ترك بصماته على جسدي

البارت التاسع من الجزء الثاني

احلام مازالت عالقه بذاكرتي انام وافيق على امل تحقيقها.......
غرام....... اشش ولا كلمه مااريد اسمع شي واذا سمعتج تحجي هيج مرة ثانيه اني اكتلج بيدي افتهمتي افتهمتي هذا الشي لبالج طلعي محد يخسر غيرج افتهمتي ...
عشق .... تعبت غرام والله تعبت اكلج اني اشوفه بكل مكان احسه يعاتبني وغاضب عليه تعبتت غرام تعبت ...
غرام ... اش عمري ادري العشتي شي مو قليل بس انتي تكدرين تتغلبين على هذا احساسج مثل مااتغلبتي عليه قبل تكعدين....
الموت مو حل لا ابدا مو حل زين ماافكرتي بيه ماافكرتي بمريم وين اتروح بدونج وين تكدر تعيش بعالم مابي انتي حرام عليج زين وين تروحين من غضب الله ...
شوفي سمعي كلامي وروحي لدكتور ادريس مو ترتاحين من تحجين وياه روحي وشوفي .....
عشق ... مااروح لاحد تعبت اكولج مااكدر اعيش اني مخنوكه اريد اموت تعبتت مااعندي قدرة اعيش ردت فرصه وحدة وحدة حتى اعيش وماكو مسدودة من كل مكان هي الحياة مااجاي اساعدني ماجاي تنطيني وقت حتى اتنفس مخنوكه غرام مخنوكه ...
دموعي كامن ينزلن وحدهن واني اشوف اختي تنهار اختي محطمه جاي اشوفها يوم بعد يوم تفقد عقلها وصلت لمرحله الجنون العالم قاسي هواي وياها ماترك الها مجال لحتى تفرح بي ....
لزمتها وحظنتها مسحت دموعها اباوع لوجها صاير اصفر واكو سودا جوى عيونها شكلها يخوف مو عبالك اختي القويه لوكفت على حيلها لا مو هيه كتلها عشق بس هذي المرة علمودي كومي لخاطري اترجاج لخاطر ماما ابوس ايدج روحي لدكتور ....
بلكوه قنعتها تروح مااقبلت اروح وياها راحت وحدها واني اكل التفكير دماغي عليها ياربي وين كنا وين صرنا ...
عشق وثاب
عشق ... نعم
... اتفضلي لو سمحتي
.... اتفضلي كعدي
عشق ... شكرا
... عشق حلو اسمج مااسامع عنه قبل فريد من نوعه
ياترى انتي هم فريدة من نوعج مثل اسمج  يعني كل ماتجين هنا واسمع اسمج احسج انسانه فريده من نوعج وهذا الشي صحيح من تعرفت عليج
عشق ... ههههه اي اني اسمي مو من عبث
.... شلون ماافتهمت
عشق ....  لان اذا حبيت احد اجننن بعشقه اصير معشوقته المجنونه هههههه
...... حلو كمت احسده لتحبي ههههههه
زين عشق كوليلي انتي معشوقه منو ؟
عشق .....
.... شو سكتي معقوله عشق ماتحب احد معقوله مااكو احد بقلبج
عشق ... لا اكو بس الحب يخوف ومااريد احجي بي
..... ليش الحب يخوف اصلا احلى شي بالكون الحب احجيلي ليش يخوفج
عشق ..... احسه مثل النار لازم يحركني دائما احسه نفسي بغرفه صغيرة وبيها نار وماكو لا باب ولا شباك محبوسه بيها وكل مااريد اطلع النار تزداد وتزداد وتبدأ تحرك بجسمي
...... وصفج لحب مخيف ليش هيج اشوفين الحب
عشق ....
... اوك اذا مااتريدين تحجين مو مشكله بس اسألج شي انتي شنو طموحج  بالحياة
عشق .... اتمنى اموت افففف والله صدك اتمنى اموت بس خايفه من عقاب ربي
..... يعني معقوله هذا طموحج زين ليش تفكرين بالموت
عشق ..... احسن مااعيشه كل يوم اني كل يوم اعيشه كل يوم اموت الف موته كل يوم ادعي ربي يموتني
..... ليش معقوله مااعندج فد شي يخليج تتمسكين بالحياة
عشق .... كان عندي واخذه يعني حتى هذا النور الوحيد بحياتي اخذوا مني
......... زين عوفي طموحج هسه زين طموحج وانتي طفله وانتي مراهقه شنو هو ؟
عشق .... هههههه هو طموح وحلم واحد تمنيته بطفولتي و مراهقتي وحتى بكبري اتمنيت محمد يصير اليه بس اتوقع طلبت شي كبير او مستحيل
...... بعدج تحبين   محمد ؟
عشق ... اي بعدني مااكدر انسى مااكدر التفكير بي اكل عقلي
......... انتي مو كلتي نسيته
عشق .... كذب مااكدر حاولت هواي كل مرة احاول انسى  انام باليل  احلم بي واظل اتمنى يجي لحلمي لو اشوفه
........  كافي لازم تنسي وتعشين حياتج