلت وقبل لا اصير عركه محمد كال لماما
اليوم جدي ينام يمنا لان جاي من طريق وتعبان وبعدين الحجي كتلها ياا اكولج شو محمد ولا مبين عليه متفاجئ يعني عبالك عنده عادي عبالك يدري بي راح يجينا كالت اي والله اني هم انتبهت لهذا الشي .....
خلصنا تحضير العشاء اني ونور ومحمد اخذ العشاء الهم كعدنا نتعشى اني ونور وماما بالمطبخ وماما ساكته ماحجت شي بس دمعتها بعيونها ..
ومحمد وجده بالصاله يتعشون ..
كملوا عشاء كمت غسلت الماعين ونور سوت الجاي ونطينا الهم دخلت ماما ومحمد وجده لستقبل وسده الباب نور ظلت تسمع وراء الباب واني كمت غسل الماعين وكفت يمها سمعت محمد يكول يمه اني ماريد اجبرج على شي بس هذا جدي وماعنده احد بعد الله غيرنا انتي شنو اكولين اني انفذ ..
جده كال بويه زينه ادري ظلمتج يابويه مو بس انتي ظلمتج حتى امج الله يرحمها ...
امي راسن قاطعته وكلتله لا اجيب سيره امي على السانك ..
كلها بويه ادري اني غلطت سامحيني يابويه سامحيني اني مابقى شي بعمري
امي كلتله عليمن اسامحك على اي وحدة على انت كتلت امي بديك لو انت حرمتني من خنان الاب خلينتي يتيمه وانت عايش ولا يوم بعمري حسيتك سند اليه كنت اشوف الاب شلون يعامل بنته شلون يوكف وياها ويسندها وانت شنو سويت كولي غير بس الشرب والنسوان كولي انت فد يوم وكفت وياي حسيتني انت ابويه انت اخذت امي تعرف شنو امي حرمتني منها ومن حنانها بس مااكول الك شي غير حسب الله ونعم الوكيل بيك حسب الله ونعم الوكيل بيك طول عمري راح ابقى ادعي عليك ...
طلعت ماما من الستقبال ودموعها سابقاتها راحت نور وراح واني مصدمه خطيه ماما لعد شكد متعذبه بحياتها اسوده عليه طلعت خلف هذي الضحكه الف حزن وكسره ...
محمد اخد جده وراح وماادري وين اخذه ...
راحت دكيت بابا الغرفه مال ماما طلعت نور كلتلي اشش خطيه هستوها نامت عوفيها انطيتها حبابه مهدئه بلكت ترتاح وتنام كتلها ان شاء الله كالت اني هم رايحه انام هذي سمر تنحست لان بال١٠ تنام وهسه صارت ١١ مامتعلمه تسهر كتلها اوك تصبحين على خير ..
راحت نور واني هم راحت لغرفتي لبست تراك وتمددت اجتلي رساله من حمودي حتى افتح اله الباب لان نسى المفاتيح نزلت فتحت اله الباب
طب كال اليه حبيبتي شلونج بتسم وكتله الحمدالله كلي جايب الج هديه كتله شنو كال تعالي انطب وانطيها الج ...
طبينا جوى وسديت باب كعدنا بالحديقه وطلعلي علبه صغيرة وانطاها اليه....
فتحت العلبه طلعت كلادة مكتبوب عليه اسمي ومنقوش عليها من وراء اسم محمد وناقش بصفها ام سند ...
عقدت حواجبي وباوعتله كتله شنو ام سند هو بتسم وكال انت ام ابني اذا شاء الله وازوجنا والله رزقنا بطفل اريد اسمه سند ضحكت وكتله شمعنى سند ..
حك راسه وباوعلي كلي شبيج حبيبتي تر مبين من اسمه سند يعني سند اليه والج بعد الله سبحانه وتعالى نزلت راسي وكتله ان شاء الله كال خلي تهدء هذلي الايام واحجي وياه امي حتى نزوج رفعت راسي راسن وكتله الله عليك هو ضحك وكال اي والله شوفي الشيب ترس راسي اريد ازوج كتله ان شاء الله كلي كومي حبيبتي نامي كتله وانت راح تبقى كاعد كال اي شويه وانام كتله محمد ابو ماما وين راح ...
هو جر حسرة وكال وديته لذالك بيتنا كتله ياا وماما تدري كال لا ماتدري ولا تكولين الها جدي مريض وحالته تعبانه صار اله سنه كامله عايش بالشارع وياكل من الزبل ومرة وكعد وتخربط واخذوا لمستشفى واجتي الشرطه شافت اسمه وكتبوا اسمه بكل المركز ومن شفت اسمه اتفاجئه اني الملازم جدي يعيش بالشارع لا ضميري يرضى حتى لو كان ظالم وظلم امي بس مو معنها اذبه وهو رجال جبير كتله زين ليش ماتحجي وياه ماما وتقنعها حتى يعيش ويانا هو جر حسرة وكال امي جرحها مانشف امي اتعذبت هواي بحياتها وكان بدايه عذابها هو جدي خلي شويه تهدأ وهي وحدها تروح اشوفه كتله الله كريم ...
باوعلي وكلي اكولج عشقي كتله ها حبيبي هو فتح عيونه وكلي شنو كلتي كتله ها حبيبي كتلك كال يمه يروح الج حبيبج سبع فدوات ..
حسيت خدودي صارن نار كلي عشقي اني اعشقج لجج كل يوم احلم بيج نايمه على ايدي كتله محمد من يمت تحبني كال يوووو من هستوج تمشين كنت اقنع نفسي انت اختي بس قلبي ماكان يقتنع شكد حاولت ابتعد عنج بس ماكدرت كل مااشوفج كدامي تتنعوصين وتفترين ورايه مثل خيالي اني اتخبل بحبج كتله لعد ليش كنت اصدني كل مااتقرب منك كال ولجج مو كتلج عبالي مشاعرج مجرد اعجاب وبعدين تروح خفت ازوجج وانتي صغيرة ماتفهمين شي واظلمج ردت من اكبرين وتوعين وانتي تقررين بكيفج اني ضحك كتله شقرر اذا انت كل مايجي اليه خطابه ترفضهم هو ضحك وكال لا قصدي لو تقررين تزوجيني لو تزوجيني يمي ماانطيج لاحد انتي قطعه من قلبي كتله محمد اني احبك واموت بيك بس خايفه هو باوعلي بقلق وكال ليش خايفه بعد روحه لمحمد كتله خايفه يامحمد تتغير عليه بعد الزواج لو تعوفني كلي والخلق السموات والارض ياعشق بنت وثاب مااعوفج لاخر نفس ونعيش سويه على الحلوة والمرة ...
_______________________________________
غرام ... رجعت من المستشفى وجسمي كوله يوجعني وصاير ازرك خطيه نازك كعدت يمي اسبوع وهي تعتني بيه ..
طول هذا الاسبوع مااشفت قاسم حتى كام ماينام وياي بالغرفه نهائيه طول هذا الاسبوع مالمحته بس اسمع صوته ...
يوم عن يوم اتمنى اكوم على حيلي حتى اشوف قاسم اشوف زين ليش مااجى هو شافني ليش كان دائما من اتمرض يظل كاعد يمي وهو يعتني بيه حتى لدوام مايروح هسه ليش هيج ابتعد عني حتى كلمه الحمدالله على السلامه ماكالها ...
ماادري احسه اني مشتاقتله مشتاقه لهتمامه لخوفه عليه لحرسه هو صح اذاني بس كلام نازك صح اذا ضيعت قاسم مالكيت احسن منه طول عمري ...
طلعت من الحمام واني مبدله وكاشخه اخر حبه وخليت مكياج نازك ...
طلعت شفت البيت مخبوص ونازك وحلا يفترون ينظفون ويطبخون شافتني حلا كالت والله عمي احنا نخدم وحضرتج نايمه شنو عروس وماندري لو انتي اميرة واحنا نخدم بيج ..
ردت عليها نازك كالت الها انجبي واشتغلي وماعليج بيها مريضه خطيه ...
كتلها نازك شكو ..
هي توترت وكلتلي ماكو شي بس راح يجون خطار على الغداء حلا كامت تضحك وكالت خطيه مااتدري نايمه وماتدري الماي تمشي من تحتها ...
نازك نترت بيها وكالت الها نجبي لجج ولي لمطبخ
كلت النازك واني احاول اطرد الافكار من راسي حسيت جسمي كام يرجف كتلها شكو شنو قصدها لحلا ....
يتبع صبحكم الله بالخير شلونكم حبايبي ..
راح اجاوب على اكثر الاسئله لنطرحت
اولا شكم بارت وتخلص الروايه
باجر اخر بارت وتخلص الروايه ان شاء الله
ثانيا هل الروايه حقيقيه لو من الخيال
لا الروايه حقيقيه بس بيها مزج من الخيال وطبعا هذا البطله طلبت هذا الشي حتى محد يعرفها ...
ثالثا شلون زينه عاشت بيت جيرانهم يعني هذا الحدث مو معقول
زينه عاشت بيت جيرانهم لان تركت الوظيفه وعدها معيل وكانت ام مصطفى انسانه خلوقه وصاحبه فضل عليهم وتكول زينه انو اغلب وقتها وهي صغيرة بيت ام مصطفى فمتعوده تبقى هناك
وشكرا الكم واي سأل تكدرون اسألون ورجائا لا احد يجاوز على ابطال الروايه سواء كان ظالم او مظلم لان هذا الحياة لازم يتقسم الناس بين الظالم والمظلوم
شكرا الكم وصح البارت مو قصير انما طويل و٣٠٠٠ كلمه يعني ابقى بالساعات اكتبهن لذالك اذا ماحسين بالتعب لاتستهينون بي وشكرا باي
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
