عشق ....كنت كاعدة بالغرفه سمعت ماما اصيحلي ..
راسن راحت الها
عشق .. ها يوم شكو
زينه ... تعالي ماما تغدي ويانا ليش كاعده وحدج
وثاب ... شبيج بويه تعالي اكلي
عشق .. ها اي بابا هسه
راحت صبيت اليه واشوف محمد ياكل وعيونه بالموبايل واني كل ماتجيلي الفرصه اباوع عليه كانت غرام كاعده بص محمد يباوعون بالفون ويضحكون ماادري عليمن يضحكون مااعرفت اكل ظليت بس لراقبهم منا لمن امي كرصتني من رجلي اني خترعت وباوعتلها هي قربت عليه وكال عيني على اكلج لا اظلين صافني اني كولش خجلت عبالك امي تدري بيه احب محمد غززه شكد عيب اكل اكلي بسرعه حتى بدون مااحس بطعمه وكعت غسلت وطبيت لغرفه ليوم اصلا دور غرام اسوي الهم الجاي وتغسل الاماعين ..
بس ظل بالي خاف محمد يحب غرام لان دائما اشوفهم سويه ويضحكون وحتى مرات يطلعون هي ونور وياه يعني حقه ينعجب بيها اشو هي جسمها يخبل وطويله مثل عارضات الازياء فففف والله اذا صدك اموت روحي
ظليت اكلب ومااكدر انام فد ساعه واجتي غرام
غرام .. لج عوبه كعدي لو تدري شصار
عشق اني طفرت من مكانيكلت الها ليش شكو شصار
كالت شنو تطيني واكول الج
كلت الها انجبي ربع مااعندي احجي شكو
كالت باجر نور تعقد محكمه والعصر اسوي حفله وماما كالت العصر نطلع نشتري بدلات وغراض كومه
حتى بابا انطى ماما ١٠٠ الج و١٠٠ اليه كتلها الله عليج
كالت اي والله كلت الها لعد ياساعه نطلع كالت امي كالت بال ٣ حتى نودي نور لصالون
كلت الها يله لعد اطب اغسل لان هسه بال٢ كالت اي اني هم اروح لنور اخذ ملابس منها لان ملابس احلى من ملابسي كتلها بكيفج رحت طبيت غسلت
وطلعت شعري مبلل اول ماافتحت الباب شفت محمد واكف بالممر اني نزلت راسي ومشيت وصلت قريب عليه حسيت جسمي صار نار صرت امشي سريع بدون مالتفت طبيت لغرفه مالكيت غرام اجوز بغرفه نور بدلت لبست بنطرون وكيمونه سوده ردت اخلي كحله بس خفت امي ماترضى بس دائما غرام ونور يخلن راحت لنور عدها كحله لان احنا ماعدنا طبيت لغرفه نور كتلها نونه حبابه انطيني كحله باوعتلي كالت بابا شبيجن انتي واختج متخبلات وحدة ادور كحله والثانيه تريد تلبس ملابس ضيكه شبيجن كلتلها شبي اخلي قليل والله مايبين كالت بكيفج ماعليه بيجن بس والله اذا شافج محمد لو ابويه ماعليه كتلها اي معليج يله انطيني كالت علبه المكياج نسيتها بالحمام روحي شوفيها راحت اركض لحمام شفت الباب مفتوح ومحمد واكف يحلق ونازع القميص اني وكفت صافنه فزيت على صوته
محمد ... شبيج ماجاي احجي وياج
عشق .. اااسفه مااسمعتك
محمد... شتريدين
عشق ندار عليه وشفت عضلات صدره وبطنه ياعباس شنو هذا الجمال نزلت عيوني بسرعه وكتله اريد علبه المكياج نستها نور بالحمام
كال لجج ليش لبسه هيج كلت اله مو البس عبايه فوكاهن كالت ها يعني العبايه ماتنفتح وهذا لزك على جسمج امشي ولي وبدلي ركضت لغرفه لبست قميص طويل فوك ملابسي ولفيت شالي وامي كامت اصيح صار اليل وين نلحك يله ..
اباوع لساعه بعدها ماصارت بال٤ لبسنا بسرعه وامي لزمت غرام دك رزايل لان اكو مكياج بوجها اخذتها امي تغسل الها واحنا وكفنا نتظرها بالطرمه طلع محمد كاشخ ورحه عطره سطرتني سطر قرب باس نور من راسها وكلها راح اباركلج قبل الناس كلها هي ضحكت وشاورته ماادري على شنو هو ضحك بصوت عالي كال الها مايخفى عليج شي طلع من جيبه كلادة ذهب تخبل وانطاها لنور وهي بوسته وشكرته طلعت امي هي وغرام ومبينه غرام ضايجه وكل ساعه تريد تبجي طلعنا اخذنا محمد لصالون امي حفت وجها هي ونور وظلنا اني وغرام كاعدين فوك الساعه يله كملن وماما طلعت تخبل وصبغت شعرها ثلجي طلعت اجنن ونور هم طلعت حلوة بس ماصبغت شعرها كلتها ماما لون شعرج حلو لا اصبغين طلعنا من الصالون وماما صاحبت غرام واشترتلها كومه غراض
اشتريت فستان لونه اسود يجنن ذوق ماما طويل وخصر على جسمي غرام اشترت فستان قصير لونه ماروني ونور اخذت بدله نفش حلوة بنفسجيه والثانيه سمائيه ماما اخذت زي مغربي حلو كولش رجعنا لبيت بال٨ ونص رجعنا محمد بس اشوف ماما طول الطريق ضايجه ماادري ليش طبينا وماما بقت كاعده بالسيارة هي ومحمد ويحجون احنا نزلنا طبينا لبيت شفت بابا كال شدعوه هلكد اتاخرتوا وين امكم ردت عليه نور كالت اله بالسيارة يم محمد هسه يجون راحنا اني وغرام بالغرفه نبدل ..
وامي صاحتنا حتى انسوي العشاء راحنا اني وياها سوينا العشاء وامي وبايا ومحمد مجتمعين بالغرفه ماادري شكو
غرام... شوفي عشق مجتمعين الحبايب خير ان شاء الله
عشق ... والله ماادري اجوز على العقد مال نور
غرام ... اي اجوز انتي كملي واني اسوي الزلاطه واسوي لبن وافرش السفرة
كتلهها مخالف كملنا ورحت صحت الهم كلنا اجمعنا بس وجهم ماتتفسر كمنا عشانا على الصامت واشوف امي كل ساعه دمعتها تنزل وتمسحها قبل لا توكع
كمنا وكامت نور تغسل الاماعين هي وغرام واني اسوي الجاي راحت صبيت الهم وكعدت يمهم ابويه باوعليه وكال روحي صيحي غرام خلي تجي كلت اله اي راحت صحت غرام وكعدت يم امي
ابويه كال بويه غرام انتي كبرتي وصرتي مرة واني عمري مو طويل تدرين بيه مريض وكل يوم ادعي ربي اني اعيش بعد علمودجن صح ادري اذا متت محمد مايقصر وياجن بس اني اريد اطمن قبل لا اموت اريد انطيج القاسم وابن عمج ماتلكين احسن منه
غرام سمعت هذا الحجي من ابويه راسن كامت كالت انت شتحجي يابه من كل عقلك
وثاب .. لجج ادبسز شنو من كل عقلي احجي عدل لا افرك حلكج
غرام .. يابه اني صغيرة تدري لولا شمو ازوج هلكد لكمتي صعب عليك تريد ازوجني وتخلص
نور .. بابا صدك تر غرام صغيرة خطيه وقاسم اكبر منها بهواي
وثاب .. انتي انجبي وسكتي محد ياخذ بارئيج تريدين تاخذ واحد مثلج
نور .. ليش شبي خطيبي
وثاب .. والله ثم الله اذا حجيت بعد الزمج اكسرج
نور كامت وراحت بسرعه لغرفتها
وغرام ظلت اصيح وتبجي وامي تبجي وياها بس مثل كل مرة كلام بابا يمشي
ظلت غرام تبجي وتغلط وادعي على بابا وسمعها محمد لزمها كسرها تكسير بلكوه ماما وخرته عنها كرهت محمد كولش على ضربه لغرام خطيه شوه وجها تشويه
ذيج اليله محد نام امي ظلت كاعده لصبح يم غرام وتبجي عليها منا لمن صار الصبح تقريبا بال٧ ونص اجى خطيب نور وراحت هي وياه
ماما لا طلعت ولا حجت وياه بابا ولا محمد اني سويتلهم الريوك تريكو ومحمد سأل عن ماما وراح يصلحها بس ماما كلتله هذي اختك المفروض توكف وياها تحميها مو تروح تضرب روح يامحمد لا كلبي راضي عليك ولا ربك حرام عليك يتيمه امي ظلت تحجي وياه محمد وتبجي واني كمت ابجي على بجيها محمد باس ايدها وكلها والله اعتذر بس هي لسانها طويل بعد يومين من تزوج مايحجون علينا لان ماربينها ترضيها انتي كلتله ربيها بس مو بالضرب طب شوفها ايدها ماتكدر تحركها اليل كلها حرارتها مرتفعه بله ماخفت الله مااكلت هذي يتيمه الله يغضب عليه اني هيج ربيتك والله حرامات التعب بيك..
محمد .. يوم كافي رحمه لله هي غلطت واني لوما اعرف مصلحتها مااجبرها على قاسم وانتي تدرين قاسم شنو الكل تحمد باخلاقه واني من ضربتها حتى بعد ماتغلط لعد انتي ترضيها تغلط على ابويه وهو خايف عليها ويريد يأمن عليها والله ثم الله لو مااشوف قاسم مو زين الها لو مايناسبها اني مااخلي قاسم يتقدم الها
زينه ... بس البنت صغيرة تفهم شنو صغيرة تعرف الفرق العمري بينها وبينه
محمد ... اي ادري بس البنيه تكبر بسرعه وغرام جبيرة واعيه
زينه .. انت وابوك الحجي مانافع بينكم شكد مااحجي شكد مااكول ماايفيد
وثاب .. كافي زينه دوختيني اني بنتي واعرف مصلحتها كافي دلال مو كافي دللت نور مااسمعت كلامي وراح ازوجت فرخ مابي حظ لا من ثوبنا وهسه شوفي شهرين وتجي مطلكه واني اعرفها لان خطيبها مبين مو رجال وكولي وثاب وماكال
زينه .. اسم الله ليش تفاول على البنيه واليوم عقدها السودا عليه وثاب هي هذي الامانه مال سمر لو نسيت
وثاب .. لا مانسيت ولا انسى بس اني اريد الهن الافضل وبعد اي كلام ماكو افتهمتي كعدي وفهمي غرام وكولي الها قاسم من ثوبنا ولد عمها يحميها ويوكف بظهرها وبعد ماكو نقاش الاسبوع الجاي يجي يخطبها خلي اجهز نفسها يله محمد بويه امشي
اقترب محمد من امي باس راسها وطلع ..
اني كنت واكفه بالمطبخ اسمع حجيهم بس محمد والله حباب دائما من نتمرض يحير شنو يجيب النا وهذي اول مرة يمد ايده على غرام او وحدة بينا
يعني البارحه استغربت من ضرب غرام لان هذي مو تصرفاته ..
طلع بابا ومحمد واني كعدت اسوي ريوك لغرومه ولماما كملت وراحت وديت الريوك الهن شفت غرام كاعدة وماما يمها تبجي عليها كان وجه غرام ازرك
خطيه جبت الريوك يمهن وماما كامت توكل غرام
وكالت اليه تعالي اكلي ويانا كلت الها لا مااشتهي
كملن اخذت الصنيه غسلت الاماعين وراحت يم ماما شفت ماما كاعدة وتحجي وياه غرام وغرام تبجي
زينه ... حبيبتي غرومه ياعمري صح انتي صغيرة بس ماايصير هيج غلطتي على ابوج عيب وحرام الله يغضب عليج
غرام .. لعد ترضين يزوجوني لواحد بكد ابويه
زينه .. انجبي ولج مين بكد ابوج وبعدين المرة بسرعه تكبر مو مثل الرجال تحمل وتجيب ويتغير جسمها وتبين اكبر من الرجال
غرام .. اني مااريد قاسم مااحبه معقد
زينه .. لجج انتي شنو شفتي منه وكلتي معقد اشو لا يجي هنا ولا يطب لبيت ولا كاعد يمجن ولا حاجي شمعرفج بي
غرام .. نور تحجي عليه تكول معقد وعصبي وبس يضرب
زينه ... هههههه ماما حبيبتي نور هيج تحجي لان ماتحبه اسولفجن شي بس مو يوصل لاحد
غرام &عشق .. اي يوم شنو
زينه .. شوفن من كانت نور صغيرة ابوجن كال نور لقاسم وقاسم النور وكلهم يعرفون عمتج وعمامج
يدرون بهذا الحجي حتى جدج الله يرحمه كال هذا الحجي بس نور ماكان بالها الزواج كان هدفها بس الدراسه وكانت متفوقه بدروسها فمن وصلت لثالث متوسط ابوجن راد يبطلها ويزوجها لقاسم بس هي ماقبل وكرهت قاسم بس والله يايمه قاسم حباب واخلاقه عاليه وربى اخواته واخوه وحتى بدون العشيرة هو خلى اخواته يكملن دراسه يكول ضمان حتى من كلن شاب ويجي يمنا عينها مايرفعها ويباوع
غرام ... بس اني مااريد ازوج هسه ليش ماازوجون عشق لو هذي تحبوها واني لا
زينه .. انجبي احنا ماانحبج انتي مااخذه نص قلبي بس غير ابوج من كنتي صغيرة وماصارت قسمه نور وقاسم كال لعد خلي تكبر غرام واني انطيها لقاسم اذا ماازوج والله ياغرام ماتلكين احسن من قاسم
بلكت يخليج اكملين دراسه وتخلصين من خنكه البيت ويخلين اطلعين وتفوتين شفتي هنا بالكوه ابوج يخلينا نطلع نشم الهوى حتى السطح مايخلينا نصعد بي بلكت ياامي ترتاحين وياه قاسم
عشق ..
ظلت امي تلح هواي على غرام وتكول مااكو احسن من قاسم تروح وترجع تلح على غرام تنظف وتطبخ وترجع تكعد وياه غرام وتحجي وياها وتقنها لان امي خطيه مابيدها شي غير تقنعها هم مثلنا لازم يمشي كلام ابويه عليها وتدري اذا غرام ماارضت راح يجبرها بالضرب فكانت اسوي كولش علمود توافق غرام ..
والظهر امي اخذت نور لصالون علمود الحفله ومحمد جاب اكل جاهز رجعت نور من الصالون اجنن
واني مااطلعت بقيت وياه غرام بالغرفه لان مريضه ماتكدر تطلع واجى محمد وباس غرومه وانطاها حجل ( خلخال ) يخبل وهي صالحته خلصت الحفله
وطلعت نظفت البيت منا ل١٢ باليل انكسر ظهري
كلهم ناموا وامي نامت يم غرام خاف ترتفع حرارتها
كملت تنظيف وردت اروح لغرفه انام وشفت ضوء مال غرفه محمد مفتوح راحت على اطراف اصابعي
ماادري ليش اجوز فضولي كتلني ردت اعرف شسوي كاعد وكان اسمع شي صدومني معقوله محمد ...
يتبع
صباحكم فيروزي
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
