ترك بصماته على جسدي

بارت ٢٩

غرام .. لج عشق عرفت شنو سبب المشاكل بين بابا ومحمد وليش محمد عاف البيت
عشق .. اي شنو صاير احجي وكعتي قلبي
غرام .. سكتي قبل لا تروح نور ظليت اجر بالسانها منا لمن كالت اليه السالفه 
عشق.. شكالت  غير تحجين  حتى افتهم عليج
غرام .. انطيني مجال خلي احجي اذا انتي اكلتني وين اكدر احجي شوفي محمد قبل فترة راد يفتح معرض مال سيارات بس راد شريك حتى من هو بادوام يجي شريكه يشتغل بداله راد بابا عارض وكله شسوي بي خليك بشغلك   محمد ماقبل لان راد يأمن على ماما يكول خاف استشهد او شي على الاقل ضمان الهم بس بابا هم رفض وكله لعد اني وين رحت شو حلالي ومالي الكم اني منقص عليكم بشي كتلها اي وبعدين شصار ...
كالت حبي والدنا العزيز عرض ماقبل كتلها ليش مايقبل كالت شوفي اني الصراحه ماادري بس حسب مااشوف طبع بابا يحب يخلي الكل تحت امره ويحب يتأمر وانتي شفتي شكد يتأمر على محمد خطيه لذالك اذا محمد صار عنده خير من الله اكيد راح يخلي حياته مستقرة بعيدة عن جبروت بابا كتلها اي صح اني هم مرة سمعت محمد يحجي وياه ماما يريد يطلع من البيت كالت اي ادري اصلا هو باقي هنا علمود امي كتلها شلون اذا طلع صدك من البيت وعافنا باوعتلي وبنظرتها الخبيثه وكالت لا تخافين عيني مايعوف ماما ويروح كتلها اي كملي شصار.. كالت  بعد فترة بابا سمع من ناس محمد مشارك واحد وراح يفتحون المعرض وهذا الواحد سمعته مو زينه حسب قول بابا لذالك راح حجى وياه شريك محمد وتعارك وياه ومن سمع محمد هيج تعارك وياه بابا كله شنو اني زعطوط مااعرف اصرف وهيج اسوي كلمه من بابا وكلمه من محمد طلع محمد من البيت وانتي تعرفين الباقي
عشق .. عززه شلون بابا هيج يسوي يعني صدك موقفه مو حلو يعني محمد مو صغير حتى يسوي هيج بي
غرام ... انتي ماتعرفين ابوج يحب يتحكم ويصرف من يمه ماينطي مجال لاحد يختار حياته شو كل شي عنده غصب ماكو تفاهم
عشق ... تدرين من تمرض ماما ظليت احجي على محمد بقلبي لان هيج سوى وطلع من البيت وحتى من  تعارك بس من عرفج منج لاتغيرت نظرتي والله حقه هيج يسوي يعني مو قليل عليه لصار
مرت ايام ورجعنا لطبيعتنا   اتحسنت بي ماما ورجعت لصحتها الحمدالله  ومحمد هم رجع لبيت بس علاقه بابا مو زينه ابدا مايحجون وياه بعض بس على الاقل ماكو مشاكل   وضعنا مستقر بس محمد دائما يرجع لبيت بوقت متاخر كولش يعني مرات قليله نشوفه بالبيت ومرات اشوف امي تتعارك وياه ماادري على شنو ...
وغرام جاي تحظر لعرس مابقى شي اله بنهايه هذا الشهر تقريبا صح هي ماتطلع لان اصلا ماقابله بهذا الزواج بس خطيه ماما هي تطلع اجهز الها وذوق ماما يجنن بس ابدا مااشوف فرحه بعيون غرام دائما حزينه ومكتئبه هواي ماما تحجي وياها وتمدح بقاسم بس هي ما متقبله فكرة الزواج بشكل عام ...

عشق .. كنت كاعده الظهر  بعدما كملت شغلي ومحد بالبيت  محمد من اسبوعين  رجع لعسكريه وبابا بالشغل مر هذا الشهر علينا بسرعه ماحسينا عليه اليوم من الصبح امي اخذت غرام وراحت وياهن نور لصالون بلكوه راحت غرام بعد بجي وصياح غصب عنها راحت وياه امي احسه غرومه يوم وراء يوم تذبل وخاصه من قرب موعد عرسها كامت حتى متاكل والنهار كله بغرفتها صح اني مااعوفها حتى ماما ماعافتها دائما تكعد وياها وتحجي بس مااشوف نتيجه من الحجي وياها ..
باجر الحنه مالت غرام واخوات قاسم رادن ياخذن غرام تختار بدله بس ماقبلت لذالك خطيه جابن هن البدلات وكلهن يجنن صراحه ماقصروا وياه غرام بشي يعني حتى لو ماتطلب كولش يجي يمها بس ماادري ليش احسه بحزن يمكن لان راح افارك نصفي الثاني صح هواي نتعارك اني وغرام بس ابدا مايطول زعلان بينا غير ساعه لو ساعتين صح شخصياتنا تختلف وهواي اشياء نختلف عليها بس تبقى اختي وماعندي غيرها ..
 
كعدت بالمطبخ انتظر ماما وغرام يرجعون من الصالون طالعين من الصبح لهسه مارجعوا والحمدالله لهسه بابا مااراجع من الشغل لان لو رجع وماشاف امي بالبيت يفضحنا بالعراك مايحب ماما لو احنا نتاخر بالطلعه لازم وقت محدد نرجع بي لبيت  ..
شويه ودخلت ماما وياها البنات راحت ركضت جبت الهم ماي وانطيت الهم باوعت لغرام اجنن من حفت وجها وسوت حواجبها صارن عيونها كولش كبار على الرغم هي من الاصل عيونها كبار وعسليات ورموشها طوال طلعت اجنن بس شعرها نفس لونه البني ماصبغته  كتلها ولج غرومه صرتي تخبلين باوعت اليه بنظره حزينه وكالت اني رايحه اغسل وانام ..
راحت وماما صاحت وراحها ولجج غرام لا تغسلين وجهج يطلع بي حب كتلها اي وراحت لغرفه ..
ماما هم راحت ترتاح بغرفتها وتبدل ونور ظلت كاعده بالمطبخ لزمه الفون وتراسل ..
حميت الاكل لان بابا هسه يجي وفعلا دقايق واجى بابا هم سلم وراح اتوضى وصلى واحنا صبينا الاكل على ما يكمل صلاة .
صبينا الاكل ومعدنا ناكل وبابا يسولف لماما على شغله وعلى ترتيبات العرس مال غرام راد قاسم يسويها  العرس بالقاعة بس بابا ماقبل كال ماكو داعي نسوي زفه بس ..
ماما ماقبلت وكالت حالها حال نور مثل ماسوينا عرس نور بالقاعه غرام هم نفسها لا تفرق بين البنات بابا قبل لان يخاف على صحت ماما خاف يصير بيها شي ويعني حتى غير تعامله ويانا لخاطر ماما صح بابا قلبه طيب بس مايظهر مشاعره لازم يصير قاسي بالتعامل ويانا ..
بيوم حنه غرام ماارحنا لصالون ام الصالون هي وبنات وياها جابهن قاسم لبيت مالتنا من الصبح لحد العصر بس هوسه عماتي اجني وبناتهن ....
يعني على كثر الشغل نكسر ظهري من تنظيف وكل ساعه جاي حتى مالحكت اعدل نفسي مجرد غسلت وسويت كصيبه ايرانيه لان ماما ماتقبل نفتح شعرنا لان كولش طويل ..
ولبست فستان بسيط لونه وردي وبي حزام اسود ماخليت شي على وجهي حتى كحله ماقبلت ماما اخلي راحت لصاله شفت غرومه كاعده هي وبدلتها السمائيه مثل الملاك وامي لازمه البخور وتقرء عليها
طبعا اني ابسط وحدة بيهن من ناحيه البس يعني على الرغم بنات عماتي يجن بعمري لو اصغر بس هم مكياجهن كولش اوفر وغير لبسهن المفضوح وتمركصن ..
دخلن اخوات قاسم ويهلهلن ويبوسن بغرام وشتغل الردح والاغاني ..
منا ل٦ امي خلت لغرام حنه وانطت الباقي لخوات قاسم ورادن يروحن بس امي ماقبلت وجلبت بيهن ل٧ والناس بدأت تروح وهن هم راحن وامي انطيهن علب اكل وحلويات بس هن ماقبلن كالن والله عمه  قاسم مايقبل بس امي اصرت هواي هن خطيه انجبرن ياخذهن ..
طلعن نص عماتي والنص بقى على العشاء اخذت غرام لغرفه فتحت المشات عن شعرها ظلينا نص ساعه بس نريد نفتح التسريحه خو المكياج قصه اخرى بالكوه كدرنا اني نور نفتح شعرها طبت غسلت وجبت اكل كعدنا ناكل اني وياها على الواهس طبت نور كالت ها ماكملتن باوعتلها كتلها اي اني كملت ليش كالت كومي ساعدي ماما بالمطبخ كتلها بس ماما ماعدها شي بالمطبخ قبل لا اجي نظفته كالت اهووو شو روحي عشق اريد احجي وياه اختج كتلها يوو شبيج نور وين اروح تعبانه واريد انام من الصبح لهسه افتر واشتغل كالت تريدين تنامين لو اكعدين اسمعين الحجي والله اذا ماطلعتي اصيح خاله كتلها طالعه طلعت واني ادردم على نور راحت شفت ماما كاعده يم عماتي وسولف راحت كعدت يمهن على صفحه واسمع حجيهن ماعافن احد ماحجن عليه وكل ساعه يتأمرن عليه لو جاي يريدن لو ماي كمت احمي الجاي وهذي المرة الثالثه لحمي شنو مايشبعن من الجاي .
كنت واكفه وادردم عليهن وسمعت صوت رجولي واكف قريب على باب المطبخ  يكول يلله يلله احححم  اني راسن خليت شال على راسي  ...
وراحت فتحت الباب هو اصلا مفتوح بس عبالي رجال غريب او من ولد عمامي لذالك مايفتح الباب فتحته شفت محمد لبس الزي العسكري وبيده الجنطه مالته ..
باوعتله كتله الله يساعدك كال الله يسلمج شلونج عشق كتله الحمدالله كال صيحي امي كتله تعال ادخل كال لا عيب اكو نسوان بالبيت مايصير بس روحي صيحي الولدة كتله اي هسه ...
راحت ركضت صحت امي كتلها محمد اجى من العسكريه كامت والضحكه تارسه وجها راحت كدامي لباب المطبخ واني وراها راحت حضنت محمد وباسته وحجت وياه بشي بس مااكدرت اسمع كانت تحجي بصوت كولش ناصي ومحمد تغير وجه من الهدوء الى العصبيه وكال بصوت مسموع اي اي الله كريم ..
راح محمد وماما طبت كتلها ماما وين راح محمد كالت راح بالمشتمل  كتلها ياا خطيه ليش كالت مو اكو هنا نسوان وعيب كتلها ماما اخذ اله اكل خطيه اجوز جوعان ..
ضيقت عيونها امي ولزمتني من ايدي كالت عشق ماما لا تروحين بالمشتمل لا يشوفنج عماتج لو بناتهن ويطلعن عليج خوش سالفه افتهمتي قصدج بس اكو ناس ماتفهم راسن يحكمون واني هسه اخذ لمحمد اكل كتلها اي ماما 
انحرجت هواي من ماما حجت وياي هيج حسيتها تعرف اني احب محمد عززه والله متت بدمي
طبعا هذا المشتمل من زمان بابا بنائه قبل لا يزوج ماما رادت تكعد بي قبل لا تتوفى ماما بس ماكعدت بي هو مو كولش جبير بس صاله وغرفتين وملحقاته ومتصل بالبيت مالتنا يصير بالحديقه الخلفيه مال بيتنا اغلب الاوقات محمد يكعد بي من يجون خطار لبيتنا وخاصه عماتي وبناتهن فيروح هناك خاف يضايقهم  ...
بعد كلام ماما خلاني انتبه اكثر على تصرفاتي لان اعرف ماما ماتتقبل مشاعري لمحمد من اني صغيرة لحد ماكبرت كانت ماما تكول  محمد اخوجن على الرغم هي كانت حريصه علينا هواي من كولشي كانت تخاف علينا هواي  بس ماكدرت تمنع دخول الحب لقلبي ..
فرشت لعماتي وراحت  نمت  من وكت من كثر التعب .
كعدت الصبح على الهوسه وصياح ماما وهي تكعد غرام حتى تكوم تغسل وتاكل لكمه لان بال١١ ام الصالون تجي  شفت الساعه بال١٠ ونص افففف هذا  اول مرة اطول هلكد بالنوم ..
كمت صبحت على ماما وطلعت غسلت ولزمني عماتي شعندج عروس ولهسه نايمه وظلن يحجن عليه وحدة تسكت والثانيه تكمل حجي منا لمن خلن راسي ينفجر من الوجع راحت ساعدت غرام منا لمن اجتي ام الصالون وثنين بنات وياها وصارت تروح من ايد لايد عنايه بالبشره ومكياج وشعر وغيرها..
طلعت غرام مثل الملاك وهي بالبدله البيضه كانت كاعدة على الكوشة والبنات يركصن وماما كاعدة يم غرام طول اليوم واحنا انجهز غرام ماعافت امي ظلت لزمه ايدها عبالك تريد اطير وكل ساعه تبجي ويخرب المكياج  وام الصالون تحجي عليها طبعا مثل حفله حنتها هم قاسم جاب ام الصالون وبنات وياها لبيت مالتنا منا ل٤ كملنا كولشي اني مثل العادة ماخليت شي على وجهي ولبست فستان بسيط لونه ماروني  وياه شال اسود لان القاعه مختلطه راحنا لقاعه وركص واغاني  شويه ودخل قاسم وخوانه  وياه محمد وبابا وعمامي ..
غطت ماما غرام وطلعوا زفه بالسيارات لفندق ....
_________________________________
عن لسان حال غرام ..
غرام .. ليشوفني يكول واثقه من نفسها وعدها تكبر اني مو هيج ابدا اني حاول اصير مثل نور بلكت بابا يكوم يحبني مثلها او يعاملني مثلها حاولت اقلدها بكولشي كنت اسوي مشاكل بلكت بابا ينتبه عليه بس كان كل شي اسوي يفشل كان بابا يكرهنا اني وعشق دائما اسمعه يكول لامي مااتحمل اشوفهن احسه من وراهن سمر ماتت بابا حملنا ذنب احنا مامسؤلين عنه هذا امر الله كنت دائما اقنع نفسي بهذا الكلام بس كل شي انسلب منا دراستنا ومستقبلنا بابا حدده حتى احلى احساس بالكون ماجربته ولا لحكت اعيش هذا الشعور
من كنت اشوف نور وشلون انخطبت لشخص يحبها وهي تحبه كنت دائما اتخيل نفسي بمكانها اتخيل نفسي احظى بهيج حب وازوج انسان اني اختاره حالي حال البنات بس مع الاسف حتى هذا الشي ماكدرت اعيشه انجبرت ازوج انسان مااعرفه انسان ماشايفته غير مرتين وفوكاها كان يريد يخطب  اختي وين العدل اني هم اريد اعيش مثل البنات حتى فترة خطوبه ماعشت مرتين شفت بيهن قاسم مرة بالعقد ومرة بالحفله الخطوبه شفته انسان قاسي هواي نور كانت تسولف عليه تكول قاسي ومايتعاشر كل كلامها خلى عندي خوف من المستقبل كنت  كل مايقترب العرس كنت اخاف ورتعب وابجي حاولت هواي ...
عاندت وتمردت توسلت وذليت نفسي بس كل هاذا ماغير شي ولا حنن قلب ابويه عليه كل محاولتي  مانفع ..
من دخلت لغرفه بالفندق حسيت كل اطرافي جمدت وجسمي صار يرجف وخوفي وتوتري زاد من سولفتلي  نور عن ليله الدخله دخل قاسم لغرفه فتح ربطه العنق وشمرها على الكرسي هي والسترة مالته فتح اول دكمتين بقميصه واني قلبي يرجف احسه الا شويه يوكف بين رجليه ...
اقترب عليه اني راجعت هو نفخ كال شبيج كتله واني ارجف ماادري شبيه احسه جسمي ثلج ..
ماابيه شي عافني وكال روحي بدلي ورتاحي لا تخافين يابنت عمي ..
اني هيج كلي راسن راحت طلعت من الجنطه دشداشه بيضه حلوة شويه قصيرة طبعا امي جهزتلي سيت نوم ابيض بس كولش فاضح وكولش قصير اصلا ماكدرت البسه استحي هو بيتنا ماالبس هيج انوب كدام قاسم حتلو زوجي بس مامتعلمه عليه ..
راحت ركضت لحمام وغسلت وفتحت التسريحه بالكوه ماادري شكد مشات بشعري عفت شعري مفتوح وطلعت شفت قاسم واكف يصلي ولبس تارك اسود وزيتوني راحت كعدت على الجربايه واباوع لقاسم شلون ضخم والتشيرت يريد يطك من وراء عضلاته كمل صلاته وقترب يمي وظل يباوعلي حجى ويايه وعيونه على جسمي  كلي جوعانه كتله لا ماجوعانه كال وهو يمسح العرك من وجه بعد احسن تعالي اسد جوعي بيج ....
يتبع ..
السلام عليكم ورحمة الله وبركاته شلونكم عساكم بخير وصحه وعافيه حبيت انزل الكم بارت قبل الثلاثاء لان انتوا تستاهلون وهم صار عندي مجال سويت الكم البارت طويل واتمنى يعجبكم وشكرا