غرام ...
كلت اله بصدمه اي اريد اطلك .......
كال ماعندي مشكله اني ماامجلب بيج واني مو مثل ابويه ولا انتي مثل امي ....
وصراحه انتي زعطوطه ماعندج عقل وماتناسبيني خلاص اطلكج بس جهالي يبقون وياي واصلا اني راح اقدم على نقل لبغداد واخذ الجهال وياي ....
اني ضحكت وكتله انت شجاي تحجي من كل عقلك اعوف جهالي !!
كال شوفي انتي تعرفيني وتعرفين طبعي والجهال يبقون وياي هذا نهايه الحجي عجبج تعالي نطلك مااعجبج تنجبين واسكتين .......
كتله انت شنو من بشر من شلون تكدر تخلي راسي على المخدة وتنام مرتاح .....
يعني عبالك من اساعد هذولي الناس لو من اصلي واصوم الله يسامحك ......
لا انت انسان ظالم ماعندك رحمه تدري قاسم اني متندمه بكد شعر راسي لان يوم ماابويه جبرني عليك المفروض احرك حالي مثل نور .......
ولا ازوجك المفروض اموت روحي ولا اعيش لحظه وياك ......
انت تدري البارحه ليش هيج حركت روحي مو لان احبك واغار عليك لا بس لان ضيعت عمري وياه انسان مايسوى ....
هو اقترب مني وكال اتوقع جسمج اتعود على الضرب موو ؟
تحترمين نفسج لا اكسر راسج ....
كتله اي اتعود جسمي على الضرب وبعد مايهمني شوف قاسم حتى لو مااطلقتني انت تحرم عليه ليوم الدين خلي اكح****** ينفعنك .....
اني اهنا علمود اخدم امي وجهالي ......
كال كملتي حجيج يله امشي طلعي بره مااناقص لغوة ....
طلعت بره واني ادعي عليه لجلب الله لا ينطي عرف مين يلزمني من الايد لتوجعني .....
جهالي يعرفني مااكدر اعوفهم الجلب الله ينتقم منه ......
راحت لماما شفت نور كاعد يمها وتحجي وياها ......
باوعتلي امي وكالت هذا الضربج قاسم ....
كتلها لا يوم بس وكعت وهيج صار بيه .....
كال اي مو اني ماافهم كدامج وتقشمرين عليه موو؟ ....
كتلها لا يوم حشاج مااقصد هيج هسه انتي ارتاحي ونامي وبعدين نحجي يله حبيبتي انتي هستوج راجعه من المستشفى مريضه نامي ......
والله صدك طلعت اني ونور وخطيه عفت امي تنام كانت كولش مقهورة على عشق وتبجي عليها .......
كعدت بالصاله وكعدت يمي نور كالت ليش البارحه ضربج قاسم ؟ ......
كتلها شلزكتي الا لزم تعرفين حتى تشمتين لو تروحين تكولين لامي ؟ ......
كال تفووو عليج اي والله ولا عبالك اختج الجبيرة اني عدوتج وهيج تحجين وياي؟ ......
كتلها اي عدوتي من يوم ابويه فرق بينج وبينا من يوم من انتي بنيتي حياتي واحنا حياتنا خربت .....
من يوم مااخليتي عشق تشرد دمرتي حياتها وبعدين فتنتي عليها صرت مو اختي لا عدوتي .....
كالت طول عمرج حقودة ابويه ماافرق بيناتنا اذا انتي فاشله اني مو مثلج ......
كتلها لا بله ليش فاشله ؟
كالت اني هم ابويه بالثالث متوسط راد يبطلني ويزوجني لقاسم بس اني مو مثلج .....
لا اني ردت اموت روحي ولا استسلم ....
اني وكفت بوجه وكتله اريد دراستي اريد مستقبلي ومن رفض فضلت اموت ولا اضحي بمستقبلي .....
اما انتي وعشق شنو سويتن هههه ....
عادي كال ابوج بطلن انتي وعشق لا وكفتن بوجه راسن ......
كعتي بالبيت هذا الفرق البيني وبينج ......
اني مااستسلمت وانتي استسلمتي ....
ابويه ماافرق بينا سألي خاله زينه من كنت ثغيرة يضربني اذا غلطت .......
هم طلعه ماكو اقصى شي كان ياخذنا نزور مرة بالسنه ......
بس اني مااتقبلت مثلجن هذي الحياة ....
لا بقيت ايام وسنين اسعى علمود اتوظف واطلع من هذا الحجيم .......
عبالج اني هيج مااشفت وجع ولا قهر بحياتي ....
بس اني مااحجي ولا اشكي .......
انتي وعشق على الاقل مااشفتن امي ولا تعلقتن بيها اني شفتها كنت متعلقه بيها .....
كنت مااكدر انام اذا مااتجي تخليني بحظنها وتمسح على راسي ......
على الرغم خاله زينه مااقصرت ويانا بس اني مااحسيت بحب غير بس بحظن امي ......
حتى ابويه الرجال القوي انكسر بعد امي صار انسان قاسي .....
صح ماانكر انو هو كان اقرب اليه لان اني بنته الجبيرة واني هم كنت جبيرة وافهم عليه من يجي يحجي وياي ودائما انصحه .....
لذالك اقترب كولش مني بس ابويه ماافرق بينا بس كلمن بينا عدها ارادة تغير نفسها .....
اني سكتت مااعرف شنو ارد عليها صراحه صحيح حجيها المفروض اقاوم حتى اكمل دراستي اني استسلمت مااعبالي الحياة هيج .....
عبالي اكعد مرتاحه بيت ابويه لا قرايه ولا كتابه مااجى بالي ابويه زوجني لانسان ظالم مثل قاسم .....
باوعتلي وكال اني شكد كنت احاول اقرب منج ومن عشق بس دائما انتي تحجي براس عشق حتى تبتعدن عني .....
كتلها اني يكت حاجيه براسها انتي طول عمرج بعيدة عنا ماافديوم حسينا بيج قريبه واخت النا .....
هي سكتت شويه وكال غرام اني هم جنت طايشه وصغيرة ماافهم .....
كنت اشوف انتي وعشق سبب موت امي .....
ابتعدت وحاولت اجنب اكعد يمجن وانتي وعشق هم ابتعدن عني .......
كل انسان وعنده اغلاطه موو؟
كتلها اي صحيح .....
جريت نفس قوي وحاولت اغير الموضوع وكتلها ليش سمر مااداوم بالمدرسه؟ .....
اقتربت مني وكالت راح اكولج شي بس مو اكولين حتى لخاله زينه .....
كتلها شنو كولي ؟
كالت اني اريد اروح استقر بالشمال ....
هناك الحياة حلوة وهناك حصلت شغل بالمستشفى وجاي ارتب وضعي حتى اسافر ......
كتلها بستغراب يمت حصلتي شغل ؟ ومنو يخليج تروحين تعشين وحدج ؟
كالت والله من رجعت راسلت صديقي دكتور كان وياي بنفس المستشفى لكنت اشتغل بيها قبل زواجي الثاني .....
وكال انتقلت اني وعائلتي لشمال وهناك اشتغلت ....
كلت اله بلكت تحجي مدرس المستشفى يشغلني حتى اقدم اوراقي .....
والحمدالله قبل المدير لان اني هم درست فوك شهاتي هناك من سافرت .....
هسه جاي ادور على شقة لو بيت وانتقل .....
كتلها بس مااتوقع قاسم يقبل تعيشين وحدج انتي وبنتج هناك ....
كالت غرام تر اني مو طفله مرة شكبرني بنتي بطولي يتحكم بيه قاسم لو غيره ......
وبعدين بيت عمي هناك بالشمال واشتري شقه لو بيت قريب عليهم ....
اني خما ابقى اهنا صراحه تعودت اخذ راحتي بالبيت واطب واطلع براحتي وسمر هم اختنكت تستحي من قاسم مااتكدر تطلع ......
كتلها والله ماادري انتي كلت لقاسم .....
كالت لا بعدني خلي يتحسن وضع خاله زينه واخذ رائيها حتى هي تحجي وياه .....
كتلها الله كريم ......
كالت مااكتلي ليش ضربج قاسم ؟ .....
مااكدرت اكول الها الحقيقه ماادري ليش يمكن لان بعدني ماامتعودة احجي الها ...
لو لان ادري راح تنتقدني لان سكتت وراح ابقى وياه لان هي من زوجها خانها راسن طلبت الطلاق وعافته ....
كتلها مشاكل عاديه لان رفعت صوتي عليه ....
كالت بعدم قتناع لان رفعتي صوتج هيج ضربج ....
انتي ليش ساكته اله ليش هيج يذل بيج ....
تر انتي كاعده بيتج بحلال ابوج .....
انتي تدرين المعارض العافهن ابويه ومحمد شكد يطلعن كل سنه تدرين لو لا؟
كتلها لا شمدريني ....
كالت بستغراب ليش هو ماينطيج كل شهر حصتج ؟
كتلها اي ينطيني .....
كالت شكد ينطيج ؟
كتلها مرات ينطيني ٦٠٠ مرات ١٠٠ حسب يعني اني هم مااطلب لان لا اطلع ولا اطب حتى هو يطلع يشتري اليه ولجهال ملابس وغراض ....
كالت يمعودة انتي صدك تحجي تدرين شكد يدزلي اني كل شهر ؟....
كتلها شكد ؟
كالت *******
كتلها عززه حييل صدك تحجين ....
كالت اي والله وهذا طبعا مبلغ كولش قليل من هو ليطلعه مااشوفين كل شهر سيارة جديدة .....
وهسه تلكي مااكل فلوسنا كلهن ياخذ وينطي لخوانه ....
كتلها شجاي تحجين نور من كل عقلج ليش هو ناقص قابل لو ما هو قاضي ....
كالت واذا قاضي اني باجر اخذ السجلات واشوف شكد يحصل كل شهر .....
كتلها ماادري .....
كالت عوفي اني اعرف اصرف وياه هذا استغلنا لان مااعدنا رجال يوكف فوك راسه ......
كتلها نور قاسم مو هيج واصلا اجوز ينطيهن لامي ...
كالت احتمال اني هم اسألها......
عفت نور وراحت صعدت فوك جهزت ملابس الجهال خاف يرجعون من المدرسه .....
مريت من يم باب الغرفه واسمع صوت موبايل قاسم يدك .....
متت من الفضول ردت اعرف من يدك عليه هسه ...
فتحت الباب على كيفي ....
شفته ماموجود بالغرفه احتمام جاي يغسل بالحمام ....
راحت راسن على الموبايل شفت مكتوب اتصال من سهر .....
راسن جاوبت ويجيني صوت بنيه والله عبالك خدرانه بنت الجلب ....
كالت الوووو قسومي وينك صالي ساعه اتصل عليك ...
الووو حبيبي شبيك مااجاوب ؟.....
لعبت نفسي من حجيها ومنه الحقير الله ينتقم منه ...
اندريت شفته ورايه ذبيت الموبايل عليه وكتله جاوبها خطيه ********
عفته وطلعت واني لزمه دموعي بلكوه مااريدهن يوكعن ويبين حزني وضعفي ....
راحت لغرفة عشق كعدت وطيت من البجي على حظي . ......
وين كنت وين صرف .....
معقوله هذي حياتي معقوله راح يخلص عمري هيج ....
والله تعبت الى متى ابقى بهذا القهر .....
ياربي يمت تريحني ......
شلون اكمل حياتي وياه .....
ظليت بحيرة وقهر حسيت قلبي يريد يطك من كثر القهر ....
مثل انسان تحمل هواي قهر وضيم وبعد تعب بعد كال مااريد اكمل تعبت .....
اني هيج صار بيه ردت بس ارتاح ردت يوم واحد اخلي راسي على المخدة وانام مرتاحه بدون تفكير بدون قهر بدون دمع ......
مرت ايام واني على حالي شغل وبيت وجهال حتى هذي المرة لكانت تجي اساعدني قبل بعد كامت مااتجي ......
زاد قهر كل مااشوف قاسم فرحان ومتونس ولا على بالى ...
كنت كل ماايمر من يمي بكشخته واناقته احسه نفسي خدامه يمه .....
اني مااكان بيدي شي حاولت اغير نفسي .... اي حاولت وحتى حاولت اتقرب اله .....
بس هو تغير ....
لا مااتغير قاسم طول عمره مغرور وشايف نفسه دائما يباوع لفوك واني مااكنت الاحظ .....
لا لاحظت بس قشمرت نفسي قنعت نفسي انو هو شكد مادار راح يرجع النا .....
نور بعد مااشافت امي اتحسنت حالتها الحمدالله ....
قررت تحجي وياه قاسم حتى تنقل لشمال ......
بس هو رفض رفض قاطع .....
والله اذكر بذاك اليوم صارت عركه شكبرها ....
بين قاسم ونور ....
نور شخصيتها هادئه مو دائما تتعارك بس هذي اول مرة هيج تتعارك وياه قاسم .....
حتى كالت اله على انو ترجع اداوم بالمستشفى مااقبل كال عليمن طالعه اني كل شكد هلكد فلوس اجيب الج .....
هي ظلت تتعارك وياه وكالت اله اني مو مثل غرام وتحبسني بالبيت افتهمت انت مااتتحكم بيه ....
صراحه كسرني كلامها هواي بس هو صدك اني قاسم متحكم بكل تفاصيل حياتي .....
مو يكولون الحياة الزوجيه مشاركه هذا القانون ماينطبق عند قاسم ......
بعد ماايست نور من السفر ....
ظلت تركض وراء قاسم ظلت ادور وراء على المعارض ......
وفعلا تكدر توصل لسجلات بدون ماايدري قاسم .....
وهنا كانت الصدمه لعمري كوله مااتوقعت قاسم يسوي بيه هيج ......
_________________________________________
خلوت اليوم ساعات ... الى جسدي
أفكر في قضاياه
اليس له هو الثاني قضاياه؟
وجنته..وحماه..؟
لقد اهملته زمنا...
ولم اعبا بشكواه
نظرت اليه في شغف
نظرت اليه من احلى زواياه
لمست قبابه البيضاء
وغابته ومرعاه
انا لوني حليبي
كان الفجر قطره وصفاه
اسفت لانه جسدي
اسفت على ملامسته
وثرت على مصممه
وعاجنه وناحته
رثيت له لهذا الوحش
ياكل من وسادته
( لشاعر نزار القباني )
عشق ......
لزمت الموس بيدي واني ابجي كنت منهارة ردت شي يخلصني من حياتي .....
تعبت ياربي سامحني مااردت تكون نهايه حياتي هيج .....
بس تعبت سامحني ربي اني مو كد هذا الاختبار .....
غمضت عيوني وقررت انهي حياتي لو ما .....
اجاني صوت مالك .....
كان واكف بكل جبروت فوك راسي وكلي بكل برود شسوين؟ ........
اني راسن ابتعدت عنه وكتله وخر لا تقترب مني .....
كال مراح اقترب منج بس الجاي اسوي حرام يعني تقبلين هذا الجمال كوله يموت ويدخل النار ؟ والله حرم عليج ....
كتله لا مو حرام عليه الحرام عليك انت اغتصبتني ودمرت حياتي ......
كال اغتصبتج !! ليش اني مو زوجج واليه الحق عليج لو نسيتي؟ ....
كتله لا ما لك حق عليه اني مااريدك زواجي منك غلط بغلط اني عمري ماافكرت ازوج .....
كال بكل برود وهذا البرود يكتلني اني احجي بحركه وابجي وهو بكل هدوء يجر الكلمه جر ......
اني هم مااريدج بس ازوجتج وسترت عليج المفروض اشكريني مو هيج تصرفين .....
صح زواجنا يمكن بنظرج غلط بس هذا الشي مايخصني انتي زوجتي اقتربلج باي وقت محد يكدر يمنعني ......
شوفي خلي اكولج شغله اني رجال مااحب حركات المزعطه والمراهقات احب انسانه واعيه وعدها عقل .....
تر انتي بعدج مااتعرفيني بس اني انسان مو متخلف مثل ولد عمج ......
ذبي الموس وتعالي نكعد ونتفق اني هم عندي قوانين لازم تعرفيهم .....
وانتي هم لتريدي يصير الج .......
ضحك وكال .....
تر اني رجال ديمقراطي .......
كتله مااتقترب مني وخر ....
رفع ايديه وكال مو يمج اني راح اروح اكعد بالصاله وانتظرج تجين نتناقش تمام ؟ ......
اني سكتت مااجاوبته ....
طلع هو ....
واني ظليت واكفه ذبيت الموس وكعدت ابجي مااعندي جرائه انتحر اخاف من عقاب الله اليه ....
بس والله تعبت من حياتي شلون شسوي الى متى ابقى هيج .......
راحت غسلت وجهي كانت عيوني حمر دم من كثر البجي وجهي اصفر ......طلعت شفت مالك كاعد بالصاله .....
باوعلي كلي تعالي كعدي اهنا......
رحت كعدت بعيد عنه ....
هو مسح وجه وكال والله مستغرب اول مرة بحياتي مرة تدخل لحياتي وماتكون سعيدة وياي .....
شوفي عشق راح اعيد واكول الج لا تعقدين حياتنا ....
اني مااحب المشاكل ولا احب المريه اطول السانها يعني اخليج ملكه بس اسكتين كل كلمه اكولها الج اكولين حاضر بدون مناقشه ......
اي شي اشوفي يصير بهذا البيت مايطلع نهائيا .....
مااكولج اني حياتي ماشيه كلها صح بدون اغلاط .....
اني اعترف الج اني انسان اشرب بس ماعندي ادمان ...
كل خميس عندي سهرة بالبيت كل اصدقائي يجون ومرات يجبون نسوان وياهم وشرب يعني مثل البارحه .....
اني مرة او مرتين كل شهر اسافر بحكم شغلي ....
هاا صح يمكن مااتعرفين شنو اشتغل شوفي اني عندي معرض مالت سيارات بس شغلي الاساسي ملازم بالقوات الجويه .....
اداوم طول الاسبوع وعندي عطله الخميس والجمعة .....
هسه حاليا عندي اجازه تعرفين عريس وكذا .....
اهم شي عندي هو الهدوء وراحه البال ومااحب المرة التطلع هواي يعني طلعي بس من يجي على بالي .....
انتي بيت وحدج محد يزعجج وعندج خدامه ....
بس مااتدخلين بشي ماايخصج ابدا لو هسه اجيب واحد واذبحه بنص البيت هم مااتفتحين حلكج وتحجين ......
واحتمال الفترة التجي نكعد شكم يوم بيت اهلي .....
مااريد مشاكل .....
اذا سمعتي كلامي لتريدي يصير .....
كتله مااريدك تقتربلي ......
هو ضحك وكال من كل عقلج ....
يتبع
السلام عليكم شلونكم حبايبي عساكم بخير وصحه وعافيه
أنت تقرأ
ترك بصماته على جسدي
Roman d'amourعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
