ترك بصماته على جسدي

بارت ١٥

"قبل أن تنام افرح لأنك بخير ، ولأنك كنت جيد ، و لأنك تندم على بعض سوء تصرفاتك ، و أنك تحاسب نفسك و تتجددّ ، أنت تغسل قلبك دوماً و هذا جيّد ، لكن إياك أن تندم على فعل خير ، أو حديث خير ، أو نظرة خير ، الخير دائماً يُغذي روحك و يعود إليك."

زينه / طبيت اشتريت مواد مال تنظيف وشويه اسوكت دجاج وخبز يمه شفت فروله ساحه روحي عليها راحت اشتريتها واستعجل خاف اتاخر على الولد خطيه والدنيا حارة .. راحت يم اجامع كان هواي سيارات واكفه واني مااعرف الرجال حتى استحي اباوع بوجه ظليت واكفه فوك النص ساعه شفت سيارة تقدمت عليه كلي خويه يله امشي باوعتله ماشاء الله الله يحفظه عليه عيون تسطر سطر راكبت وراء وهو اخذ غراضي خلاهن وراء باوعلي من المرايه كلي خويه اعتذر منج اتاخرت عليج كتله لا خويه اني اعتذر منك تعبتك كلي لا على شنو تعبتني تر متعلم دائما اودي العائله وانتظرهم ..
هو سكت واني سكتت شويه وصلت لبيت نزلت هو شال الغراض نزلهن يم الباب اشكرت منه هوواي فتحت الباب طببت الغراض وقفلت الباب ورايه وراسن راحت غسلت الفروله واكلتها يمه غير طعم اجنن كمت نظفت البيت كلت لازم اشتري ثلاجه شي اكعد عليه مايصير البيت فارغ كلت خلي اشوف هذي الجنطه لنطنياها فهد فتحت وتفاجئت بيها كومه فلوس دولارات كعدت احسبهن طلعت ٢٠ مليون الغايب مالتي جريت حسرة وكلت ليش يافهد عفتني مو حبيتك وتعلقت بيك مو عفت حياتي علمودك تالي اجازيني هيج زين شنو ذنب هذا الطفل لبطني من يطلع ويكول وين ابويه شنو اكوله ابوك ذبنا وشمرني بالشارع ابوك ازوجني بس علمود شهوته علمود يلعب عليه حسبه الله ونعم الوكيل بيك يافهد ..
كعدت اسجل الغراض الاحتاجهن الضروريه نمت منا لعصر تقريبا الساعه بال ٥ كمت لبست عباتي علمود اطلع اشتري هذني الغراض والله مو اراتي اطلع لو ما الحر كتلني وهذا الاكل يخرب اخذت وياي فلوس بس مو كلهن ظمتهن بصدري وطلعت شفت رجال جبير ابو تاكسي كتله عمي اريد أشتري اجهزه كهربائيه مين كلي بويه تريدين مستعمل لو جديد اني فكرت ليش اشتري جديد واني ورايه ولاده ماعندي فلوس واصرفهن كلهن كتله لا عمي ماعندي اريد مستعمل كلي راكبي بويه اوديج لمحل يبيع اجهزه كهربائيه كولش زينه واسعرهن رخيصه كتبه مشكور عمي شويه وصلنا لمحل كولش جبير بي كومه غراض وكولش رخاص اشتريت كومه غراض وكلهن مليونين ورجال انسان كولش حباب كلي اني اجيبهن لبيت مالتج كتبي العنون واني اجيبهن والله صدك كتبت اله العنون وانطيته اله اخذت تكسي ورجعت لبيت صارت بال٦ هم جاوبوا الغراض نزلوهن ثلاجه وفراشات لبيت وطباخ وفران وحصيرة وتبريد صغير
لا تستغربون يعني كل هذني الغراض وبسعر قليل اي والله اني هم استغربت ..
ظليت واكفه شلون احركهن اخاف على ابني وخاصه بطني كلوش توجعني من ضرب هذا الحقير ظليت حايرة بتحركهن
شويه اندك الباب راحت فتحت الباب شفت مرأة شايله صنيه كلتلي السلام عليكم كتلها وعليكم السلام اتفضلي خاله هي طبت اخذت الصنيه منها كلتي ليش يمه غراضج بالطرمه كتلها خاله هستوي اشتريهن ومااكدر احركهن اثكال كلتلي اسوده عليه يايمه ابو كمال وصاني عايج كلي واحدج ويتيمه وردت من البارحه اجيج بس يايمه شغل البيت لهاني كتلها لا خاله تسلمين ماتقصرين كلتلي روحي يمه لبسي عباتج خلي اصيح وثاب يعدلج الغراض كتله اشكرج خاله راحت لبست عباتي شويه اجتي المراة وهذا الشاب لخذني لسوك صار يرتب الغراض واني ادليه امكاهن كملوا ورتبوا البيت كان اجت المراه كالتلي خاله عندج خط مولد صفنت وضحكت على نفسي اني اشتريت الاجهزه وما عندي كهرباء .......
كلتها لا خاله ما عندي كالتلي لعد شلون تضلين هيج بلا كهرباء اشتركي من ابو المولد اللي براس الشارع احنا هم مشتركين من عنده شافتني حايره عاد كالتلي خاله انتي كعودي واني هسه اخلي ابني يسوي الج الخط
كلتها خاله والله سويت زحمه عليج وعلى الولد كلتلي لا حبيبتي عليمن زحمه ابو كمال مصينا عليج اشكرت منها حيل باوعت لابنها كتله خويه شكد تأمر على الخط شكد انطيك كلتلي المرأة لا خاله مو هسه تنطي خلي يكمل والله كريم
كملنا كلوش لحد الساعه بال٨ اجتي الكهرباء فد فرحت احسه بشي بين الفرحه والانكسار
بيتي كمل وصار يخبل كنت واكفه اسوي العشاء وانتظر الولد يجي ياخذ افلوس الخط شويه واندك الباب خليت عباتي على راسي فتحت الباب كانت ام كمال وياها رجال جبير بالعمر سلموا عليه كتلهم اتفضل دخلوا وكعدوا اني راحت جبت ماي وقدمته اله الرجال كلي كعدي بويه اني ابو كمال مختار المنطقه بويه انتي موظفه يعني عندج احد يعينج كتله لا كلي بويه اني عليه خط المولده ادفعه الج وانتي مثل بنتي وان شاء الله كل شهر ماقصر وياج اني كتله لا عمي ماتقصر بس اني مامحتاجه رحم على ولديك اني عندي شهاده وان شاء الله باجر ادور شغل هو باوعلي كلي شنو مكمله كتله عندي شهادة مال ممرضه كلي اني عندي معارف اخليهم يشغلوج بس باجر روحي لمستشفى ***** وكليلهم اني من طرف المختار ابو كمال هم يشغلوج بس روحي الصبح من وكت بنتي اشكرت هواي منه هو هم اخذ مرته وراح ...
كمت كملت العشاء واكلت شويه وكفت كدام المرايه الحمدالله اثار الضرب مختفيه من وجهي ظليت اباوع لنفسي لمرايه وجهي يجنن وعيوني كبار عسليه وشفايفي صغيرة وجسمي حلو ليش لعد عافني فهد معقوله كنت اكو نقص بيه هواي حاولت اسعده وياي ليش هيج سواء افففف ياربي طلعه من كلبي وعقلي والله تعبت منه ..
نمت من ال٩ كلوش تعبانه وهم لازم اكعد من وكت الصبح ......
_____________________________________/////

كعدت راحت لبست جنز وبدي وفوكهن عباتي وراحت لمستشفى داخلتي لمكتب المدير كان كاعد ولد شاب ماشاء الله على خلقته كتله السلام عليكم كلي وعليكم السلام كتله اني من طرف المختار ابو كمال كلي هاي اي حجالي ابويه عليج اتفضلي اخيتي
اني تفاجئه هذا ابنه ولا يشبه حتى هو ماكلي ابني المدير والله ماادري ...
راحت كعدت كلي راح اشغلج بالستقبال مال المستشفى احسن ماادخلين بين المرضى كتله اوك بكيفك هو صفن عليه كلي شو لهجتج بغداديه اني اتوترت كتله اي مو كنت عايشه بغداد كلي امممم لعد شعندج اجيتي اهنا كتله واني ميته من الخوف وعبالك داخله بتحقيق كتله بيتي اهنا وبعت بيتي لبغداد واجيت اهنا هو رفع حاجبه عبالك مامقتنع بحجي وكلي ماشي من باجر تشتغلين وراتبج ٧٠٠ واذا اتريدين اكثر كليلي كتله شكرا الك استاذ راجعت لبيت الجو يكتل حر
راجعت صليت واكلت فواكه ونمت لعصر كعدت على دك الباب راحت لبست عباتي وفتحته لكيت ام كمال سألتني على الشغل وكلتلي ابني المدير اي شي تريدي كول له وظلت اسولف اليه اكلي اضوج واحدي بالبيت وماعندي احد جنتي بيتها واحد والكلبه ابد ماتجي وبناتي بغداد ولدي طالعبن واني اضوج واحدي كتلها خاله اني هم واحدي تعاليلي كل يوم اتونس وياج هي اشكرتني واني هم فرحت هواي بيها فطريه وعلى نياتها وانسانه كولش حبابه
........
كعدت الصبح طبيت غسلت ولبست فستان كولش حلو ولفيت شالي واخذت جنطه صغيرة وياي وطلعت وصلت لمستشفى الكل يباوعلي اجاهلتهم
ودخلت لغرفه استاذ كمال هو باوعلي مستغرف واحس نظراته اكلت جسمي اكل كلي ليش مالبستي عباتج كتله مو اني بالشغل ماالبس عبايه شفته عصب وكلي لا تلبسين وبعد ماتجين هيج افتهمتي
يتبع
سلام عليكم شلونكم حبايب ليش ماكو تفاعل وشنو رائيك بحياة زينه الجديدة