غرام ....
كلت اله بصوت يرجف قاسم وخر ...
هو رفع راسه وباوعلي وعيونه مركزه على شفايفي وكال مااكافي شلعتي قلبي ....
خليت ايدي على صدره وبعدني مااحجيت هو هجم على شفايفي ...
خلى ايده وراء راسي لزمني من شعري وقربني عليه ...
كام يعضني من شفايفي ويبوسني بقساوة ...
كمت اضرب على ضهر حتى يوخر اختنكت وحسيت بدم من شفتي ....
وخر عندي وهو يتنفس سريع ...
وكلي بصوت خدران غرام محتاجج ......
كام يبوس بجسمي وكام يضغظ على صدري .....
اضايقت وتاذيت منه ...
ابتعدت عنه هو طبك حواجبه وباوعلي ....
اقتربت منه وخليت ايديه تحاوط رقبته وكتله حبيبي شمدريك بمكان عشق ....
هو لزمني من من خصري وكال اليه معليج ...
اني كمت ادلع عليه وكتله شبيك قسومي كول اليه مو تعرفني فضوليه .....
هو عض شفته وكال وكرصني من زندي وكال هسه وكته هذا الحجي ؟.....
اني كمت العب بشعر صدره واباوعله بحزن وكتله يعني اضم على زوجتك وتخليها بنفسي ؟....
هو باسني من ركبتي وقرب انفاسه من اذاني وكال نور كالت اليه .....
اني فتحت عيوني من الصدمه وكتله نور؟؟...
هو وخر راسه وكال اي نور كالت اليه ....
كتله شلون ويمت ؟؟
هو عافني وراح كعد على الجربايه وكال اني خابرتها من طلعت من البيت مااعفت مكان ماادورت ومالكيت عشق .....
خابرتها وسألتها هي بالبدايه مااقبلت ونكرت تكول بس اني لحيت عليها وكتلها اذا كلتلي على مكانها اني اشتريلج بيت وحدج واخليج ترجعين لشغلج .....
اني ظليت مصدومه من حجيه ....
معقوله اخت تبيع اختها علمود بيت لو شغل ....
كال اليه مااريدج تحجين وياه نور لو اطيخيها بكلمه افتهمتي تر اموتج ....
اني سكتت بس مستحيل اعديها الها لهذي الجلبه اني اعلمها ......
باوعت لقاسم وكتله ليش مااخابرتني اني وسألتني على مكان عشق ....
كال ليش اني غبي كدامج يعني عبالج ماادري انتي ماتعرفين لا مكان عشق ولا هذي فكرتج انو تهرب عشق اعرف هذا تخطيط نور لان انتي مااتكدرين اسوين هيج ولا عندج جرئه على هذا الشي......
باوعتلك بقرف وكتله ليش لعد ضربتني وانت تعرف اني مدخلني ....
رفع حاجبه وكال يعني تقنعيني هسه انو انتي مااشاركتي نور زين عوفي نور ليش مااجيتي كتلي .....
اني سكتت هو جر ايدي وكعدني بحظنه وكال اريد اسألج شي ؟...
كتله شنو اسأل ....
كال انتي ليش متغيرة ليش مااصايرة تهتمين لا بالجهال ولا بااحد حتى امج يعني لو مو مشكله عشق كان مااشفتج نازله ولا شفتج طالعه من غرفه عشق ......
كتله كل هذا ضربك واهانتك اليه وتريدني مااتغير شوفي ايدي مكسورة من وراك ...
كال اي باجر من اجيب عمتي من المستشفى اخذج وياي نفتح الجبيرة .....
بس اني اصرف وياج هيج لان تصرفاتج ماتعجبني احسج تتقصدين تنرفزيني بتصرفاتج ....
كتله شنو مسويه اني اشو كاعده اخدم بيك وبجهالك وعمري ماافتحت حكلي وكتله انطيني لو جيبلي لو طلعني شو اخواتك كل يوم لصالون لو لمول واني صالي من زواج لحد هسه مااشفت شنو الصالون ولا راحت .......
كال شفتي هذني تصرفاتج اضوجني ليش تقارنين نفسج بغيرج وانتي كل وكتج بالجهال والبيت مااتفكرين بزوجج مااتكولين هذا المسكين محروم ولج اني اشوف اشكال نسوان بشغلي ارجع محترك ابويه ...
انتي تستقبليني ريحتج بصل وكفشتج عبالك عش مالت عصافير ودشداشتج اقدم من زمن جدي ....
اني اتنرفزت من حجيه واصلا كنت ضايجه من نور اريد انزل اكفشها ...
كتله اي مو هذا ذوقك انت مو تطلع تشتريلي الملابس ....
هو رفع حاجبه وكال هااا ولج اني هذني الدشداشات جايبهن حتى تلبسيهن من احد يجينا يعني ولد عمي يصيرن عريضات ويسترن عليج بس مو تلبسيهن بغرفتنا .....
كتله اني مااعندي واهس اتعدل لان اتعب بشغل البيت وجهالك تعبوني وهو بس نهى يراد الها قلبي من حديد منا لمن تحفظ وتفهم .....
كال قبل فترة كنت هستوي طالع من المحكمه والدنيا ظهر مسموط ابويه من التعب وشفت مرة بنص المحكمه اصيح وتبجي عاد اني انكسر قلبي عليها كلت لواحد من الحراس يروح يصيحها لمكتب مالتي حتى نعرف سالفتها شنو .....
عاد اني هم طبيت لمكتب مالتي واجتي المرة وياي منهارة وتبجي كتلها بويه شكو شبيج ...
كالت سيدي اني اليوم زوجي طلكني بدون اي ذنب واني مااعندي احد لا اب ولا ام ولا اخوان ....
كتلها عندي الله فوك راسج احجيلي سالفتج يمكن اني اساعدج ....
كالت سيدي اني يتيمه لا عندي اب ولا امي عشت بيت عمي وعلى خدمه وشلعان قلب وزوجني واني عمري ١٥ سنه لواحد سكير لا يعرف الله ولا رسوله كل يوم ضرب بضرب لكمه مااحصل منه يوم اكل عشرة مااكل واني صابرة ومتحمله كلت فديوم الله يفتحها بوجهي ....
صرت حامل وهو تخبل ظل يضرب بطني منا لمن طرحت ومرة ثانيه هم صرت حامل وضميت عليه خفت خاف يموت ابني واني ردت طفل يملي عيني يصير اليه سند انسى حزني ...
كتلها لاحول ولا قوة الا بالله كملي بويه وبعدين...
كامت تبجي وكالت من بينت بطني وصرت بشهر الخامس هو تخبل ظل يضرب بيه صبح ونهار منا لمن وكع الطفل ولان كان جبير وخسرت رحمي وياه وانحرمت من الخلفه طول عمري ....
ظليت وياه عشر سنوات واركض وراء بالخدمه وابوس برجليه حتى يشتغل والله ياسيدي وصل بيه الحال اني اطلع ادور اله شغل واتوسل بااهل المحلات حتى يشغلوا ....
منا لمن حصلت اله شغل حارس بالمدرسه وراح اشتغل وصار براسه خير واستلم راتب ....
والله ياسيدي والله فوك راسي ربع مااكان ينطيني يظل بره اسبوع اكثر واني يكتلني الجوع اظل اشد بطني من كثر الجوع وراء اسبوع يجي يذب عليه خبزة ابقى اكل شويه شويه منها خاف يروح وابقى ميته من الجوع ....
كتلها الله واكبر معقوله اكو هيج بشر ...
هي كامت تبجي وتمسح بدموعها وكالت اي والله سيدي لحد ماايوم اجى كلي راح اطلكج اريد ازوجج وحبيبتي مااتقبل على ضره ....
ظليت ابجي وتوسل بي وين اروح وين انطي وجهي لا عندي اهل اروح اهم ولا حتى بيت عمي يستقبلني وين اروح وين انطي وجهي وكعت على رجليه ابوس بيهن واتوسل بي مااقبل ...
كتله عوفني اخدم بيك بس عوفني وروح ازوج معليه بيك ....
بس هو ياسيدي لزمني وطلكني واليوم من حركت كلبي شفته راح يعقد هو وخطيبته ولحكتهم لهنا ولزمني كدام العالم ضربني ....كتلها لا حول ولا قوة الا بالله ....
زين من طلكج وين كاعده هسه ؟.....
كالت راحت لعمي عود حزام ظهري لزمني وطردني راحت كعدت بحضرت الامام علي عليه السلام.......
كتلها الله اكبر يعني عرضه خلى بالشارع .....
هي كامت تبجي كتلها كومي ....
اخذتها وانطيتها شقه وراتب الها كل شهر ....
شفتي ياغرام انتي عيشتج هذي مااقابله بيها الف وحده تتمنها انتي تكولين حياتي صعبه وحياتي صعبه روحي شوفي الناس شوفي القضايه كل يوم اشكال يكسرون باب القلب وانتي كاعده بالبيت والله تعبانه لان نظفت البيت والله تعبانه لان قريت الجهال لعد لو مثل هذني النسوان يشتغلن ويروحن ويجن وعدهن عائله كامله وعايشات هم مثلج يحجن ......
اني صفنت على حجيه يمكن وياه حق صحيح حجيه......
كتله قاسم كلمن اله وجعه كلمن اله الم يختلف عن الثاني انت ليش تقارني بااحد ليش كل مااحجي وياك لازم تقارن صحيح يمكن الف وحدة تتمنى حياتي بس اني مااكايله شي الحمدالله على كل حال بس هم من حقي اطلع واطب اشوف الدنيا شنو بيها حتى اقتنع بحياتي ....
اني مااريد اسافر ولا اريد شي بس على الاقل مرة بالشهر طلعني خليني اشوف شكو بالدنيا ....
هو صفن بوجهي وكال اسألج سؤال وجاوبيني بكل صراحه ؟...
كتله اسأل ...
كال لو هسه كتلج غرام اعوفج وانطيج حريه الاختيار تبقين وياي لاخر العمر لو تختارين حريتج دراستج سفر كولشي تحلمين بي ....
اني صفنت على سؤاله اليوم شجاه قاسم .....
صراحه هذا السؤال دائما اسأله لنفسي ودائما اتمنى يتحقق بس ولا يوم اجى على بالي انو قاسم يسألني هيج سؤال .....
اخذت نفس وكتله ماتزعل مني اذا جاوبتك بصراحه ؟
كال لا ابدا احبج لان صريحه جاوبيني بكل وضوح وصراحه ...
كتله قاسم اني اتمنيت اكمل دراسه وتمنيت اسافر وطبعا كل هذني احلام اي بنيه .....
اني عبالي انت راح تحققهن اليه وخاصه بدايه زواجنا من خليتني اكمل دراسه عبالي انت مختلف بتفكيرك عن ابويه ...
بس انت خليتني اكمل دراسه حتى اذا سئلوا مرتك شنو مكمله تكول الهم سادس يعني حتى لا تستحي مني لذالك خليتني اكمل دراسه .....
بس قاسم على الرغم من هذا كلت خلي اسكت واصبر وصرت ام على الرغم من صغر سني وسكتت حتى سكتت على غرورك وعلى وجبروتك كلت ميخالف يبقى زوجج...
بس قاسم صرت من انام بحظنك اخاف صار حظنك مصدر خوف مو امان بالنسبه اليه كثر الضرب خلت عندي كره وخوف منك ...
كل مرة من اباوع على نفسي اطلع عيوب بيه من وراك خليتني اكره نفسي على كثر ماتستهزء بيه وتقلد عليه ......
اني مااكدر كل مرة اسامح واني مو مثل امي ظلت تخدم بابا على الرغم من اسلوبه وحجيه على ماما بس هي ظلت ساكته واسامح بي ولا عبالك صاير شي ....
اني مو مثلها ولا عمري راح اصير هيج اني عندي مشاعر واحاسيس من تكسر بيه وتسكر مااراح اكدر اسامحك .......
اني كمت عن حنضنه وكفت كدامه ونزعت ملابسي وكتله شوف جسمي لو اختك اجتي وزوجها هيج مسوي بيها بدون ذنب شنو رد فعلك ؟ ...
هيج تعوفه مااطيح حظه .....
قاسم اني طابت نفسي منك .....
اخذت دشداشتي لبستها ......
هو كال انتي غلطتي واني غلطت واذا فد يوم مديت ايدي وضربتج معنها بنتي وادبج تر انتي حالج حال جهالي .....
كتله لا قاسم اني مو طفله ولا صغيرة اني كبرت اني مو صغيرة كدامك وتضربني ولو اني صدك مثل حبك لجهالك كان مامديت ايدك عليه ولا ضربتني ...
بس اني مضربه الك يمت مااضايج يمت ماامقهور تضربني ....
اني ابويه الله يرحمه هم رباني هم بالضرب مااحتاج اتربى من جديد لان تعبت افتهمت قاسم تعبت .....
كعدت بالكاع ابجي ومقهورة من حجيه كتله يربيني ياتربيه هذي بالضرب بالاهانه حتى كثر ماتقلل من احترامي جهالك صار ماايحترموني لان يقلدون ابوهم .....
كال اموتهم اذا قلد لو مااحترموا امهم ...
اني ضحكت بستهزء ....
هو كال مراح تنامين بحظني ؟
اني سكتت ومسحت دموعي ...
هو ضحك واجى كعد يمي باكاع وظل يبوس بيه نزعني ملابس وكلي ان شاء الله تنكسر ايدي اذا فد يوم مديتها عليج .....
شالني لجربايه وخلاني بحظنه ويبوس بيه ويعصر بجسمي يبوسني حيل ويباوعلي يشهوه ...
رفع ايديه وكام يتلمسني بجرائه ...
لزمني من ركبتي اخذ شفايفي بين شفايفه وايديه بشعري ووووووووو.....
كعدت الصبح جسمي متكسر بلكوه كعدت شفت قاسم ماموجود .....
لبست دشداشتي على السريع ودخلت لحمام غسلت وطلعت شفت الساعه بال١ ونص الظهر ......
عزززه كل هذا نايمه ....
نزلت شفت نور كاعده بالصاله وتضحك بستهزء وكالت شنو نزلتي ياعروس ماابقيتي لعصر ....
اجيت وكفت كدامها وكتلها انتي وحدة حقيرة وجلبه تفووو عليج اي والله ....
هي وكفت وكالت اكلي نعل ولج شلون تجاوزين عليه ...
كتله ولج ك***** شلون اتكولين لقاسم على مكان غشق مو انتي لوزيتي بعقلنا منا لمن شردت البنت ...
كالت والله ما الك***** غيرج لعد تريديني اكعد خدامه الج بالبيت محطمه لا طلعه ولا طبه عبالج اني مثلج ......
وبعدين اول عن تالي يلكوها ويزوجها لمالك انتي مااتعرفين قاسم لو اسوين روحي الفقيرة مااتعرف شي......
اني من حركه قلبي تفلت بنص كصتها ...
اشو هي هجمت عليه وجرتني من شعري واني مااقصرت بيها طلعت حركه قلبي لزمتها من كفشتها منا لمن وكع نص شعرها بيدي ...
وهي وكعت عليه وكامت اضرب بيه رجديات من لمن حسيت فكي انكسر ....
طببت اضافري بوجها وهي كامت اتعيط وتصيح ......
مااحسينا الا صوت هز البيت هز .....
وكفت نور واني هم وكفت شفت قاسم يابوعلنا وعيونه حمر من العصبيه .....
كال بصوت كالي شكوووووو اني مربي كح****** بالبيت صوتج واصل لسابع جار .....
نور ركضت لغرفه تبجي .....
هو اجى لزم ايدي قوي حسيت ايدي رادت تنكسر
جرني وراء وصعدنا لغرفه سد الباب حيل حسيته راد ينكسر .....
وكال اني البارحه شكتلج ؟....
اني سكتت....
هو صاح بعلوا صوته احججججججججي .....
اني حسيت نفسي فقدت السمع خليت ايدي على اذاني وكتبه قاسم قاسم بعد مااسمع يبووووو يمه تعالي شوفي بنتج بعد مااتسمع ......
هو باوعلي ومسح وجه بعصبيه وكال شو وخري ايدج خلي اشوف اذنج ....
كتله لا لا مااسمع بعد مااسمع صرت طرشه من وراك ....
هو رفع حاجبه.....
وكال هااا لعد شلون سمعتني .....
اني عضيت شفتي بخوف....
وكتله هاااا شكت هاااا احجي بصوت عالي خلي اسمعك .......
هو ضحك....
وكال هاااا يعني هسه مااسمعين موو؟.....
اني سكتت وسويت روحي ابجي وادردم عليه .....
مااحس غير لزمني من خصري ووخر ايدي من اذاني وهمس بااذاني ......
_________________________________________
عشق ..... ظليت اليل كوله كاعده مااكدرت انام خايفه لان مكان غريب عليه اول مرة انام بمكان غريب مابي ماما لو غرام ......
وفوكاها الباب مابي قفل ....
على الرغم كنت تعبانه ونعسانه وجوعانه بس مااكدرت انام ولا اتحرك من مكاني ....
شفت الساعه صارت بال٦ الصبح واني ميته من الجوع ......
طلعت من الغرفه على كيفي امشي على اطراف اصابعي كمت ادور على المطبخ شفت مرة واكفه بالمطبخ طبيت ....
كلت صباح الخير .....
هي اندارت ومبتسمه بنيه شابه حلوة كالت صباح النور اني مرام اشتغل اهنا اتفضلي محتاجه شي؟....
كتلها هلا بيج اني عشق .....
كالت اي ادري كال اليه استاذ مالك انتي زوجته اشرفت بيج والف مبروك على زواجكم منج العيال ومنه المال ......
اني رتبكت ماادري ليش وكتلها شكرا ......
كالت اتفضلي مدام كعدي اهنا اني كملت الريوك بس اكمل العصير الج .....
اني كعدت وماشاء الله انواع الاكل مااكدرت امد ايدي خجلانه وجهي نار احسه اني انسانه خجوله مو بسرعه اتعود على المان لو على الناس ....
خلت اكلاس العصير كدامي وكالت اتفضلي اكلي لان استاذ مالك طلع من الساعه بال٥ ......
كتلها تعالي اكلي وياي .....
كالت عذريني بس اني اكلت وياه استاذ مالك ...
كتلها اوك ......
اكلت كولش قليل صح اني جوعانه وصالي اسبوع تقريبا مااكلت شي بس خجلت اكل واستغربت المكان .....
شلت الاماعين ردت اغسلهن هي مااقبلت كالت هذا شغلي .....
صراحه البنيه كولش حلوة سمرة وطويله جسمها حلو عيونها صغار ومو كولش كبار خشمها صغير ومرتب يعني بنيه مرتبه حتى ملابسها كانت لبسه تنورة كولش ضيقه وكصيرة فوك الركبه وقميص مفتوح من الاكتاف والصدر .....
وفاتحه شعرها اسود قصير يعني تقريبا اطول من شعري يعني يوصل جوى كتفها ......
عرضت عليها المساعدة بس هي كالت مااعندي شي ...
راحت لغرفتي طلعت الفون وخابرت نور .....
الحمدالله جاوبتني .....
كتلها وينج نور من البارحه ليوم اتصل بيج ....
كالت والله مااكدرت اجاوبج عذريني ياروحي ......
كتلها امي شلونها ...
كالت باجر امي تطلع من المستشفى ان شاء الله .....
اني كمت ابجي كتلها مشتاقه لماما اريد اشوفها وانام بحظنها .....
كالت صبري حبيبتي صبري ان شاء الله تخلصين من الهم .....
كتلها الله كريم غرام وين؟ انطيني احجي وياها .....
كالت غرام نايمه يم زوجها هسه ...
كتلها خطيه الحمدالله اصالحوا .....
هي ضحكت وكالت والله البارحه لا اني كدرت انام ولا حتى بنتي من صوتها وضحكها عبالك كح****
يتبع ....
مسائوو بارت طويل اتوقع مااقصرت وياكم وحتى نشرت يوم السبت واذا اسئلون يمت التنزيل تقريبا يوم الثلاثاء رجائا بدون اعتراض لان انتوا تريدون بارت طويل واحتاج وقت حتى اكتبه
وشكرا ....
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
