ترك بصماته على جسدي

البارت الثالث الجزء الثاني

غرام ..... اني كمت اشكهك وابجي بصوت عالي احتاجيت انام بحظن امي بس جسمي يوجعني مااكدر انزل ولا اكدر اكوم واتحرك ...
شفت قاسم اندار اليه وشال راسي وخلاه على ايده اني كمت ابجي بالزايد هو حضني قوي وكلي لا تبجين والله مو قصدي اسوي بيج هيج بس انتي تراددين واني هذي الفترة عصبي ومضغوط من الشغل وتعبان ومشتاقلج كل مااريد اجيج اشوفج نايمه ..
كلت اله واني اشكهك غير غير تعبانه من اقرايه الجهال وتعبانه بالتنظيف وشغل البيت اني المن افضى الك لو لبيت لو لجهال ...
كال اليه المرة السباعيه ادبر كولش لو عايشه يم عيال كان اسويتي هسه عمي مااريد منج شي بس،كبري عقلج من تحجين وزني الكلمه لا تنسين انتي زوجه منو ...
درت وجهي وكتله لا مانسيت وحتى لو نسيت لحظات انت اذكرني ....
هو انزعج من كلامي وكام طلع اني ظليت ابجي منا لمن ماادري يمت نمت ...
كعدت الصبح شفت الساعه بال٦ ونص فزيت راسن يبوو اتأخرت على دوام الجهال ...
كمت على حيلي على الرغم جسمي كوله متكسر راحت ركض غسلت على السريع وطلعت بدلت شفت قاسم اصلا مااراجع البارحه راكضت لغرفه الجهال
غرام .... ولج نهى كعدي الساعه بال٦ ونص يلللله ولج كعدي على مااروح اكعد اخوج يللله ولج
نهى .... يوووو ماما اليوم جمعه شبيج نسيتي
غرام ... هااا اي نسيت
طلعت سديت الباب وطلعت نزلت جوى شفت ماما كاعده بالمطبخ وعشق جاي اسوي ريوك كتلهم صباح الخير ...
باوعتلي امي وعشق شهكن امي لطمت على وجها يوم غرام شبي وجهج ...
كتلها لا يوم مااكو شي وكعت البارحه بالحمام
كالت شنو وكعتي هذا قاسم هيج ضاربج احجي ولج
كتلها اي قاسم ضربني عركه بسيطه وصالحني البارحه لا تخافين يوم
كالت اذا عركه بسيطه هيج سوى بيج لعد لو عركه جبيرة يذبحج اني اعلمه خلي يرجع شنو عباله مااعندج ظهر يوكف وراج استغلج عود هذا الحنين الحباب هيج يسوي بيج لعد بعد عيني شسوي بيجن يذبحجن اخخخخخخ ياوثاب اخخخخخ راحت مااحسبت حساب لهذا اليوم ...
غرام راحت بست راسها وايدها وكتلها يوم حبيبتي اني البارحه طولت الساني وياه انتي تعرفي قاسم ماايمد ايده عليه اصلا يحبني الله يخليج لا تحجين وياه اصلا اصالحنا وعدني بعد ماايضربني ابدا
كالت ولج يااول مرة ولج هذا تعود كل فترة ولزمج جنزج تجنيز
كتلها يوم الله يخليج عوفي لا تفتحيلي باب الله يخليج يعني شسويله اطلق وجاهلي صاروا بطولي
امي هزت ايدها وكامت لغرفتها ...
اني كعدت خليت ايديه على وجهي وكمت ابجي اجتي عشق حضنتي وكامت تبجي وياي ...
مسحت دموعي وضحكت كتلها شنو انتي اجتي اسكتني لو تبجين وياي ...
هي مسحت دموعها وكالت مو اني نصفج الثاني اكيد من تبجين راح ابجي وياج
كتلها دكومي كملي الريوك خلي نروح يم امي نتريك ..
غرام....
راحنا اني وعشق لماما وكعدت احجي وياها واقنعها لان ادري ماابيدها شي بس تعصب يرتفع ضغطها ولا سامح الله يصير بيها شي عفتها على الله ...
مرت اسبوع وعلى حالنا الجهال كعدوا عدهم عطله وعشق مثل العادة يوم تنزل وعشرة تنعزل بالغرفه اما اني وقاسم متعاركين لا اني احجي وياه ولا هو يحجي وياي حتى قليل يجي لبيت واكثر الاوقات نايم يم اصدقائه .....
اني كمت انام يم الجهال لو مرات انام يم عشق ...
زين هسه هو المفروض يزعل لو اني والله ياربي لازم كل مرة يطلعني اني الغلطانه شلون رجال الحمدالله والشكر ضاع شبابي وحياتي بس لخدمه والركض ولا احصل شكرا ولا شي فوكاها اطلع اني الغلطانه اكعد من ال٥ الصبح اركض واطبخ وانظف واهتم بجهاله وادرس واقري وكل هاذا اطلع اني مقصرة الحمدالله ربي اطلع من القهر والضيم بلكت الكي السعادة اشوف كلها تنسد بوجهي ....
كمت صعدت لطابق الفوك فتحت غرفه البنات .
غرام ..... ولجن كوووومن مااتخافن الله نايمات ل١٢ واني اخدم بيجن لا بالعطله تساعدني ولا بالدراسه
نهى .... يوووو ماما عفيه طفي الضوه اروحلج فدوة اليل كله مانمت
غرام ... اي طبعا مانمتي اذا سهرانه انتي واختج لصبح
نهى .... لا والله انتي لو تدرين بس شنو صار كان بجيتي علينا وكلتي خطيه خلي اعوفهن ينامن
غرام ... هاااااا اي بله ست نهى سوالفيلي شصار خلي ابجي
نهى ... شوفي يوم البارحه مو من ال٩ صعدنا اني وملك لغرفه كلنا الج نريد نام
غرام .... اي
نهى ... ظلينا نلعب اني وملك لحد ال١١ ونعسنا وهستونا نريد نطفي الضوء ونام اجى محمد خرعنا كان لبس القناع وخرعنا وملك اليل كله مانامت تبجي وخايفه
غرام ....يااااااا ليش ماكتلي ليش مااجتلي لغرفه زين يايمه ماصار بيكم سكر اسوده عليه
راحت شفت ملك يعمري نايمه مثل الملاك ملك هي تشبه ماما وعشق عيونها على خضار وعلى صفار وبيضه وجها بي شويه نمش وناعمه عكس نهى ليشوفها عبالك بالروضه هي بالرابع ابتدائي
اما نهى اسوده عليه حبيبتي دبدوبه وضخمه والها شبه من نور بشرتها قمحيه وعيونها مجرورات مثل البزونه ماشاءالله رموشها كثيفه ملامحها حلوة بشكل من حواجبها لشعرها لطويل واحلى شي بيها قلبها عليه وطيبه وفاهيه لدرجه من اقل كلمه تبجي
روحها بالدنيا الاكل بس حاليا مسويتها جدول مالت اكل وجاي اعتني بيها وخاصه قبل اسبوعين اجتلها الدورة الشهريه وتحتاج اهتمام وعنايه هواي لازم بين فترة وفترة اكعد انصحها واعلمها الصح من الغلط بس مو بتقيد ولا احرمها من شي اخليها تعيش طفولتها ....
اما حمودي بزر الكعده نسخه طبق الاصل من محمد نفس ملامح محمد الله يرحمه حبيبي حتى مرات حركات نفس حركات محمد وماشاء الله ذكي لدرجه واحسه مرات عقله اكبر من عمره وكح كولش لازم اليوم والثاني يحصل ضربه بس شنو روحه بالدنيا عشق وعشق متعلقه بي كولش لان يشبه محمد الله يرحمه .....
كمت طفيت الضوء وسديت الباب راحت لغرفه محمد هم شفته نايم عفته شنو ساعه السوده كلهم نايمين والله مليت راحت لغرفه عشق شفتها كاعده
غرام..... افففففف واخيرا لكيت شخص كاعد شسالفتكم مااشبعون نوم
عشق .... من زمان كاعده بس جسم متكسر مابيه حيل اكوم
غرام .... اي عمي جسمج متكسر من كثر النوم مالتكولين خلي انزل اشوف اختي شمحتاجه شتريد
عشق ....اي اي اتعاركي واليوم شهاتي
غرام .... الله عليج اليوم شهاتج شمدريج
عشق .... لج دخلت كروب مالت النتائج وكالوا احتمال اليوم النتائج وتطلع بال١ الظهر
غرام .... يمه اكولج اصلا صارت بال١ شوفي وين ام البنين اطلعين ناجحه يله ولج جسمي جاي يرجف احسه اني خايفه اكثر منج
عشق .... لج اني قلبي راح يوكف ياخايفه بس اوووكفي طلعن
غرام ...يااا وينهن وين اسمج
عشق .... اوووكفي لج جاي ادور
عزاااا لج نجحت
غرام.... كولي واللله
عشق ... اي والله شوفي هذا اسمي ودرجاتي
غرام ... بله انطيني اشوف ياااا ولج ثوله درجاتج كلهن على الحافه خمسينات ولج وهذا الانكليزي شكد قريتج وتعبت عليج تالي خمسين على الرأس
عشق ... انجبي لج المهم نجحت خلي انزل ابشر امي
غرام ....
كانت فرحه نجاح عشق اكبر فرحه مر بيها البيت بعد حزن طويل اسوده عليه ماما طلعت من الغرفه تهلهل وطبعا هذي اول مرة من اتوفى محمد تهلهل كانت فرحه عظيمه الجهال نزلت تركص وماما فرحانه وعشق هم واني سويت الهم عصير وكيك وسوينا حفله صغيرة وكلمن نسى حزنه وعاش لحظه فرح .....
صار الدنيا ليل وكلمن صعد لغرفه نام وقاسم مااجى صارت الساعه تقريبا ١٢ باليل وماكو ياربي وينه هذا الرجال كل مايكبر يخرف الحمدالله والشكر قبل ماايطلع اذا صارت الساعه بال١٠ هسه راح اصير بال١ هو ماكو ....
نزلت لجوى انتظره وبالي يمه والف فكره تجي بالي خاف مسوي حادث خاف وخاف وخاف ظل بالي مشدوه عليه ...
نزلت فتحت غرفه ماما على كيف خطيه شفتها نايمه طبعا اني عندي طبع لازم كل يوم باليل انزل اشوف ماما قبل لا انام اجيب الها ماي وحتى اكل خاف اجوع باليل وماتكدر تكوم وادري بيها تستحي تحجي مااتريد اتعبنا يعمري ماتدري هي شكد مانتعب عليها ونخدمها ماايجي شي لتعبها ويانا ....
صارت الساعه تقريبا ١ ونص اجى زوجي العزيز يجر بروحه واكفت كدامه
وكتله وين كنت حضرتك لهسه
عافني وصعد ولا عبالك احجي وياه اني راكضت وراء وصعدت وكتله شنو معنى تصرفك هذا ؟
هو ولا عبالك سمعني كمل طريقه لغرفه وفتح الكنتور وجاي يبدل ....
اني تنرفزت من تصرفاته هواي لزمته من ايده وكتله شبيك الكبر اثر على سمعك ...
مااحسه الا راجدي طبع على خدي ولزمني من ايدي حيل وصاك على سنونه وعيونه حمر جسمي كام يرجف وتندمت لان حجيت وندمي الاكبر لان انتظرته يرجع ...
قرب وجه من وجهي وكل شكلتي عيدي مااسمعت
اني انبلع الساني ولا كلمه نطقت ظليت مثل الصنم واكفه كدامه
كلي انتي يمت اخر مرة باوعتي لنفسج ...
جرني من ايدي واكفني كدام المرايه وكلي بله باوعي من مبين اكبر اني لو انتي شوفي روحج تلعبين النفس والله كل مااباوعلج تلعب نفسي عليمن شايفه روحج اني لمعاجبج الف وحده تتمنى بس تنام بحضني انتي فد قندرة وتحجين هيج وياي لو تعلم جسمج على الضرب هاااااا ؟
_________________________________________
عشق ..... نجاحي من الثالث كان صدمه اليه يعني مااتوقعت انجح لان ماتعبت ولا ذبت روحي كلت بيني وبين روحي اذا ما نجحت معنها الله مااقاسملي اكمل حياتي بس الحمدالله نجحت ماما فرحت هواي وكالت اليه قدمي خارجي سادس علمي بس مااقتنع علمي صعب اجوز ماادبره بس مااردت اكسر خاطر ماما كتلها الله كريم .....
صعدت لغرفتي ماادري ليش اجتي حصرة بقلبي وكعدت ابجي طلعت بدله عرسي وذكرت كل كلمه كان يكولها اليه محمد كل حرف خليت البدله كدامي وكعدت احجي وياها وعبالك محمد كدامي حبيبي محمد نور عيوني وحياتي وكل احلامي ياروحي اول مرة اسوي شي بحياتي بدون علمك ياعمري اول مرة اخطي خطوة بدون ماتكون وياي حبيبي خايفه تزعل مني لان طلعت ودرست محمد حبيبي شصير لو بس انت عايش هسه وياي حتى لو مااتحبني حتى لو تبقى بعيد عني المهم عيوني اشوفك حبيبي قلبي بعده مجروح كأن البارحه اتوفيت ياروحي مرت ١٥ سنوات لو اكثر ولهسه مااجاي اتقبل انو انت عفت الدنيا ادري ادري هذي عتراض على حكمه الله بس مو بيدي مو بيدي اتقبل فقدانك ياحبيبي .....
غريبة بصحره بس شاربك چان فياي
وبردانه بوكت بيه السما خطاية
چابوك بنعش بس كَلت لا مامات
وأقنع روحي بالشالوك مشاية
وهسه تأكدت هاي النعاوي عليك
من سمعوني كلمة ارمله حجايه
أنا تمنيت أشكَـ العلم ع التابوت
والفه بشيلتي البسمك محنايه
حتى الوطن من دفنوك ردليّ البيت
بقيت بطركَـ روحي وبنتك ويايه
ومن عفتك ... من عفتك چوادر خضرت بالروح
وأحس نفسي جنازة ولابسه عبايه
الماعدها رجل ... الماعدها رجل تلتم عليها ذياب
چنت أختل بحضنك جنح فختايه
واثاري الموت ... أثاري الموت بس للعنده كومة اعيال
للعنده كَصيبة ومشط ومراية
للعنده مره تختل وي الشباج
تزته بعينها وتقرالة الف آيه
بس اليمص دم الناس لا ميموت
أعرف ناس عدله وكاتلة هوايه
أعرف ناس تخجل تدعي بالموزين
واعرف ناس تكتل عالمصلايه
بعد بيه دمع بي ملح من ذكراك
يمن فدوة اروح لتربة چدامك
غيرك چان حلمه يبوكَـ هاي الناس
وترد علاكَه بيدك چانت أحلامك
لبنتك من ردت جنطة وحجل وأقلام
ووكَفت باب واحد شايله أعظامك
ساومني عالشعري يريد افله بليل
وانا چنت استحي مافله كَدامك
حزام من الذهب لبسوا الخانوا بيك
ونمت بالطين انت وكَبرك حزامك
أحن لشيب شعرك والمروره البيك
وأشتاكَـ لحسرتي ولوعة ايامك
ولد المسعدات بمدرسة يدرسون
وعالأرصفه التقاطع كَاعدة ايتامك
وبعد بيه حجي ... بكَد المحنه البيك
بكثر مابيه شوغة لعركَـ قمصانك
غيري تكحلن من ذهب اليبوكَون
وآنه تكحلت بتراب هجرانك
ضميتك بشيب رموشي وأندلوك
طموك بكَبر وانطوني عنوانك
وينــك ... وينــك يالچنت للموت تفتح باب
شو صارت ثكَيلة وجوه خوانك
بعد ريحة العنبر بيك لو باكَوه
أنا تمنيت أشم چفوف دفانك
ماحس نفسي مرتك طفلة چنت وياك
من باليل أخاف تضمني بردانك
أنا مربيه ضفاير خاطر أدفيك
لكَصها وبيها اغطي شكَوكَـ بيبانك
كَبلك چنت صحره بلا ندى ولاطين
وخضرت روحي وردة بحظن كَيعانك
ماتعرف تكَبح چبت عمرك ناي
تمد روحك نداوه طيب للخانك
ثكَيلة حچاية الديان عالمديون
وصعب تخزر جهالك عين صدكَانك
ذولة الچنت تخبز روحك بتنور
أذا جاعوا واشوفه يفور وجدانك
يا أول هيل يتفصل عليّ تابوت
يمته اندفن يمك وأشم تربانك
( بقلم الشاعر ادهم عادل)

السلام عليكم شلونكم حبايبي عساكم بخير وصحه وعافيه طبعا مشتاقتلكم خير من الله طبعا هذا البارت كاتبته من زمان بس تفاعلكم الضعيف على البارتين ماعجبني يعني الفين شخص يقرء البارت وبس ١٠٠ يقدر وينطي لايك اني تعبانه بالكتابه والمفروض تقدرون تعبي + اني ماجاي اتوسل على لايك مايهمني ولا راح يدخلي فلوس انما هذا تقدير اليه لا اكثر واذا مااشفت تفاعل اسفه الروايه راح تتوقف الى إشعار اخر