ترك بصماته على جسدي

بارت ٣٤

غرام .. مر تقريبا سنتين على وفاة بابا الله يرحمه حياتي تبدلت بديت اقرء واشد حيلي صار اغلب وقتي بس اقرء صراحه قبل سنتين بليله عرسي من سألني قاسم شنو اريد كتله اكمل دراستي بس اني اصلا مو بتفكري الدراسه ولا احبها حتى ماعارضت بابا الله يرحمه من بطلني من المدرسه بس من كلت هيج قاسم ردتها حجه حتى مايرجعني لابويه بس هسه الوضع تغير ابويه توفى يعني صار ماكو حاجر حتى ارجع لبيت بس كلام ماما خوفني خاصه من كلت الها اريد اطلق من قاسم كالت اليه يايمه الطلاق مو سهل عبالج اذا اطلقتي تعيشين مرتاحه لا حبيبتي من تطلقين من قاسم نظرت العالم تتغير عليج كتلها ليش تتغير قابل شنو مسويه اني كالت ماما حبيبتي اريدج تفهميني انتي صح مامسويه شي وبس العابم والناس اذب الصوج بيج حتى لو الذنب على قاسم زين عوفي العالم طز بيهم زين انتي تتحملين تبقين بالبيت محبوسه لا عبالج ابوج مات تاخذين راحتج لا حبيبتي محمد اضرب منه روحي سألي اختج كليها تطلع اطب اسوده عليه محبوسه بالبيت وبعد عيني يايمه اذا متت وازوج اخوج شصير بيج اصيرين خدامه لها لا ولد وتلد ..
ظليت صافنه بوجه امي كل حجيها هذا ماحاسبه حسابه يعني مافكرت شنو حياتي وراء مااطلق من قاسم ..
كملت امي كلامها وكالت يايمه قاسم رجال حباب وانسان خلوق انتي لو تدرين شكد وكف النا من اتوفى ابوج ولج يمه لو وحدة غيرج تكسبه وتخلي خيمه على راسها شو ماناقصه شي جمال واخلاقه وادب والله رازقه ولج غيرج يتمنى اظفره كتلها يوم ماادري مااحسه يوالمني يعني احسه جامد وبارد امي فتحت عيونها على وسعهن وكالت ولج شلون عرفتي بارد يعني حاولتي تقتربيله وهو صدج اني وجهي انكلب نار كتلها بسرعه لا يوم مو هيج قصدي كالت لعد ياحظي شنو قصدج كتلها يوم مثلا ولا يوم ماكعد ويانا على التلفزيون ولا سولف ويانا وحتى قليل اشوفه يضحك ماادري احسه متكبر وحتى مرات اتمنى   اكعد يمه واسولف بس هو وكته كله لو لزم الابتوب ويشتغل عليه لو طالع خو موضوع الطلعه كف ثاني يعني ماما كل اسبوع لازم مرتين يسافر مرة لو لشمال لو لبغداد وحتى مرات يطلع لنص اليل يله يرجع بله هذا شلون اكسبه والله يمه حتى مرات اشوفه يشاقه ويضحك وياه اخواته ومن يشوفني يكلب خلقته باوعتلي وكالت شوفي يمه خلي اكول الج نصيحه خليها ترجيه باذانج المرة بيدها تغير الرجال اذا رجع لبيت وشاف الوجه الحلو يستقبله الاكل ليسند طوله الراحه اهم شي عند الرجال يرتاح هو خطيه يركض طول اليوم بالشغل من يرجع لبيت لازم يلكي الراحه مالكاها يهج ويطلع من البيت يايمه كعدي يمهم سولفي وضحكي بس برزانه وبثكل وخاصه كدام اخوه حتى يكول نعم التربيه صيري واعيه بحجيج مو كل كلمه تنكال اكو شي ماينحجي اسرارج انتي وزوجج لا اطلعيهن ابدا لاي بشر حتى لو اني يايمه تر اذا طلعتي سر من اسرار بعد مايثق بيج ابدا كتلها بستهزء يايمه خلي يحجي وياي بالاول وبعدين الله كريم لاسرارة كالت بله بربج انتي يمه اخر مرة باوعتي لنفسج بالمرايه شايفه نفسج بله هذا وجه مرة مزوجه حواجبج مطبوكات وجهج كله شهر ودشداشتج سوده وشعرضها مثل دشداشه العجايز ولج انتي قبل ماتزوجين شكد كنتي تعتنين بنفسج وشكد تحطين كريمات وحتى كنتي تحفين وجهج على الرغم ابوج الله يرحمه مايقبل تحفين بس انتي تعاندين وتحفين وتعتنين بنفسج هسه شجاج ياحظي كتلها يوم غير لبسه اسود على ابويه مو هسه انتي وعشق لبسات اسود ضحكت وكالت ولج يمه غير اني لبسه اسود على ابوج بعد مايحلى اليه البس الون من بعده انتي مرة مزوجه بعدين صار سنتين يايمه مايصلح على رجلج تلبسين اسود مو نور نزعته من دورة السنه انتي نزعي حبيتي ولبسي وتمكيجي وتعدلي لرجلج واءا ماجاب نتيجه بعد لا احجي ولا انصحج كتلها الله كريم نشوف ...
من ذالك اليوم واني بديت اغير بنفسي اهتم بنفسي وبمستقبلي كمت اخصص وقت خاص اليه حتى الكل انتبه عليه كمت احجي برزانه وثكل حاولت اغير نفسي قدر المستطاع حتى خليت نازك تاخذني لصالون واحف صدك بين وجهي وطلعت اخبل واشتريت كومه ملابس يجنن ...
نازك هذي اخر سنه الها بالجامعه وخطيه قسمتها لهسه مااجتي على الرغم يجون نسوان يشوفوها وبعد مايرجعون او يسأل عليهم قاسم ويطلعون مو خوش ناس ماتصير القسمه خطيه نازك والله احسها مثل اختي وحتى من تكعد وتنصحني حسها مثل امي مرات انسانه واعيه ومثقفه وكولش حبابه والله اتمنى الها كل خير اما حلا المغرورة صار الها سنتين بالسادس ومغرورة بنفسها كل كلمه والثانيه تسألني ليش ماكملتي دراسه اووي هسه صديقتي يسألني مرت اخوج القاضي شمو مكمله دراسه شنو اجاوبهن ..
مرات ارد عليه واتعارك ومرات اشوف حجيها صدك يعني اخوها قاضي وشكبره بالدوله حتى حرس يمشون وراء وزوجته ثالث متوسط مامكمله ويمكن صدك قاسم هم يستحي مني لذالك مايطلعني وياه ولا يسفرني وياه ...
لذالك اصريت على قاسم اكمل دراستي وكمت اكل براسه منا لمن قدم اورافي وصرت اثابر حتى احصل شهادة ومركز اليه ارفع بي راسي ومحد يستهزء بيه .
اما بالنسبه لامصطفى خطيه فسخ خطوبته لسبب مانعرفه لحد هذي الحظه ماكال لاحد عن سبب فسخ خطوبته وسد موضوع الخطوبه نهائيا بحيث كل ماتحجي وياه نازك حتى تخطب اله وحدة مايقبل لو يتحجج  .......
كنت كاعدة بالغرفه وراء ماخلصت غسل لاماعين مال العشاء مو مثل العادة قاسم ماموجود طالع بره ..
كعدت اخلي كريم مرطب لوجهي واراسل عشق كانت ضايجه ومقهورة كعدت اهون عليها مااحسه الها قاسم دخل مثل العاصفه لغرفه وسحب الفون مو ايدي وكلي ويامن تراسلين ولج كتله وياه غذق شبيك قاسم ذب الفون على الجربايه بعد مافتذه شبر شبر ضيق عيونه وباوعلي كلي لمن كل هذا كتله شنو كال المن هذا المكياج ولبس لزم ايدي حيل وكال احجي ولج المن كتله اخخ عوفي ايدي قاسم شبيك يعني حرام اذا بدلت وبعدين هذا كريم مرطب مو مكياج عاف ايدي وكال غرام انتي راح تخبليني اني مو ملاك حتى اشوفج بلبسج الضيك كدامي تفترين ومااكدر الزمج صح اني اتفقت وياج ماالزمج بس مو معنها هيج تلبسين ومن اقتربلج اظلين تمسلتين بالحجي على الاقل انتظري منا لمن احهز غرفتي حتى انقل غراضي الها انوب انتي اخذي راحتج كتلها ياغرفه كال راح اجهز غرفه اليه كتله ليش كال شوفي غرام اني هم من حقي ازوج واخلف تر عمري راح يدخل بالربعين وتوقع اتفقنا من البدايه صح لو اني غلطان
كتله واني مصدومه يعني ماتوقعت يفتح هذا الموضوع صار النا ثلاث سنوات ليش هسه يله قرر يحجي ويكول اريد ازوج...
كتله واني اكول هذني طلعاتك وطباتك  مو خاليه  طلعت تخطط حضرتك تريد تزوج لزمني من ايدي حيل وكلي ولج احجي بحترام لا اخليني اشوفج شي مايعجبج كتله واني احاول اتماسك حتى لا انهار وابجي كتله طلكني لعد مااريد ابقى وياك خما اضيع حياتي ومستقبلي علمود ابقى وياه ضره طلكني خلي اشوف حياتي
باوعلي وكلي شنو ولج شو اناي ماتستحين شنو من حياة ادوريها ها احجييي
كتله لا اصيح اتوقع مالها داعي ابقى وياي انت تزوج وشوف حياتك واني هم اريد اكمل دراستي وازوج واني بعدني صغيرة ..
هو اني هيج حجيت مااحسيت الا ضربني راشدي لزمت خدي لصار نار واني مصدومه هو كام يغلط ويكسر بالغرفه اقترب عليه ولزمني شمرني على الجربايه وكلي اطلكج بس خلي اول اخذ حقي منج ....
________________________________________
عشق ... اليوم يجي محمد من المعسكر واني كاعدة افتر وراء ماما بالمطبخ وكل ساعه اذكرها بمدراسه وشنو تحجي وياه محمد منا لمن ملت مني عاطت عليه وطلعتني من المطبخ راحت افتر بالبيت ضايجه وماما مشغوله بالطبخ راحت كعدت بالحديقه وجريت حسرة معقوله محمد يقبل بخطابه لجوي البارحه يعني ليش مايقبل اذا الولد صديقه ودائما محمد يمدحه واهله معروفين باخلاقهم بالمنطقه امي طارت من الفرحه البارحه من خطبتني المريه  وكعدت تخطط وتنصحني في حاله تمت الموافقه  اما اني عقلي يكلي وافقي اما قلبي لا يكابر مايكدر يقبل بغير محبوبه صحيت من افكار على دك الباب راحت لبست الحجاب حتى افتح الباب اعرف هذي دكت محمد ..
فتحت الباب واشوفه واكف بالزي العسكري وهيبته سابقته ظليت صافنه عليه حقه يرفضني احد بجماله وهيبته ماتناسبه الا ملكه جمال نزلت عيوني هو سلم عليه ودخل وماما استقبلته بالسلام والحضان عبالك سنه ماشايفه ....
راحنا اني وماما نصب الغداء ومحمد راح يبدل
صبينا الاكل وكعدنا ناكل كمنا كمت غسلت الاماعين وصبيت جاي الهم وكعدت يمهم شفت امي تغمزي بمعنى اكوم كمت طبيت الغرفه واني الوب اريد اعرف شنو رده كعدت انتظر ماما تكمل حجيها وياه محمد حتى اطلع اشوف شنو رده ..
بهذا الاثناء اجتلي رساله من نور كعدنا نتراسل سألتني عن ماما ومحمد بقت تحجي وياي فوك الساعه واني قلبي يلوب اريد اعرف شنو صار واستحي من نور اعوفها ..
عاد هي راحت لان زوجها اجى من المستشفى سلمت عليها وقفلت الفون وركض جوى شفت ماما كاعدة وحدها بالصاله اكيد محمد راح نام كعدت يمها كتلت الها ها يوم بشري كالت شبشر كتله ام علي خطبتج البارحه مااقبل كتله ليش يايمه الولد صديقك وخوش عائله والشارع كله يحلف بشرفهم كلي اني ادري شي وانتي تدرين شي اخذي يومين وردي على المرى كولي الها البنيه ماتفكر بالزواج كتلها زين والدراسه كالت والله يايمه اول مافتحت موضوع الدراسه تخبل يكول مرة شكبرها وشكدها ادور هسه دراسه طلعلي يمه هذا الفكرة من راسج من سابع المستحيلات اخليها تدرس كتلها لعد شلوون اناي فهميني لا هو يخليني ازوج ولا يخليني اطلع ولا يخليني اكمل دراسه حتاريت يمه اختنكت الى متى ابقى هيج كولي اذا يكول جبيرة ليش هو بكيفه يقرر موضوع زواج ليشش كالت يمه غير لمصلحتج اجوز يعرفه مو خوش واحد اجوز شايف عليه شي يايمه غير لمصلحتج كتلها لا يوم لا يفكر بمصلحتي ولا اهمه يريد يتحكم بيه على مزاجه كعدت ابجي واني اشوف نسجه ثانيه نخلقت بمحمد من ابويه نفس الظلم نفس التحكم ..
صعدت لغرفتي واني متخبله اريد بس ادخل لغرفته واخنكه واخلص من ظلمه كعدت على الجربايه واني ابجي احسه والله حجر على قلبي اريد بس اصيح بعلو صوتي واكول اني انسانه اليه الحق اقرر مصيري ليش يتحكم بيه تعبت من حياتي ماشفت يوم واحد حلو بي ...
ظليت كاعده لعصر بالعادة اني وماما نام الظهر ونعكد بال٥ صار روتين عدنا ..
ظليت كاعده ابجي اندك باب غرفتي جريت نفسي وفتحت الباب شفت محمد مبدل وكاشخ ومتعطر واكف مبتسم كدامي ولا عبالك مسوي شي باوع لوجهي ونمسحت البتسامه كال شبيج ضحكت بستهزء وكتله شبيه تسألني شبيه انت كلي انت شبيك هااا ليش تحاول تحول حياتي لجحيم ليششش كل مرة اكول حياتي راح تنعدل انت تخربها هااااااا احجيييي ..
اقترب مني وخلى ايده على حلكي ودخل لغرفتي وسد الباب كلي ولج ادبسز ليش اصيحين شبيج منو دايس على ذيلج وخرت ايده عن حلكي وكتله اريددد اكمل دراستي مامن حقك تمنعني كال لا دراسه انسيها وبعدين انتي كبرتي وينج وين الدراسه بويه ركدي بالبيت ونجبي كتلها هااا يعني هسه اني جبيرة على الدراسه مووو رفع حاجبه بغرور وكال اي كتله لعد زوجني ...
بعدني ماكملت حجيي لزم شعري قوي حسيت الفورة مال راسي راح توكع بيدي ظليت ابجي وهو يصك على سنونه وكال ها ولج هذا صياحج وبجيج علمود هذا الرفضته شعندج ويااه احجججججي ولج تبجين عليه ك***** ...
محمد الله يخليك شعري اخخخخ محمد
يتبع ...
صباحك عافيه