غرام ..... كولشي صار بسرعه هوسه وعياط كنت اسمع الناس تحجي على اختي كدامي ومااكدر احجي شي مرت ايام صعبه واني اشوف اختي كل يوم كدامي تنضرب ومحبوسه بالمخزن يوم تاكل وعشرة لا ...
لو امي الباقيه بالمستشفى تصارع حتى تعيش ....
كنت اني ونور مشغولين بالتفكير بعشق كان مصيرها مجهول باي لحظه يريدون يطبون عليها وكتلوها ...
ليشش كل هذا يصير ؟؟؟ لان احنا نسوان لا عدنا ظهر يسندنا ولا عدنا معين غير الله يطلع حقنا ...
كانوا محملين عشق كل الذنب وبنظرهم هي وحدة كح**** ومنزله روسهم ....
تقريبا ساعات وصديق قاسم جاب رقم وعنوان الولد لخطف عشق ......
من وجه الصبح طلع قاسم وعمامي ولد عمامي وراحوا الهم ....
اني مااعفت القراءن دقيقه من ايدي ظليت كاعده على السجادة اقرء واندعي من الله كون يطلع الحق عشق ...
دموعي نشفن كد ماابجيت ولساني انطبك كد مااقريت وندعيت .....
يمكن اني خفت اكثر من عشق اصلا كانت عشق بغير عالم لا نسمع الها صوت ولا نفس مقفول عليها الباب وراء مااكتلها الجلب قاسم الله لا يوفقه....
ظلينا نتظر ساعات منا لمن يرجعون بس طولوا هواي ...
تقريبا لحد الساعه بال٢ ونص العصر يله رجعوا ...
كانت وجهم مكلوبه وعصبين وصيحون ويعيطون كلمه مااتفتهمين منهم ......
صعد قاسم لغرفه فوك كلت خلي اصعد وراء افهم شكو شصاير وهم اخذ المفاتيح مالت المخزن اشوف عشق انطيها اكل ماي صار الها يومين لا اكل ولا ماي اسوده عليه تطلع من هم تدخل بهم اكبر منه ولا مقسومه الها الراحه .......
صعدت وراء دخلت لغرفه شفته كاعد وخال ايده على راسه ...
راحت كعدت يمه كتله قاسم شكو شصار ؟...
هو وخر ايده عن راسه وباوعلي بعصبيه وكال بصوت عالي انعل ابوجن اي والله كح****** سودن وجهي كملت ماارفع عيني من الكاع الله ينتقم منج طلعت اربي ساقطات هيج اجازني تروحن تن***** من ورايه ....
كتله شنو هذا الحجي قاسم انت قابل تعرفنا اليوم البارحه قابل ماتعرفنا مااتعرف تربيتنا هااا مااتذكر ابويه حتى الدراسه حرمنا منها علمود مانطلع ولا العالم اشوفنا هذي عشق لتحجي عليها مو صار الها سنين ماتطلع من البيت مو سنين محبوسه صوتها مايطلع هسه تجي وتحجي بشرفنا .....
هو باوعلي بغضب وكال لا عمي والنعم منجن اني كواد واختج شريفه موووو...
فتح موبايله وطلعلي صور عشق نايمه وطالع شعرها وصدرها وحد مصور وياها ...
انوب طلعلي صورة ثانيه الها وياه غير ولد وصورة ثانيه هم وياه غير ولد ......
اني اتخبلت وجسمي كله كام يرجف وقاسم كال هااا ست الشريفه شوفي اختج شفتتتتي اختج راحت اطالب بحقها ارفع راسها وحجيت وياهم بثقه وكتلهم ابنكم معتدي على بتنا وخاطفها عبالي اختج شريفه واطلب بحقها ....
نزلت راسي كدامهم تعرفين ابنهم شنووووو يكولي اني شعليه هي بنتكم مو شريفه كل يوم وياه واحد عفتهم كلهم واجيتوا تحاسبوني تريدون تلزكوها بيها ويطلعلي صور اختج الكح***** كدام الشيوخ وعمامي نايمه وياه الولد .....
تقبلها ست غراااام عندج عين ادافعين بعد عن اختج الك****** ....
زين نكولوا اله يابه ازوجها استر عليها نتوسل بااحد ساقط حتى يستر على الساقطه...
يكول اني ماادخل وحدة مو شريفه لبيت .....
هاااا ياالشريفه تقبلها زوجج الف واحد يحلف براسه من يمشي محد يرفع عينه بعيني تالي عمري اروح اتوسل بااحد ساقط حتى يستر على اختتتج هو ماايقبل هاااا فهميني شسوي ....
اني اربط الساني ونصدمت لا مو معقوله عشق اسوي هيج هي اصلا جبانه تخاف من ظلها ماامعقوله اسوي هيج ....
كتله مستحيل عشق اسوي هيج هي اصلا ليل ونهار تبجي على محمد ولو تريد كان ازوجت من زمان وانت تريد شكد خطبوها بس مااقبلت وبقت مخلصه لمحمد مستحيل اسوي هيج اني اعرف اختي اصلا تخاف من ظلها شبيك قاسم قابل انت ماتعرفها مااتعرف اخلاقها تربيتها لو ما انت عايش وياها وتعرفها كولش زين شلون اصدك بهذا الحجي ....
هو دفعني ونزل يكفر ويغلط علينا وعلى ابويه ....
حقه مااكول مو حقه يعني هو معتبر عشق من اخته الصغيرة وماكو رجال يشوف صور عرضه تنعرض كدام الناس هيج وماايسوي شي .....
شفت الجاكيت مالته موجود على الجربايه راسن فتحته وكمت ادور بي والحمدالله لكيت مفاتيح المخزن بي راسن اخذتهن وضميتهن بصدري . ..
نزلت لمطبخ وسولفت لنور على كولشي .....
اول مرة اشوف نظرات الخوف بعيون نور...
باوعتلي وكالت غرام خلي نشرد عشق تر هذولي يريدون يموتوها اني سمعت عمي يكول اذا ماازوجها هذا الساقط يذبحوها يكول خما ينطم راسنا بالطين واحنا عدنا بنات تجي الهم السمعه.....
اني لطمت على صدري كتلها عزززه العزاني لعد شلون شنو نسوي وقاسم كال هذا الجلب مايزوجها ....
كالت خلي نشردها اني عندي ذهبي وشكم فلس من الميراث مالت زوجي وخلي اسافر .....
كتلها انتي من كل عقلج وين تروح وانت نسيتي عشق جبانه ماادبر شي وحدها .....
كالت انتي شبيج غبيه اكولج يكتلوها اكولين جبانه انتوا حطمتوها على ابو جبانه ولا اطلعين ولا اطبين ...
كتلها اني شعليه انتي على اساس اسوين روحج ماتعرفيها هي مو لقيدت نفسها وسنين حرمت نفسها من الطلعه ....
كالت مو وكته هذا الحجي خلي نشردها ونخلصها من الغذاب هذا ....
كتلها زين شردنها وين تروح وين تندل ....
كالت شنو تندل شبيج تروح لبغداد ومنا لتركيا او اربيل اكمل دراستها وتعيش حياتها ....
كتلها اي عيني مو احنا عايشين باامريكا وبكيفها تطلع واطب بابا انتي شبيج احنا عالمنا مو مثل اهناك اهنا وحوش البنيه بس تطلع وحدها ياكلوها مااتكدر تعيش وحدها ......
كالت غرام لعد تريديها تموت ؟؟
كتلها انتي ليش تستعجلين تمكن تنحل يطلع حقها خلي انشوف شنو يصير بلكت الله يفرجها ليش نستعجل تشرد ويمكن يلزمها وصدك وكتها يكتلوها تر هي مو لعب ...
كالت هسه نشوف اذا ماتجين وتكولين يانور حقج ياريتني سمعت كلامج ونقذنا اختنا ....
بدينا انصب الغداء وكل وحده بينا التفكير اكل راسها ....
وهذولي كل ساعه بقرار منا لمن وكعوا قلبنا ...
الله ينتقم منهم عود هذولي اهلنا وهيج لعد لو الغريب كان شنو سوى بينا .......
صبينا الغداء وزقنبوا وجاي وماي وناس رايحه وناس جايه عبالك مهرجان عدنا والمطبخ مايفرغ من الاماعين نغسل بالاماعين منا لمن الله يكول بس ....
صار الدنيا ليل تقريبا بال٢ شفتهم كلهم نايمين ....
نزلت على كيفي لمطبخ صبيت لحم وتمن وتشريب مالت العشاء وماي وسويت لفات جبن وكيمر واخذتهن لعشق ....
فتحت الباب على كيف خاف احد يسمعني ...
فتحت الباب طببت الاكل شفت عشق ماادري نايمه ماادري فاقدة الوعي خليت الصنيه بالكاع وكمت اضربها خفيف على وجها سمعت
صوت من وراي باوعت نور ...
كتلها عزززه بعينج ردتي توكفين قلبي . ....
كالت شلون فتحتي الباب ...
كتلها بكت المفتاح من قاسم ...
كالت ليش مااكلتيلي وشبيها عشق ليش مااتكعد ....
كلت الها يمكن فاقدة الوعي من الضرب قاسم الله لا ينطي الحقير ...
اجتي نور وكعدنا عشق واكلت شويه عيونها كله سود من الضرب وجسمها مااينشاف كله ازرك واسود الله ينتقم من كان السبب .....
طلعنا بسرعه اني ونور لان هيج وكت يكعد قاسم يصلي الصبح ....
صعدت نمت يم الجهال اجذب اذا كلت نمت دقيقه صورة عشق ماتنمسح من بالي خايفه عليها اعرف اختي مااسوي هيج مااعدها هيج تفكير ولا هيج تصرف ...
اخخخ يايمه تعالي شوفينا شلون متبهذين من دونج ....
شفت صارت الساعه بال٥ كلت خلي اكوم اسوي زقوت لهذولي من وجه الصبح يكعدون عبالك فندق عدهم ....
نزلت غسلت وصليت وبديت اسوي الريوك والجاي ...
شفت قاسم دخل من باب المطبخ ...
باوعلي مااحجى راح كعد ..
كلت اله قاسم شلونها امي اريدك تاخذني اشوفها شلونه وضعها ...
كال زين وضعها متحسن اتوقع ماتحتاج تسافر اني على ساس ردت اخذها بره تتعالج بس الحمدالله اليوم الدكتور كال مابيها شي ....
كتله الف الحمدالله والشكر يمت تطلع ......
كال بعد تحتاج شكم اسبوع راحه منا لمن نخلص من البلوة اختج ....
كتله قاسم كول يالله شنو تخلص .....
كال اكلج تر راسي يوجعني لا تحجين تر هسه اكوم احرك البيت على راسكم واخلص من مشاكلكم....
اني شفته معصب كلت بقلبي بره منك ولا ينحجي وياه .....
راحت كعدت نور اساعدني اصب اكل الهم وهم كعدوا وبدأ مناقشات وخطط ....
الله يرحم بابا صح كان قاسي بس ابدا ماايطلع مشاكل البيت بره ويخلي اخوانه يدخلون بمشاكلنا ....
منا ل٩ تقريبا اجوي اهل الولد الحقير وياهم شيوخ وكومه ناس ....
وعلى جاي وماي واكل منا ل٤ العصر يله راحوا
طبعا وراء مااراحوا صار صياح وعياط لان اهل الولد مااقبلوا يزوجون عشق لهذا الحقير واجوي انطوا فلوس لعمامي .....
والكبر عمي قبل واخذ الفلوس فوك الخمس وعشرين مليون ...
وقاسم متعارك وياه كال اله شلون تبيع شرفنا ...
متعارك وياه وعلى ساس عمي طلع زعلان وماخذ الفلوس وياه ........
ثول شكد عنده فلوس ومحلات وشقق بس ابدا ولا عينه تشبع ويسوي روحه فقير حتى المعارض مالت محمد وابويه ياخذ فلوس منهم كل شهر ومايشبع الغسل اي والله .....
راحوا هم كعدوا بالصاله يحجون ياحجي صياح كولشي ماافهمنا منهم ....
شويه وشفنا ابن عمي اجى وجايب وياه سيد ...
احنا استغربنا شكو جايب سيد .....
شفنا قاسم طلع من الصاله يمشي سريع لمحزن وعبارة عن كتله نار ويمشي وجه احمر كن العصبيه وعروقه بارزه من كد عصبيته....
راح فتح باب المخزن وجر وراه عشق .....
اخذ عبايه موجوده على القنفه ولبسها الها وكعد يحجي وياه بعصبيه بس مااسمعت شي لان مااكنت اكدر اطلع من المطبخ ولد عمي رايحين وجاين وعباتي اخذتها نور وراحت اشوف شكو شنو صاير ....
ظليت اروح وارجع وادعي الله نخلص من هذي المصيبه لوكعت على راسنا ..........
شفت قاسم سحل عشق من شعرها لمخزن وكعد يضرب بيها اني راحت اركض وادفع بي ........
ودعي عليه منا لمن اجوي ولد عمي طلعوا ......
هو رجع لزمني من ايدي حيل دفعني بره المخزن وقفل الباب ......
اني كعدت يم باب المخزن ابجي وادعي على قاسم ...
ظليت ادك باب بس ماكو صوت لعشق .....
اني كعدت ابجي وادك على راسي اسوده عليه يااخيتي ماعندج حظ وين مااتروحين مسدودة بوجهج ...
مظلومه طول عمرج مااشفتج بيوم فرحانه الله ينتقم من كان السبب الللله ينتقم منك ياقاسم اللله ينتقم منك الله يكسر ايدك ان شاء الله ....
هو سمعني وهد عليه يريد يضربني ولد عمي لزمي بالكوه وهو يغلط ويسب واني هم اغلط عليه .....
منا لمن جرتني نور لمطبخ واني اعيط وادعي عليه مااعفت كلمه بقلبي عليه الا وكلتها.....
نور انطيتني ماي بعد ماحسيت ريكي نشف كد مااصيحت ....
راحت كعدت وهي كعدت بصفي وكالت شفتي مو كتلج خلي تشردها .....
كتلها هسه اني كولشي ماافتهمت ليش جابوا السيد وليش قاسم ضرب عشق ....
كالت انيالي اي والله لعد صار الج ساعه اصيحين وتتعاركين وماتعرفين شكو صاير ....
كتلها لا مااعرف ليش شكوو....
هي هزت ايدها وكالت مو عمي اخذ الفلوس من الجماعه وابنهم سافر بنفس اليوم قاسم مو اتعارك وياه عمي وطرده عاد ولد عمي كالوا لازم نستر عليها لو نذبحها سمعتنا صارت بالطين خاصه بعد مااعدهم امل يزوجوها من هذا الحقير ....
كتلها اي وليش اجى السيد ؟......
كالت اوكفي مو مالك طلب يزوجها لعشق ......
كتلها منو هذا مالك ؟
يتبع .....
سلام عليكم
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
