ترك بصماته على جسدي

بارت ١٨

‏وفي كل مرة أظن فيها أني نسيتك أو أني قد تجاوزتك أو اعتدت الحياة دونك، يأتي صوتك ليثبت لي في كل مرة أنه لا عاصم من حبك إلا الله »
قبل سنه
زينه / بدأت بطني تكبر ويكبر حلمي وياه ابني كل مااصلي ادعي الله يطلع لبطني ولد حتى يسندني ويحميني اني تعبت هواي بهذا دنيتي مااشفت شي حلو بحياتي من طفولتي لحد هسه عمري هه هو شبقى بعمري كله خلص بالقهر اخخخ شايفين وخشه البيت وحدي وظلمت اليل وكل ساعه افر عبالي احد يدخل عليه ويكتني كل يوم احسب الدقائق حتى يطلع النهار حتى شويه احس بالامان كل يوم افتقد الامان لكنت بيه بحضن فهد من يخليني بحضن ويطببني بنص صدره احسه اني بأمان صح هواي فهد ظلمني وحتمال هسه مزوج ويعيش حياته بس مااكدر انساه كل موقف امر بي يذكرني بي اي ماانكر اشتاقله هواي بس هو لطردني وراد يكتل ابني كل مااذكر هذا الشئ اكره لفهد لان اتخلى عني وعن ابنه شعور متناقض بين عقلي وقلبي اففف ..
مرت اربع اشهور والحمدالله شغلي منتاز وكمت اجمع علمود اجهاز ابني وراحت لدكتورة وبشرتني انو بيه ولد حسيت بسعاده ماتوصف طول الطريق واني ابجي دموع الفرح ولزمه بطني والنسوان عبالهن بيه شي ويكلي وين زوجج وين اهلج واني يزداد بجيه من مااشوف عندي سند اليه بهذا الكون غير الله رجعت لبيت وفتحت القاصه حتى اطلع اجهز لابني لبست عباتي وردت اطلع كان اندك الباب فتحت الباب شفت ام كمال ومرة وياها كتلها اتفضلي خاله كعدن وراحت جبتلهن عصير وماي عرفتني ام كمال وكالت هذا بنتي بلقيس الجبيرة ظلن يحجن شويه ويسألني عن اهلي فوك النص ساعه وبعدين ام كمال كالت خاله احنا جاين حتى نخطبج لابني وثاب واني اكيد تعرفي شافج الولد وعجبتي وانتي بنيه حبابه والكل يحمد بخلقج اني كمزت من مكاني كتلها خاله وثاب مو مزوج وعنده بنيه واني مااريد ازوج كلتلي شو يمه كعدي على كيفج صح وثاب مزوج بس هو يريد جهال وهي مرته مريضه ماتكدر اجيبله جهال وهي قابله وماعدها مانع يزوج كتلها اي خاله بس عذريني اني مااريد ازوج كلتلي يوم احنا ندري بيج مزوجه قبل وعادي الولد قابل كتله شمدريج خاله كلتلي خاله لاتنسن زوجي مختار المنطقه واي شخص يدخل المنطقه لازم نعرف كولش عليه لذالك يمه احنا مااعدنا مانع حتى لو مزوجه قبل كتلها خاله عذريني اني مااقبل لان اصلا اني حامل وعليه الشهر الرابع واني اريد اكرس حياتي لابني مااريد زواج ولا شي شفت المرأة انخطف لونها من كتلها حامل اعتذرت واخذت بنتها وراحت يبووو شلون طلابه اخلص من فهد يطلعلي وثاب والله مستحيل ازوج واني اريد حياتي اصير بس لابني اتاخر الوقت رجعت الفلوس وبدلت وكعدت اسوي عشاء فواكه وشويه شوربه وكباب سويت الحمدالله اتعشيت وصليت لعبت شويه بالموبايل ونمت من وكت اصلا صايره انام من ٩ لو ال١٠ اتعودت حتى اكعد وياه صلاة الصبح ....
مرت الايام واني اجهز لابني حبيبي وصارت بطني جبيرة كني بطه هههه بس من اطلع مرات اشوف وثاب يكصني كص بنظراته صح وثاب حلو وجميل واخلاقه عاليه وحباب وماشفت منه شي مو حلو بس هو مزوج وفوكاها عنده بنيه لذالك رفضته واني بعد فهد كشت نفسي من الزلم واريد حياتي اصير بس لابني مااريد اتعرض بعد لغدر وخيانه فتركت هذا الموضوع وخاصه حياتي هسه مستقرة وحلوة وحاليا اني بشهر ال٨ مابقى شكم يوم وادخل لتاسع
كنت نايمه وحسيت بوجع بطني وظهري حيل يوجعني كمت شفت الساعه بال١٢ باليل كمت اهدء بنفس لصبح لان وين اكدر اطلع هسه واحدي ظليت افتر باليل واصيح من الالم كمت ماتحمل وخفت على ابني اخذت الجنطه الجهزتها وفلوس وطلعت اجر بروحي من الوجع طلعت لشارع العام شفت مجموعه من الشباب واكفين واني وكعت مااتحمل من الوجع كمت اصيح والشارع اظلم سمع صوت اعرفه بس ماكدرت اميزه حسيته شاني خلاني بالسيارة واني اصيح من الوجع من دخلنا لمستشفى شفته وثاب وياي خطيه كان خايف ويصيح على الدكاتره ولدتي كانت صعبه هواي بحيت دخلت لمستشفى الساعه بال١ ماولدت غير الساعه بال٦ الصبح كنت اولد وادعي على فهد الله ينتقم منه عافني واني وابنه وحدنا ...
سمعت صوت ابني وهو هستوى يطلع من بطني وراها عيوني غوشن مااسمع شي ...
كعدت على صوت الممرضات شفت وثاب واكف فوك راسي ولزم ابني يكبر بااذانه عيوني دمعن هو اقترب مني كلي الحمدالله على السلامه ام محمد كتله الله يسلمك كلي يريدون جنسيه ابوه كتله ماعندي ومااتوقع يقبل ينطيها كلي انتي ارتاحي واني احلها خلى ابني بحظني وراح يمه قطعه ثالج يخبل والحلك صغير مثل الكرزايه يجنن بالجمال خليته بحظنه واشم بيه بعد روحي على الجمال شويه داخل وثاب شايل اكل وغراض كومه كتله ماكو داعي عذرت نفسك كلي لا مااحبيتها منج ام محمد الله شاهد عليه من شلت حمودي حسيه مثل ابني واني عزيزه عليه هسه دقايق وتجي الولده تكعد يمج علمود اكمل الجنسيه والمعامله كتله شكرا ابو نور مااقصرت سلم وراح والله خوش رجال الله يحفظه اجتي امه واخذت حمودي تبوس بي وتقرء عليه اني من البنج نمت مااحسيت بشي كعدت المغرب شفت وثاب كاعد هو امه ويسولف انتبه عليه كعدت سكتت اجتي امه يمي كلتي زين كعدتي يمه تعالي اكلي وجهج اصفر كتلها اي خاله وين ابني كلتلي اخذو يوكلوا وغسلوا باوعت الوثاب كتله انطاك الجنسيه كلي اي وكملت كولش بس اني سميه محمد خما يزعج هذا الشي كتله لا تسلم وماقصرت وماكو احلى من اسم محمد كلي الله يخلي الج وربي بعزج كتله تسلم اكلت شويه شوربه وهو راح لان صار الدنيا ليل وهذا ردها نسائيا مايقبلون جبولي ابني حاولت ارضعه بس اتعذبت يله اتعلم افففف يخبل ياعمر تمك ثاني يوم اجى وثاب وطلعني داخلت لبيت فرشتلي امه واني نمت شويه اندك الباب بس كان الباب مفتوح داخلت ام كمال وبنيه سمرة وياها طفله عرفتني عليها كلتلي هذا زوجه وثاب سلمت عليه وكتلي اريد ابقى وياج منا لمن اكومين على حيلج كتلها لا حبيبتي والله اعذبج اني ادبر نفسي كلتلي لا والله اني اصريت على عمتي حتى اجي اساعدج اشكرت منها اهواي وبقت هي وبنتها نور حلوة حنطاويه وشعرها اسود فحم وعيونها كبار سود بقت كاعده يم محمد تلزم وجه وكل ساعه تكول لامها اريد واحد مثله واحنا نضحك عليه بقت سمر يمي اساعدني فد انسانه حبابه تطبخ وتنضف حتى باتت يمي كلتلي وثاب التحق هسه احسن ماكاعده واحدي اكعد يمج حتى محمد بحظنها اربع وعشرين ساعه تعتني بي وتغسله اسبوعين هي يمي واني فرحانه ومكيفه احد يمي منا لمن اخى اب كمال وام كمال احمدولي على السلامه وحطو فلوس جوى راس ابني اني مااقبلت وكتلهم اصلا انتوا ماقصرتوا ابدا وياي وبس هم ماقبلوا كالوا هذا ابنا وابكتها راحت سمر وبنتها وياهم واني كمت ابجي لان راح ابقى واحدي بالبيت وهي هم بجت كالت اتعودت عليج وعلى حمودي كتلها دائما زوريني لا اكطعين عني ودعتني وراحت ظليت واحدي راضعت ابني ونمت فد لكلبه فد هادء كولش حتى قليل يبجي نمت يمه لعصر كعدت على دكه الباب ومحمد يبجي شلته وراحت لبست العبايه فتحت الباب شفت سمر ونور ووثاب شبكت سمر كتلها الج واحشه بالبيت كلتلي والله ماتحملت بعدي عنج وعن حمودي اخذته من ايدي كتلهم اتفضلوا داخوا وثاب مكعد حمودي بحضنه ويبوس بيه شويه استاذن وراح بقينا اني وسمر نحجي كمت جبتلها ٤٠٠ الف كتلها هذا الفلوس لصرفهن عليه ابو نور بولاتي هي كتلي لا خيه ابو نور مايقبل حتى اذا رجعتيهن يصير عصبي وحتى هو دز وياي فلوس مال سلامتج بقيت الح عليها منا لمن اخذتهن بس هي مااقتنعت وضاجت كالت هسه ابو نور يضوج كتله حتى لو هذا حقه واذا حبيبك حلو لا تاكله ....
يتبع
السلام عليكم اسفه على التاخير احبكم ❤