ترك بصماته على جسدي

بارت ٣٠

غرام .. اقترب مني قاسم وعيونه تاكل جسمي اكل اني رجعت لخلف وجسمي يرجف لزمني من ايدي جرني حيل بحيث لزك جسمي بجسمه هو كولش طويل وضخم بحيث وصلت لصدره كال شبيج ترجفين لا تخافين كام يهمس يم اذاني وايده يمررها على جسمي حسيت مثل الرجفه سرت بكل جسمي حتى تنفسي ثكل تمالكت نفسي وخليت ايديه على صده وحاولت ادفعه عني بس هو مثل الحايط ابدا ماتحرك طبك حواجبه وباوعليه كلي شبيج ادفعين عمه ماعلمتج الاصول لو اعلمج اني كتله لا علمتني بس اني مامستعدة يعني مااحسه نفسي جهزه باوعلي وبتسم كال ليش بله مامستعدة اني رتبكت من سؤاله كتله مووو تعبانه اريد انام هو ضحك وعصر جسمي بين ايديه وكال انتي نامي واني اكمل شغلي وياج شو تعالي ضوكيني شويه من عسل شفايفج ..
اني فتحت عيوني على كبرهن من جرائته شنو مايستحي هو قترب عليه اني ماادري شلون اجتلي القوة ودفعته حيل باوعليه وعيونه تتطاير منها الشرار عيوني خانتي وكملت ابجي واتوسل بي يعوفني كتله الله يخليك قاسم مااريد تقتربلي الله يخليك باوعلي وكال باجر من اهلي واهلج يسألوني شكول الهم ها بله عوفي الاهل مايهموني الى متى اعوفج بله كليلي انتي مجبورة عليه احجيييي
كان يحجي بعصبيه ونفعال وشرار يطاير من عيونه
كتله اي اي بابا جبرني عليك مو اني اختارتك هواي نضربت هواي بجيت يعني هذا لا ذنبي ولا ذنبك هذا ذنب بابا ..
هو كام يكسر بالغراض وغلط على اهلي اني حبست نفسي بزاويه وكمت ابجي من خوفي من هذا الوحش الكدامي طلع من الغرفه وسدها وراء واني ظليت على وضعي مااكدرت اكوم احسه جسمي انشل مااحسيت شكد من الوقت اني كاعدة وابجي .....
_________________________________________
عشق .. وراء ماارجعنا من الزفه مال غرام ماما رجعت تبجي عليها وتحجي وتلوم بابا لان صغيرة وزوجها طبعا تحجي وياي خطيه ماتكدر تحجي وياه بابا لان صاير عصبي ماادري ليش كعدت اهدء بماما واسكت بيها راحت حضرت العشاء الهم وعصير ليمون وبرتقال لماما والله صدك لغرام وحشه وخاصه من فرغ البيت بس اني وبابا وماما ومحمد بالمشتمل ماادري شبي سكن بي حتى مرات قليله يدخل يمنا ..
كملت العشاء وبلكوه توسل بماما وبابا يجون ياكلون وحتى مااكلوا هواي كمت اعزل بالماعين واندك الباب حيييل اني جمدت بمكاني عبالك مثل الهجوم صار طلع بابا وماما هم خطيه مخروعين ومحمد راح فتح الباب شفنا قاسم دخل مثل العاصفه وعيونه يطلعن منهن الشرار وكف كدام بابا كله شنو انت تريد تهيني تريد تقليل من قيمتي محمد كله هووب قاسم شبيك احجي عدل قاسم لتفت عليه وكله اني ماجاي اتعارك هي كلمتين اريد احجيهن لعمي واروح بابا حجى وياه محمد كله اوكف خلي نشوف شبي قاسم
كله قاسم مرتين اجيت انت وكلت اليه عندي مرة الك صح لو لا كله بابا اي صح كله اجيت اول مرة وطلعتني انت وبنتك بالصغيرة وبنتك المحروسه سوتلي سالفه شكبرها وحركت روحها اني مااحجيت شي من اجيت وكتله بويه خلي اكمل دراستها واني ازفها الك بيدي مو هيج وعدتني شو راحت زوجتها لواحد غريب مابي حظ بله بشنو اقل مني وقبلت بي لو ماتكدر لبنتك حجى هيج ومحمد هد عليه ويريد يضربه بلكوه بابا وخرهم عن بعض وكال لقاسم شلك بهذا الحجي مو زوجتك وحدة من بناتي وما تقل عن نور ونور مو سدينا الموضوع جاي تحجي بي هسه باليله عرسك كله اي احجي بيه هسه شنو انت تريد تمشي سوك بناتك براسي هذي هم تبجي وتكول انت جبرتها زوجتني وحدة زعطوطه كتلك عمي البنيه صغيرة خاف ماتدبر الزوج شنو كتلي لا تفهم واعيه جبرتني وحرجتني علمود ازوجها تالي تبجي وتتوسل مااقتربها تكلي بابا جبرني عليك تقبلها انت ظل بابا ومحمد صافنين كان يحجي قاسم بحركه وكله من هذا اليوم ماعندي صله بيكم ومثل مابعت بنتك اليه اني هم اخليها تخدمني اني واخوات بعد كلامه هذا هجم عليه محمد وضربه بوكس وقاسم هم ضرب محمد وظل يتعاركون بابا ماكدر يفرقهم منا لمن ماما وكعت وتخربطت اني كمت اصيح والجيران اجوي فاككو محمد وقاسم بلكوه قاسم راح ومحمد شال ماما جوى البيت وبابا واكف بره يحجي وياه الجيران ..
رشيت ماي على وجه ماما كعدت خطيه محمد كلي روحي بسرعه جيبي دواها راكض جبت دواها وعصير علمود ضغظها شربت ماما وبابا اجى كعد يم ماما وامي تبجي كالت اله ها شفت شلون ظلمتها لبنيه كتلك صغيرة وماتفهم لك كل عمرها ١٥ سنه شفهمها بالزواج كلها سكتي هسه لا ترتفع ضغطج ويصير بيج شي هي كامت ادك على رجليها وكال الله ياخذني واخلص لك هسه شوف شنو يسوي بنتك هسه موتها كوم اخذني الها كال الها وين اخذج يمعودة هسه الجيران اكلت وجهي عفيها لباجر والله كريم كلته باجر نجيبها مااعوفها دقيقه يم هذا الوحش هاهيه بعد لازم نجيب غرام يمنا هذا يموتها
كلها انتي من كل عقلج نجيبها شكولون علينا العالم بنتي مو شريفه وزوجها ذبها عليه حتى ياكلون وجهي اكل ماما كلتله يعني تهمك العالم ومايهمك شصير بنتك وثاب انت من يمت ماتخاف الله بناتك بابا عصب وكلها اني مااحجي هذا الشي بس علمودي اني حجي هذا الشي علمودها هي هم الناس ماتعوفها بحالها واني اعرفه قاسم يوم يومين ويهدء نور هم من نخطبت سواء هيج ورجع هدء وعرف غلطه وعتذر لا تخافين انتي ربج يحلها ..
طول الوقت بابا يحجي وياه ماما وهدء بيها ومحمد ابدا ماادخل لزم راسه وساكت شويه والكل سكتت وعم الصمت بس قلوبنا كلها يم غرام كل ساعه ماما تبجي عليها وبابا رتفع الضغط مالته وراح نام ومحمد هم راح ومانا لحكت محمد ماادري ليش بس صوتهم كان عالي ماادري على شنو جاي تعاركون يمكن على موضوع غرام بس لا مااظن صار اكثر من اسبوعين ماما كل مااشوف محمد تتعارك وياه ..
واصلا محمد قليل يجي لبيت وزاد نشغاله من فتح معرض السيارات يجي مرات بال١٢ باليل ويظل نايم الصبح ويطلع الظهر لمعرض منا لمن يلتحق بالعسكريه على كثر مامرقبه حركاته صراحت حافظتهن افف على قلبه ابدا مايحن عليه ويشوفني والله ماناقصني شي كامله ولكمال لله
كعدت الصبح على صوت ماما وهي تكعدني باوعت الساعه بال٩ ونص باوعت لماما عيونها حمر واكو سواد جوى عيونها كتلها ماما شبيهن عيونج كالت والله ماكدر انام طول واني افكر بااختج بالي يمها خاف قاسم سواء الها شي كتلها لا يوم ان شاء الله مابيها شي اصلا اخوات يكولن عليه حباب كولش كالت اي مو حظجن طالع عليه الشي الزين يمنا ينكلب شين كومي يمه اني رايحه اني وابوج وانتي قفلي الباب ونظفي البيت والزي مال محمد كوي البارحه خطيه كالي واني نسيت من وراء سالفه غرام و مو تطبخين اني اجيب وياي كتله مخالف يوم بس شنو ابقى وحدي كالت اي حبيبتي محمد طالع من البارحه مارجع هذا هم شالع قلبي راح يموتني كولي زين وثاب مايدري بي كان هم صارت عركه المهم انتي قفلي الباب وكعدي افتهمتي لو لا كتلها اي يوم لا تخافين كالت يله لعد اني اروح مع السلام كتلها الله وياج ..
_________________________________________
غرام ....وراء ماطلع قاسم اني ظليت كاعدة بالزاويه وابجي وجسمي لهسه يرجف كل ساعه اتخيل يدخل عليه قاسم ويموتني لو يضربني كنت كولش خايفه صارت الساعه بال١ باليل وهسه قاسم مااجى واني مااحسيت على نفسي الا غفيت من التعب صالي يومين مانايمه ..
فزيت على حركه بالغرفه فتحت عيوني واشوف قاسم واكف كدامي واكو دم يم حلكه وسواد يم عينه اني خترعت خليت كفوف ايديه على حلكي باوعلي كال كومي بدلي ولمي غراضج خلي نرجع لبيت كان يحجي بهدوء عكس الشرار الطالع من عيونه مااكدرت احجي وياه خفت منه وخاصه هو بهذا الحاله كمت على كيفي لميت غراضي وغراضه وطبيت لحمام بدلت طلعت لكيته مبدل ومنتظرني طلعنا من الفندق وركبنا سيارته وهو ساكت خاف يكون هذا الهدوء ماقبل العاصفه ..؟
______________________________________

عشق.....طلعت ماما وبقيت وحدي بالبيت هذي اول مرة ابقى وحدي رحت غسلت وجهي وصليت لان ماكدرت اكعد وياه الاذن من التعب وراحت طلعتلي تفاحه اكلها لان ورايه شغل والبيت هوسه ولبست دشداشه قصيرة حتى اشتغل براحتي بدأت اشتغل منا لمن اتكسر ظهري عزلت الملابس وذكرت الزي مال محمد راحت لمشتمل حتى اجيبه شفت المشتمل هوسه وسخ كولش راحت جبت ادوات التنظيف وكعدت انظف بي طلع يجنن لتفتت وشفت محمد واكف ورايه اني نحرجت كولش منه كتله يمت اجيت شو مااحسيت بيك كان يمشي وتمايل بمشيه اقترب مني وكلي ولسانه كولش ثكيل وريحته تقرف شسوين اهنا كتله مو.. مو ماما كالت اكوي الك الزي وانت ليش هيج تحجي خاف مريض تريد اخابر ماما وبابا يجون ياخذوك لمستشفى خلى اصبعه على شفايفي وكال شبيج هلكد تحجين سطرتي راسي كتله اسفه مااقصد بس خفت عليك كلي اروح فدوة لتخاف عليه تعالي اكولج منين جايبه هذا الجمال كوله كان يحجي واني منصدمه معقوله هذا محمد هيج يحجي وياي معقوله هو هم يحبني ..
اقترب مني وكلي تحبيني اني توترت ونخبصت راسن جاوبته لا مين الك هذا الحجي هو بتعد عني وكال اففف ليش ماتحبيني واني قلبي مليان بحبج شنو اسوي بعد علمود تحبيني لج منا لمن اموت روحي والله خبلتني كان عصبي ويحجي بنفعال ويجر الكلمه جر اني راسن اقتربت منه وكتله لا لا اني احبك والله بس عبالي انت ماتحبني واذا اعترفتلك ترفضني وتفشلني هو لزمني من خصري ولزك جسمه على جسمي وكال ولجج اني محروك جدي عليج انام واكعد احلم بيج وانتي تحجين هذا الحجي ..
يتبع
مسائكم صحه وعافيه وكل ماهو جميل بالنسبه ليسأل يمته النهايه يعني اني مااكدر اختصر الاحداث لازم اكتبها مثل ماهيه لان تخرب وشكرا

دعم لكاتبه صراحه اني ماقريت روايتها بس شخص طلب مني دعمها وستحيت اخجله
حساب الكاتبه Fatima_Kraem

وشكرا وتصبحون على خير