غرام .....
كعدت الصبح راسي يوجعني وجسمي هم يوجعني كنت تعبانه بشكل ماايوصف ....
بلكوه شلت روحي من الفراش ....
هم نفس الموال كعدت من ال٥ راجعت لجهال لامتحان .....
وعلى راكض منا لمن جهزت ملابسهم وغراضهم وريوكهم ....
واخذهم قاسم وراح ....
يمه غير البيت هدوء كون انام هسه بس وين الحك الجهال يطلعون من الامتحان بال١٠ تقريبا ....
لان الغداء جاهز والبيت نظيف حتى اتفرغ الهم ....
يله الحمدالله باجر اخر يوم واخلص من هوسه الامتحانات .....
شديت راسي وبدأت اغسل وانظف بالبيت منا لحد الساعه بال٩ كملت الحمدالله ....
فتحت التلفزيون يكون كدام المطبخ وكعدت اثرم بصل ....
كان اكو مسلسل يعني اشوف حلقات منه بوكت الفراغ مو دائما اشوفه .....
كنت مندمجه بالمسلسل مااسمع غير صوت الباب يندك حيييل ....
والله جمد قلبي راحت لبست عباتي راكض وقلبي يريد يوكف من الخوف .....
فتحت الباب ومااشوف غير سهر جيرانا ...
كتلها خير شبيج ؟ ....
هي كانت منهارة بالبجي وجها ازرك لزمنها من ايدها ودخلتها لصاله ...
كعدتها على القنفه وراحت اركض جبت الها ماي كان شكلها يخوف ....
وخاصه كانت منهارة بالبجي ...
شربت ماي وكالت الله يخليج دادة ساعديني ....
اني استغربت وخفت كعدت يمها وكتلها خير سهر شكو ؟ .....
كالت اني واكعت بشده وماكو غيرج يساعدني ....
كتلها يااا شحجي خير ان شاء الله اذا اكدر اساعدج ليش لا .....
كالت اني اسولفلج بس امانه الله كون اساعديني ...
كتلها بستغراب اي غير اعرف شكو ليش تبجين واذا اكدر اساعدج بعيوني ...
كالت اني مطلقه صار اليه ٣ سنوات من اطلكني من زوجي لان اني مايصير عندي جهال ....
حاولت بكل الطرق سافرت بره تخذت انواع العلاجات بس بقيت وياه زوجي السابق بدون جهال ل٦ سنوات ......
وهو من صار عمره بال٤٠ طلكني لان يريد جهال حقه ....
كتلها اي ؟ ....
كالت اني يتيمه ماعندي لا اب ولا ام بس عندي اثنين اخوان وعايشين بتركيا .....
بس اني من اطلكت مااكدرت اسافر واعيش وياهم لان مااحب نسوانهم ...
بقيت بالعراق واخذت هذا الشقه .....
بس بقى بنفسي يصير عندي عائله واطفال ...
وتعبت من العيشه وحدي وحسيت الدنيا انسدت بوجهي منا لمن الله قسمي ازوج مرة ثانيه ....
كتلها بستغراب واني ماافاهمه هذي شجاي تحجي كتلها ...
وبعدين ؟ ......
كالت الحمدالله ازوجت صار اليه سنه من رجال حباب واخلاقه عاليه يعني والله حتى بالاحلام مامحصله مثله الحمدالله ...
بس هو مزوج وعنده جهال وشرط عليه انو يبقى زواجنا سري محد يعرف بي ...
اني قبلت لان قدرت ظروفه واني ماطمعانه بفلوسه ...
لان اني عندي خير من الله من محلات واخواني يدزون اليه ....
واني عندي راتب الحمدالله يعني ازوجته لا على فلوسه ولا شي ....
لذالك قبلت يبقى زواجنا سري ...
بس هم شرط عليه انو مايصير عدنا اطفال ااني قبلت لان بالاصل اني مايصير عندي جهال ......
الحمدالله تزوجنا وماكو مثله .....
بس قبل ثلاث شهور حسيت نفسي حامل والحمدالله من حللت طلعت حامل .....
كانت بالنسبه اليه هذا الشي معجزه لان اني طول حياتي اتمنى اصير ام ويصير اني طفل اخلي بحظني واحسه بالامومه ....
كان عندي استعداد ادفع كل مالي وحلالي بس يجي هذا اليوم ....
بس اني خفت من زوجي اذا عرف يجبرني اموت ابني .....
ضميت هذا الموضوع لحد ماصار على حملي اربع اشهر وثبت الطفل بطني الحمدالله ....
بس ياداده من بدأت بطني تبين وعرف زوجي صار اسبوع مشبعني ضرب حتى يوكع ابني ...
والله صاري يومين مااكدر اكل من وجع جسمي ....
واني البارحه سمعته يحجي وياه صديقه حتى يشوف قابله توكع ابني ....
واني خايفه والله العظيم يعني اول مرة اشوف ابو محمد هيج يصرف وياي لو هيج يعاملني ...
مافد يوم رفع صوته عليه ....
ودائما يقدرني وياخذ بكلامي .....
كتلها بصدمه واني احاول اكذب نفسي كتلها يابو محمد ؟ .....
هي كامت تبجي وكالت والله العظيم مو بنيتي يصير مشاكل بينكم ....
والله لو مو مجبورة فلا اجي .....
كتلها واني بالكوه اتنفس احسه نفسي مخنوكه ....
كتلها بصوت عالي يااااااابوو خر***
هي نزلت راسها وكالت قاسم زوجج .......
باوعت الها بصدمه وحسيت كولشي انهار كدامي ....
حسيت الساني ثكيل مااكدر احجي وصوت قووي براسي .....
مااحسه غير كولشي صار ظلمه كدامي كنت اسمع ناس هواي يحجون بس مااكدرت اميز ولا صوت ....
فجئه انقطعت كل الاصوات ....
فتحت عيوني شفت نفسي كدام باب بيتنا القديم .....
باوعت بصدمه شنو هذي شجابني هنا ....
باوعت لنفسي شفت شعري مفتوح ولبسه ثوب خفيفه .....
كمت اغطي بنفسي .....
مااحسه غير هواء قوي اجى وفتح باب بيتنا داخلت لبيت واشوف بابا كاعد بالطرمه .....
شفته لزم السبحه ويسبح ....
رافع راسه وباوعلي اشر بيده بمعني تعالي ....
راحت كعدت يم رجليه ...
مسح على راسي وصارن دموعه ينزلن ....
كلي يابويه سامحيني .....
اني كمت ابجي بحركه وكتله شسامحك يابه انت كسرتني ضيعت حياتي ....
جبرتني اعوف داستي ...
وجبرتني ازوج واني بعز طفولتي ....
يابه انت انطيت الحب وحنانك لنور وعفتنا مامسامحتك ابدا مااسامك على كل مرة نزلن بيها دموعي ...
مااسامحك على كل مرة انهنت ونذليت ....
مااسامحك على كل مرة حملتنا مسؤليه موت امي ...
على كل مرة حسيت نفسي سبب بموت ماما ...
خليتني اشتهي الموت من وراء نظراتك النا ...
ماافد يوم حسيت عندي اب واكف بظري ...
ماافد يوم حسيت بالامان وياك دائما من اشوف اخاف ...
خليت عدنا الخوف منك مااشفنا الامان وياك ...
بويه انت ظلمتني ...
عفته واني ابجي بحركه طبيت لهول واشوف مرة لبسه ابيض وكاعده تبجي راحت قربت منها وكعدت يمها ...
لزمها من ايدها كتلها شبيج ؟ ....
باوعتلي وكلتلي يايمه اسوده عليه عليج متت وعفتج انتي واخيتج ....
باوعتلها بصدمه وكتلها ماما دموعي كامن ينزلن وكتلها يمه شوفي شصار بنتج ....
شوفي الدنيا شنو سوت بيه ...
يمه ليش عفتنا ليش راحتي مااشفت حنانج ولا شبعنا من حظنج .....
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
