غرام ... نازك هذي حلا شنو تحجي شنو تقصد
كالتلي نازك ماكو شي هذي غبيه ماقصدها شي بس كانت عيونها تشرد مني ولا تريد تواجهني وجها احمر اعرف نازك يصير بيها هيج من اجذب ...
بقيت الح عليها واني قلبي يدك وخايفه خاف لبالي يصير بقيت اركض وراء نازك بلكت تكلي شي بس هي كانت تهرب مني ...
ماكو دقايق واندك الباب طلعت فتحت الباب واشوف كدامي قاسم واكف كدامي بكل اناقته وبصفه بنيه قليل يكولون عنها باربي من الجمال والجسم والنزاكه بيضه وطويله وعيونها كبار سودا تخبل بالجمال كان واكف وراهم مصطفى ..
اقتربت البنيه سلمت عليه وعبالك تعرفني كلتلي وهي تتنعوص قاسم دوم يسولف عليج شكد حبيت اتعرف عليج طلعتي تخبلين ...
انوب راحت على نازك وسلمت عليها ومبينه نازك تعرفها من زمان حتى حلا مبين عليها تعرفها وكاسرة الميانه ....
طول الوقت وعيوني تراقب قاسم وهو يضحك ويسولف وياه هذي واني ولا عبالك موجوده كلمه وحده ماحجى وياي حتى من يريد يطلب شي يطلب لو من نازك لو من حلا اني كمت اشيط وانطفي حسيت اكو نار بقلبي اريد بس اروح على هذي ام عطوب وانتف عطوبها ...
ظليت كاعده على اعصابي وكل ساعه اكول هسه تروح وهسه تروح بس وين صار العصر وهي لزكت وكاعده دك سوالف وياهم واني محد عبرني بكلمه شنو اني هوى ماموجوده ...
زين هي ماعدها اهل يسألون عليها شعدها لزكت ...
صار الدنيا المغرب وكال القاسم قسومي عفيه وصلني لبيت اتاخرت على اهلي نازك جلبت بيها وكالت الها عفيه ديما ابقي على العشى ويانا كالت الها والله نزوكه اتمنى بس امي اليوم عزمت خطار على العشاء وكالت اليه اجي من وكت ان شاء الله غير وكت كالت الها نازك اي تجين مو ماتجين تر ازعل عليج كالت الها شنو مااجي والله كل يوم تلكيني مزروعه عدكم لدرجه تملون وطردوني كانت تحجي وتباوع لقاسم ...
واني اريد اخنكها والله ادبسز ماتستحي ...
اخذها قاسم وراح ..
كعدت انتظره البنات كعدوا اتعشوا واني مااكلت وياهم اصلا مسدودة نفسيتي كعدت انتظره هسه يجي وهسه يجي لا ساعه ولا ساعتين صارت بال١١ البنات راحوا ناموا ومصطفى طلع لان صديقه مسوي حادث ...
صارت بال١٢ واني عيوني صارن براسي ميت فكرة اجتي بالي ساعه اكول بات عدها ساعه اكول راح ازوجها ساعه اكول راح يسهر وياه البنات ..
طبعا قاسم دائما يجي متاخر لبيت حتى مرات يبات خارج البيت بس هذي المرة تختلف حسيت بنار بقلبي ...
سمعت الباب انفتح كمت راسن اشوف منو صار بوجهي قاسم باوعلي برود وكلي تعالي اريد احاجيج ..
راحت وراء دخل لمكتب مالته اصلا صاير هذي الفترة ينام هنا ....
كلي اكعدي كعدت هو كعد كدامي طلع ورقه من جبيه ولزمها بيده وكال يابنت عمي ادري انتي من ازوجتني كنتي مغصوبه عليه بس هذا مو ذنبي هذا ذنب عمي الله يرحمه بس اني حملت نفسي الذنب وكلت مااقتربلج منا لمن يكون برضاج ..
اني قاضي احكم بالحق والباطل وافرق بين حلال والحرام ماردت اظلمج واخذج غصب وتكولين هني ظالم ولا ردت ازوج واكسر بختج ....
بس يابنت عمي جبرتني اتركج كل مااتقرب الج انتي اصديني واني مو مراهق ولا صغير حتى اركض وراج حاولت بكل طريقه اقتربلج بس انتي خليتني ابتعد عنج بتصرفاتج ورعونتج واني مااكدرت اطلكج واني مامقتربلج العالم شنو تحجي عليه تكول مو رجال ولو اني اقتربتلج مو علمود هذا الشي المهم بعد هذا الحجي ماينفع بعد
قدم اليه الورقه وكلي يابنت عمي هذي ورقه طلاقج
فتحت عيوني على وسعهن وكتله اوراق طلاقي هو هز راسه وكلي غرام احسه جاي اظلمج وياي لان انتي ماجاي تتقبليني ولا جاي ترضين بزواجنا
اذا تريدين تطلقين خلال يوم اطلقج واحررج من سجني وتخلصين مني واذا تريدين تبقين منا لمن اكملين دراستج هم ماعندي مانع اعتبرج مثل اختي واني اصلا مقرر ابني مشتمل بصف البيت واطلع حتى تاخذين راحتج لان من اشوفج كدامي اضعف واني مو ملاك اني رجال حالي حال غيري عندي غريزة ..
كتله واني مترددة اسأله ودموعي خانتني ونزلن .. كتله وتزوج
هو جر حسرة وكال غرام فهميني والله مااريد اكسرج ولا اريد اشوف دموعج هذني بس اني اريد سند اليه من اكبر اريد عائله اليه عائله نحرمت منها واني صغير اريد من ارجع من الشغل زوجه تستقبلني اريدها اكون نصفي الثاني ..
كتله تزوج ديما ...
هو كال سواء ديما او غير بشنو يهمج ..
كتله هاهيه قاسم اني هم مااريد اظلمك اني مو لهذي الدرجه انانيه ولا مااخاف الله اني اشكرك على كل تعبك وياي وعلى كل صبرك وياي انت ماقصرت انطيتني حنان وهتمام الاب الفقدته انت اتحملتني وصبرت عليه ادري انت تريد اكون عائله واني حجر بطريقك الله يوفقك ...
كمت واني اشهك وابجي واحسه حجر على قلبي مااعرفت شلون انطق هذني الكلمات مااعرف حسيت حاجه تخصني وراح افقدها بس اكو شي يمنعني يمنعني امنعه يعوفني ..
راحت لمكتبه مالته واني اجر حزني وياي ..
اخذت قلم وراحت كعدت اكباله فتحت الورقه ويدي ترجف حتى توقيع مااعرف اوقع دموعي كامن يوكعن على الورقه مااحسيت نفسي الا بحضن قاسم وهو يمسح على راسي لزمت قميصه حيل وكمت ابجي من كل قلبي واني اردد حجي واكول اله لا تعوفني قاسم لا تعوفني والله ماتحمل بدونك هو حضني قوي بدون مايحجي كلمه وحدة .....
_________________________________________
الله سبحان وتعالى كتب حياتنا قبل لا نعيشها بين حلوها ومرها بين حزنها وفرحها ...
واحنا لزم نعيش بهذا الحياة سواء رضينا او لا ..
لان احنا بهذا الحياة بختبار اما نجح بي او لا
ومااحب الله عبدا الا ابتلاه
عشق .. كنت اسمع هذي الكلمات دائما من ماما كل يوم يمر علينا مو زين تكول هذني الكلمات حتى بصعب الموقف من اتوفى بابا ماما كالت مااحب الله عبدا الا ابتلاه ...
كنت من اباوع لماما اكول الله يساعدها شلون كدرت تفقد انسان شاركها نص عمرها ونص حياتها ..
كنت دائما اسأل ماما اذا كان حزنها على بابا راح يقل لو تنسى حبها اله ...
كانت اجاوبني ان ابوج جسمه سكن القبر بس روحه سكنت قلبي ....
زينه ... عشششق ولج وينج
عشق ... ها يوم شكو
زينه ... ولج صدك لكاله محمد
عشق ( اني رتبكت ونخبصت ...
كتلها شمو كال واني احاول اهرب من نظرات ماما ..
كالت كعدي ولج كتلها اي يوم كعدت واني انتظرها تحجي كالت محمد اليوم خطبج ويريدج مرته انس فتحت عيوني وكتلها صدك يوم وحلكي نشك بالضحكه كالت ولج ثكلي شبيج بيني على الاقل انج خجلانه ...
اني نزلت راسي وكتلها شنو يوم انتي ماقابله كالت ولج يمه شلون ماقابله انتي لو تدرين شنو سويت من كلي محمد يوم اريد ازوج عشق الف الحمدالله الك ربي من طولت بعمري حتى اشوف ابني وبنتي يزوجون صارت ماما تبجي وتمسح بشالها وتردد الحمدلله كعدت يمها وبستها من راسها ..
واجتي نور تضحك وتكول مبروك ياعروسه يوم لزينه تزوج ماما شمرت الكنينس ( مناديل ) عليها وكلتلها جان استحيتي بعد ماشاب اخذوا لمكتاب ..
نور ضحكت وكالت وينج والله عبالك عمرج بالعشرين ماشاء الله كالت الها وراء ابوج ماازوج يمه واخلي احد غيره يصيحلي مرتي مااقبل هو ابوج الله يرحمه كان عايش ويكول اليه السوده عليه بالشقه اذا متت عود ازوجي واني بشقى مااقبل عليه هيج يحجي واظل زعلانه منه يومين ...
نور رادت تكسر جوى الجزن للن الدمعه كامت تلالي بعيون امي كلتلها والله عمي يساعده مبين كان مشلوع قلبه من وراء زعلج ..
اني ضحك وكالت يووووو لو اسولف الج مرة من المرة من سمر الله يرحمها حامل بغرام وعشق الساعه بال١٢ باليل اشتهت موطه وابوجن طالع عنده شغل وهي خطيه بالشهر السابع وظلت اسولف بالموطه على كثر مامشتهيتها اني هم اشتهيتها عاد خابرت وثاب الله يرحمه وكلته مشتهيه موطه عاد هو ماطول نص ساعه واجى وجايب وياه موطه لسمر واني ماجايب اليه وسمر ظلت تغور بيه لان ماجاب اليه عاد ظليت زعلانه عليه اسبوع مااحجي وياه
كمنا نضحك ونور ظلت اداهر امي وسوالف وضحك يوم كولش حلو ظلينا كاعدين لحد المغربه بالحديقه وماما اسولف النا عن حياتها وياه بابا الله يرحمه كان حنين هواي وياه ماما لعد شكد كان يحبها خطيه الله يساعدها شلون اتحملت فقدان نصفها الثاني على كوله ماما ....
مرت الايام بسرعه واني اجهز لعرسي اركض منا ومنه اشتري واني الفرحه ماشايلتني واسوده عليه حتى ماما تركض اجهز وياي ماعفت شي مااشتريته حمودي حبيبي ماقصر وياي الله يحفظه وين مااروح يصيح اليه مريتي لو ام سند ..
مرت الايام مثل العسل وكان محمد مستعجل لعرسنا بحيث اسبوعين كملت كل جهازي حتى البدله اشتريتها وصار العقد المحكمه والسيد بيوم واحد ..
بس ماسوينا غير حفله حنه بالقاعه والركص والاغاني لحد الساعه بال١١ باليل وقبل يوم من عرسي كال محمد لازم اروح امد الاجازة مال عرسي حتى نسافر اني وياج وامي لبيت الله راح محمد ...
وبقيت انتظره وماكو انتظره وطال الانتظار والساعات تجر الساعات وجهزه مقفل اتخبلت وعقل ماظل براسي مر يومين وماكو محمد طلع قاسم وياه جماعته ادور على محمد
غرام ....ساعات واحنا بنتظار وترقب يبس حلكنا من الدعاء وخلصت دموعنا من كثر البجي ...
صار النا ثلاث ايام واحنا بنتظار مخلينا امام مانذرنا اله ...
ابوع لعشق كاعده كدام الباب ودموعها من ثلاث ايام مانشفن لزمه القراءن وتقرء...
اباوع لماما متمددة على القنفه وحلكها يابس على كثر مادعت على كثر ماترجت الله يرد محمد سالم النا ..
لو اباوع لنور واكفه محتاره بين امي لكل ساعه متخربطه لو بين عشق لصار الها ثلاث ايام مامتحركه من مكانها ولا ماكله لكمه حتى ماي ماطب لحلكها ...
لحظات صعبه تصعب حتى على الكافر ..
مر اليوم الرابع البيت هدوء مابي غير صوت دعاء امي وصوت بجي نور وهي تندعي لمحمد يرجع سالم ...
مانسمع غير صياح عشق وهي اصيح بعلو صوتها راحن كنا ركض لغرفتها شفنها كاعدة على السجادة واصيح امي اجتي لزمتها وكالت الها يمه اسم الله عليج يمه عشق شبيج ..
كانت عشق تبجي وتصيح كالت الماما محمد راااااح يمه محمد رااااح اجى سلم عليه وراح كامت عشق ادك على راسها حيل واحنا نحاول نلزمها مانكدر كامت تملخ بوجها وشعرها ...
مااكو دقايق وسمعنا طلق مال نار وصوت تشيع احنا كلنا ظلينا مجمدين بمكانا ...
ماانحس غير عشق طلعت من وسطنا وركضت لشارع وهي اصيح لااااااااا محمد لا تعوفني محمد ...
طلعت نور تركض وراء عشق وماما طلعت وتمشي بثقل واني لزمتها من ايدها طلعنا لشارع شفنا عشق كاعدة بنص الشارع ودك على راسها واصيح بعلو صوتها نور ذبت عليها العبايه
باوعت من بعيد قاسم ومصطفى وياهم زلم شايلين تابوت بهذا الحظه مااشفنا غير ماما كعدت بالكاع وكامت تلطم على رجلبها وصيح ليشششششش ياربي ليشششش مااخذت روحي ولا شفت تابوت ابني كعدت كدام التابوت وكامت اتمشي ايدها عليه وتكول اله ولدي بعدك ماتهنيت بعرسك بعد امك وين راحت وعفتني مو كلت يمه اني سندج ومااعوفج ليششش عفتني ليشش ليش كسرت ظهري ليش يابعد امك ليش عفتني كلت انت عكازتي من اكبر ولكككك يمه ربيتك بدموع عيوني احسب الدقايق حتى تكبر احسب الايام حتى اشوفك عريس ....
اجى قاسم حتى يشلون التابوت وماما مجلبه بي وتبجي وتصيح ماانشوف غير عشق طلعت بدله العرس وشايله قاط محمد وكفت كدام قاسم وكلتله زفوني اني ومحمد راحت لزمت ايد امي وكالت الها يله يمه امشي خلي يزفوني اني ومحمد ......
لزمت امي ايد عشق وهلهلت وكالت يمه رجلج شهيد بالجنه يمه ابني عريس بالجنه ..
طلعت عشق وياها ماما وراء التشيع ...
دخلت عشق هي وبدلتها لسيارة وياها ماما بالسيارة لمحملين عليها تابوت حمودي جبيبي ..
كان قاسم يسوق السيارة وكاعده اني بصفه ...
مااسولف الك شنو صار بينا طول الطريق على بجي عشق وعلى لطم امي والله ثم والله من كنت اباوع لعشق اكول هاهيه راح تموت اختي ...
بطلعان الروح وصلنا لنجف
راحنا لمغسل الدنيا المغرب ودخلت ماما تغسل لمحمد واني وكفت وياها خاف تتخربط ...
كامت تغسل بي ودموعها تصب وتعاتب بي وتكول
ييمه شلـــــون رحت ووين ضـــــليت
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
