ترك بصماته على جسدي

بارت ١٩

تذكر دائمًا أن الشخص الذي احببته وتعلقت به لم يكن مختلفًا، بل كان الشعور إستثنائيًا الأشخاص الذي نحبّهم قابلين للتكرار، جميعهم دون إستثناء، الشيء الوحيد الذي لا يقبل أن يتكرّر بنفس الدهشة هو وقع الشعور شعورك بالحب، ليس لأجل شخصياتهم أو ابتسامتهم التي قد تُرضيك غالبًا لكن وحده شعورك هو ما يصنعهم داخلك ليبدو لك في وقتٍ ما أنهم محصّنين ضد التكرار .
زينه / راحت سمر بعد مابقت وياي لحد الساعه بال ٨ باليل اتعشينا وهي حاطه حمودي بحظنها طول الوقت واسولفلي على حياتها وشلون عانت يله ازوجت من وثاب هواي امور ل٨ اندك الباب اجى وثاب اخذهم ودعتهم وكتلها تعالي مري عليه مو تنسين تر اضوج واحدي كلتلي اي مخالف وراحت ... اني هم اخذت حمودي نيمته وطبيت غسلت طلعت نشفت شعري سمعت الباب يندك شفت الساعه بال٩ ونص كلت منو يجي هيج ساعه راحت صحت منو كلي اني ابو نور فتحت الباب سلم رديت عليه السلام قدملي فلوس كلي اخذي ام محمد كتله شنو هذني كلي هذا لفلوس لدزيتهن بيد ام نور اخذيهن كتله اخويه هذا حقك ويمكن انت صرفت على ولدتي اكثر من هذني الفلوس كلي ام محمد الدنيا ليل اخذي افلوسج وسدي هذا الموضوع اني من شلت حمودي اعتبرته مثل ابني واني اعتبر اهانه اليه اخذ هذني الفلوس انتي تقبلين يقل مقداري كتله لا حشاك ابو نور كلي يله لعد اخذيهن اخذتهن منه بس مااراضيه لان هذا حقه مااريد احد يسوي عليه فضل بس شسوي احرجني هواي اخذت الفلوس ضميتهن وكعدت اباوع على التلفزيون حمودي نايم صارت بال١٠ اني هم نمت كعدت الساعه بال٣ على بجي ابني راحت غيرت الحفوضه مالته واكلته ورجع نام فدوة لكلبه شكد حلو وهادء ...
مشت الايام وحياتي كولش حلوة بين ابني والبيت وسمر دائما تجيلي ورجعت حجيت وياي على موضوع وثاب بس اني رفضت اريد اكرس حياتي بس الابني صح وثاب انسان راقي وحباب وماكو مثله ويختلف عن فهد بس اني مااريد اضيع مرة ثانيه وادخل بدوامه مالها اخر ... مر سنه على عمر حمودي واجازتي بدأت تخلص وظليت حايرة وين اخلي محمد واخاف عليه سمر اقترحت عليه اعوفه يمها بس اني كتلها لا مااريد اسوي عليج زحمه بس هي اصرت وكالت اني احب محمد هواي واعتبره مثل ابني والله شاهد عليه اتعلقت بيه وحاله من حال نور شكرتها هواي وبعد اسبوع بدأ دوامي وحياتي الكل باركلي على ولادتي بدأت شغلي بس بالي كله يم حمودي صح يم سمر بس اخاف عليه هواي هو سندي بهذا الدنيا كنت كل مااخلص دوامي اروح اركض اخذه من سمر مرات تنطيني غداء واني مااقبل بس هي تلح اوويلي منها هواي اتلح الله يستر عليها ارجع لبيت اغسل وابدل واصلي واتغدء وانوب اغسل الحمودي وابدل اله واغدي وانام هذا روتين حياتي اما بالنسبه لوثاب دائما يجي لمستشفى ماادري ليش احسه يراقبني وهذا الشئ بدأ يزعجني ومر من المرأت كنت واكفه اني ودكتور نتناقش بالملفات وهو طبعه يشاقه هواي وسبورتي واكفنا نضحك ونسولف انطيته الملفات وردت اروح لمكتب مااحسيت الا شخصيسحبني من ايدي داخلني لغرفه مالتنظف فارغه شفت وثاب صاك سنونه وعيونه حمر ولازم يدي قوي والله بهذا الحظه حسيت ايدي تريد تنخلع كلي وهو بالكوا يحجي شعندج وياه هذا كتله مااعندي شي هذا دكتور وياي وخذ ايدك جاي توجعني ضغط على ايدي اقوى وكلي دكتور وياج واني جاي اضحكين واسولفين ومااهامج احد اني كمت ابجي من وجع ايدي من شافني كمت ابجي وخر ايده واقترب مني ومسح دموعي وهمس يم اذاني كلي احبج اريدج اليه مااريد احد يباوعلج ولا يحجي وياج قبلي بيه واني اخليج بعيوني ابتعدت منه وكتله مااكدر ماتفتهم مااكدر كتلك حياتي لابني مااريد بعد اتورط وازوج كلي زينه مو كل اصابعج سويه ومحمد ولد يرادله رجال يربي مااكدرين واحدج واني والله من اول يوم كبرت باذانه اعتبرته ابني كتله وسمر ونور مو حرام عليه اخذك من عائلتك كلي سمر قابله وانتي تعرفين شلون تعزج انتي ومحمد زينه خلي نتوكل على الله وانزوج تر والله كلبي نشلع كل يوم واني بعيدة عني احسه نار بصدري كتله انطيني وقت افكر باوعلي هو فرحان كلي كل الوكت الج بس اختاري الطريق لريحج اختاري شئ لمصلحتج انتي وابنج عافني وراح واني ظليت حايرة بتفكيري ياربي شلون بيه اذا قبلت بيه خاف يطلع مثل فهد ويدمر حياتي اني وابني وبنفس الوقت مااريد احرم ابني من شعور يكون عنده اب يسنده ظليت افكر منا لمن خلص دومي راجعت اخذت حمودي من سمر وسلمت عليها وراحت اول ماارجعت اتوضيت وصليت ربي يساعدني انوب غسلت لحمودي واتغديت ونمت لعصر سمعت الباب يندك راحت فتحت شفت سمر ونور سلمت عليهن ودخلتهن سمر داخلت اخذت حمودي واني راحت لمطبخ سويت جاي وكعك وعصير لنور وراحت لصاله شفت سمر تلعب وياه حمودي ظلينا نحجي كتلها سمر راح اسألج شي بس الله عليج جاوبيني بدون ضغط من احد كلتلي مخالف سألي كتله انتي راضيه ازوج وثاب صفت شويه وانوب كلتلي شوفي زينه اني قبل مالردت وثاب يزوج وكنت انقهر هواي من احد يفتح هذا السيرة من راحت عمتي وخطبتج كرهتج هواي وحسيتج تريدين تخربين بيتي وتبعدين وثاب عني وعن نور بس من اتعرفت عليج وعاشرتج اتعلقت بيج هواي انتي ومحمد والله شاهد اعتبرج مثل اختي فماازعل اذا ازوجتي على الاقل انتي صديقتي واختي تزوجي ولا واحده غريبه وتبعده عني كتلها متاكدة يعني اذا قبلت بوثاب مااضوجين مني لو ازعلين كلتي لا والله امنتي يصير لنور اخ الها وسند وترفع راسها بعد يومين بي اني ضحكت وسكت كالتلي ها يعدني موافقه كتلها اي هي كامت تهلهل والله تعجبت بحياتي ماامتخيله اكو واحده تفرح ازوجها ازوج عليها بس سمر غير حيل فطيرة وعلى نياتها الحمدالله الله عوضني بيها مثل اختي واعز ظلينا انسولف منا ل٦ وراحت ...
ثاني يوم اجتي ام وثاب وسمر ونور واخته سعاد خطبوني وكالت نسوي حفله بسيطه وعقد سيد ومحكمه بنفس اليوم اتفقنا على كل شي واني خايفه واحسه بقلق مشت التيام واحنا انجهز لعرسي ...
تقريبا باليل اجتي سمر ووثاب داخلتهم وسلمت عليهم راح لمطبخ اجتي ورايه سمر كلتلي وين حمودي كتلها بالغرفه كلتلي اروح اشوفه كتلها اخذي راحتج حبيبتي لعد وين نور كلتلي عفتها يم عمتي
راحت هي يم محمد واني حضرت الجاي انطيته لوثاب هو يباوعلي كلي زينه اني راح اسعدج انتي ومحمد ولا يكون عندج شك فد يوم اتخلى عنج كتله اتمنى يتحقق لتكول عليه كلي ان شاء الله باجر نعقد يم الامام علي ( عليه السلام ) هم نزور وهم نعقد كتله ياريت لان من كنت صغيرة ماارايحه ولا زايرة كلي تدللين بس جهزي حالج على ٤ ونص امر عليج كتله مخالف شويه وجنتي سمر شايله محمد انطته لوثاب وظل يلعب وياه وهو فدوة ظل يضحك وياه وهو يدغدغه وهو يضحك عبالك ابو اخخخخ يافهد شصير لو عفتني يمك شصير لو اتحملت مسؤليه ابنك شصير لو احتواتني مو حبتك وانطيتك حياتي افففف هاهيه ياربي رضيت بقسمتي بعد الهي لا اعتراض ل٩ راحوا اني اخذت حمودي وكلته وغسلتله ونام واني هم طببت غسلت وكعدت اسرح شعري ظليت صافنه صالي شكد مااذكرت فهد اجوز وجود ابني بحياتي خلاني ماافكر اله بي......
يتبع
السلام عليكم ورحمة الله وبركاته طبعا اسفه عن انقطاعي لان اني السنه الجايه طالبه سادس ولازم اقرء من هسه فانجبرت اقفل الموبايل هذا الايام اسفه وان شاء الله كل فترة انزللكم بارت واريد منكم اسولي متابعه لان مابقى اليه على الالف متابع وشكرا واذا سوتولي متابعه انزل بارت هسه وشكرا باي