عشق ...... لا ولج نور لا تحجين هيج عيب غير زوجها وخطيه هم صالهم فترة طويله مزاعلين ....
كالت اي يمعودة اني شريد منها انتي شلونج ؟ شخبارج ؟.....
كتلها الحمدالله زينه بس خايفه اهنا المكان غريب عليه ومشتاقتلكم ......
كالت تتعودين اني هم من ازوجت كل يوم اخابر خاله زينه وابجي اريد ارجع لبيت يمهم بس بعدين اتعودت على طيحان الحظ.......
كتلها بس مهيمن الله يذكره بالخير ( اذا مااتذكرون هو زوج نور الاول ) .....
كان انسان حباب ولا يوم شفنا رفع صوته عليج بالعكس كان يخاف على زعلج هواي .....
كالت اي من ******* مو راح خاني وهسه تدرين منو مزوج ؟ .....
كتلها منو ؟
كالت صديقتي من ايام الكليه كانت وياي لحد مااتوظفت هي وياي وتالي ازوجت زوجي ......
كتله ماضي انسي بس هو مايسأل عن سمر ؟
كالت اي قبل فترة اتصل عليه راد يشوف سمر بس من كلت لقاسم كال لا تخلي يشوف البنيه تر يطمع بيها وخاف ياخذها منج وخاصه اذا رفع عليج قضيه فالباب التجي منه ريح سده وستريح ....
اني هم مااريد يشوف سمر تعبانه هي وخاصه من الهوسه والعراك ......
كتلها صحيح .....
كتلها وصلي سلامي لماما وغرام ونهيت الاتصال وياها ....
اندك باب غرفتي كمت فتحته شفت مرام ....
اني ابتسمت وكتلها تفضلي ....
كالت ست عشق لو سمحتي نزعي ملابسج لان استاذ مالك طلب مني اخذ هذني الملابس اغسلهن ......
اني باوعت لنفسي استحيت حتى ملابس ماجايبه وياي ....
الان الجنطه لجبتها وياي ماادري نسيتها بالفندق ماادري اخذها قاسم .......
كتلها بصوت ناصي حبي اني بعدين اغسلهن .....
كالت لا اني اغسلهن لان هذا شغلي .....
كتلها بصوت خجلان اني ماجايبه وياي ملابس .....
هي رفعت حاجبها وراحت فتحت الكنتور كالت هذني كلهن ملابسج ست عشق ......
ياريت تنطيني هذني الملابس حتى اغسلهن ...
كتلها اوك هسه ابدل وانطيهن الج ....
طلعت هي واني سديت باب الغرفه ......
فتحت الكنتور باوعت الملابس كلهن فضيحه يعني مفتوحات وكلهن ملابس نوم ....
فتحت الباب الثاني ....
كلهن ملابس مالت طلعه قمصان والله بصراحه كولش حلوات ونازكات ....
فتحت الباب الثالث شفت تراكات الحمدالله على الرغم اني البس دشداشات بالبيت يعني نادرا البس تراك اغلب وقتي البس دشداشه او مااطلع من غرفتي .....
طلعت تراك كان لونه وردي فاتح وبي رسمات ورد ...
بس عزززه ياريتني ماالبسته ضيك فضيحه كولش ضيك .....
ظليت اجرب واحد وراء الثاني كلهن نفس القياس كلهن فضيحه وضيكات والله لو ابقى بدون ملابس ولا البسهن .....
شفت مثل الدشداشه بس بنصل ....
لبستها كولش حلوة مفتوحه من الصدر وكصيرة جوى الركبه بس ضيكه شويه على صدري وخلفيتي لونه اسود وبي ورد احمر ....
استحيت البسها بس على الاقل احسن من التراكات ....
اجتي مرام اخذت كل ملابسي حتى عباتي وراحت .....
اني ظليت متقيدة من لبسي ......
نمت شويه لان من البارحه ماانايمه ......
يمكن هستوي نمت واندك باب الغرفه ....
كمت فتحته شفت مرام ....
كتلها بصوت نعسان اتفضلي ؟....
كالت اني راح اروح لبيت تحتاجين شي ؟
كتلها لا حبي مشكورة مااحتاج شي ..
كالت صدك قبل لا اروح استاذ مالك يرجع الساعه بال١٢ اني سويت الاكل وحضرت الحمام اله بس تحمي .....
كتلها ماشي ....
راحت مرام تقريبا الساعه بال١٠ ونص .....
واني بعدني نعسانه رجعت لجربايه ونمت ...
ماادري يمكن احلى نومه نمتها لان صالي فترة طويل مانايمه نومه مريحه ......
فتحت عيوني باوعت الساعه بال٨ ونص المغرب عزززه كل هذا اني نايمه .....
كمت طلعت شفت كدامي مالك كاعد على القنفه ولابس بس بجامه......
باوعلي ورفع حاجبه ويباوعلي من فوك ليجوى ....
اني توترت حيل وحسيت نفسي بدون ملابس كدامه ....
واخيرا نطق وكال تعالي نتعشى منتظرج تر صالي ساعه احاول اكعدج وانتي ولا اكعدين .....
نزلت راسي من واكف كدامي بعضلاته وضخامته وجسمه كوله وشوم يخوف ......
كتله بتوتر شنو اتحب اسويلك غداء ....
كال لا اني جبت من المطعم بس انتي روحي لمطبخ اني بس البس قميص واجي .....
اني هزيت راسي وراحت لمطبخ ....
افف ماامتعودة اكعد يم رجال غريب وحدي هو قاسم ولا مرة كعدت وحدي يمه ...
انوب هذا بالصدفه عرفت اسمه ومااعرف عنه شي ....
اجى هو لمطبخ وكعد .....
اني خليت الاكل كدامه بس حسيته يراقبني وهذا الشي ضوجني كولش حتى تقيدت بحركتي .....
كعدت كدامه لاحظته يباوع على صدري ....
اضايقت حيل وظليت كل شويه احاول اغطي صدري على الرغم الفتحه مالت الصدر مو كولش عريضه بس هو بنظراته حرجني ......
هو حس على دمه واخيرا وكال .....
عاجبتج غرفتج يعني مرتاحه بيها ؟......
كتله اي حلوة ....
كال اذا مامرتاحه بيها اغيرها الج تر البيت بي غرف هواي تكدرين تاخذين اي غرفه تعجبج .....
كتله لا شكرا هذي عجبتني ......
كال اكيد اتعرفتي على مرام .....
كتله اي اليوم الصبح شفتها ....
كال اذا احتاجيتي اي شي طلبي منها يعني حتى اذا تريدين تشترين شي طلبي منها لان اني بعدين ادفع الها ......
اني هزيت راسي عود يعني اي ....
هو سكتت وبعدين كال شو ساكته خاف ماعاجبج الاكل ؟......
كتله لا والله عاجبني ....
سكتت هو واني هم سكتت ....
ظلينا ناكل بصمت بالكوه ابلع الكمه لان حسيت يراقبني .....
هو كمل وكام .....
واني اخذت الاكل الباقي ضميته بالثلاجه ....
واكفت اغسل الاماعين هن قليلات .....
واكفت اغسلهن وبالي يم امي باجر تطلع من المستشفى الحمدالله والله قلبي مفرفح عليها وعلى شوفتها ......
فزيت من صفنتي على انفاس حارة بركبتي جسمي صارت بي رجفه .....
وكع من ايدي الماعون بالكاع .....
هو ابتعد من يمي وكال الله شبيج ....
اني اتوترت ومااعرفت شنو اسوي ...
دنكت لزمت الكزاز بيدي من كثر توتري ضغطت على الكزاز بيدي ونجرحت ......
هو كان شاف ايدي لزمني من معصمي وكال انجرحتي ...
عوفي باجر تجي مرام تنظفه .....
جريت ايدي من عنه وكتله لا لا اني انظف .....
هو رجع لزم ايدي حيل وجرني وراء لصاله ...
كال بصوت حاد كعدي اهنا هسه اجي ....
اني كعدت هو اجى كعد يمي وخلى معقم على ايدي وخر الكزاز وشدها .....
اني وكفت ردت اكوم هو جرني من ايدي حيل وكعدني ......
وقرب جسمي من جسمه وكال افففففف شنو هذا الجسم بنت الكلب .....
اني استغربت تصرفاته وحركاته ....
كتله بصوت يرجف عفيه وخر عني الله يخليك....
هو ضحك وكال وين اخليج تروحين حتى اموت اليوم اذا ما******* ....
بعدني مااحجيت هو شالني وصعد بيه فوك ....
اني كمت ابجي واتوسل بي يعوفني خفت نفس الخوف لخفته من انخطفت .....
طببني لغرفه سوده والله كولشي بيها اسود ....
ذبني على الجربايه وهو......
راح قفل الغرفه .....
واني الخوف اكل قلبي ياربي شلون ورطه ماكان كدامي شي غير بس ابجي واتوسل بي شكد اشتاق لحياتي القديمه ....
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
