ترك بصماته على جسدي

بارت ٢٨

عشق .. مر تقريبا اسبوع على زواج نور صراحه اني وغرام ماحسينا بفرق هواي بوجودها او عدمه لان هي حتى قبل لاتزوج كان اغلب وقتها لو بالشغل لو يم ماما مرات قيليله تكعد ويانا ولازم كل ماتكعد ويانا تنتهي الكعدة بعركه بينها وبين غرام ...
بس امي خطيه كولش متاثرة وتبجي على فراقها ماادري ليش كل ماادخل لمطبخ اشوف امي تبجي ومن اسألها تكول مشتاقه لنور ومرات اسمع صياحها هي وبابا ماادري شكو شنو صاير حتى مااكدر اسأل ماما خاف تكوم تعصب عليه بيوم كنا كاعدين نتعشى اني وغرام وماما وبابا ومحمد هم ويانا هم كل مرة مايجى على العشاء يزل يم اصدقائه بس هذي المرة اجى كعدنا نتعشى وهدوء تام محد يحجي غرام اقتربت همستلي كالت اكولج ليش ماكتلي البس اسود كتلها ياا ولج ليش تلبسن اسود كالت ماشفتي الوجوه مكلوبه خاف عدهم فاتحه ويخافون على مشاعرنا لذالك ماكالوا كتلها انبجي وسكتي لايسمع ابوج وطين عيشتنا وبكتها يصير صدك عدنا فاتحه ...
ابويه كال يله بابا اذا كملتن اكل كومن دخلن الغرفه
جاوبته غرام بابا غير نشيل الاماعين
كال اي شيلن باوع لمحمد وكال يله محمد بويه اريد احجي وياك امشي لصاله جاوبه تأمر بويه امشي راح هو ومحمد وماما لحكتهم لصاله وسدوا الباب ظلينا اني وغرام وحدة تباوع لثانيه كتلها تعالي نشيل الاماعين كالت لج امشي نسمع شكو كتلها لا لج تذكرين من ابوج ضربنا ذيج المرة لان شافنا نسمع حجيهم كالت اي والله امشي لعد نغسل الاماعين ونروح نكمل المسلسل كتلها يله بسرعه ...
وكفت اغسل الاماعين وغرام تمسح الصاله ونسمع عياط محمد وبابا وصوت بجي ماما اني قلبي وكع بين رجليه راحنا اني وغرام نركض نشوف شكو راحنا لباب الصاله شفنا الباب مقفول كمنا ندك الباب وغرام تبجي كالت خاف صار شي لامي كتلها لا اوكفي ظليت ندك وهم بعدهم على العياط فتح بابا الباب وعيونه حمر وشكله يخوف وطردنا ورجع قفل الباب مسحت غرام دموعها وكالت امشي نكمل شغلنا ماعلينا منهم اذا ادخلنا نكتل كتلها يله كملنا الشغل وشفنا محمد طلع من الصاله مثل العاصفه وهو يغلط ويصيح راح لغرفه طب شويه وطلع شايل جنطته وماما مجلبه بي لا تروح يايمه وتبجي ماما كان منظرها يفطر القلب ودموع محمد جر روحه منها وطلع بر البيت ماما ظلت كاعده بنص الصاله وتبجي بالكوه كومنها اني وغرام اخذنها لغرفه وهي تبجي على محمد انطينها ماي وحبابه نوم وخطيه نامت اما بابا فطلع بره البيت ماادري يمكن راح لحك محمد حتى يرجعه او لا
ظليت نايمه يم ماما ولصبح لا بابا رجع ولا محمد ..
مر تقريبا شهر من ذاك الوكت ماشفنا محمد ولا رجع لبيت ماما حالتها تعبانه طول اليوم بالغرفه لو تبجي لو نايمه بدأت تتعب وشكل وياها الضغط وكل يوم ضغطها مرتفع ونركض بيها لمستشفى بابا وضعه مو احسن منها بس هو يكابر هواي ومحمد كل مانتصل بي جهازه مغلق اما غرام عالمها ثاني واوجاعها يمكن اصعب خطيه وراء ماطلع محمد بسبواع ابويه جبرها تعقد على قاسم هواي توسلت بي بس ابويه بدون قلب ماحس بحركت غرام لو دموعها ..
من يوم العقد مال غرام صارت جلد على عظم لا اكل ولا شرب وحتى بعدهم مالبسوا الحلقات كال بابا بعدين مو هسه بس مجرد عقد سيد ..
كل ماادخل لغرفه غرام اشوفها تبجي وتوكل بعد ماشفت شي بحياتي ليش ابوج ظلمنا ليش ماعنده رحمه بقلبه ليش هيج حظنا ليش امي خلفتنا اذا تدري مراح نرتاح بهذي الدنيا ليش عافتنا يم هذا الظالم وراحت ليش مافكرت بينا المهم عدها جابتنا لعذاب وهي ماتت ورتاحت ليش نحرمنا من كةلشي بهذي الدنيا ليش ابسط احلامنا ماكدرنا نحققها ليش مكتوب علينا مانعيش طفولتنا ولا نفرح بمراهقتنا اني بعدني صغيرة مااريد ازوج لج اصدكين عشق اني خايفه اي والله خايفه هواي خايفه من الدنيا اذا هذا ابونا واحنا قطعه منه هيج سواء بيه لعد الغريب شنو اترجى منه ....
مااعرف شنو ارد عليها حجيها صحيح احنا ماعشنا عمرنا بس مانكدر نسوي شي غير نتقبل الواقع العايشين بي لان بنات مانكدر نتمرد او نطالب بحقوقنه لان بنات لازم نسمع الكلام ونطبقه لان بنات لازم نخدم الرجال ونسعده حتى لو هذا الشي يجي على سعادتنا ....
بيوم كنت كاعده بالمطبخ اثرم طماطه علمود الغداء وندك الباب راحت افتحه لان بابا بالشغل وماما كاعده اصلي وغرام مثل كل مرة كاعده بالغرفه ...
خليت الشال على راسي وطلعت افتح الباب فتحه وشوفت محمد بس متغير هواي ضحكت كتله شلونك محمد هو دخل ورد عليه الحمدالله ..
راح لعرفته ماادري شنو يسوي حتى مااراح يسلم على ماما راحت اني اركض لغرفه حتى افرح ماما طبيت لغرفه لكيتها اسبح كتلها ماما محمد اجى هي راسن كامت على حيلها وضحكه ملت وجها طلعت من الغرف اني وياها شفنا محمد بيده جنطه جبيرة وشايل على ظهرة جنطه صغيره شفت امي بهتت ضحكتها وتحول بدل الضحكه دموع كلتله يمه محمد وين رايح كال الها يمه اخذت شقه صغيرة قريبه على دوامي كلتله يمه محمد لا تروح اذا رحت تر تاخذ روحي وياك كال الها يوم احسن اني ارتاح وهم الطريق الدوام قريب عليه ..
اجى اقترب من ماما باسها من راسها واخذ غراضه وراح بعده ماوصل لباب وماما وكعدت من طولها وصار وجها ازرك اني بلحظتها مااعرف شنو صار بيه كمت اصيح بعلو صوتي واملخ شعري دخل محمد مفزوع وهو شاف ماما واكعه راسن شالها وطلع يركض بيها غرام كانت واكفه ومصدومه اني راسن ركضت لموبايل خابرت بابا واني ابجي كتله ماما وكعت هو تخبل وكال سدي الباب عليج وعلى اختج اني رايح الهم ..
نص ساعه اندك الباب راحت اني وغرام نركض فتحنا الباب وكل ضني امي اجتي بس شفت نور واكفه هي وزوجها وتبجي طبت لبيت وزوجها راح وسألتنا شنو صار ليش عمتي تخربطتي سولفتلها لصار وهي صارت تبجي وكل ساعه نتصل بمحمد مايجاوب وحتى بابا مايجاوب ..
صح مرات ساعات قليله بس الخوف والترقب والقلق خلاني اشوف هذني الساعات عبالك سنين كان كل وحدة بينا تعبر عن خوفها على ماما بطريقتها اني ماكان كدامي غير ابجي وادعي ربي وغرام كانت اصلي ومانزلت منها ولا دمعه يمكن هذي اول مرة اصلي بيها غرام من مدة طويله صالها سنه تقريبا مااصلي ..
ونور تفتر تروح منا وتجي منا وكل ساعه اصيح عليه تكول لا تبجين وتفاولين على المرة بس اني مو بيدي شي كان خوفي على فقدان ماما اكبر من اني اتحمل وماابجي ادري البجي مايقدم او ياخر بس اني بجيت لان احس روحي اخذوها مني امي روحي مافد يوم حسيت ماعندي ام ولا يوم حسيت انو هي مرت ابويه لا والله حسيتها امي وهم احن من الام ...
لعصر واحنا ميتين من الخوف عاد نور حجت وياه زوجها حتى يروح يشوفهم شويه واجى اتصال لنور
واحنا كاعدين يمها وهي تخابر بزوجها كان وجها مايبشر بالخير
اول ماسدت الموبايل كتلها ها نور بشري شبيها امي كالت امي صار بيها بدأيه جلطه بس تلحكوا عليها ان شاء الله مابيها شي كتلها لعد يمت ترجع كالت اتوقع باجر كتلها لعد امشي نروح نشوفها كالت لا ابويه وعمامي كلهم هناك عيب نروح حتى بابا كال لمهيمن ( زوج نور) لا تخلي البنات يجن المستشفى مكلوبه زلم ..
كلتلها غرام وهسه وضع ماما زين كلتلها اي مستقر ...
كعدنا من الصبح من ٦ واحنا نطبخ ونظف البيت ونخلي بخور ونرتب سرير ماما ماعفنا شي ماسوينا ..
بال٩ اجتي ماما بالكرس بالمتحرك وياها بابا ومحمد كان وجها اصفر اسوده عليه راحنا بوسناها وشالها محمد لغرفتها خطيه نامت ومحمد هم نام بس بابا طلع مبين عليهم التعب
بعد ساعه اجى بابا وجايب وياه خروف وكصاب وذبحه على سلامه ماما وزع نصه لفقراء ماعاف واحد بشارع مانطاه ...
لعصر كعدت ماما وراحت غسلتها وكعدت اوكل بيها شروربه دخل محمد باسها من راسها وكعد يمنا ماما باوعتلي وكالت كومي حبيبتي عشق بعد مااريد كتلها يوم بعدج مااكلتي شي كالت مااشتهي ...
مااردت اضغط عليها اخذت الصنيه وطلعت سديت باب الغرفه ورايه وراحت اغسل الاماعين ونور اجى زوجها اخذها وراحت وياه بعدما سلمت على ماما وبابا اخذت غراضها وراحت وكفت اغسل بالاماعين واختي غرام تركض لججج عشق لحكي كتلها شكو لج امي بيها شي كالت لا عرف شكو صاير بالبيت كتلها شكو شصاير ....
يتبع
صباحكم فيروزي ان شاء الله الثلاثاء الجاي انزل بارت مااكدر هذي الفترة لان عندنا خطار وهوسه اعتذر توقعاتكم لبارت التالي