ترك بصماته على جسدي

البارت الاول الجزء الثاني

بسم الله الرحمن الرحيم.......💎💋💋

عشق .... يمه يمه وينج
غرام.... شكو ولج اصيحين من الصبح راسي يوجعني
عشق ... واني شعليه بيج اريد امي وينها
غرام .... اجوز نايمه لان صلت وانطيتها ريوك ودواء ونامت شتريدين منها
عشق ... افففف اريد احجي وياها بموضوع اكلج اروح اكعدها
غرام ... انجبي والله اموتج خطيه مريضه اصلا ماانامت البارحه من الكحه عوفي المرة بحالها وتعالي وياي لمطبخ انسوي ريوك لجهال وراهم دوام
عشق ... بس اريد احجي وياه امي اليل كله مانمت اريد الصبح يجي حتى احجي وياها وهسه الكيها نايمه اففف
غرام... تعالي اكلج خيه شو حاسه من وراج سالفه شكو احجي بعد اختج اذا وراج مصيبه احجيها اليه واني شويه شويه اكول لامي لان اذا درت منج امي تنجلط
عشق ... اسم الله عليها مااعندي شي لا مصيبه ولا شي هيج سوالف عاديه وبعدين صالي هواي مااكاعده يم ماما مسولفه وياها
غرام... هو انتي معلكه فوك منو يشوفج حتى اني اريد اكعد افضفض وياج مااكو كل مااجي الكي الغرفه مسدوده
عشق ... ليش شبيج احجي
غرام .... بعدين اسولفلج تعالي انسوي ريوك لجهال
عشق .. اوك اني اسوي واني روحي كعديهم
غرام ... فدوة الج ياروحي حمودي سوي اله بيض عيون ونهى جبن طلعي الها هذي مااتحب البيض وملك بيض سلك
عشق .... شنو هذا الدلال كل واحد شكل والله مدللتهم اذكر امي اسوينا بيض وطماطه انحبها لو لا غصب عنا ناكلها هسه كل واحد شكل
غرام .... ( جرت حسرة وكالت ) اي لعد شعبالج كل هذا اسوي محد عاجب
عشق .... شنو تتحسرين وراج سالفه انتي
غرام ..... خلي اروح اكعدهم راح اصير بال٧
عشق ...اوك
راحت طلعت الجبن وسويت البيض وسويت حليب وجاي وشفت غرام مسويه كهوة اكيد هذي لقاسم شكد هذا الانسان مدمن كهوة اشوفه يشرب الكهوة اكثر من الماي ماادري شلون ينام باليل هو اني اذا شربت نص فنجان اظل اليل كله كاعده .........
عشق ..كنت واكفه على الطاوة اسوي بيض عيون واجى حمودي يركض...
خاله خاله
باوعتله ها حبيب خاله وقلبها وعيونها شكو
ليش كاعده من الصبح عندج دوام مثلنا
عشق ... لا حبيبي مااعندي دوام يعني مااتريد اشوفني من الصبح
محمد .... لا خاله اصلا احبج
عشق ( دنكت عليه وشلته وكتله يابعد خالتك بسته من خده وخليته على الكرسي واجوي البنات جبت الريوك وكعدوا اتريكوا ...
جبت حليب شويه شربت وكعدت يم الجهال واجتي غرام كعدت تتريك وياهم واني مامتعلمه اتريك ...
ظليت صافه على محمد ..
يالله شكد يشبه حبيبي محمد نفس جرة العيون نفس الحواجب بس ابن غرام هادء وطبعه بار ...
بس حبيبي محمد كان عصبي ودائما يتعارك من كان صغير ...
ظليت صافنه بملامح ابن غرام ... يعني شصار بالدنيا لو هسه حبيبي عايش وعدنا ولد وبنيه .. والله حتى جهال مااريد لو بس عايش محمد مااريد اي شي بحياتي مجرد وجودة نفسه عطره حضنه الدفي .....
فزيت من صفنتي على غرام وهي تكرصني باوعتلها وكتلها عابتج شبيج
غرام ... كافي عاد ماامليتي
عشق ... يااا ولج شبيج شجاي تحجين
غرام .... يمه يمه على اساس مااتدرين ولج اني اختج عبالج مااعرف بشنو تفكرين وشنو يدور بعقلج
عشق ( ودرت وجهي على الحيايط ودموع كامن يوكعن وحدهن ......
راحوا الجهال لمدرسه واختي غرام كعدت كدامي
غرام .... اي ابجي ابجي بعد موتي نفسي
عشق .... اي ابجي ولو بيدي اموت نفسي واخلص
غرام ... يااخيتي كافي يابعد عمري مرت اكثر من ١٥ سنه على موت محمد كافي حتى الله ماايرضى اسوين بنفسج هيج
عشق ... غرام مااكدر تفهمين شنو مااكدر انتي تفتهمين شنو يعني حلم حلمت بي طول عمري مااتحقق محمد بالنسبه اليه حلم انتي مااجاي نحسين بيه ولا احد جاي يحسه بيه تخيلي كل يوم انتي تحلمين نفس الحلم ..
اني اني كل يوم انتظر اليل حتى يجيلي محمد بابيل ويحظني ويخليني على صدره واول ماليصير الصبح اشوف واقعي يروح هذا الحلم واعيش بالكابوس اني حياتي كابوس بدون محمد
غرام ... كافي ياروحي كافي بجي ياروحي اني من احجي هيج مااريد اقهرج بس كافي اني شايفه نفسج شوفي الدنيا وين صارت كلهم مشوا كلهم صارت الهم حياة حتى نور لكان محمد بالنسبه الها ابو مو بس اخ وهي ازوجت وعاشت حياتها وانتي واكفه على بنفس المكان من كنت مراهقه لحد هسه مااتحركتي يعني شنو راح تبقين طول حياتج هيج كاعده بالبيت حابسه نفسج بين الدموع والذكريات يااخيتي شوفي حياتج كملي دراستج مااجاي اكلج ازوجي ولا حبي لا كملي دراستج طلعي شوفي الدنيا شصار بيها شلون اتغيرت ...
عشق ..... مااكدر احسه كل مااريد اعيش حياتي كل ماافكر اطلع خارج غرفه محمد احسه نفسي انسانه خاينه ومااستحق حبه لمحمد
غرام ... لا هذا التفكير من عقلج عقلج هو جاي يوهمج اصلا محمد يتعذب من يشوفج هيج يتعذب من يشوف حبيبته تريد تموت نفسها زين اوك لو مثلا انتي اتوفتي لا سامح الله تقبلين محمد يعيش مثلج بعد مااتتوفين لو تقبلين يموت نفسه وراج يعني ينتحر لو يبقى حابس نفسه داخل البيت وماايطلع ١٥ سنه هاا تقبلين ....
عشق ... لا مااقبل
غرام ... اي لعد هو هم يابعد اختج ماايقبل عليج هيج اسوين طلعي شوفي العالم عيشي من احنا صغار انحرمنا من الدنيا لا طلعه ولا طبه الله يرحمه ابويه حبسنا حرمنا من الدراسه ومن كل شي هسه ياعمري عوضي الايام الراحت منج كملي دراستج داخلي لكليه وصعدي شويه شويه منا لمن توصلين لشي لتريدي مايمكن اصرين دكتورة اجوز الله كاتبلج شي محد يحصله غيرج
عشق ... غرام شبيج شاربه من الصبح انتي شايفه عمري شكد ويني وين الدراسه وبعدين كان انتي فلحتي بيها يله اني افلح بيها
غرام ..... انجبي ولج ليش ماافلحت بيها والله ثم الله لو ما قاسم بطلني من دراستي علمود الجهال كان هسه دخلت كليه ومتخرجه واجوز متعينه بس شسوي هو هذا بعد حظي وبعدين على اي عمر تحجين اشو هو عمرج بالعشرين ولج قاسم يسولفلي يكلي وحدة عمرها اربعين وهي جاي تدرس وهسه يله تخرجت وصارت محاميه
( العمر افتراضي + الاسماء )
وانتي ياحظي
على الاقل حصلي شي يفيدج منو باقي الج فتحي عقلج واني جاي انصحج لان ادري محد راح يفيدج بالدنيا عشق احنا محد النا غير الله وامي لا تكولين قاسم ولا غيره...
عشق ... يااا وانتي شبيج كالبه على قاسم
غرام..... لا يمعوده عليمن كالبه عليه بس اكلج محد النا والرجال مااله امان يوم اشوفي بصفج وعشرة ضدج هو هذا طبع الزلم شنسوي
عشق ... غرام اني من يوم لتوفى بي محمد واندفن وصار جوى التراب اني روحي هم اندفنت وياه اسمي صار مربوط بااسمه اني معشوقه محمد هههه مو على حجيهم ؟
غرام ... اي والله هو حتى اسمج بعد ماايصحولج بي
بس اني مااجاي اكولج حبي وازوجي لا اني اكولج طلعي ادرسي لا تبقين محبوسه بالبيت اني لمصلحتج يابعد اختج والله احسه سجينه اطب بقلبي من اشوفج تبجين لج انتي مو بس اختي انتي صديقتي وكل حياتي
عشق .... ياروحي انتي والله احبج لو ماانتي وامي ماابقيت لحظه بهذا الحياة
اكلج عوفج من هذا الحجي راسي كام يوجعني من البجي
غرام. .... اسوده عليه مااردت ابجيج من الصبح واصلا فرحانه بيج طلعتي من الغرفه وكعتي وياي بس اني احجي لمصلحتج
عشق ... اي ادري اكلج صدك البارحه نزلت لمطبخ ردت ماي وهم لشوف امي لان سمعت كحتها من فوك اسودة عليه اي فمن نزلت تدرين شفت قاسم كاعد بالصاله ولج اخترعت الله وكيلج
غرام ... هذي ياساعه شفتي
عشق ... ماادري هيج بال٢ ونص لو ٣ ولج عوبه انتي مااتدرين بزوجج
غرام..... لا لج كنت البارحه كولش تعبانه من وراء قرايه الجهال ومن ال٩ لفيت راسي ونمت وبعد لا حسيت على الدنيا طشت لو رشت
عشق ... الله يساعدج والله ماادري شلون تلحكين عليهم ثلاثتهم تقريهم الله يستر على نهى بلكوه تحفظ ذيج المرة كعدت اقريها محروك قلبي وهي صافنه وبالها ماادري وين
غرام....... افففف ولج هذي شلعت قلبي بلكوه تحفظ
بس ملك لا زين تحفظ وحمودي اول ماايتعبني الا هذي نهى هذي السنه سادس ابتدائي ماادري شلون راح ادبرها
عشق ... خلي يخلي الها قاسم مدرسات خصوصي وفضوها عليمن هذى الشلعان الكلب وانتي قري حمودي وملك
غرام ... والله لو هيج كان كعد حظي بس انتي تعرفين قاسم عكرة ماايقبل الطلعه والطبه وخاصه نهى ضخمه ومبينه اكبر من عمرها ويخاف عليها
عشق ... اي والله ماشاء الله ماادري عليمن طلعت هيج ضخمه على الرغم احنا طبيعتنا ناعمين
غرام ...... طلعت على ابوها وعماتها ضخام
عشق ..... اي والله بس اكلج انتي هم انتبهي عليها لان ماشاء الله جاي اشوفها سمينه وحرامات هذي من تكبر تعاني
غرام ... ياخيه هي بيدي اشو احجي واكول وعبس تبجي وتكول مااقرء اذا مو نساتر وككو ولج كل يوم توصي محمد على علاكه شكبرها حبشكلات تاكلهن وحدها
عشق ... يااختي انتي امها منعيها حرام هي صغيرة مااتعرف مصلحتها خلي تكبر وتتندم
غرام .... ولج منعتها يجي ابوها تروح تبجي عده تكول اله ماتنطيني اكل وقاسم بتعارك وياي على ابو شنو صغيرة وعوفيها
عشق .... ماادري والله
غرام .... اي اكولج انتي صدك شتريدين من امي
عشق .... شوفي اني مامقررة ردت اشوف امي شنو تحجي وبعدين اقرر يعني هذي مجرد فكرة لا اكثر
غرام ... شكو ولج شنو هي
عشق ... قبل فترة دخلت الفيس وشفت معهد مالت فنون ويكولون من الثالث متوسط واشو عجبني ادخله
غرام .... كللللوششش اي حبيبتي اخيتي الحلوة اي كملي واكيد امي تقبل كومي نحجي وياها يله كومي
عشق ... يااا ولج اتخبلتي شجاج مو امي نايمه
غرام .... معليج هسه راح اصير الساعه بال١٠ اكيد كعدت واصلا عدها دواء هسه يله ولج كومي
عشق ( كمت اني وغرام ورحنا لماما اني مااكنت متاكدة من هذا الخطوة وكنت اتمنى ماما ترفض هذا الشي بس حماسها فاجئني بالعكس شجعتني على هذا الخطوة وفرحت هواي اما اني كنت خايفه خايفه اطلع من البيت وخايف اواجه العالم حسيت نفسي ضعيفه مااعندي شجاعه حبيت ابقى بعالم وياه محمد وخوفي الاكبر فد يوم انام ومايجيلي محمد بالحلم خفت بس بنفس الوقت حبيت فرحت امي مااردتها تحمل همي ....
امي تعبت هواي وتمرض وراء وفاة محمد حتى ضعف نضرها وصار بيها قلب وضغط بالمختصر صحتها راحت وياه روحه محمد
يتبع ......