غرام ..... مااجاي اصدك معقوله قاسم يسوي بيه هيج ....
لعبت نفسي منه ومن قرفه ومن حجيهم ....
ركضت لحمام لبغرفه عشق وكمت اتقيئ .....
خليت ايديه على راسي وكعدت ابجي ....
باوعت لشكلي بمرايه ليش ليش ابجي عليمن ؟ ...
اني اصلا اكره لقاسم وتلعب نفسي منه .....
بس بس اني ابجي على شبابي الضاع على حياتي لماشفت منها شي ....
ابجي لان مااجاي اعرف نفسي مو هذي الحياة لخططت لها مو هي لا .....
لا قاسم الحقير الله ينتقم منك دمرتني دمرت حياتي وهسه تخوني هههه ....
والله زين اني خدامه اهنا لبيت ولجهاله ....
وذيج لشهوته ....
طلعت من الحمام واني احسه قلبي يريد يطك ...
مثل ماتحسون بسجينه داخله بقلبكم......
كان احساسي بهذي اللحظه غضب ......
كنت عبارة عن قنبله واريد انفجر مااعرفت اصرف ولا عرفت استغل هذي الفرصه كان كل تفكيري بالانتقام .....
اي ردت انتقم من ابويه لجبرني على هذي الحياة ....
ردت افرغ غضبي .....
طبيت لغرفه شفته واكف يبدل واكف بشموخ عبالك انسان نظيف انسان مايغلط ....
باوعلي وكلي بكل برود شبيج ليش تبجين شكو شصاير؟
اني ضحكت وكتله لا سلامتك سيادة القاضي بس مراح اكول الك المحترم لان انت مو محترم ....
هو طبك حواجبه واقترب مني.....
وكال عيدي شنو كلتي ؟ ...
كتله انت حقير انت تلعب نفسي ياجلب بحياتي مااشفت انسان بحقارتك .....
لزمني من شعري حييل وضربني راجدي
من قوة الضربه حسيت شفايفي كلهن دم .....
دفعته حييل عني واني ابجي ركضت على موبايله فتحته وطلعت محادثاته هو والك****** ......
خليت الموبايل كدام وجه وكتله شوف وساختك ....
اخذ الموبايل من ايدي .....
وكام يباوع بتوتر لمحادثه .....
كتله قاسم طلكني هسه اطلكني .....
وخر الموبايل وكال شتحجين غرام شنو اطلكج لحظه ضعف لا اكثر كنتي بعيدة عني حابسه نفسج بغرفه عشق لا تدرين شنو اكل لو شنو اشرب ......
مريت بضعف ومالكيت احد يوكف وياي وهي طلعت كدامي وكفت يمي وساندتني......
بس علاقتنا منتهيه من يوم رجعتي لحظني تركتها ....
انتي وجهالي اهم شي بحياتي .....
كتله عفيه لحظه ضعف وهذا الحظه راح تنهي كولشي بينا ...
هو اقترب مني ولزمني من ايدي وكال ....
غرام لا تصرفين هيج عدنا جهال فكري بيهم واني من سابع المستحيلات اشتت عائلتي كتلج لحظه ضعف وانتهت ......
كتله تدري قاسم انت شنو مشكلتك ؟ انت متعقد لان امك عافتك .....
بعدني ماامكمله كلامي لزمني من زندي حيل وكال لا تفتحين هذي السيرة خليني محترمج .....
وخرت ايده عندي وكتله .....
لا فعلا قاسم انت مريض نفسي مااتريد يتكرر نفس مااصار وياك ينعاد وياه جهالك مووو؟ .....
انت عبالك اذا طلعت لو شفت العالم راح اعوفك انت وجهالك واروح ازوج مووو؟
بعدني مااكملت كلامي هو انكلب احمر مثل الدم وكام يضرب بالمرايه مالت الكنتور وكسر كل العطور والمكياجي ...
اقترب عليه واني نقطه دم مابيه من كثر الخوف وهو يباوعلي بعيونه الحمر وشرينه بارزه .........
وكال هذا بحلامج بس يتحقق انت مكانج اهنا افتهمتي بحلامج لو اربطج مثل الجلب اهنا ولا اخليج اطلعين .....
عبالج يعني اخليج اطلعين وكملين حياتج لا .....
ادمرج انهي حياتج قبل لا اطلعين وتطلقين ...
كتله مااريدك تفهم يعني شنو مااريدك مااحبك لوما ابويه جبرني عليك عمري ماافكر اباوعلك ....
هو ضحك وكال فد قندرة انتي باوعتلي لو لا ......
انتي عليمن شايفه نفسج انتي منوووو ؟ ....
لج اني قاضي الف وحده تتمنى بس ا****** ولج يتوسلن بيه .....
انتي لوما الجهال دقيقه مااعوفج على ذمتي انتي والقندرة سويه ....
اني مسحت دموعي وكتله هاهيه اذا اني قندرة بالنسبه الك طلكني ريحني واريحك عوفني بحالي ...
كال بحلامج السماء اقرب الج افتهمتي .....
مسحت وجهي وكتله انت مااعندك كرامه لو عندك ذرة كرامه اطلكني يا....
بعدني مااكملت كلامي ومااحسه عليه غير هجم عليه بالضرب والبوكسيات .....
اني كمت اصيح وادعي عليه وهو يضرب عبالك كدامه رجال مو مريه ....
على صوتنا اجتي نور حسيت عليها وهي اجر بيه ....
وتدفع بقاسم .....
وصوت الجهال وهم يبجون وهو صوت يغلط ويسب ويكفر ....
سحبتني بلكوه نور من جوى ايده ....
نزلتني نور جوى واني ايدي مااكدر احركها كنت عبارة عن قطعه مالت دم على كثر ضربه اليه ....
شفته طلع عسى الله مايرجعه ان شاء الله.....
كومتني نور بلكوه وغسلت وجهي ...
والجهال يركضون ورايه ويبجون اسوده عليهلهسه ماانسى منظرهم وهم واحد لزم الثاني ويبجون .....
اقتربت منهم وبستهم وكتلهم ياعمري ماكو شي روحوا ناموا ......
ظليت فوك النص ساعه اقنع بيهم منا لمن صعدوا ناموا .....
راحت اتمددت بغرفه امي ....
اجتي نور كالت شكو ليش هيج ضربج؟ .....
اني سكتت مااجاوبتها مااعندي مزاج الها ....
رجعت حجت بنبرة حادة وكالت ...
مااتحجين مو جاي اسئلج ليش ضربج ؟
كتلها معليج لا تدخلين ...
هي ضاجت وكال طبج مرض وانوب اذا ضربج لا اصعد ولا اساعدج ...
كتلها والله بعد احسن اسوين فضل ....
درت وجهي ونمت واني ابجي ...
ليش هيج يصير وياي طول الوقت وهي ينتقدني طول الوقت وهو يستهزء بيه ...
طول الوقت يكلي انتي تخربين علاقتنا ومسوي روحه مثالي انسان طاهر ماايسوي غلط وهسه مسوي روحه مراهق .....
مراهق يراسل ويسوي علاقه ولا عبالك عنده جهال ولا عبالك هو رجال شكبره رجله بالكبر ورجل بالكاع الله يشيلك ياقاسم .....
ياربي ليش ماتخلصني منه ....
ياربي ساعدني اخلص من هذا الحقير دمر حياتي ومستقبلي ضيع شبابي .......
الله ينتقم منك ياقاسم ....
ظليت اليل كوله افكر شلون اخلص منه ...
شلون اخلي يطلكني ...
هواي افكر اجتي لدماغي واذا طلكني وجهالي خاف ياخذهم مني لا مستحيل يحرمهم مني ...
لا يسويها هذا حقير كولشي لازم اتوقع منه مايخاف الله هذا جلب ......
نمت بصعوبه من وجع جسمي اتوقع مانمت غير ساعه ....
كعدت تقريبا وياه اذان الصبح كعدت اصلي وابجي هواي دعيت على قاسم ....
اندعيت امي ترجع النا سالمه ...
مااكدرت ارجع انام ظليت كاعده سويت الغداء لان امي ترجع اليوم من المستشفى واكيد يجون خطار ....
صعدت لغرفتي الحمدالله قاسم مااراجع البارحه نقلت كل غراضي بغرفه عشق ...
كعدت ارتب غراضي على الرغم هذا قاسم كل غراضي كسرهن البارحه واصلا ميكب نادرا يشتريلي ...
حتى هذا حارمني منه ....
رتبت الغرفه ونظفتها غزلت كتب عشق اسوده عليه ماتهنت بيهن ماعدها حظ.....
صارت الساعه بال٦ ونص كعدت الجهال لمدرسه ....
ريكتهم وطلعوا ...
رجعت نظفت البيت وغرف الجهال .....
كملت كولشي تقريبا الساعه بال٩ ونص ...
ونور لحد هسه نايمه هي وبنتها ....
زين بنتها ليش ماسجلتها بالمدرسه شعجب ...
لحد هيه مااداومت ولو ضاعت عليها السنه وين تلحك هسه ....
صعدت فوك شفت الايباد مالت حمودي ...
اخذته ظليت اكلب بيه منا لمن سمعت حركه جوى بالبيت نزلت ....
شفت امي وقاسم لزمنها من ايدها ....
اني عيوني كامن يدمعن وحدهن على منظرها وجها اصفر وضعفانه اسوده عليه ...
نزلت ركض كمت احظن بيها وابوس ايدها حسيت روحي رجعت اليه من شفتها ...
كتلها حبيبتي ماما شلونج ؟
كالت زينه يايمه شبي وجهج ؟
بعدني مااحجيت قاسم قاطعني وكال خلي نكعد ومو وكته هذا الحجي غرام هذا علاج عمتي وتحتاج راحه تامه ويكول الدكتور اكلها بدون دهن ..
اني اروح هسه عندي شكم شغله اكملها واجي .....
طلع قاسم واني لزمت امي وطببتها لغرفها ...
اجتي نور ركضت هلى ماما وتبوس بيها وتبجي ...
صراحه انصدمت مااتوقعت نور هلكت تحب ماما .....
راحت لمطبخ طلعت عصير برتقال كنت مسويه الها وانطيته الها بس هي عيونها كانت ادور على عشق ...
اخر شي كالت وين اختج يمه شو ماكو ؟
اني نزلت راسي وسكتت مااعرفت شنو اجاوبها لو شنو اكول الها بنتها شردت وغصبوها على الزواج بواحد لا نعرفه وابن اكثر شخص تكره امي شنو موقفها .....
نور راسن جاوبت امي وكعدت تحجي الها شنو صار بس من كلتلها اني خليت عشق تشرد عصبت امي حيل عليها وكالت الها انتي الجبيرة المفروض تفهمين شلون تخلين اختج تشرد وتلزك عليها التهمه .....
ظلت امي تحجي على نور وتبجي من كلنا الها ازوجت ابن فهد طكت من البجي ......
يعني معقوله لهذي الدرجه مو زين مالك لو لان امي تكره عمو فهد .....
اتصلت نور بعشق بعد ماما طلبت منها هذا الشي ...
كالت امي طلعن خلي احجي وياها ....
طلعت اني ونور من الغرفه .....
شفت قاسم رجع شبسرعه كلت بقلبي هذا رجع الله لا جابه ....
عبالك سمع شنو كلت اندار عليه وكال تعالي غرام احجي وياج......
دخل لمكتب واني دخلت وراء ....
كعد وكال تريدين تطلكين اني ماعندي مانع ؟ .....
_______________________________________
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
