عشق ..... عززه هاهيه اليوم نهايتج ياعشق ابو المحل ظل ياباوعلي مستغرب من وكفتي اخذت الماي وصرت امشي سريع واحسه السيارة تمشي تمشي وراي شفت الشارع فارغ صرت امشي سريع مثل الركض وصلت لمعهد واندريت شفت السيارة هم نفسها بس مابين منو داخلها لان مظلله داخلت المعهد والخاف مااكل قلبي احسها مو صدفه لان هذي ثاني مرة اشوفها هذي السيارة ورايه معقوله يريد يخطفني اي اني اشوف بالافلام اولا يراقبون الضحيه وبعدين يخطفوها عزززه راحت طبيت وكعدت يم البنات وعلى حجي وسوالف منا لمن دخلت لمحاظرة فيزياء هم استاذ كبير بالعمر وشرحه يخبل يكولون البنات كان استاذ وتقاعد ....
كملت الفيزياء ودخلنا لمحاظرة رياضيات وعلى دوخه مااكملت محاظرة الرياضيات الا الساعه ١١ ونص ....
ظليت كاعده يم البنات لان بعد عدنا محاظرة كيمياء بال١٢ ضبط راحنا اشترينا من المحل موجود بالمعهد ..
وكعدنا نضحك ونسولف صدك تغيرت نفسيتي ولا حسسني اني اكبر منهن اصلا اني ناعمه مابين عليه لشوفني عباله عمري ١٧ سنه مامبين عليه ...
كملت محاظرات وطلعت كنت خايفه هواي اطلع ....
طلعت ظليت اباوع يمين شمال مااكو احد اليوم ماادري ليش حارة عكس البارحه كان الجوى يخبل ...
واكفت يم المحل اشتريت كم حاجه تحبها غرام ودائما توصيني من اطلع اسوده عليه مااتطلع هواي غير مرة بالسنه ...
المهم اخذت شكم حاجه هم اليه ولجهال ولماما وطلعت من المحل باوعت ورايه الحمدالله مااشفت احد راحت سريع لبيت ...
دخلت مثل العادة شفت غرام واكفه تطبخ ومخبوصه وعيونها حمر مبين عليها كانت تبجي اقتربت منها بستها وكتلها الله يساعدج حبيبتي ..
باوعتلي وبتسمت وكالت الله يسلمج عمري تأخرتي اليوم ..
كتلها اي مو كان عندي ثلاث محاظرات ..
كالت الله يساعدج حبي روحي بدلي ورتاحي ...
كتلها لا ابدل واجي اساعدج
كالت لا مااكو داعي كملت اصلا مااعندي شي
كتلها اوك قلبي اذا عندج شي صحيلي
صعدت غسلت وطلعت نشفت شعري ولبست دشداشتي السوده واخذت شالي ونزلت شفت ماما كاعده بالصاله هي ونور راحت بست ماما وسلمت عليهم وكعدت يمهم ...
باوعتلي نور وكالت عشق حبيبتي اريد احجي وياه خاله بموضوع عادي شويه تروحين .....
اني استغربت شنو هذا التصرف قابل اني زعطوطه وهيج تحجي وياي باوعت على ماما هي انحرجت وكالت حبيبتي عشق روحي شوفي غرومه خاف تحتاج شي ولا ازعلين من اخيتج ...
اني كمت كلت ساعه السوده الكعدت لو رايحه كاعده يم غرام هم احسن شكد غبيه اني ...
راحت كعدت يم غرام كعده اسوي الخضروات باوعتلي وكالت ها شو اجيتي
كتلها لعد وين اروح كعدت يم ماما ونور وطردتني ولا تستحي عبالك اني طفله كدامها
ضحكت غرام وكالت مو ولج هذي وراها مصيبه من الصبح لهسه كاعده وتحش براس امي ....
اني راحت كعدت يمها وكتلها ياااا ليش شكو شبيها نور
كالت لج الصبح سمعت صوت بجي نور بغرفه امي واني تدرين بيه فضوليه راحت واسمعت عليهم وكان سمعت حجيهم صدمه ولج صدمه ...
كتلها ولج راح يصير بيه سكر احجي ..
كالت لج قبل ست اشهر متوفي زوج نور
اني فتحت عيوني على وسعهن وكتلها عزززه شو محد كال ..
كالت اي حبي بس ماما تدري ...
كتلها لعد ليش ماكالت امي شعجب
كالت سمعي امي من درت انو زوج نور اتوفي كالت الها تعالي رجعي لعراق وراح ادزلج قاسم يرجعلج بس نور مااقبلت عيني اتعودت على حياتها هناك وتدري اذا رجعت راح تنحرم من كولش وابسط شي حريتها انوب لا تكدر تطلع ولا اطب ...
كتلها اي وبعدين
كالت اي حبي امي تعاركت وياها حتى ترجع بس نور مااقبلت وعاندت وظلت تتوسل بامي وكالت الها بنتي متعودها هناك وبس اكمل دراستها ارجع المهم مااطول الج بالحجي قنعت امي وانتي تعرفيها شلون شلونه السانها
كتلها اي وبعدين ؟؟
كالت اوكفي لج المهم بقت هناك بس بعد شهر من وفاة زوجها اكتشفت انو هو مزوج قبلها وعده ولد كبار واصغر واحد عمره ٢٠ سنه ومرته هم عايشه بس جبيرة بالعمر يعني تقريبا بعمر امي
كتلها يااااا عزه ولج هو مو على اساس ماامزوج شلون
كالت ولج مو هو هاجر مرته ماايريدها وشاف نور صغيرة وحلوة جلب بيها وعاف مرته المسكينه المهم من اتوفى هو عايف كومه فلوس اجوي ولده يطالبون بالفلوس وحصتهم .....
كتلها اي وبعدين ؟؟
كالت اي حبي طلع نص الميراث مسجله بسم ولده حتى البيت لكان عايش بي هو ونور مسجله بنص بسم مرته عاد هم شافوا الخير هذا اجوي وكعدوا وياه نور وانتي تعرفين نور عنيدة بقت كاعده وياهم منا لمن ادور سنه على موت زوجها وتبيع حصتها على اساس وتشتري بيت هناك بس ياحظي ماافكرت اختج الغبيه بنتها خلتها بنص زلم الغربه ....
كتلها عزززه بس لا مسوين شي لسمر ...
كالت سمعي عاد البنيه حاوة وجبيرة وناضجه حلت بعيونهم عاد واحد منهم كام يتحرش بيها ويخوف بيها اذا حجت لنور يكتلها والبنيه ظلت ساكته وخايفه ....
كتلها زين هي مااحست على بنتها
كالت لا بعد اختج لا حست ولا شي مكضيتها مولات وطالعات مااشوفيها مبينه اصغر مني
كتلها اي والله حتى صايرة احلى منج بهواي
هي ضربتني وكالت ولج حقيرة هيج اكوليها بوجهي جامليني على الاقل رفعي معنوياتي
اني ضحكت وكتلها تنجبي انجبي وكملي وبعدين .....
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
