ترك بصماته على جسدي

بارت ٢٣

كعدت الصبح واني بحضن وثاب ظليت صافنه عليه سبحان الله شكد حلو ابيض ولحيته صفرة ماشاء الله باوعت الساعه بال١٢ افف شكد نايمين كمت كعدت ظليت ادور على ملابسي ردت البس حتى اكوم ماكو اففف ياربي باوعت لوثاب شفته نايم كلت يله ماطول نايم خلي اكوم كمت مااحس اله جرني وكعدني على الجربابه كلي بزونتي وين رايحه كتله حبيبي الساعه بال١٢ عيب والله اتاخرنا وهم مشتاقه لحمودي هو ظل يباوعلي انوب اقترب مني وانفاسه على صدي عضني من صدي حيل اني كمت اصيح من الالم باوعتله وعيوني مدمعه كتله ليش وثاب سويت هيج كلي احبج اموت عليج وربي من اول يوم شفتج اخذتي كلبي وراحتي باسني من كصتي وعافني اني كمت غسلت ولبست دشداشه حلوة وطلعت لكيت البيت هدوء ومابي صوت كلت اجوز نايمين راحت لمطبخ شفت سمر كاعده اقتربت منها بستها هي كلتلي الف مبروك كتلها الله يبارك بيج حسيت ضايجه وحتى عيونها منفوخه كتلها شبيج كلتلي مابيه شي كتلها لعد ليش عيونج هيج كالت مانايمه شغل وكعدت من وكت اني مااقتنعت بحجيها كتلها لعد عمتي والبنات وين كالت راحن من وكت كتلها ها والله عيب مااكعدت ودعتهن كالت عادي وعافتني وراحت اففف ياحظي شبيها سمر راحت لغرفه حمودي لكيته نايم شلته وحضنته ورجعته لمكانه خطيه نايم راحت لمطبخ فتحت الجدر لكيت برياني وتشريب ولحم صبيت اليه ولوثاب واخذت الصنيه لغرفه لكيت وثاب واكف يمشط شعره كتله يله وثاب تعال نتغدى اجى يمي باسني من خدي وكعد ياكل ويتغزل بيه ويبوسني بس اني بالي يم سمر ليش اتغيرت عليه لو هذا حظي غيرها كملنا اخذت الصنيه وكفت اغسل اماعين وطبت نور كتلها ها حبيبتي نونه محتاجه شي كلتلي لا بس وين بابا كتلها حبيبتي بالغرفه هي راحت لابوها واني وكفت اكمل غسل الماعين كملت وسويت جاي صبيت اليه ولوثاب وكلت خلي اخذ لسمر هم صبيتلها الجاي واخذته الها دكيت بابا غرفتها هي كالت اتفضل طبيت لكيتها فاتحه شعرها هستوها تريد تنام كتله سمورة حبيبتي تريدين جاي اجيب الج هستوي سويته كالت لا عيني داده هو اني تعبانه اريد انام اني راحت بستها من راسها كتلها مااريدج تبتعدين عني انتي مثل اختي ولا تخلين اشياء صغيرة تفرقنا هي ضحكت وكالت لا حبيبتي انتي اختي ان شاء الله ماكو شي يفرقنا كتلها يله لعد اعوفج حتى اتنامين راحت طفيت الضوء وسديت الباب واخذت الجاي لوثاب كانت نور كاعده بحظنه كهدت اني اشرب جاي ونور عبالك تريد تبجي كتله لوثاب شبيها نور هو ضحك وكال حزري شتريد كتله شنو شتريد ههههههه كالي تريد اخت وجاي صالها ساعه تناقشني حتى اصير عدها اخت مااتريد اخ اني ضحكت كتلها ليش ماتريدين اخ الج كالت اي اريد بس اريد اول اخت حتى امشط الها شعرها ونام سويه صديقاتي كلهن عدهن اخت بس اني كتلها حبيبتي هسه حمودي يكبر وتلعبين وياه كالت بس حمودي ولد وماما ماتخليني الزمه تكول صغير اني وثاب ضحكنا عليها وثاب كال الها حبيبتي هسه يصير عندج كومه اخوات واخوان لاتخافين يباوعلي ويغمزلي عززه واني متت بدمي كلتله بابا صدك كال الها اي حبيبتي صدكي كالت الها يله لعد اروح اقرء كلها اي روحي اقري وشدي حيلي حتى يصير عندج اخت هي طلعت فرحانه وتضحك باوعلي وكلي تعالي راحت كعدت يمه كلي سمعتي نور شتريد شدي حيلج حتى اصير الها اخت اني ضحكت هو اقترب مني ورافع راسي وباسني بقوه اني حاوطته من ركبته وكمت ابادله البوسه هو تخبل وشاني ذبني على الجربايه وكام يبوس بيه من ركبتي واني اون من الوجع هم يبوس بيه بقوه اندك الباب اني راسن طفرت من مكاني وثاب لبس قميصه ويلهث باوعلي كلي غطي نفسج راح فتح الباب سمعت صوت نور اكله بابا حمودي يبجي وماما نايمه كلها حبيبتي بابا روحي جيبي وتعالي اني كمت لبست دشداشتي هو اجى كلي افففففف ضاك حلكي اني اقتربت منه بسته من خده كتله حبيبي لا اضوج كدامنا هواي ايام واني يمك وين اروح قابل شويه ونور جابت حمودي ظليت احضن بي وابوسه عبالك سنين ماشايفته هو يشكهك ويبجي ياعمري مشتاق لماما راحت غسلت اله وانطيته حليب وانطيت العاب وخليته يلعب يمي بالغرفه شفت وثاب متمدد على الجربايه ولوم الموبايل راحت اتمددت يمه هو ذب الموبايل( الفون ) واخذني بحضنه ظل يمسح على شعري ويهمس بكلمات حب وغزل غفيت بحضنه مااحسيت اله طكطكه بالغرفه فتحت عيوني شفت سمر اخذت حمودي شافتني كعدت كالت ها صح النوم وثاب طلع كتلها ها وين طلع كالت ماادري بس كال طلع وياه جماعتي اتاخر شويه كتلها ها تمام هي اخذت حمودي وطلعت واني هم غسلت وطلعت وراها لكيتها كاعده هي ونور وحمودي بحديقه وخاله فواكه كعدت يمها هي ظلت اسولف على النسوان بالعرس واشكال حجت عليهن كتلها اكلج شو اني ظليت مااعرف احد من عائله وثاب ظليت مثل الاطرش بالزفه هي ضحكت وكالت اي مو عائلتهم جبيرة هواي ماشاء الله شوفي وثاب عنده اثنين اخوان واحد كمال هو الجبير كمال تعرفين مو كلت الها اي اعرفه مدير مستشفى كلتلي اي عفيه مزوج بنت خاله وعنده ولد واحد عمره ١٦ سنه هذا لبيوم العرس اخذنا لصالون كتلها اي اذكرته كالت هذا اسمه عباس يدرس بصف رابع علمي وعنده خمس اخوات كلهن بالمتوسطه كتلها ماشاء الله خمسه كالت اي ولج خمسه مو راد كمال يزوج عليها فهي خافت كامت اجيب واحده وراء الثانيه منا لمن صارت المسؤليه هواي على كمال وماكدر يزوج كتلها اي كالت واخوه الوسطاني اسمه محمود هذا خطيه مريض كولش شكد افتروا بي حتى يعالجوا حتى سافروا بي لدبي لايران ولتركيا بس ماكو اله علاج كتله يا اسم الله شبي كالت بي اورام بالدماغ وكل مايعالجوا يرجع نفس قبل وثاب مكفل بعيشته بس خطيه مرته الله ينتقم منها عافته اول ماتمرض عافته وسمعت هسه مزوجه بغداد وحتى الكح*** مارفلها جفن على جهالها كافتهم صغار وراحت كتلها ياا عزه بعينها عافت جهالها كالت اي والله ولو اشوفيهم يكسرون باب الكلب كتلها خطيه هم شكم واحد كالت داده عنده واحد الجبير اسمه قاسم عمره ١٨ سنه وهذا زلمه واحد يعتمد عليه وثاب بكل شي معتمد عليه هو دائما وياه عمه ويساعده بكل شي وحتى خطيه وراء مايكمل الدوام يروح يشتغل وثاب يكوم يتعارك وياه لانيشتغل وملتهي لان دراسته بس هم يكله عمي اريد اصرف على اخوات محد الهم ومايقبل وثاب يصرف عليهم وعنده بعد اخ عمره ١٥ سنه هذا خطيه كولش فقير اسمه مصطفى واثنين اخوات واحد اسمها نازك عمرها ١٥ واصغر واحده اسمعا حلا عمرها ١٢ سنه كتلها ياخطيه صغار وهذولي منو يعتني بيهم منو يدرسهم كالت والله وحدهم وقاسم هم يقريهم كتلها خطيه هذا الولد مشلوع كلبه من وهو صغير كالت اي والله فوكها متفوق وهسه خطيه سادس ادبي كال اله وثاب ادخل عملي واني اخلي الك مدرسين ماقبل على ارغم هو مستوى مستواي علمي بس يستحي ياخذ من احد كتلها خطيه كالت اي والله كالت وبعد وثاب عنده اثنين اخوات واحد اسمها عبير هذي مزوجه بغداد مانشوفها دائما واحده عايشه يمنا كتلها ماشاء الله الله يحفظهم كالت امين .....
وراها راحنا سوينا عشاء وكعدنا ناكل ونسولف وراحت نور تقرء واني شلت السفراء وغسلت الاماعين وسمر وثاب يلعبون وياه حمودي ....
واني اغسل الماعين كملت راحت غسلت واجيت كاعده يمهم وثاب مطلع اخبار واني وسمر انسولف اندار علينا وثاب كال جهزن حالج هذني اليومين انطهر محمد اني كتله لا عيني وثاب بعد صغير كال شنهي صغير مو عمره سنه وست اشهر كتله اي بس لعد صغير خلي على الاقل يصير عمره سنتين والله كريم سمر كالت اي والله وثاب تر الولد صغير وخطيه هو مريض واخاف مايتحمل هو كال شوفن هذا الولد اذا بقى يتربى على ايدجن يصير مو رجال ويتحمل المسؤليه اني كتله ياعيني احنا قابل شنو كالنا خلي يكبر شويه ونطهره قابل طاير هو كال شوفن خلي اكول الجن شي هذا ابني واني اريد اربي مثل قاسم اريد يصير رجال مااريد دلال زايد خاف بعد يومين يكولون وثاب ماعرف يربي ابنه صار نثيه كالت اله سمر هاهيه طهره بكيفك اني ردت احجي كرصتني سمر سكتت ظلينا ساكتات واحده تباوع على الثانيه شويه واجتي نور مطنكره وضايجه وتريد تبجي كتلها ها نونه شبيج كالت عندي باجر امتحان رياضيات ومجاي افهم كتلها هسه اجي افهمج راحت وياها لغرفتها مرتبه وتجنن كعدت اقريها وهي ماشاء الله ذكيه كولش انوب امتحنتها اجتي سمر كالت ها افتهمت كتلها اي ان شاء الله اصير دكتور كالت اي ان شاء الله كتلها شبي وثاب ليش يحجي هيج كالت انتي بعدج ماتعرفين وثاب صح حنين وكلبه رقيق بس عصبي ومايحب احد يجادله وعرض امره يمعوده خلي يطهره اول وتالي يطهره على الاقل صغير ومايحس احسن من هو كبير يصير يتوجع اكثر كتلها هاهيه يمعوده اصلا مااريد مشاكل كالت اي عفيه ظلينا كاعدين يم نور وهي تحل صارت بال٩ وكملت نور كتلها امشي سمر نكعد بره اجوز البنيه تريد تنام زعجنها ..
صدك طلعنا ظلينا نلعب وياه حمودي لحد الساعه بال١٠ كمت نيمت حمودي بغرفته وسمر كامت نامت واني هم راحت لغرفتي وثاب بعده بالصاله يتابع الأخبار طبيت غسلت ونشفت شعري وخليت عطر ولبست سيت نوم وردي فاتح يخبل وخليت شويه مكياج خفيف داخل وكفت امشط شعري بعده رطب دخل وثاب اقترب مني كال شنو القمر اليوم نازل بغرفتي اني ضحكت هو باسني من ركبتي وشالني لجربايه وووووووو
مشت الايام عبالك تسابق مو يكولون الايام الحلوة تمشي بسرعه والايام المرة على كيف تمشي حتى اتعذب الانسان شويه شويه كل يوم يمشي بحياتي الجديدة اخاف اكثر ورعبي يزيد اخاف يجي يوم بدل ضحكتي هذي تنكلب دموع كنت اضحك واحسه بشي راح يكلب حياتي خوفي من الدنيا مثل خوفي من الموت الان اثنينهن يغدرن الانسان ...
وثاب اتحق بالشغل ظلينا بالبيت اني وسمر مابينا مشاكل الحمد الله لان لا هي مئذيتني ولا اني نور اغلب وكتها بالدوام لو قريته نور على الرغم صغيرة بس معتمده على نفسها هواي وهي ماشاء الله كولش حلوة واحلى شبي بيها عيونها كولش كبار مثل حور العيون وكل ماتكبر تنطي شبه لوثاب من ناحيه البياض يعني من كانت صغيرة شويه حنطاويه بس هسه لا والله بيضه تخبل الله يحفظها اما حمودي بدأ يزحف ويركض وراء نور خو من تروح نور الصبح لمدرسه يطك من البجي يريد يروح وياها سمر اكثر شي متعلقه بي مرات تنيمه يمها بالغرفه ومرات يمي .. وكل اسبوع يروح وثاب يلتحق بالعسكريه يجينا قاسم ينطينا مسواك ماشاء الله رجال مشورب يشبه وثاب بس قاسم عيونه جوزيه من يجي عيونه مايخليهن بعيوني لو بعيون سمر منزل راسه ويحجي ويانا حيل حباب وخلاقه عاليه مرة كنا كاعدين اني وسمر وحمودي بالحديقه واختي نور طاكه من البجي سمر ركضت عليها شكو ولج شكو واني كمت ركضت جبت الها ماي اخذتها من سمر وكعدتها كتلها شكو حبيبتي على كيفج كالت جنت راجعه من المدرسه وشفت قاسم بالطريق اني من شفته ركضت حتى مايصيح عليه كتلها اي كالت واني اركض وكعت وقاسم فوك الوكعه جر كصيبتي وكال ولج ليش مالبسه حجاب اني كتله ماالبس ماتحبه هو عاد كال اني اعلمج الا اخليج تلبسن عبايه وصلني لباب وراح كتلها حبيبتي مو بكيفه ابوج يجي وهو يرزله روحي غسلي واني اصب الج غداء كالت اي راحت وراحت صبيت الها غداء وهي كعدت تاكل وساعه تبجي نور طبعها تتخبل من اقربائها حتى من يجون ولد عمها لو عماتها ماتطلع اسلم عليهم وعمتها يظلن يحجن على سمر مدللتها وماعرفتي تربيها ومن هذا الحجي ...
يتبع
السلام عليكم ورحمة الله وبركاته شلونكم عساكم بخير وصحه وعافيه