ترك بصماته على جسدي

بارت ٢٦

زينه ... الحياة نعمة من نعم الله التي منحها لكافة مخلوقاته، احنا ابدا مانحس بالنعم لله منطيها النا الا من نفقدها نحس بعظمة هذي النعمه مو شرط يكون مال او جمال يمكن صبر اي اني الله نطاني نعمه الصبر مريت خلال هذي السنين بهواي مواقف صعبه بس دائما حسيت الله يوكف وياي ويلهمني الصبر دائما كنت احمدالله على النعمه لاني بيها ...
مرت بهواي سنوات صعبات بحياتي سنوات خسرت نفسي ثنيت عمري بس على جهالي طول هذي السنوات كنت اصارع الحياة بس علمود ابقى لجهالي مااكذب عليكم واكول اني كنت طول الوقت قويه لا كنت امر باوقات كولش صعبه بس كنت مجبورة اوكف على حيلي مجبورة كل يوم اكعد والبسمه على شفتي مجبورة مااحزن او ابجي لان جهالي يحسون بالضعب اذا ضعفت هه هي الام لازم اضحي لازم تنطي عمرها وشبابها علمود جهالها واني ماتندمت من فنيت عمري علمودهم ..
خلي اسولفلكم شويه شصار بهذي السنوات ماادري شكم سنه مرت بس الادري بي مر وكت هواي خلاني مرة جبيرة ههههه تصدكون مرة واحد شاب كلي حجيه ايباااه شبسرعه صرت حجيه مشى الوكت بسرعه وصرت حجيه هو بعد العمر يركض ركض ..
مر وكت هواي على وفاة اختي وحبيتي سمر توفت وهي بعدها ماشبعت من بناتها توفت وهي بعدها بعز شبابها سمر لهسه اذكر من كلنا خايفين واكفين بالمستشفى منتظرين ولدتها ومن طلع الدكتور وكان الام والجهال بخير حتى ركعت بنص المستشفى يمكن انتوا ماتصدكون حبي لسمر بس لكيت بيها حنان الام وحب الاخت وحتى سند الاب هذني نحرمت منهن ولكيتهن بسمر ..
بس مع الاسف بفترة قليله يمكن شهر وراء ولدتها توفت وراء ماعانت المرض شهر كامل كانت تبجي بلكت الله ياخذ امانته شهر كامل تعبت وعانت هواي المسكينه صار عدها عجر بالقلب وظائف الجسم ماتشتغل هوااي تعبت وياها والله خدمتها وخليتها بعيوني بس هي كانت تبجي هواي على بناتها كل يوم كل ساعه كل دقيقه توصيني عليهن هواي راحنا دكاترة بس نفس الحجي كلبها تعبان مابيها امل بذيج الفترة هواي توسل بوثاب ياخذها خارج البلد بس ماقبل علمود شغله ودوامه ويكول الدكاترة هنا احسن بس بقيت اتوسل بي منا لمن قبل يسفرها لهند بس لاسف قبل سبوع من موعد سفرها توفت وراء وفاتها وثاب انكسر هوواي مو مثل قبل ابدا صار عصبي تعب هواي وتقاعد من دوامه وصارت صحته على كده مرات اكعد باليل اشوفه يبجي ودائما يكول بسببي توفت سمر لوما صارت حامل ماكان صار بيها شي وثاب ماكان يحب بناته التوم مثل نور كان هواي فرق بينهن هواي حجيت وياه بس هو يكول مو بيدي نور انطت الحياة اليه ولسمر وهذني اخذن الحياة مني ومن سمر طلعت من تفكيري على صوت عشق وهي تحجي وياي
عشق .. يمه وين صافنه صالي ساعه احجي وياج
زينه .. ماكو شي حبيبتي روحي شوفي غرام وين
( افف ياربي شكد هذي البنت فاهيه صالي ساعه دزيتها تصيح اختها وهي لهسه ماكو طبعا شخصيه عشق كولش ضعيفه وفطيرة كولش وعلى اقل كلمه تبجي عكس نور وغرام غرام شويه جريئه وطبعا عشق وغرام على الرغم توم بس مايشابهن يعني بيهن شبه قليل بس بالعيون يعني غرام شويه ضخمه وطويله وعشق ناعمه ...
افففف شبيها هذي البنت تاخرت