ترك بصماته على جسدي

بارت ٢٧

عشق .... وكفت يم الباب وكتلني الفضول اعرف شنو جاي يسوي محمد اقترب وسمعته يحجي همس صوته ابد مو واضح لزكت اذاني يم الباب ردت اسمع شنو يحجي مااحسيت الا الباب انفتح ومحمد كبالي وبيده الفون اني راسن كمزت ردت اركض لغرفه هو لزمني من ايدي وضيق عيونه وكلي شسوين هنا كتله واني متوترة واحسه وجهي ناررر من الخجل كتله هاا عبالي انت نايم وناسي الضوء مفتوح هو باوعلي مو مقتنع وكلي امشي ولي نامي عافني واني ركض لحمام شفت وجهي احمر مثل الطماطه غززه شلون حظ عليه امداني كل مرة افشل نفسي كدامه راحت نمت يم ماما وغفيت راسن من كثر التعب..
مر تقريبا اسبوع بين الضوجه والملل محمد راح لمعسكر واني وغرام علينا البيت ومرات اني اطبخ لان ماما طول الوكت تطلع وياه نور تكمل الاجهاز مال عرسها الان الاسبوع الجاي عرسها اصلا صار الهم ٦ اشهر مخطوبين واصلا هذا المدة بالنسبه النا طويله لان بابا مايقبل يكول الخطوبه مالازم اطول كلها شهر لو شهرين وراها بزوجون بس نور كولشي بالنسبه الها حاله خاصه ابدا ماتتعامل مثل معاملتنا بابا دائما يفضلها علينا ماادري ليش اجوز لان دكتورة
....
كعدت الصبح راحت غسلت وصليت طلعت شفت امي تبدل تريد تروح هي ونور وغرام تريد تروح وياهن بس ماما ماتقبل افف اصلا اني اليوم راسي يوجعني وهذي غرام تزعطط كلت الها كافي شبيج زعطوطه دوختيني هي باوعتلي وكالت انتي شعليج اني اريد اروح وياه امي حتى اخلص منج كالت الها امي انجبن وكعدن مااريد هوسه اني واخذتج شويه ونجي غرام انتي نظفي البيت وعشق سوي برياني اليوم على الغداء غرام كالت الماما شنو كل يوم علينا التنظيف والطبخ ونور الاميرة مالتكم كاعدة ومرتاحه واحنا مثل الخدام نشتغل عدها امي خزرتها وكلتلها ولج اختج مثل الخطار عدنا يومين وتزوج وعلى التنظيف لا اساعدين اني انظف يله امشي ولي من كدامي ..
راحت امي ونور لسوك واني بديت اسوي الغداء وغرام طلعت من الغرفه وكامت تنظف ضحك وكلت الها شو كمت تنظفين كالت اي لعد شسوي اخاف امي تزعل عليه مايهون عليه زعلها
كلت الها هي اصلا طلعت زعلانه منج بعد مايفيد كالت انجبي بس ترجع اصالحها
التهينا بالتنظيف والطبخ ورجع بابا سأل على امي وكلت الها راحت هي ونور لسوك هو هم بدل وشرب جاي وطلع كملنا منا ل١١ ونص رجعت ماما ونور ومشتريه كومه غراض راحت غرام وياه نور اساعدها بترتيب غراضها واني كمت اسوي زلاطه اجتي ماما لمطبخ باستني من راسي كالت اسوده عليه تعبتي ياروحي هذي الفترة افتر وياه نور وبالي يمج خاف تحتركين كلت الها لا يوم شنو احترك قابل زعطوطه
انتي روحي حبيبتي رتاحي واني اكمل زلاطه منا لمن يجي بابا اصب هي كالت الله يرضى عليج خلي غرام اساعدج كلت الها اي راحت واني بالي يم حمودي والله شتاقيتله حتى من يجي بالعطله مالته مايكعد هواي بالبيت اغلب وقته طالع وياه اصدقائه لو وياه ابويه حتى مرات مايبات يمنا وفوكاها ينزل كل اسبوعين ومرات شهر يله ينزل اففف عفت الزلاطه وراحت ركضت على الفون مالتنا اني وغرام مشترك بينتنا بالموت ماما قنعت ابويه يشتري النا ..
فتحت الفون طلعت صفحه محمد يله شكد حلو وهيبه بالزي العسكري ظليت اكلب بصورته ..
فزيت على صوت غرام
غرام .. لكفتج شسوين ولج
عشق راسن طلعت من الصفحه كتلها عززه بعينج وكفتي قلبي ردت انجلط عبالي امي
غرام .. اي عيني شنو جنتي اسوين ورتي تنجلطين
عشق .. شسوي قابل هيج ضايجه وجاي اكلب بالموبايل شعندي يعني
غرام ... اي هذا الحجي مشي على امي لو نور ولج اني نصفج الثاني اجذبين عليه
عشق .. شو ولي خلي اكمل الغداء انتي ماعندج شي وتريدين تلهيني
غرام .. اي نطيني الموبايل واروح
عشق .. هاج اصلا اني وين لزمته النهار كله واليل يمج
اخذت غرام الموبايل مني وظلت اكلب بي واني قلبي يدك حتى بالكوه كمت اتنفس رفعت عيونها من الموبايل ورتسمت على شفتها ابتسامه خبيثه كالت ها ولج مطلعه صفحه محمد كمت على حيلي وخليت ايدي على حلكها كتلها اشش يمعوده لا تسمع امي وخرت ايدي هي كعدت على الكرسي واني كعدت كالت طبعا اني ماتفاجئت لان حاسه عليج معجبه بمحمد لان دائما تباوعين اله وتهتمين بغراضه بس خلي اكولج هذا الشي لبالج طلعي تر مايصير محمد مامعتبرج غير اخته اني باوعتلها راسن كتلها بس اني مو اخته واني سمعت بابا يكول لماما اريد ازوج عشق لمحمد كالت اي اني هم سمعت بس ماادري يعني محمد مافد يوم باوع الج لو اليه لو لنور غير بس اخواته ولا تنسين بابا من زمان حجى هذا الحجي يمكن مايصير لا تعلقين قلبي بمحمد كتلها ماادري غرام اني احبه انتي شايفه هيبته ورجولته تصرفاته وحجيه لج اصلا تفكيري كله بي حتى حركاته حافظتهن كالت يبووو انتي واكعه بالحب ومحد مسمي عليج كتلها غرام لا تكولين لاحد حبابه كالت لا لج المن اكول اكولج اليوم شنو مسويه غداء تر ميته من الجوع حتى ريوك ماتريكت كتلها مسويه برياني روحي فرشي السفرة لان هسه يجي ابويه اكولج يمته تصالحين انتي وبابا كالت امشي ولي اني اصالحه لو هو من وعينا على هذي الدنيا لهسه هو حارمنا من ابسط حقوقنا وهسه يريد يزوجني لواحد لا اعرف عنه شي وحتى بعدني صغيرة عبالي متعاجز من لكمتي كتلها بس حتى لو انتي هم غلطتي هواي وعيب كالت اي من حقي اغلط وتخبل هم من اشوف التفرقه بينا وبين نور حتى الله مايرضها حرمنا من كولشي وحتى شريك حياتي هو اختاره كتلها زين انتي راح توافقين على قاسم لو لا كالت والله ماادري بس اجوز ابويه نسى لان اصلا من ذاك اليوم ابدا بعد مااذكر قاسم وتذكرين من كالت قاسم يجي يوم الخميس يخطبني بس هو لا اجى ولا سمعنا شي عنه اجوز بابا ضميره كام يعذبه وبعد مايزوجني واخلص من قاسم هذا كتلها انتي تدري بابا اذا اخذ قرار بعد مايتراجع عنه كالت شبيج اجوز كسرت خاطره وترجع عن قراره يعني شنو تقام القيامه اذا فد يوم فكر بينا وترجع عن شي انتي تدرين صديقاتي من يراسلني وحدة تكول هذي العطله ابويه يطلعني لتركيا واحده تكول لشمال واني طلعه من الباب محسوبه عليه وحتى اذا شفق علينا ياخذنا نزور بنفس اليوم نرجع ويظل كل مانريد نطلع يكول اني مو طلعتكم كتلها اي ادري تعلميني باابوج شنسوي هذا حظنا بس على الاقل الله عوضنا بماما متفاهمه وحبابه والله تدرين احسه بيها صديقتي مو امي كالت اي والله صح ...
كنت كاعدين واني وغرام نسولف واندك الباب راحت غرام تكول لامي حتى تفتح الباب لان احنا مايصير لازم ابويه يفتح الباب لو محمد واذا ماموجودين ماما تفتح الباب ..
طلعت ماما تفتح الباب واجى ابويه سلم وراح لغرفته وماما وراء اني صبيت الغداء وغرام بالغرفه لان بابا زعلان منها فماتكعد ويانا ..
صبيت غداء الهم واني وغرام بالغرفه ناكل اضوج هي وحدها تاكل واني اضوج من ماتاكل ويانا لذالك اكعد يمها اتغدينا وبابا وماما يمدحون بطبخي امي تكول طلعت نفسج طيبه على امج الله يرحمها هم من كانت تطبخ اهل البيت كلهم يحمدون بطبخها حتى بابا كان يخليها هي تطبخ بالعزايم ..
كملنا اكل وماما سوت جاي لبابا وراحوا لغرفه ونور هم راحت تنام واني كمت اغسل الماعين ومسحت المطبخ اصلا اني مامتعودة انام الظهر بس اهلي كلهم ينامون غرام هم ماتنام اظل تراسل صديقاتها ..
كملت وراحت كعدت بالغرفه ضايجه افف شلون حياة عدنا كلها روتين قبل كانت الدراسه ماخذه نص وكتنا ويمشي الوكت هسه ماكو غير بس شغل البيت والحبسه مال البيت ...
مشى الوكت بسرعه بين شغل البيت والتنظيف والتجهيز لعرس نور يمكن احنا فرحانين اكثر منها انو راح تزوج وغرام تركص لان بس تروح نور غرام تاخذ غرفتها بيوم العرس كعدنا من الصبح تقريبا بال٧ ونص انسوي ريوك لان عماتي موجودات يمنا كعدت غرام حتى اساعدني هواي عددهم مااكدر وحدي بالكوه كعدت وظل ادردم عليه كملنا الريوك وتريكوا وبال٩ امي اخذت نور لصالون وبابا جاب طباخين لان ماما مشغوله بنور ماتكدر تطبخ واني وغرام علينا الجاي والماي والعصير وكل ساعه واحدة من عماتي اجتي وقدمنا لهن عصير وكل ساعه وحدة اصيح جاي كبالك كاعدات بكهوه غرام تعبت راحت اسولف وياه بنات عماتي واني كعدت بالمطبخ كنت صافنه سمعت صوت ورايه وهو يكولي شلونج عشق اندريت شفت محمد غززه نسيت اليوم يندز من الدوام واني مبهذله شعري كفشه ودشداشتي شعرضها عبالك مال بيبتي شكد فشله ..
كتله الحمدالله وانت شلونك كال الحمدالله اكولج روحي جيبي ملابس من الكنتور كتله مخالف هسه راكت اركض لغرفه حافظه كل غراضه وكل قطعه مكانها من كثر ما انظفها من يطلع ومرات اظل كاعده بيها ...
طلعت دشداشه سودا وبيها نقش ذهبي وبشت اسود وذهبي وعكال وعطر وساعه ومحبس اخذتهن وراحت اله كان واكف بالمطبخ ولزم الموبايل ورافع ردان قميصه وعبالك قميصه يريد يطك من عضلاته وشراينه بارزه اوويلي قلبي مايتحمل شكد حلو ..
اتقدمت عليه انطيته غراضه ابتسم وكال عاشت ايدج ذوقج حلو ..
هي كلمه بسيطه ويمكن كالها بدون قصد بس حسيت هو هم معجب بيه حسيت وجهي صار نااااار ..
هو اخذ الغراض وراح واني ظليت صافنه اجتي غرام كرصتني من ورايه اني كمزت كتلها كبر شبي ضحكت وكالت ها حبيب الكلب اجى كتلها انجبي لا يسمعج احد كالت يله امشي نبدل بعد ساعه يروحون لقاعه مال العرس كتلها امشي ولي بعد وكت الساعه بال١٢ حتى غداء بعدنا وبعدين شويه بعد يكول ابويه صبوا نطلع واحنا مكيجات حتى ابويه يموتنا كالت اي والله صدك ماافكرت بهذا الشي بس اكولج من انصب نصيح بنات عماتي يساعدنا شنو احنا خدم عدهن كتلها اي نصيحن ليش لا ..
كنت واكفين اني وغرام نسولف طب بابا كال راح اطبب الاكل صبوا لنسوان واني ومحمد نصب لزلم يله بسرعه راحت غرام اصيح لبنات عمي بس مااجني كالن اصير ريحه بملابسنا وظل غرام شيط وتنطفي كتلها عوفيهن خلي يولن كعدنا نصب واجني بنات عمي ساعدنا اخوات قاسم اصلا هن حبابات ومو مغرورات مثل بنات عمي كمال اصلا هن متواضعات وحبابات ..
كملنا صب ونقلنا الاكل لخطار وكعدنا ناكل ونسولف وضحك كملنا كمنا نعزل بالاكل والبنات ساعدونا بغسل الاماعين شويه ودخلت امي هي ونور وبدأت الهلهل والركص راحنا اني وغرام غيرنا ملابسنا وخلينا شويه مكياج وطلعنا باركنا لنور وماما كانت توكل بنور وتبجي على فركاها وتوكل البيت وحشه بدونج ..
دخل بابا وباركلها باسها من كصتها ولبسها كلادة كولش جبيرة وراه دخل محمد ويمه على الهيبه والكشخه البنت ظلن فاتحات حلكهن على جماله باس نور من راسها وبارك الها ولبسها هم كلاده مثل مالت بابا كولش حلوة اجتي الزفه واخذتنا لقاعه مالت العرس بس ابدا ماطولنا كلها دقايق ورجعنا لبيت يعني مااحصلنا من العرس لا ونسه ولا شي غير الخدمه والركض ...
يتبع ..
السلام عليكم ورحمة الله وبركاته شلونكم عساكم بخير وصحه وعافيه منو اكثر عجبكم من ناحيه الشخصيه عشق لو غرام