اغضب كما تشاءُ.. واجرحْ أحاسيسي كما تشاءُ حطّم أواني الزّهرِ والمرايا هدّدْ بحبِّ امرأةٍ سوايا.. فكلُّ ما تفعلهُ سواءُ.. كلُّ ما تقولهُ سواءُ.. فأنتَ كالأطفالِ يا حبيبي نحبّهمْ.. مهما لنا أساؤوا.. اغضب! فأنتَ رائعٌ حقاً متى تثورُ اغضب! فلولا الموجُ ما تكوَّنت بحورُ..
كنْ عاصفاً.. كُنْ ممطراً.. فإنَّ قلبي دائماً غفورُ
( لشاعر نزار القباني )
غرام ......ظليت اكلب بصفحته منا لمن مليت طلعت كعدت نهى قريتها هي ملك منا لمن انشلع قلبي ...
انوب هم قريت حمودي وجهزت غراضهم وناموا ...
راحت لغرفه شفت عشق نامت طفيت الضوى وكعدت اكلب بالايباد ملل وماجايني النوم وتفكيري كوله بهذا قاسم ماادري مين طلع بهذا السفر هيج فجائه ....
دخلت اراسل صديقاتي فجائه وشفت رساله من شخص غريب راحت فتحتها شفت مكتوب مرحبا ..
دخلت لصفحته شفته نفسه حيدر لكنت الصبح اصفح بصفحته ....
شفت دزلي مرة ثانيه ليش ماتردين خما زعجتج ؟؟
كتبتله شتريد اخي ؟؟
كتب مااريد شي اختي اسف على ازعاجج بس من دخلت لصفحتج شفت رقمج ظاهر خاف ياخذوا سوي اله اخفاء ...
اني راحت راسن لصفحتي عززه صدك طالع رقم امي طبعا اني سويتها على رقم امي لان مااعندي رقم يعني لو شايفها قاسم يمكن هسه اتي ميته الحمدالله سويته اخفاء ...
واشكرت منه هواي وظلينا نحجي شويه منا لمن طفيت ونعست ...
اوك يمكن غلط من حجيت وياه بس حسيت اسلوبه كولش حلو ويضحك ويحشش يعني حباب كولش ...
ظلينا كل يوم نتراسل من الصبح ليل ونساهر لوجه الصبح هو مايعرف عني اي شي حتى كلت اله اسمي فاطمه بس يعرف عمري ...
هو كان صيدلاني وعايش بالشمال عمره ٣٣ سنه انسان كولش حباب ...
كنت اتراسل وياه وهو يدزلي صور مالته من هو بدبي
كال فاطمه شعجب يعني لهسه مامزوج يعني عمري تقريبا ٢٦ ( العمر مو حقيقي )
اني توترت وكتله ... ماكو نصيب شنسوي
كال مامعقوله انسانه مثلج راقيه ومااشفت بخلاقج ونزاكتج ولهسه مامزوجه ...
كتلها هههه بعد شسوي وانت ليش لهسه مامزوج
كال والله اتهيت بالدراسه والسفر ماكان بالي ازوج بس هسه جاي ادور على انسانه تناسبني
كتله ان شاء الله تلكي لتريح بالك
ظليت على حجي وسوالف ظل هو مااخذ عقلي مايمشي اليوم اذا ماايراسلني واذا مااراسلني اظل افكر بي واحسب الدقائق حتى يراسلني انعجبت هواي بي وبشخصيته ....
حبست نفسي بغرفه مالت عشق كنت لا انزل ولا اشوف احد حتى جهالي صرت مااهتهم بيهم ولا اقريهم ...
حتى من رجع قاسم من السفر ولا همني حتى مااطلعت سلمت عليه هو دز هديه بيد نهى اليه ولا فتحتها ....
صرنا اني وحيدر كولش مقربين من بعض كل يومه يسولفه اليه حتى على مشاكل اهله ..
كان انسان متحرر مو همجي مثل قاسم لا بلعكس كان اسلوبه حلو تعامله حلو......
كان اكو شي ناقصني هو كمله ....
بعد فترة ماتطول وعترفلي بحبه وكال اليه مالكي انسانه تفهمني غيرج واني مستعد اجي اخطبج ...
صراحه حسيت بفرح وسعادة لنفس الوقت حسيت بخوف من بعرف الحقيقه ويعوفني .......
كنت كاعده اشوف صوره ودخلت عليه عشق وجها اصفر ومتوترة حيل ماادري شبيها واني الصراحه اجاهلتها ماادري ليش هيج اصرفت بس كان عقلي مشوش حتى جهالي اطردهم من يجون يكولولي قرينا ماادري ليش حسيت نفسي رجعت مراهقه ...
اني مااحبيته لحيدر بس لكيت لشي لفقدته من قاسم الحب والحنان عجبتني شخصيته اسلوبه شلون يتعامل وياي مثل الاميرة او شي مميز عكس قاسم لحسسني اني خدامه او مااسوى شي وفعلا هذا الشي يعني من كسر ايدي راح جاب خدامه علمود ست نور واني شكد كنت اتوسل بي وهو كان يبيع مثليات براسي ......
زادت ثقتي بحيدر وجرئت وكتله كولشي عني كتله اني مزوجه وعندي جهال ...
مااكدرت اضم عنه حبيت اكول الها واريح ضميري مااتوقعت يستقبل هذا الموضوع هيج اول مرة اشوفه عصبي ويكفر .....
بقى يوم كامل ماايراسلني واني عبالك صار عندي مثل الادمان كل ثانيه افتح واشوفه دازلي لو لا ...
لو اظل اراقب حسابه يمت يصير نشط ...
ماادري ليش كنت هيج اسوي ماادري طول هذا اليوم ادمرت نفسيتي بنيت احلام انو يخلصني من قاسم اروح اهناك اعيش يمه وابدأ حياتي من جديد بس هسه كولشي انتهى .......
كنت كاعده بالغرفه وضايجه ومقهورة لان هذا ثاني يوم مايراسلني واني مااعندي جرائه اراسله دخل قاسم لغرفه تفاجئت بوجوده ...
جاب كرسي وكعد كدامي اني اتوترة حيل كمت ادفع بالايباد برجلي جوى المخدامه خاف يشوفه....
باوعلي وكلي شبيج ليش صايرة هيج...
كتلها مابيه
كال لا بيج غرام احجي كولي شبيج
اني ضجت كولش من حجيه عبالك ماايدري شبيه عبالك غشيم يسوي روحه مثل الملاك هو دمر حياتي وسرق مني شبابي ....
كتلها بنبرة حادة يعني مااتدري شبيه قاسم اني بعد مااريدك طلكني ...
هو ضحك وكال بابا كبري شبيج مخبله
اني نرفزني حجيه وكتله قاسم جاي احجي وياك بجديه احنا مااجاي نتراهم واني تعبت ومااعندي قدرة ابقى وياك ....
هو رفع حاجبه وكال منو محفظج هذا الكلام
كتله شنو اني زعطوطه كدامه ويحفظوني
كال اي واكبر زعطوطه لعد اكو مرة تكول لزوجها طلكني وهو جاي يصالحها بله ليش اطلكج معذبج اني اموتج حارمج من اكل من شرب حارمج من لبس من ذهب شو كولشي تريدي تاشرين بصبعج الصغير الف وحده تتمنى حياتج تتمنى تعيش بهذا العز وانتي فايخه لان فارغه مااشايفه القهر مااعايشه بالضيم مااشايفه الناس شلون تعيش روحي بابا انتي وحده زعطوطه حتى حرامات اضيع وقتي واحجي وياج ...
كتله يعني من انت حابسني من الطلعه فوك السنه من خليتني خدمه اربع وعشرين ساعده اركض مثل المطيه من تضربني وتكسر جسمي ومن تقلل من مقداري من تعاملي من الطفله ماافهم شي يعني شنو معنها تبطر لو شنو منو تتحمل عيشتي ...
كال من تصرفين برعونه ومااتفكرين بعقلج من تصرفين وتجاوزين مو بس اضربج هم اكسر راسج اني زوجج افتهمتي ...
كتلها اني مااريدك شنو هي كوه
هو كام وكال والله من زمان اريد اطلكج واخلص منج فد قندرة انتي بس علمود الجهال ....
عافني وطلع واني اتنرفزت هواي من طريقه حجيه وياي ضجت منه وضجت من حياتي وياه يعني يمت الله يخلصني منه شحجي على ابويه لورطني بااحد همجي ومتخلف
_________________________________________
عشق ..... نزلت كعدت بالحديقه وميته خوف جسمي يرجف ..
كان الجوى بارد ومغيم وامي ونور طلعوا لدكتور وغرام لزكت بالغرفه ماادري شبيها ...
كان البيت هدوء باوعت على المرجوحه افففف هاجت عليه ذكرتي ....
محمد ... اممممم
عشق ... حباب جاوبني انت تحبني
محمد ... ولج شكم مرة راح اكولها الا اطلع كدام الناس واصيح بعلو صوتي واكول ياناس اني احب واعشق واموت على انسانه اسمها عشق ...
نزلت راسي واحسه وجهي صار نار ...
باوعلي وكلي احبج والله وكل يوم احسب الساعات حتى اكعد الصبح واشوف وجهج الحلو كدامي ...
كتلها من يمت انت تحبني يعني من كنا اصغار احسك تكرهني ....
كال اي غير اشوف امي تهتم بيج انتي وغرام عبالي بعد ماتحبني هههه عقل طفل ...
اتفت باوع وراء واقترب عليه وهمس بصوت خدران حبيبتي ..
اني سكتت حسيت بتوتر بقربه مني ..
حسيت على ايده وهو يمشيها على ظهري خلى ايده عاى خصري وقربني يمه ...
وخر الشال من شعري اقترب مني وكام يبوسني من ركبتي بهدوء ورقه ....
فزيت من صفنتي على صوت الباب يندك راحت لبست العبايه لان ماكو احد يفتح الباب اني بالعادة مااطلع بس شسوي ...
صحت منو اجاني الرد صوت قاسم استغربت هذا شرجعه هو مو كال ابقى اسبوع ...
راحت فتحت الباب هو استقبلني بضحكه سلم عليه وسألني على اخباري وسأل على ماما كتله طلعت هي ونور لدكتور كال خير ان شاء الله وغرام شلونها كتلها زينه نايمه فوك تريدني اصيح الها ...
كال لا لا عوفيها اصلا اني صاعد اغسل ...
راح قاسم فوك وسمعت صوته هو والجهال يضحكون ويسولفون ...
عزززه كل مااحجي وياه هذا الانسان اتوتر واخاف ماادري ليش بس هو هيبته وشخصيته هواي تشبه بابا الله يرحمه ....
مر اليوم عادي وغرام ابدا ماطلعت من الغرفه حتى العشاء اني راحت انطيته الها ماادري شبيها تصرفاتها مو مقبوله يعني زوجها راجع من السفر غير تروح اشوفه اسلم عليه على الاقل اول هو غلط بحقها هواي بس مايصير هي هم تعاند وهيج تصرف ...
ثاني يوم كعدت بال٧ غسلت وبدلت واخذت غراضي وطلعت وياه الجهال شفت السيارة نفسها واكفه كدام المعهد مالتي ماادري ليش هيج اصرف يمكن اغبى تصرف سويته بحياتي بس ضوجني تتبعه اليه ضوجني مراقبته خلاني بتوتر دائما ...
اتقدمت على السيارة واني خايفه بس ليش راحت ليش سويت هيج اصلا مين اجتي اليه الجرئه علمود اسوي هيج ...
دكيت جام السيارة نزلهن مثل توقعي نفسه الشخص لكل مرة يلحكني ...
باوعتله بغضب وتوتر كتله اخي شتريد مني ليش اتراقبني عيب عليك هذي التصرفات واذا ماابطلت هذني التصرفات اني راح اكول لزوج اختي وهو يعرف يصرف وياك ....
هو باوعلي بثقه وبتسامه كال اني لو اخاف من قاسم اركض وراج ...
اني فتحت عيوني بتفاجئ وكتله شمدريك اسمه قاسم منو انت؟؟؟
كال شوفي يابنت الناس من النهايه راح انطيج خيارين منا لنهايه الاسبوع راح انتظر موافقتج واجي وانتظرج كدام المعهد ونطلع اني وياج ونتونس والله لتريدي يصير الج لان مالت رايح وجاي ماتعجبني على كولتج حركات مراهقين يااما اصرف وياج غير تصرف لا عبالج اخاف من احد لو مشجعه بهذا زوج اختج اعدمه من الوجود انتي بعدج ماتعرفيني حقج صيري اليه واخليج ملكه بس مالت تبعين براسي ثكل لا اصرف وياج تصرف مايعجبج صيري حبابه وانتي عجبتني ودخلتي تفكيري زين ياحلوة ؟ ....
اني انصدمت من طريقه حجيه المقززة وياي مااعرفت سنو احجي لو شكول لواحد مقرف مثله كتله انت شكد ماتستحي وماعندك اخلاق والسماء اقرب الك من طلبك وسوي لعجبك عبالك اخاف من وراحد زعطوط مثلك ...
شفته يريد ينزل من السيارة خفت راحت ركضت دخلت المعهد .....
عفته وراحت واني جسمي كوله يرجف من العصبيه الله ينتقم منه .....
ظليت طول الوقت دايخه واراسي يوجعني وجسمي يرجف اتصل مدير المعهد بقاسم تجى طلعني واني ارجف كلي اوديج الدكتور كتله لا لا بس رجعني البيت .....
رجعت البيت وتعبانه وخايفه بشكل فضيع ماادري ليش يمكن لان اول مرة اصير وياي هيج رجعت شفت مرة غريبه كاعدة تنظف بالبيت ياربي شنو صدمه فوك صدمه ...
صعدت بغرفتي نمت شفت غرام هم نايمه ....
كعدت الدنيا المغرب تقريبا الساعه بال٧ او بال٦ ماادري ...
حسيت راسي يريد ينفجر نزلت جوى شفت ماما كاعده ونور راحت اتمددت على رجلين ماما هي خلت ايدها على راسي ....
وظلت تحجي وياي بس مااسمعتها كان بالي وتفكيري كوله مشغول بهذا الحقير .....
ظليت تقريبا يومين مااطلعت من البيت ولا راحت محاظرات الخوف اكل قلبي يمكن مبالغه مني بس حسيت بخوف ...
امي ظلت تحجي عليه لان مااداومت وصدقاتي يخابرن يكولن فاتنج المحاظرات والامتحانات انجبرت ارجع اروح حتى محد يشك بيه ...
كعدت الصبح تقريبا بال٦ لان محاظرتي بال٧ شفت غرام كاعده اصلا ماانامت اليل كوله كاعده على الايباد وحتى مااعندي مزاج اسألها عن شي وخاص هي كولش قليل صايرة تنزل اغلب الوقت بالغرفه لو تقري الجهال وخاصه اتخبلت لان نور طلبت من قاسم يجيب وحدة اساعده بتنظيف البيت وكلته اني مااكدر انظفه وبيت جبير وغرام ايدها مكسورة فعلا ثاني يوم قاسم جاب وحدة تطبخ وتنظف منا لمن اكمل شغل البيت كوله يله تروح وهي هم النرة حبابه وصاحبه ايتام وامي كولش اساعدها حتى ملابس تشتري لجهالها وتنطيها ....
المهم راحت غسلت وطلعت ملابسي باوعت لغرام وكتلها مااتنامين شعندج كاعده مثل البومه ...
باوعتلي بنزعاج وكالت شعليج مانعسانه اصلا جسمي خدر من كثر النوم ...
كتلها بكيفج ..
اخذت غراضي وطلعت شفت ماما كاعده راحت بوستها وطلعت ...
كمت امشي والتفت امشي واتفت خاص الشارع فارغ وباردة محد يطلع ...
قريب مااريد اوصل لمعهد الا واشوف سيارة جبيرة شحطت كدامي اني جسمي اجمد بمكانه وقلبي يدك سريع لحظات واشوف نفس الشخص نازل من السيارة واكف كدامي ..
اني بلغت ريكي وكتله بصوت يرجف شتريد ...
هو بتسامه خبيثه لزم ايدي حيل وضربني بشي على راسي صار الم قوي براسي وكولشي كدام عيوني نقلب اسود .....
يتبع
السلام عليكم شلونكم حبايبي عساكم بخير وصحه وعافيه طبعا حبيت اكول غرام صح غلطت بس ياريت تفهموها هي مرت بمرحله طيش مااعرفت شنو تفكر ولا عرفت شنو الغلط من الصح هي رادت مكان امن الها مكان يحتويها ياريت تفهمون ..
وياريت هم تتفاعلون حتى انزل بارت وشكرا
مع السلامه
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
