ترك بصماته على جسدي

البارت الثامن عشر من الجزء الثاني

غرام ..... كنت كاعده بالغرفه الجهال ارتب ملابسهم وفاتحه الايباد مالت حمودي اباوع فيديوهات .....
اباوع على هذني النسوان فلك طرهن وحدة احلى من الثانيه ......
مااشوف غير نور اجتي ركض لغرفه .....
مثل الزرافه والله العظيم متت عليها من الضحك .....
هي طويله وضعيفه كولش وتركض عليه .....
ههههههههه.....
طبت لغرفه .....
كتله ههههههه شكو ولج تركضين ؟.....
كالت ولج لحكي خبر صدمه  !!!......
كتلها ياستار شكو ؟.....
اجتي كعدت يمي وكالت مو اني طلبت من زوجج السجلات مالت معرض ابويه ومعرض محمد ....
كتلها اي؟
كالت مااجابهن اليه صار اليه فوك الاسبوع اركض وراه واكول اله جبهن يغلس لو يتهرب مني .....
كتلها اي مااتعرفي لقاسم هن هذني تصرفاته من ماايعجبه شي يتهرب منه ......
كالت اي بس مو عليه راحت خابرت ابن عمي عيسى تدرين هو يشتغل وياهم ....
كتلها اي ادري ولد حباب .....
كالت اي خابرته وكتله يجيب اليه السجلات .....
هو بالبدايه مااقبل وخاف من قاسم بس بعدين كتله اني انطيك فلوس اذا جبتهم وفعلا من سمع بيها فلوس ثاني يوم جابهن اليه بس ياحظي مااجاب اليه بس سجلات المعرض مالت محمد .....
كتلها اي وشنو الصدمه بالموضوع ؟ ......
كالت انتي تدرين المعرض باسم منو ؟؟؟؟.....
كتلها اي غير بااسم محمد ....
كالت لا عيني مو باسم محمد ....
اني عقدت حواجبي كتلها لعد بااسم منو؟ .....
كالت نص بااسم مالك وحصه مالت محمد مسجلها نصها  بااسم عشق ونص بااسم امي الله يرحم محمد قبل لا يتوفى مسجل حصته بااسم عشق .....
كتلها بصدمه اشو محد كال النا هي حتى عشق مااتدري ....
كالت اي محد يدري بس قاسم وامي ......
كتلها والله عمي اني اخر من يدري بكل شي .....
هي ضحكت وكالت اذا انتي فاهيه شلون تدرين اني لو منج اركض وراء قاسم منا لمن يخصص اليه راتب كل شهر والله اكل راسه اكل .....
واعرف كل فلس من فلوسه وين يروح .....
كتلها يمعوده من كل عقلج اني ميته قابل على الفلوس ....
والله لو عليه اضحي بكل فلوسي بس اهم شي احصل راحه البال .....
هي ضحكت وكالت شو حجيج مالت عجايز شبيج صدك تحجين ......
وبعدين تعالي اكلج اني ضايجه شنو انتوا مااطلعون من البيت؟ ....
كتلها لا خيه احنا ماانطلع اصلا اذا طلعنا معنها يوم القيامه قرب احنا هنا  محكومين بسجن مؤبد  .....
كالت شسالفه اني العصر اريد اطلع اني وسمورة نشتري شكم شغله وتعالي وياي .....
كتلها والله ياريت بس هذا العكرة وين يقبل ....
كالت معليج اني احجي وياه بس انتي جهزي نفسج الساعه بال٣ نطلع حتى نمر على الصالون ونغير نفسيتنا شويه .....
كتلها يابه اذا قبل قاسم اطلع وياج الا اطلع اركص على قناة الشرقيه .......
هي كامت تضحكت وكالت لعد بعد اختج جهزي نفسج تركصين  .....
راحت نور لغرفه قاسم تحجي وياه .....
اني راحت اركض وراها اسمع شنو يكول الها ...
طبت هي لغرفه واني وكفت وراء الباب ....
سمعتها كالت اله قاسم اني اريد العصر اطلع واخذ وياي غرام ....
هو راسن كال الها ليش غرام تطلع ؟.....
انتي طلعي واني اوصلكم هم عندي شغل العصر  ومن ارجع امر واخذكم بطريقي .....
كالت اله لا قاسم اني اخذ غرام شويه تغير نفسيتها ....
كال الها ليش هي شبيها نفسيتها حتى تغيرها وبعدين هي مااتحب تطلع تحب كعدة البيت والجهال عدهم متحان يعني لازم تكعد تقريهم ....
كالت الها شسالفه قاسم معقوله يعني تكسر بخاطري وتدرني واني اكول ابن عمي مااكو مثله .....
هيج تفشلني ...
هو ضحك وكال الها مااعاش لفشلج هاهيه طلعوا بس ٣ ونص جهزوا نفسكم حتى اخذكم بطريقي  من اطلع .......
حسيت نور راح تطلع راحت راسن رجعت لمكاني .....
اجتي هي ورايه وكالت تر شفتج تسمعين ولا تبطلين هذي العادة ......
كتلها انجبي غير ردت اعرف شنو يكول .....
كالت قبل تر ....
كومي طبي غسلي حتى نبدل بس اكلج لا تاخذين واحد من الجهال وياج اصير هوسه .....
كتلها لا مااخذهم اصلا البارحه ابوهم طلعهم شنو طلابه خما اطلابه .....
اقتربت كعدت يمي وكالت شو صايرة تنامين بغرفه عشق ليش اكو شي ؟ .....
كتلها لا مااكو شي بس شويه مشاكل .....
كالت يووو اصلا قاسم معقد من يوم يومه ....
كتلها اي .....
كالت شوفي تدرين ليش اني اكره لقاسم ؟.....
كتلها بفضول لا ليش ؟ .....
نصت صوتها وكالت قاسم خبيث كولش ....
كتلها شلون ؟ ....
كالت قبل من ابويه عايش الله يرحمه كان يعز قاسم هواي وحاسبه مثل ابنه ودائما يسمع كلامه لقاسم لان قاسم من النوع لسانه طويل ويقنع الناس بسهوله ....
فكان دائما يحرض ابويه عليه دائما يكول اله البنيه مكانها البيت ....
البنيه ماتصير تطلع ... البنيه اذا طلعت اجيب الحجايه النا.....
منا لمن يفر دماغ ابويه فر ....
بس الحمدالله خلصت منه .....
جريت نفس قوي وكتلها اني وكعت بيها ....
كالت صحيح وكعتي بيها بس كولشي يتغير ...
كتلها شلون شتغير .....
كالت بيدج ...
بعدها مااكملت حجي دك موبايلها .....
كامت طلعت بره تحجي ....
بس سمعت صوتها عالي وتحجي بنفعال .....
طلعت ردت اشوف شكو ليش صوتها عالي ....
شفتها راحت نزلت جوى وظلت تروح وترجع ....
نزلت يمها وكتلها شكو نور شصاير ....
هي سكتت ...
كتلها احجي يمعوده عشق بيها شي؟...
كالت لا مابيها ....
كتلها لعد شكو تحجي ....
كالت بعدين اوكفي هسه ....
ظليت نص ساعه كاعده بتوتر من وراها وهي ولا تحجي بس ادردم وتروح وتجي ....
حتى امي حست وطلعت هم من سألتهامااجاوبت نور .....
دقائق وندك الباب ....
راكضت نور طلعت هيج فلوس من جنطتها ...
ولبست عباتها وراكضت لباب ......
اني وامي انباوع بقلق وراها شكو شبيها هذي ....
سدت الباب وكانت لزمه هيج سجلات واكلب بيهن ....
ماانسمع غير واكفت يم الدرج وكامت اصيح بعلو صوتها على قاسم ....
نزل قاسم مخروع وهو يباوع علينا ...
باوعت اله نور وكالت اله هذي الثقه يابن عمي نطيك حلال ابويه تاكله انت واخوانك ؟ ......
هو باوع عليها وكال شجاي تخربطين انتي شسالفه؟ .....
شمرت السجلات عليه وكالت اله اني مااعندي حجي وياك هسه اخابر عمامي وهم يعرفون يصرفون وياك خلي يعرفون ابن اخوهم القاضي شسوي بفلوس اليتامه ......
هي رادت تمشي لغرفه هو لزمها من ايدها وكال احترمي نفسج وانجبي واذا شفتج فتحتي حلكج اكسرج تكسير ....
اني ظليت صافنه مااعرف شنو السالفه ....
امي راسن كامت وكالت اله وخر ايدك عن نور ياقاسم وفهمونا شكو ....
دفعت نور قاسم واجتي يم امي وكالت الها خاله هذا قاسم مااكل حلالنا ...
بعدها مااكملت حجيها وقاسم راد يهجم عليها امي وكفت بالنص وكالت بعدني مامتت وتمد ايدك على بناتي ....
كال لماما لعد يعجبج حجيها راضيه بي ؟ ....
كالت خلي البنيه اكمل حجيها ونعرف شنو السالفه ....
باوعت امي لنور وكالت الها كملي شنهي السالفه؟ ....
كالت نور يمه قاسم بايع معرض بابا كوله ....
اني فتحت عيوني من كثر الصدمه .....
امي باوعت لقاسم وكالت اله صدك بايع معرض وثاب ؟ .....
هو نزل راسه وكال اي بعته لان مااعندي وكت اله .....
نور قاطعته وكال هو حلالك وتصرف بي بكيفك هذي حصصنا اني واخواتي يعني لان منطيك توكيل تاكلنا .....
زين مااعندك وكت كول النا الف واحد يتمنا بس يشتغل هذا الشغله ....
عوفه زين الفلوس وينهن المفروض من بعته غير اتقسم الفلوس عليه وعلى اخواتي لو شفتنا مااعدنا سند غير الله واكلتنا موووو؟.....
بذاك اليوم صار اعراك وصياح بين قاسم ونور .....
بالاخير ماما خابرت عمامي وكالت الهم خلي يجون العصر .....
قاسم من عرف صار عصبي ويصيح ويكفر ......
اني واكف وياجن ..
واني اصرف عليجن ....
يايوم اخذت فلس ...
اني قاضي ماامحتاج لفس واحد من فلوسجن .....
منا لعصر اجوي عمامي كلهم من الجبير لصغير ....
ههههه بعد سمعوا بيها فلوس ومشكله شلون ماايجون ......
لبست ماما عبايتها هي ونور وطلعت يم عمامي ....
صراحه محد حجى غير نور هي لسان وكحه ...
واسوده عليه امي مريضه وفقيرة اصلا مااتحب المشاكل .....
وراء مااعرفوا عمامي بسالفه المعرض ظلوا يحجون على قاسم على ابو هذي امانه ومايصير ومن هذا الحجي .....
والله جذب هسه نصفهم يدرون بسالفه البيع ومااخذين نص الفلوس ....
بعدين عرفنا انو قاسم مشتري بفلوس المعرض مجمع سكني ......
صار صياح وعراك بين عمامي ونور ....
لان عمامي كالوا هو رجال البيت وجاي يصرف عليجن .....
وهو الحلال اول وتالي الكم ....
بس نور مااقبلت وكالت خلي يبيع المجمع  ويرجع النا الفلوس ...
لو يسجله بااسمنا ...
بس قاسم مااقبل وكال اني ذبيت تعبي كوله وفلوسي بالمجمع مو بس فلوس المعرض .....
كال اله عمي انت المن بعته ؟ .....
جاوب وكال بعته لواحد صديقي ....
كال اله عمي الجبير اي المن تر البنات حقهم يريدون فلوس ابوهم كول اليه منو صديقك هذا ؟ حتى نعرف بيش بعته ونرجع لفلوس لبنات ونفضها شنهي تريدون تفضحونا بالعشيرة .....
مااتستحون علمود شكم فلس رجع الفلوس لبنات وفضنا .....
عمو الجبير كمال كان انسان حباب على الرغم كان شويه طماع  .....
بس يخاف الله بشكل ماايوصف .....
هو طبعا وراء وفاة بابا راح هو وعائلته عاش بتركيا واستقر هناك لان راد يخلص من مشاكل ابنه .....
بس من ازوج ابنه وبناته رجع هو ومرته لشمال استقر هناك ......
والحمدالله هذي الفترة اجى زيارة النا .....
ولو البقيه طماعين ومايخافون الله مااعدهم كلمه حق ......
عرفنا بعدين انو قاسم باع المعرض لمالك زوج عشق ....
اتصل عليه عمي  وعزمه هو وعشق على الغداء هو بالبدايه مااقبل مالك لان عنده شغل وكال بعد يومين راح اداوم مااكدر واعتذر من عمي بس عمي اصر عليه ....
فكال ان شاء الله باجر اجيكم .........
راحوا عمامي بعد مااتعشوا وبقوا لحد الساعه بال١٠ باليل ....
اني حسيت ظهري انكسر من كثر الشغل ....
كنت واكفه اغسل الاماعين واجتي نور واكفت وياي ....
كتلها مااظن قاسم يرجع الفلوس ....
كالت مو بكيفه والله افضحه اذا عمامي ماابيهم حظ اروح لشيخ العشيرة وهو يطلع حقي ....
كتلها والله ماادري نور يعني لو متناقشين وياه قاسم احسن من الفضايح هذي ....
كالت حبي هذا قاسم من اول مااكعد ويانا بالبيت اني كلت الامي تر هذا داخل علينا على طمع شاف ابويه اتوفى ومحمد اتوفى ومحد النا غير الله .....
كال خلي استغلهن ....
انتي تدرين هذا الحلال يوزعه على اخوانه وانتي مرته دشداشه بيها حظ مااعندج ...
بله يمته اخر مرة لبستي قطعه ذهب بيها حظ ؟ ....
اني سكتت اصلا مااعندي بس مالت عرسي ....
كالت والله اخته تجي مصيوغه بالذهب من فوك لجوى .....
كتلها يمكن من زوجها يشتري الها .....
هي ضحكت وكال بابا من كل عقلج انتي هو مين اله زواجها هو مدرس وبيتهم اجار كاتلهم الجوع ....
هو بعرسها لنازك حتى ذهب مااعدها حتى اذكر اخذت اكلادتي كالت بس البسها وارجعها .....
ولج ذيج المرة خابرتها تعرفين شنو تكولي ....
كتلها شنو ؟ .....
كالت تتنعوص وتكول والله ينطي قسومي حبيبي اشترالي بيت يخبل بغداد وهسه راح انتقل اعيش بي ......
ولج هذولي عايشين بخيرنا والله لطلعه من عيونهم .....
_________________________________________
عشق ..... اي بس مااريدك تقترب مني .....
كام يضحك بصوت عالي وكال من كل عقلج شبيج بابا ....
كتلج نبدأ من جديد حياة جديدة .....
لا تخليت حدود بينا افتهمتي خلينا نعيش ...
قطع كلامه لان موبايله دك ....
كام راح ...
واني راحت لغرفتي سديد الباب وظليت اباوع لنفسي .....
اني عشق زواجه الشهيد محمد ...حبيبي وزوج ....
اني عشق انسانه ضعيفه ركزت على الظلام بحياتها ونست عائلتها .....
اني عشق مااحاولت ابدي من جديد خوفا من انو يرجع الماضي ينعاد .....
اني عشق كنت اذا ضحكت او فرحت او درست او او .....
اعتبر نفسي خاينه لمحمد .......
كنت مظلومه ... لا اني ظالمه نفسي .....
حاولت ابين نفسي مظلومه على الرغم اني مو اول وحده افقد شخص عزيز عليه ....
اي يمكن حالي احسن بهواي من ام فقدت ابنها الوحيد ....
او ام حايرة شنو توكل جهالها بعد ماافقدت زوجها ....
اي هواي ناس حياتهم صعبه وبالنسبه الها حياتي نعيم .....
حاولت اصنع بدايه جديدة لقصتي ....
ردت تتغير حياتي ..... بس مااكانت عندي شجاعه ...
بدايه جديدة ......
قصه جديدة ....
احلام جديدة......
يمكن ربي كتبلي بزواج من مالك خير .....
اكيد الله ماايسوي شي اذا مو صالح اله ......
قررت ابدي من جديد ....
هذي تعتبر خيانه؟ ...
ماادري بس تعبت ....
تعبت من كثر التفكير تعبت من كثر الحزن .....
ردت حياة هادئه سعيدة ...
راح ادخل بالثلاثين ومااعندي طفل يكول اليه ماما ....
مااعندي عائله ....
ردت استقر .....
هذا الاستقرار يعتبر خيانه؟ .....
ماادري بس الاعرفه .....
انو عشق القديمه تموت عشق الحزينه عشق المظلومه .....
اريد اصير انسانه جديدة ....
يمكن مالك مو انسان مثالي بس اني هم مو مثاليه ....
بس احاول ابدي وياه ....
قطع افكاري على دخول مالك لغرفه ....
باوعلي وكلي باجر نروح لاهلج ....
اني وكفت فرحانه وكتله الله عليك ؟؟
هو بتسم وكال لو ادري لروحه لنجف هيج تفرحج واشوف ضحكتج الحلوة ....
كان من زمان وديتج .....
اني استحيت من كلامه نزلت راسي .....
حسيت عليه اقترب مني .....
وكلي تدرين البارحه انصدمت .....
رفعت راسي وكتله ليش ؟ ....
كال مو عبالي انتي مو عذراء لان سمعت انتي مزوجه قبل .....
كتله اي صح مزوجه بس يعني قبل اسبوع من زواجنا اتوفى محمد .....
اقترب مني حيل ولزمني من خصري وكام يهمس يم اذاني وكال بويه لو اني منه ****** قبل الزواج ....
اني خجلت من كلامه وحسيت وجهي صار نار ....
حاولت اغير الموضوع وكتله يمت نروح لاهلي.....
كال باجر نطلع من الصبح .....
بس جهزي نفسج العصر نروح لبيت اهلي قبل لا نروح لنجف انطيهم المصرف وهم يشوفون مريتي الحلوة ......
كتله مااعرف شي عنك يعني عن عائلتك ؟ ....
هو رفع حاجبه وكال ليش تريدين تعرفين؟.....
كتله مو علمود شي بس حتى اعرف شلون اصرف وياهم من نروح ....
هو راح كعد على الجربايه وجرني وراه كعدني بحظنه .....
وكال لا تعبين نفسج وتصرفين وياهم لان هذولي ماايتعاشرون ......
بس راح ارضي فضولج .....
شوفي امي متوفيه من عمري ثلاث سنين او سنتين  مااذكر ......
ابويه ازوج وحده ****** وصار عندي ثلاث اخوات واثنين اخوان هم طايح حظهم ....
هذي عائلتي .....
هااا نسيت اكولج ابويه هم متوفي ....
كتله الله يرحمهم برحمته الواسعة.......
ارتبكت وكتله اريد اسألك سؤال عادي ؟ .....
هو ضحك وكال اروح فدوة ليستأذن اي عادي سألي ....
كتله بتوتر شلون يعني عرفت يعني البارحه انت سكران ....
بعدني ماامكمله صراحه استحيت اكمل هو قاطعني ....
وكال قصدج شلون عرفت البارحه انتي عذراء واني سكران .....
شوفي اني من النوع ماافقد وعي من اشرب يعني اتحكم بنفسي ....
واصلا مااشربت هواي كلها بطل .....
كتله عزززه بطل!!!!!
.....
يتبع ....
السلام عليكم شلونكم حبايبي عساكم بخير وصحه وعافيه هم وفيت وبوعدي كتلكم لو الاحد لو الاثنين الحمدالله ....
المهم ليش ماتتفاعلون والله شلعتوا قلبي .... ها التنزيل الخميس
المهم قراءة ممتعه