ترك بصماته على جسدي

بارت ٢٤

بعد اسبوع اجى وثاب وكال خلي انطهر حمودي حاولت اقنعه منا لمن شويه يكبر ماقبل ..
بيوم طهور حمودي صار عبالك عرس الفرع كله يركص وثاب ذبح ٢ طليان ولبس حمودي دشداشه بيضه والغترة والشماغ يمه اروحله فدوة طلع يخبل والنسوان ترسن البيت ومثل العادة نور حابسه نفسها بالغرفه ماتطلع عماتها سألن عليها كتلهن مريضه مالها خلك شويه ودخل وثاب شايل حمودي مطهر وطاك من البجي اني مااكدرت اشيله اخاف سمر اخذته مني نيمته بالغرفه واني اركض وراها وابجي على بجيه حمودي بدلت اله الحفاظه وظلت تهز بي منا لمن نام طلعنا اني وياها واني ابجي كلتلي كافي يمعوده نام الولد مابي شي كتلها هسه يكعد ويبجي من الوجع كالت لا وثاب انطاني عصارة وحب مسكن اله لا تخافين شو كومي وياي خلي انسوي الغداء كمنا وسوينا كل قدر (او جدر مو مهم ) اكبر من الثاني بحيث مااتسع المطبخ لحجم الجداري وطلعنا اني وسمر والبنات نطبخ برى بالحديقه اني عليه التمن وسمر عليها الحم والتشريب وابنات عليهن الشعريه والحشوى وكذا صارت الساعه بال١٢ كملنا كولش منا لمن ظهري طك من الوجع وسمر ضايجه تحجي على نور لان بعدها بالغرفه وحابسه روحها كالت الا يروح الخطار واني اعلمها الا اكسر راسها كتلها والله اذا اقتربتي منها اموتج عوفيها صغيرة وين تتحمل الحر والعب كلتلي هسه اني كتلها تعالي طبخي ويانا لا اريدها تكعد وياه عماتها اسولف عماتها اكلن وجهي كتلها اكولج سمر تر حجي النسون مايخلص عوفي البنيه اني احجي وياها كالت اي عيني خيه احجي وياها والله العظيم لو يدري وثاب ماتطلع واسلم على عماتها يكسرها تكسير كتلها لا اني تحجي وياها لا تخافين كاعدين نحجي اني وسمر اجى وثاب كال يله صبوا لزلم بدينا نصب لزلم ماشاء الله انترست الطرمه كلها اماعين كملنا وبدينا نصب لنسوان والبنات يساعدنا راحت خدرت جاي حتى من يكملون نصب وسمر راحت اشوف حمودي واجتي كالت كملتي الجاي كتلها اي كالت يله امشي نكعد يم النسوان عيب كتلها روحي هسه اجي راحت سمر واني صبيت لنور خطيه الطفله هسه ماتت من الجوع اخذت الاكل وراحت لغرفتها دخلت شفتها متمدده شافتني وكعدت كتلها تعالي حبيبتي اكلي كلتلي شكرا عمه كعدت يمها كتلها حبيبتي ليش مااطلعين وعماتج موجودات عيب سلمي عليهن كالت عمه والله مااحبهن منافقات ويحجن دوم عليه لو على امي وحتى من اكعد هذا اتكول اريدج لابني وهذا اكول لا اني اريدها واني مااريد شي بس اريد اكمل دراسي واطلع اني ضحكت عليها كتلها وين اطلعين كالت اريد اطلع اعيش بغداد حلوة والناس مو متخلفه واحد يعيش مرتاح وحر اني هنا محصورة ماتكدر اطلع صالي اكثر من ٤ اشهر مااطالعه بس من المدرسه لبيت ومن البيت لمدرسه صديقاتي يطلعن ويسافرن واني اهنا كتلها حبيبتي ليش تحجين هيج تعرفين هذا العيشه لانتي عايشتها غيرج يتمنى لو سقف بس فوك راسه وثاب مقصر عليج انتي لو تختلطين شويه بينا واكعدين وياه ابوج وتحجين وياه واطلبين منه اطلعين هو بعيونه يطلعج ويزورج قابل احنا مانعيج من الطلعه بله الله عليج مو قبل اسبوع طلعنا زرانا الامام شكد اتوسلنا بيج اطلعين ويانا انتي مااقبلتي وكمتي تعاندين كلتلي اي صح بس اني مليت مااريد ازور اريد اطلع غير مكان البنات يسولفن على طلعاتهن لمول وغيره واني ابويه مايقبل كتلها ياا اني اخلي يطلعج لمول مخالف بس اريد منج اصيرين سبورتيه ومو معقده واريدج اطلعين وتشاقين واكعدين وياه البنات كلتلي الله كريم كتلها عفيه ماما يله حبيبتي تحتاجين شي كلتلي لا بس شلونه حمودي مااكدرت اروح اشوفه كتلها لا الحمدالله من ساعه امج وكلته ورجع نام كلتلي الحمدالله بستها وطلعت ماشاء الله عليها عبالك احجي وياه مرة مو طفله عمرها ٧ سنين راحت كعدت يم سمر كلتلي وين جنتي كتلها انطيت لنور اكل وحجيت وياها كلتلي يمه اسوده عليه نسيتها كتله على كيفج هستوي انطيتها اكل وماي لا تخافين عليها كالت رحمه ولديج كتلها والديج بالرحمه كعدنا ناكل كملنا اني بديت اصب جاي وسمر تنظف الاكل ونص البنات يغسلن الماعين والنص الثاني يوزعن جاي يعني مااشاء الله فد بنات نادرات اني ظهري انكسر وهن يركضن واحده اسابق الثانيه عود تبرز نفسها واكول اني اندر واحده وانظف واحده ...
لحد الساعه بال٢ الناس بدأت تروح والبيت يفرغ انطيت جدريه برياني ولحم لعمتي وزاد كومه عاد قسمنا اني وسمر وثاب اخذه لفقراء لحد ال٥ الخطار كلهم راحوا واحنا بدينا انعزل البيت ونور طلعت وكامت اساعدنا وحجيت وياه سمر ماتحجي وياها منا ل٧ يله كملنا ظهري انشلع طبيت غسلت وبدلت وراحت لحمودي شبعان نوم ياعمري اخذته فرشتله بالصاله وكعدت اوكل بي وسمر كاعده يمنا اجى وثاب شال حمودي يبوس بي وهذا يضحك ويحضن بي شويه وتحول وثاب لجدي بالحجي وكال بابا نور تعالي احجي وياج راحت نور كعدت يمه واني وسمر صافيني كال الها نور انتي صدك من انتي راجعه من المدرسه نازعه الحجاب
هي انكلب وجها اصفر ..
كلتله هذا الخبيث قاسم كال الك
وثاب تغيرت ملامح وجه وكلتلها ولج شلون اتكولون على ابن عمج حبيث مو عيب
هي وكفت وكلتلي اي خبيث وفتان
هو باوع لسمر وكال الها شوفي دلالج خلى لسلنها اطول منها ماتحترمني سمر نزلت راسها مااحجت شي اني كتله على كيفك وثاب تر البنيه صغيرة وماتعرف تحجي كلي شو اسكتي انتي
كال الها اسمعي ولج والله ثم الله اذا طول السانج انوب على ابن عمج اموتج افتهمتي لو لا
باوع لسمر كلها اكو علاكه بغرفتي روحي جبيها وتعالي راحت سمر تركض جابت العلاك وانطتها اله فتحها وطلع عبايه صغيره كلها لنور هذا بعد تلبسيها من اطلعين هي طكت من البجي وراحت لغرفتها تبجي رادت سمر تروح وراحها كلها عوفيها هذا ادبسز شال حمودي بحظنه يمه حتى ابني سكتت وضم راسه اني وسمر واحده تباوع بوجه الثانيه هو يحجي ومحروك كلبه ويكول بنتي الوحيدة وتريد تطلع مو مربابه لا عبالجن ماادري هي ماتطلع لا اسلم على عمتها ولا بيبتها وانتن اضمن وراها عبالجن ماادري هو ظل يصيح وحمودي كام يبجي عاد اخذته من حضنه وكمت اسكت بي سمر راحت نامت وهو راح وياها لان اليوم دورها هو قسم الايام بينا اني اخذت حمودي بغرفتيوراحت نمت من التعب مااحسيت بشي راسن غفيت كعدت الساعه بال٣ على بجي حمودي كمت بدلت اله حفوظته وشربته حليب ورجع نام اني كلت ماتسوى خلى اصلي اتوضيت وصليت ورجعت نمت ...
مااحسيت على الوكت الا الساعه بال٩ كمت غسلت وراحت لمطبخ شفت سمر وحمودي بحضنها كتلها ليش ماكعديني كالت شكعدج ابنج صاله ساعه يصرخ واني فاتحه حلكج ونايمه ههههه كتلها اي والله تعبانه كتلها وين وثاب كالت طلع من ساعه عنده شغل كتلها اتريكتي كالت لا والله كتلها لعد راح احمي الجاي نتريك اني وياج كالت اي كالت اليه لو تدرين الصبح بالكوه قنعت نور تلبس العبايه كتلعا والله خطيه صغيرة كالت اي والله بس تعرفين اهنا كولش ملتزمين كتلها اي ادري كالت اي وظلت تغلط وسب ودعي على قاسم كتلها شعجب وثاب تغير كالت لا وثاب ماتغير هو هيج دائما من الغلط مايقبل بي وخاصه سمعته قبل كولشي كتلها والله اني عبالك مدللها لنور لان بنته الوحيده كلتلي صح هو يحبها وكولشي تريد يصير عدها بس بحدود لان يكول البنيه اذا انطت عين زايده تخرب وبعد ماتنصلح كتلها اي والله ..
جبت الريوك وكعدنا نتريك اني وسمر ...
كملنا اني كمت غسلت الاماعين وانظف البيت وسمر تطبخ هيج ماشيه حياتنا هدوء الحمدالله
//////________/////////__________////////_____
بعد مرور خمس سنوات ...
مشت خمس سنوات من حياتي بحلوها ومرها بتعبها بقهرها على كول امي تكول حياة البنيه محدوده وحصورة بين البيت وزوجها كنت دائما اجادها واكول الها لا عدها وظيفتها مو كولشي البيت هي الله يرحمها كانت تضحك وتكول هسه اكبرين وتفهمين وصدك هسه حياتي محصوره على البيت والتنظيف وابني لا وظيفه ولا طلعه ولا طبه وثاب صدك حباب وكلبه طيب بس عنده كولشي ممنوع كولشي مايصير مره بالسنه نطلع واذا طلعنا نروح نزيارة لامام ونرجع بيومها بس رغم هذا مجرد الامان الاحسه وياه وثاب كافي طول هذي السنوات اتمنيت الله يرزقني من وثاب طفل بس مع الاسف الله مارزقني على الرغم شكد راحت لدكتورات بس ماارزقني الله بس رزق الله سمر وهسه حامل بشهرها باليوم العرفنا بي سمر حامل البيت انكلب راس على عقب وثاب يصيح ويغلط عليها لان مااخذت حبوب حمل وراد ياخذها علمود تسقط الطفل لان خطر على حياتها بس هيه ظلت تبجي وتتوسل بي بكتها انكسر خاطر وثاب وقبل بس كان خايف هواي عليها ونور تبجي بس هي ماقبل وكالت هذا ابني مااريد اخسره اني ماقصرت وياها ابدا حتى الخاشوكه مااخليها اشيلها بس هي من دخلت الشهر الثالث بدأت تتعب فرد مرة وكل يوم متخربطه الدكتورة كالت الها لا تتحركين هواي مو زين على كلبج بهذا الفترة سمر اتغيرت هواي وكله نايمه حتى حلكها ماتكدر تحركه حمودي كولشي متعلق بيها والا ينام بحظنها ظل مكابلها ويبجي عليها وسمر من اشوفه يبجي تكوم تبجي وياه وتتاذه كمت مااخلي يطب لغرفتها هو يبجي لان متعلق هواي بسمر بس من يجي وثاب يسكت وظل كاعد وساكت لان كولش يخاف من وثاب على الرغم مدلله بس تعامله قاسي وياه ومرات ازعل من وثاب لان هيج يصرف وياه حمودي بس هو يجي يكلي اريده رجال وحزام ظهري لاتدخلين بتربيته ...
واليوم اول يوم يداوم بي حمودي اول ابتدائي ونور اول متوسط اخذهم وثاب وفرحان طاير من الفرح وحتى شايل جنطة حمودي وهذا يرمض وراء وصحله بابا انطيني الجنطه عيب بعد صرت جبير وثاب يكول بعد روحي لرجال هاك بويه البسها
هيج مشت حياتي بين البيت والعتناء بسمر مثل الورده تذبل يوم عن يوم وبين تدريس حمودي بس ماشاء الله كولش شاطر وذكي وبين وثاب وتطلباته ونور بعدها كل تفكرها لدراسه و لقرايه بس هواي متغيرة وعماتها كل يوم واحده تريد تخطبها وهي تتخبل واني اكعد وياه واهدء بيها هي عاقله وحبابه ونفسها طيبه بس هي عدائيه تجاه عماتها واقربائهم وتوكف وياي واساعدني فدوة الكلبها شكد احبها دائما تكعد وياي وسولفلي عن صديقاتها وعن ايام المتوسطه واني انصحها تبتعد عن صديقات السوء لغيرن ودائما اكول الها خليج على برائتج لا تخلين احد يغيرج مشت حياتنا منا لمن صارت سمر بالشهر ال٤ اخذنا الها سونار وطلع بيها بنيه وثاب فرح وباس راسها وهي خطيه هم فرحت رجعنا لبيت فرحانين بس شخص واحد كان مو فرحان هو حمودي كان غيران وطاك من الغيرة ظلينا نضحك عليه ..
اما قاسم ابن محمود دخل قانون وهذي اخر سنه اله بكتها من جاب الشهادة وثاب ذبح الذبايح وعزم المنطقه كلها وفرح بي كولش وكله رفعت راسي اما اخوه الصغير هسه خامس ادبي واخواته لحد الثالث متوسط وبطلن مااعدهم البنات يكملن ام عباس ابن كمال مانجح من السادس وبطل واخواته الخمسه كلهن لسادس ابتدائي ويبطلن ٣ منهن ازوجن خطيه وعمرهن فوك ال١٥ سنه اطفال بذاك الوكت حمدت الله انو ماصرت حامل وجبت بنيه كان هسه انظلمت مثلهن ...
وخلال هذا الفترة صارت هواي مشاكل بين وثاب وكمال ودائما يتعاركون ولعرفته انو كمال وضعه المادي مدهور ومنزلين مرتبته وصاير دكتور حاله حال غيره وابنه يشرب وصاير وضعه تعبانه ويريد حصته من ورث ابه وهو بعده عايش الله يطول بعمره لذالك صايرة مشاكل كومه بين الاخواه علمود هذا الشي . ..
يتبع السلام عليكم طبعا ادري اتاخرت لان هذا البارت طويل عبارة عن ٣٥٠٠ كلمه تعبت بي هواي اتمنى تقدرون تعبي وهم شنو رائيكم بحياة زينه الجديدة
وشكرا تصبحون على خير