عشق ..... منووووو انت
بعدني مااكملت كلامي سمعت صوت قاسم يحجي بصوت ناصي من وراء الباب ...
كال فتحي الباب بنت الكلب بسسسسسرعه ....
اني جسمي كام يرجف وكل اطرافي جمدن ....
ظل يدك بالباب حييل ويحجي ويسب بيه ..
اتقدمت يم الباب بخطوات ثقيله الخوف ترس قلبي حسيت نهايتي اقتربت ....
غمضت عيوني وفتحت الباب .....
مااحسيت غير قاسم ولد عمي هجموا عليه كلهم على ضرب وسب وغلط ....
حسيت جسمي اتكسر مااعرفت وين لو شلون احمي نفسي منهم غمضت عيوني ماادري يمكن اغمى عليه من كثر الضرب ...
بس مااكنت احسه باي شي لا ضرب ولا شي ...
فتحت عيوني شفت نفسي بدله العرس واركض بطريق اظلم وفارغ وبنهايه الطريق اشوف محمد كاعد يم شجرة ويبجي وااقترب منه واكعد يمه واسأل حبيبي ليش تبجي يباوعلي ويكلي مااتهنيت بيج ...
لحظات ويختفي وتصير بدلتي كلها لونها احمر واظل ادور عليه .....
فزيت على ماي بلل وجهي شفت نفسي نايمه على الكاع وقاسم واكف فوك راسي ....
لحد هذي الحظه اذكر كلامه وياي كل كلمه بقت عالقه بذاكرتي ....
كعد يمي ونزل راسه وباوعلي شفت بعيونه نظره انكسار وحزن ....
كال اليه عشق قسم بالله طول عمري اعتبرج اختي الصغيرة طول عمري واكف وياج طول عمري كنت سند الج لان شفتج مكسورة شفت بيج اخواتي حاولت احافظ عليج والله العظيم ولا يوم اتخيلت اوصل لو امر بهذي الحظه طول عمري اتمنى الحظه التجي بيها واطلعج عروسه مرفوع راسج من بيتي عمري مااصورت امد ايدي عليج ولا اكسر بخاطرج
عشق انتي اليوم كسرتيني واثبتي عليج انو انتي مو خوش انسانه من شرتي من البيت اليوم طميتي راسي بالطين......
طلعت اليوم من البيت مااكدر ارفع عيني بعين واحد من اتوفى محمد لهذا الوقت ولد عمج وعمامج يلحون حتى نزووجج ...
بس اني كنت اكول الهم لا عوفوها بعدها مكسورة وبعدها تحب محمد .....
وهسه اني شكبرني راح ادخل الخمسين ويكعدون بنص الزلم يلومون بيه ويكولون بنيه مااكدرت اتحافظ عليها ....
انتي تقبليها...؟
كتله بس اني مامسويه شي اني ...
بعدني مااكملت كلامي قاطعني وكال ...
سويتي لو مااسويتي انتي بعد طيحتي شرفنا وسمعتنا بالكاع......
كدامج حلين اما اعوفج هسه لولد عمج يذبحوج لو تزوجين مالك ......
كتله ماازوج مستحيل ....
كال عشق خلي اكولج شي تر اذا فضلتي الموت على الزواج فكري بناتي منو يقبل يزوجهن لو يدك بابهن وخالتهن ذابحيها علمود الشرف ...
زين عوفي البنات فكري باامج اذا طلعت من المستشفى وعرفت انتي ميته شنو رد فعلها وهي صاير بيها جلطه وهذي الجلطه الثانيه .....
خلي عقلج براسج وفكري بااهلج تر ولد عمج مثل الجلاب ينتظروج بره .....
لبسي عباتج
واني اروح اجيب السيد يعقد الج .....
طلع قاسم واني مصدومه من حجيه مصدومه من كولشي يصير وياي ....
يعني اليوم احلم هذا الحلم ويجي محمد يبجي بحلمي وبنفس الوقت اغدر بي وازوج علمود امي ....
بحياتي ماافكرت ولا تخيلت امر بهذي الحظه معقوله ازوج واغدر بمحمد معقوله اصلا افكر بغير حبيبي .....
شنو اختار صحه امي لو حبي وخلاصي لمحمد .....
كعدت ابجي واني احسه نفسي حاجزه عن الاختيار ...
ليش ياربي ليش مااسهل عليه الحياة ليش مااتخليني اعيش مثل العالم شنو هذني الاختبارات الصعبه تعبت والله تعبت ....
ليش ماتاخذ روحي ياربي واخلص ليش اني ماامجبورة اعيش هذي الحياة ...
اني من حقي اعيش مثل البنات من حقي احب وازوج الانسان الاحبه اعيش وياه عائلتي بهدوء .....
ليش مكتوبلي اعيش بقهر يكون اقصى حلم بالنسبه اليه راحه البال ......
اجى قاسم واخذني وياه لسيد.....
انجبرت اختار امي اختار راحه غيري على راحتي ....
طلعت امشي وراء قاسم مثل وحده اخذوها لاعدام
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
