ترك بصماته على جسدي

بارت ٧

دموع .. ودموع لا تتوقف عيوني عن الدموع
لماذا انا مظلومه في هذا الحياة الى هذا الدرجه ؟
هل لاني فقيرة ....ام امرأة ....
هذا هي الحياة تظلم الفقراء فقط ...
زينه / كمت داخلت لغرفتي وسديتها كنت بالكوه اكدر اتحرك جسمي كله يأذيني داخلت لحمام لكيت جسمي عبارة عن خريطه كلها بقع زوك ظليت ابجي ياربي اسويت بنفسي ليش هيج راح اغلى شي بحياتي ليشش ظليت اغسل بجسمي حيل اريد اوخر وساخه هذا الحقير عني ..
راحت نمت من التعب ولهسه عقلي مامستوعب شنو صار عبالك حلم لا مو حلم كابوس ومستحيل اصحى منه ...
كعدت بال٣ الصبح خايفه كلشش زين شنو راح اسوي شلون بعد يومين اذا احد درى اني مو عذراء شنو اكلهم فهد اغتصبني زين منو راح يصدكني ..
حتى مااكدر ازوجه اني احب اخو احب مصطفى مااكدر اتقبل انسان مثل فهد ..
بس اذا فهد ماازوجني انفضح بين العالم اصير سيرتي على كل السان ..
كمت من مكاني واني الخوف يتملكني شلون اعيش بمجتمع يخلي الحق كله على البنيه شلون يمكن يكتلوني اذا احد درى ..
راحت اركض لغرفه فهد واني خايفه كان اكو فكرة بالي ..
دكيت الباب عليه مرة مرتين محد فتح اكيد نايم هذا الحقير فتحت الباب ..
زينه / فهد فهد اكعد
فهد ( هو كوه فتح اعيونه ) اممممممم
زينه / اكعد احجي وياك
فهد / اصبح عود
زينه / لا هسه اكعد لا والله اروح اشتكي عليك
فهد / ههههه تشتكين عليه ليش بله شسويتلج
زينه / شنو اسويتلي
فهد / والله مااسويت شي مااذكر
زينه / شلون ماتذكر البارحه انت اغتصبتني اخذت شرفي
فهد / ههههههههه اي اذكرت اويلي على هذا الجسم اكلج ماتجين انعيدها مبين عجبج ( وهو يغمزلها )
زينه / انت واحد مقزز وحقير
فهد / اكلج احترمي نفسج ولاتغلطين لو نسيتي نفسج
زينه / لا مانسيت نفسي
فهد / هسه شتريدين اريد انام نعسان
زينه / فهد شلون هسه
فهد / امممممم قصدج تريديني ازوجج ههههههههه
زينه / اي انت اخذت شرفي
فهد / اهوووووو لزكت عاد شرفي وشرفي يابه اني عود ادبر الج حل
زينه / حل شنو قصدك
فهد / شوفي خلي اكلج شي اني زواج ماازوج هيج عجبني جسمج وردت افرغ شهوتي وياج وخلصت فماتريدين ازوجج هذا الشي طلعي من بالج يعني حلم لا تحلمين
زينه ( كمت ابجي واني احس نفسي رخيصه مثل الكح***** / كتله انت دمرتني ودمرت حياتي شلون اعيش بعد فهمني
فهد / اششش كافي لا تبجين شوفي لا ادوخيني ولا ادوخج اني انطيج حلين الاول اسويلج عمليه ارجاع العذريه البكرة لو اصيرين اليه يعني انطيج الفلوس شكد ماتريدين بس كل مااطلبج تجيلي مثل الحبابه شنو رائيج
زينه / تفففف عليك ياحقير حسب الله ونعم الوكيل بيك الله ياخذ حوبتي منك
فهد / هه صرتي مثل العجايز تحجين حبي فكري بيها زين اني بعدين اريد ارتشف من جسمج وصدرج
زينه (عفته وطلعت اعرف هذا ماايفيد شكد مااحجي وياه كعدت بالغرفه وظليت ابجي كلت خلي اصلي بلكي الله يساعدني ظليت ابجي على السجادة لحد الساعه بال ٦ ونص كلت خلي اشرد من هذا البيت من هذا المنطقه لو الله يموتني وياخذ روحي لو يلكيلي حل اخذت شكم قطعه ملابس بس ولا فلس عندي شلون اطلع لعد راحت لغرفه الحجيه بلكت عدها كمت امشي على اصايبعي اخاف تكعد لان نومها خفيف فتحت الكنتور كمت ادور بين ملابسها كليت صفطه خمسه وعشرينات اترددت اخذها بس مو بيدي لازم انقذ نفسي من هذا الظالم ...
راحت فتحت الباب الصاله اريد اطلع ولكيت فهد كعد يدخن
فهد / هااا بكتي وتريدين اشردين هسه
زينه / انت شتريد مني هااااا ماكفاك اغلى شي اخذته مني شعليك بيه
فهد / انجبي لج تريدين اطلعين حتى تشتغلين كحب****
زينه / ششششششعليك وخر خليني اطلع
فهد / شوفي هذا الفلوس لخذتيهن من بيبتي ماتعيشين بيهن اكثر من اسبوع
زينه / معليك اني ادبر نفسي احسن مااغضب ربي وابقى وياه واحد نذل مثل
... اخذت غراضي وطلعت من الباب اركض عبالك كنت بسجن عايشه ظليت امشي وامشي ياربي وين اروح كعدت على الرصيف طلعت الفلوس حسبتهن ٣٥٠ الف زين هذا اذا راحت لفندق بيومين يخلصن لازم الكي بيت حتى اكعد بيه .. بس مين ادبر افلوس البيت حتى مااكدر اكعد بيت اهلي كدام بيت هذا النذل ....
راحت لاب العقارات كتله اريد ابيع بيتي مساحه ١٠٠ متر
/ وين مكانه
زينه / مكان منطقه ****
/ بويه اشوفه وبعدين احدد السعر
زينه / اي عادي عمو هذني المفاتيح روح شوفه بس اني مااكدر اروح وياك
/ ليش عمو خما البيت عليه فصل لو من وراء بلوه وجاي تبليني
زينه / لا والله عمو بس اني اهلي اتوفوا بي واخاف ادخله
/ هاااااا لا مو مشكله انطيني المفاتيح اشوفه وانتي بس دليني وينه
زينه ... راحت لبدايه الفرع دليته البيت وظليت واكفه بالشمس واني ميت من الخوف وكل ساعه يتراولي فهد يطلعلي ظل تقريبن الرجل ساعه كامله .
يله اجى
زينه / ها عمو شفته البيت
/ اي بس كلش قديم وراده هواي تصليح بس اني راح اشتري منج لان انتي مبينه بنيه حبابه وفقيره وراح اساعدج
زينه /
اشكرك عمو راحمه على والديك
/تعالي امشي لمكتب نتفق
.. راحت اني ورجال بالظهريه الحارة متت من الحر وصلنا لمكتب كعدنا
/ شوفي اني راح انطيج ٥٠ مليون بي شنو اكولين
زينه / لا عمو اني اريد اشوفي بيت او مشتمل بدل عنه بس يكون بعيد عن هذا المنطقه
/ امممممم زين اتفقنا راح انطيج مشتمل مساحته ٥٠ متر بس هو تر بعيد كلشش
زينه / وين
/ بالنجف
زينه / ها زين بس المنطقه راقيه لو لا
/ اي عمو والله اشتريته قبل سنه بحي الغدير ارقى منطقه ويمها مدرس وسوك ومستشفيات
زينه / هاهيه اتفقنا
وراها كملنا العقد والاتفاق واني كلش فرحانه انو راح اكدر اخلص من هذا الحقير
يتبع
مساء الخير رمضان كريم قبل الله اعمالكم وصيامكم
اتمنى تعجبكم بدأيه حياة زينه واريد تواقعكم شنو راح يصير وياها