ترك بصماته على جسدي

بارت ٣٢

عشق ..مرت سنه بحزنها  ومرها وتعبها صار عمري ١٨ سنه شخصيتي تغيرات هواي صرت اكثر رزانه وثكل يعني بمختصر عرفت شلون اضم مشاعري وماافضح نفسي تغيري مو بس بشخصيني انما بشكلي تحولت ملامح وجهي من طفولي الى ملامح امرأة ناضجه شكل جسمي تغير حييل حتى طولت واخيرا صرت شويه طويله يعني مو كولش بس طولي هسه صار حلو ومناسب لعمري ...
مر سنه تقريبا حياتنا نفس الشي ماكو تغير غرام قليل تزورنا بس ماما دائما تروح الها وبابا صالح غرام بعد محاولات هواي من ماما علمود يصالحها  وغرام هم عتذرت منه وباست ايده يله قبل ..
اما بالنسبه اليه ولمحمد اتصدكون اذا كلت الكم من سنه مااشايفته الا بالصدف اي طول هذي السنه استحيت اطلع اله واخلي عيني بعينه حسيت لازم احافظ على البقى من كرامي وابتعد عنه بس مع الاسف هذا الشي مستحيل لان كل ماابتعد عنه قلبي يشتاق اله اكثر وحبه يزداد اكثر بقلبي ..
بس هو حاول هواي يحجي وياي بس اني مااقبلت فضلت ابتعد عنه احسن خاف انصدم فد يوم بخبر خطوبته ويدمر قلبي نهائيا ...
  مر علينا يوم  ماكنا نحسب حسابه يوم انقلبت حياتنا يوم  اسود ..
بيوم كنت اني وماما كاعدين بالصاله والبيت فارغ نتظر بابا يرجع من الشغل حتى نتغدء كلنا ومحمد بالمعسكر قبل يومين التحق ..
ظلنا نتظر بابا وكولش اتاخر صارت الساعه بال١ ونص الظهر وبالعادة بابا يرجع لبيت  بال١٢ وزاد قلقنا
انوب ماما كل مااتتصل عليه تلكي مغلق ظل بالنا يمه ..
صارت بال٤ ومابين بابا اعصابنا تلفت وامي ظليت تفتر وتبجي على بابا بالاخير خابرنا قاسم وخطيه اجى بسرعه وامي سولفتله انو بابا مختفي وصار اله اربع ساعات مو ماراجع قاسم كال لماما عمه لا تخافين تلكين عنده شغله وتاخر كالت اله لو عنده شغل ويتاخر كان خابرني لان هو كل مايتاخر يخابرني وحتى صالي ساعه احاول اتصل بي ماكو مقفول كال عمه لا تخافين اجوز جهازه مطفي مابي شحن هسه اروح اله لمعرض اشوفه كالت اله اي يمه روح شوفه وخابرني مو تنسى كال اي وطلع قاسم واحنا ميتين من الخوف على بابا ...
ظلينا نتظر خبر من قاسم على بابا بس ماكو صار الدنيا مغرب وقاسم وبابا ماكو امي كامت تاكل بروحها اكل وتبجي ودك وتلطم ظلنا نتظر بساعات وماكو خبر منا لمن اجى النا اتصال من محمد ظلينا مستغربين ليش محمد يتصل يعني من هو بالدوام مايتصل الا قليل ومرات يطول شهر ومايتصل بحكم شغله صعب ..
جاوبت ماما ولونها راح ودموعها ينزلن وتكله شكو احجي يمه خاف عمك وثاب بي شي لذالك تريد تجي  اي اي الله كريم بس انت هم على كيفك من الطريق خاف يصير بيك شي نهت الاتصال ..
كتلها ها يوم شكو جر نفس وخلت ايديها على راسها وكامت تبجي كالت هذا محمد خابرني كال جاي بالطريق كتلها ليش يوم كالت يمه ماادري ماادري ابوج ماموجود بالمحل يبووو على حظج يازينه يبووو ...
لزمت امي واهدء بيها يعني بابا مختفي ومحد يعرف ولعرفته قاسم مخابر محمد يكول اله كلبت الدنيا على عمي مختفي مالكيته ومحمد متخبل ونزل من المعسكر ...
ظلينا نتظر خبر منهم بس عبس ماكو شي صارت بال١٢ باليل ....
وامي تخربطت وداخت اني راكضت جبت دواها وعصرت الها عصير ليمون بس مااشربته ظلت ادك وتلطم على بابا  هسه عرفت ماما شكد تحب بابا يعني قبل اشوف مرات ماما اضوج من تصرفات بابا بس هسه اتاكدت ماما تعشق بابا مو بس تحبه ..
ماما تمددت بالغرفه لان داخت وراسها كام يوجعها ..
اني ظليت افتر بالبيت والوقت اتاخر كولش ومحد اتصل طلعت كعدت بالحديقه والهواى  يجنن بدأيه شتاء ونسمات الهواى اجنن وريحه التربه نستني همومي ..
فزيت على صوت زلم قريب على بيتنا وصوت تشيع اني قلبي وكع بين رجليه وجسمي كام يرجف والباب اندك حييل خفت افتح الباب وصوت الزلم كولش عالي ..
ركضت لغرفه ماما حركتها وكتلها ماما ماما كعدي الباب يندك خطيه هي فزت وجها اصغر لبست العبايه واني طلعت وراها هي صاحت منووو سمعت صوت محمد مكسور وكلها يمه اني محمد فتحي الباب امي فتحت الباب بس حالها مو احسن من حالي هم ايدها ترجف واحسها تريد توكع فتحت الباب شفت محمد وقاسم ولد عمامي واكفين باب امي باوعت لمحمد وكلتله بصوت يرجف وييين وثاب وين عمك محمد ..
نزل راسه محمد وكلها البقاء لله سمعت هذا الكلمات انصدمت شنو يعني بابا اتوفى ظليت واكفه مصدومه اريد اتحرك اريد ابجي اريد اروح اهدء امي مااكدر ظليت ساكنه بمكانه واني اشوف امي ادك على راسها وتلطم وتصيح بصوت يفطر القلبي ومحمد لزمها يحاول يهدئها اول مرة بحياتي امر بهذا الحاله حتى محمد يحجي ويايه حتى اروح اجيب ماي لماما مااكدرت اتحرك مااكدر العالم اجوي على صريخ ماما مااحسيت الا محمد لزمني من ايدي ويجر بيه طببني لغرفه وخزني كلي لا اطلعين ابدا افتهمتي ..
طلع واني وكعت بالكاع ابجي ولطم على راسي حسيت هسه يله رجعت اسيطر على جسمي وتحرك مااصدك شلون بابا مات يعني صدك بابا توفى الصبح سلم علينا وراح ماابي شي شلون مات شلوون ظليت اسمع صوت صريخ ماما والنسوان بس كدرت اميز صوت صريخ ماما المجروح المكسور خفت على ماما اخسرت واتيتم مرة ثانيه ركضت خليت الشال على راسي وردت افتح الباب ماينفتح حاولت مرة ثانيه افتحه بس مايفتح غبالك مقفول من بره ظليت ادك بالباب حيييل وابجي عسى ان احد يسمعني ويطلعني بس عبس محد سمعني كان صوت النسوان اعلى من صوتي كعدت يم الباب وخليت ايديه على راسي وكعدت ابجيي  .........
مر اسبوع على وفاة بابا كولشي تغير بحياتنا فقدنا طعم الامان فقدنا طعم الراحه البيت عبارة عن كئابه مااردت اذكر ايام وفاة بابا مااردت ارجع اذكرهن كانن من اصعب ايام بحياتي طول الاسبوع ماما بقت بالمستشفى وعايشه على المهدئات كل ماتكعد تبجي وتنهار على بابا وترجع تنام بالنسبه النا موت بابا كان فاجعه النا صح امر الله بس يعني بابا بعده صغير بعده بصحته وعافيته خبر موته صدمنا وصدمتنا الاكبر من عرفنا بابا عنده فشل كلوي وتوفى من وراء واحنا محد يدري فوكها صار اله ثلاث سنين وهو مريض وماندري ومامعالج نفسه زين ليشش شنو السبب ليش ماكال النا ليش يضم علينا هيج موضوع مهم احنا مو عائلته مو النا الحق نعرف هيج موضوع ضروري مو حقه يعيشنا هيج صدمه ..
من اتوفى بابا نور سقطت طفلها وضعها مو احسن من ماما هم نفس الصدمه ةنفس البجي والمعانات من كثر حب ابويه الها وحنانه عليها اذا هو حتى بعرسها كام يبجي عليها شلون مايصير بيها هيج ابويه ابدا ماحرم نور من شي عيشها اميرة الله يرحمه كان كل يوم يوم يروح لبيتها من ازوجت وياخذها اشكال الغراض ومايعدي يوم اذا مايتصل بيها لو يروحلها على كثر ماهي متعلقه بي مامصدكه بابا توفى ..
عكسنا اني وغرام ظلينا مصدومات من الحياة شلون تلعب بينا هيج بعدنا ماشفنا شنو حنان الاب بعدنا ماعرفنا شنو الاب يوكف سند النا بيقينا نتظر ابونا يحن علينا منا لمن الله اخذه وماشفنا شي من حنانه الله يرحمه خلنا بحسرة على حنانه ..
بعد اسبوع رجعوا الناس لبيوتهم واخيرا البيت صار هدوء وماما حبيبتي رجعت لبيت اقصد بقايا ماما صايرة عبارة عن هيكل عظمي بس تبجي حتى اكل ماتقبل بقت شهر على هذا الحال تعبت وعجزت من هذا الحال البيت كئابه الغرف فارغه وكئيه ادخل لماما اشوفها تبجي شكد حجت وياها نور حتى اطلع ماما من حالتعا بس مافاد وحتى غرام وعماتي بس نفس حالتها تبجي وتصيح بابا حتى باليل تفز وتبجي على بابا خو محمد من وفاة بابا لهذا اليوم ماتحجي وياه لان راح دفن بابا ومخالها تشوفه لمرة الاخيرة ...
كنت كاعدة اصلي وابجي ادعي لماما تكوم على حيلها احسه كل يوم افقد امي اكثر خايفه لا تروح وتعوفني كل ماتجي هذا الفكرة لدماغي اتخبل واكوم ابجي اكثر ركعت وكمت ابجي اكثر اطلب من الله يصبر قلب امي على فراق بابا ..
نزعت الجادر مال الصلاة وراحت حميت الشربه لماما ومحمد كان طالع عنده شغل اصلا صار اله شهر ماراح لمعسكر ولا داوم بقى يمنا علمود فاتحه بابا والعالم بعدها تروح وتجي ..
اخذت الشوربه وعصير لماما وراحت الها فتحت الباب شفتها كاعدة تقرء قراءن وتبجي كاعدة على الجربايه وجسمها هيكل عظمي وجها شاحب واصفرررر كتلها يله ماما تعالي اكل انتي من الصبح لهسه مااكلتي شي حتى تبلعين دواج صدقت وباوعتلي كالت مااريد يمه باوعتلها وحسيت هاهيه خلص صبري خليت الصنيه على الطبله بقوة وتفتت الها كتلها الى متى يمه الى متى كووولي دموعي وكعن وكتلها حسي بي تعبببت يمه تعبببت يمه لا اصيرين انتي والدنيا ضدي يمه والله تعبت يمه ابويه اتوفى هذا امر الله وين حجيج وين ايمانج هذي  اني كدامج شحصلت من دنيتي شو امي اتوفى واني طفله ابويه اتوفى وحتى ماحسسني بحنانه يمه انتي هم لا اسوين هيج يمه مااتحمل افقدج مستعدة اخسر العالم كوله ولا انتي كعدت بالكاع وكمت ابجي وادك على راسي كتلها ادري صعب عليج فقدان ابويه ادري هذا الشي صدمنا كولنا مو بس انتي يمه لازم توكفين على رجليج تجمعينا تر كولنا ضعنا هذي نور خسرت طفلها وكل يوم متخربطه ورايحه لمستشفى وغرام ماتعرفين  اخبارها من شهر وكل ماتخابرني تبجي يمه اوكفي ورجعي على حيلج مالقى النا احد غيرج ..
عفت امي تبجي بالغرفه وطلعت اركض لحديقه كعدت ابجي واشكي لله قله حيلتي انفتح الباب رفعت راسي ذفت محمد وامف كدامي وهو مخروع
شكو بيها امي شي احجي كتلها واني صوتي رايح من البجي لا لا امي مابيها شي هو جر نفس  وقترب كعد بصفي وكال شبيج ليش تبجين اني راسن كمت هو راسن جر ايدي وكعدني كال لا  اسوين هيج كعدي خلي نحجي كتله مابينا حجي كال لا بينا كعدي كعدت مبتعدة عنه جر نفس وكال عشق اني مااردت اجرحج ولا اظلمج واني اجرح روحي قبل لا اجرحج ولجج انتي  وبنيتي الصغيرة ربيتج على ايدي احبج واعزج بكد الدنيا وتصرفج هذا وبعدج عني يعذبني ادري غلطت من كسرت قلبي قاطعت كلامه وكتله محمد هذا الشي صار من الماضي وماله داعي تذكر ذاك اليوم واذل اصدكني اني ناسيته وحتى من حجيتلك عن حبي الك تر كنت صغيرة وهذا تصرف بنيه مراهقه وانت لان دائما كدامي حبيتك واني متاكدة لو هم شخص غيرك وعايش يمنا كان حبيته ونعجبت بي بعدني ماكملت كلامي لزمني حييل من ايدي وكال اليه اكلي نعل لججج كتله عوفي ايدي محمد جاتوجعني اخخخ قربني من يمه وهمس يم اذاني ..
يتبع
السلام عليكم ورحمة الله وبركاته ادري تاخرت عليكم بس ماكو داعي لهذا التهجم لان اني عندي متحانات والله هسه خلصت قرايه وكعدت اكتب علمودكم اندعولي انجح لان مأجله الكورس الاول وهسه جاي امتحنه وشكرا الك تصبحون على خير