عوفني تعبت من وراك الى متى هاا ..
الى متى تبقى بظلمك هذا الى متى تبقى بجبروتك
شوفي ربي شلون راح يكسرك على كل مرة لمستني على كل مرة جرحتني ...
انت ماتخاف الله شوف جسمي شنو سويت بي شلون ....
روايه حقيقيه
وفي كل مرة أظن فيها أني نسيتك أو أني قد تجاوزتك أو اعتدت الحياة دونك، يأتي صوتك ليثبت لي في كل مرة أنه لا عاصم من حبك إلا الله »
زينه :ضجت هواي من اسلوب دكتور كمال وياي على اي اساس يحجي وياي هيج كتله استاذ اني لبسي مستور وثاني شي اتوقع انت مديري تحاسبني بس على شغلي مو اتحاسبني على لبسي اني اشكرك انت واهلك الكم فضل عليه بس مو معنها تحاسبني وتحجي وياي بهذا الاسلوب لان اني جاي اشتغل بشهاتي هو باوعلي ودمراته طاكه ويصك على سنونه كلي امشي طلعي بره يله وخلال نص ساعه اريد الملفات مال المرضى كلهن ... اني طلعت وكولش ضجت من اسلوبه ذكرني بسلوب فهد وحقارته راحت لحمامات وكعدت ابجي واني اذكر شلون كان يعاملني فهد وسلوبه وياي ماادري ليش هلكد بجيت وتاثرت بس اتمنيت فهد وياي هسه على رغم كولشي سواء اليه بس روحي وكلبي متعلق بي مشتاقله لحضنه ولصوته الرجولي وهو يهمس يم اذاني شجاك ياحظي ليش هيج والله حبيته وخليته بعيوني كان مايكدر ينام اذا مو بحظني تالي ذبني اني وابني كمت غسلت وجهي وعيوني صارن حمر من البجي طلعت وبديت شغلي كولش ممل بس اعرفله لان بدايه تعيني هم كنت اشتغل هيج خلال نص ساعه كملت كل شغلي راحت لغرفه استاذ كمال دكيت الباب كتله اتفضل استاذ هو ظل مصدوم كلي شلون كدرتي اكمليهن كلهن بهذي السرعه اني سكتت هو صفن شويه وكلي اعتذر منج مااقصدي احجي وياج بهذي الطريقه بس هذا النجف مو بغداد اني كتله واني ادري هذا مو بغداد واني محترمه نفسي ولبسي مايحتاج اذكرني دكتور كتله تسمحلي اطلع كلي اتفضلي واذا ماعندج شغل اكدرين اترجعين لبيت كتله شكرا دكتور راحت كملت شكم شغله لحد الساعه بال١١ كملت كلت خلي اخذ اكول اله حتى اطلع راحت كتله تسمحلي دكتور اطلع كملت شغلي كله كلي اي اتفضلي كتله مع السلامه كلي الله وياج طلعت من باب المستشفى اذكرت صالي اكثر من شهر ماسويت سونار ولا شفت حال ابني بس كلت مااريد بالمستشفى احد يدري خلي اروح لدكتورة خاصه احسن راجعت مشي وتعبانه ظهري انكسر هو صح المستشفى مو كولش بعيدة عن بيتي بس الحمل كولش متعبني فااحسن ارجع مشي من اخذ واحد تكسي لان اخاف مشيت شفت واحد يبيع فواكه وخضراوات بسطيه دائما اشتري منه احسن مااروح لسوك بعيد وكفت اشتري شويه فواكه وخضروات والرجال جبير بالعمر كولش حباب انطيته فلوس وشلت الغراض ثكال هسه اني شورطني وشتريت هلكد وهو ظهري مكسور كمت بالكوه امشي سمعت على واحد بصوته الرجولي من وراء يكلي الله يساعدج اختي انداريت شفت هذا الشاب الذي دائما يساعدني وثاب اسمه كتله الله يساعدك خويه كلي انطيني اساعدج كتله لا خويه تسلم اصلا وصلت كلي لا والله الا اساعدج اخذ مني المسواك ويمشي كدامي انتبهت عليه ذالك الطول الحلو والقميص يريد يطك من عضلاته وشعره اشكر ورافعه ليفوك الله يستر عليه شلون حلو هو خلى المسوك كدام الباب مال البيت وسلم عليه وراح اني طببت المسواك عفته بالمطبخ وطببت غسلت ولبست تراك وبطني مبينه شويه على الرغم اني بالشهر الثالث بس بطني كولش صغيرة كلت العصر اروح لدكتورة حتى اتاكد من صحه ابني راحت سويت غذاء واكلت شويه ولفيت راسي ونمت كعدت العصر تقريبا الساعه بال٥ على دكت الباب لهسه كلبي يدك من الباب يندك اكول هسه فهد يجي ياخذني راحت اركض فتحت الباب حتى بدون مااكول منو فتحت الباب طلع كدامي وثاب ظل صافن عليه واني يبوووو على الفشله راسن سديت الباب بوجه لان طلعت بدون ربطه او عبايه واني كنت لبسه ترك وحصر على جسمي راحت راكضت جبت عبايه فتحت الباب هو كان منزل راسه كلي السلام عليكم خويه كتله وعليكم السلام كلي اتفضلي هذا ثواب امي دزتله اخذته من ايده وشكرته بس ياربي شكد عيب من الرجال طلعت هيج هسه شكول عليه راحت خليت الاكل بالمطبخ وكعدت على التلفزيون لان فات بعد الوكت على الدكتورة واني مااريد ارجع باليل اخاف .. ____//_______///________//________________ يمه وثاب ابوس ايدك ساعدني والله هذا ولدي الوحيد ماعندي غيره وثاب/ حجيه ابنج غلطان هو راد يكتل واحد وبلكوه نقذوه واني مااكدر اساعده بشي /يمه ابوسن ايدج ساعده واني انطيك الكدامي والورايه بس ساعده وثاب / يمه هي مو علمود افلوس بس اهل الولد مايقبلون يتنازلون على المحضر / لعد شلون يمه اني معتمده على الله ثم عليك وثاب/ هاهيه يمه كومي روح لبيتج وباجر الصبح اني اروح لمركز الشرطه وبلكت الكي اله حل توكلي على الله السلام عليكم خلي اعرفكم على نفسي اني رائد وثاب سليمان اني عمري ٣٦ سنه اني شخصيتي غصبي وكلمتي مااصير اثنين وتنطبق على الجبير قبل الصغير اني مزوج من بنت عمي سمر عمرها ٣٠ سنه عندي بنيه وحده منها لان سمر مريضه بالقلب لذالك مااخلفت منها الا بنتي نور وهي صدك نورت عمري وكل حياتي هي نور عيوني اني ازوجت سمر بدون حب وخرابيط زواج تقليدي اصلا فترة خطوبتنا مااطولت غير اسبوعين وراها ازوجنا اقدرها واحترمها لان هي خوش مرة بس عدها طكات ودوم تتعارك وياه النسوان وماتوب شكد الزمها واكتلها ابدا ترجع وراء اسبوع تتعارك .. قبل فترة اجتي لمنطقتنا بنيه بس سبحان لربي لخلقها شايله حسن وجمال بحياتي مااشايف هيج بقت هذا البت براسي بس استغربت شلون عايشه واحدها لا اهل لا شي مرة كنت راجع من الكهوه وياه اصدقائي الظهر واشوفها شايله غراض كومه اباوع لخدودها تفاحه وحمر من الحر ردت الزمها واعضها من خدودها افففف ياربي استغفر الله ماايصير حرام اباوع على عرض غيري بس هي بقت عقل براسي طلبت اساعدها وصلت الها المسواك كدام الباب وعفتها بسرعه يعني لو اضل دقيقة والله الزمها اكلها كمت اتحجج حتى اشوفها لو اسمع صوتها لو من طلعتلي بهذا تراكها تخبلت ظليت اليل كل مانايم افكر بيها اتخيلها يمي اووويلي ياربي شلون جسم عليها مال كرط ...... ثاني يوم راحت لمعسكر وبقت هذا البت بعقلي بس ردت اعرف اي شي عنها راحت لصديقي كتله اريد معلومات كامله عنها وصدك مااطول اسبوك وانطاني المعلومات عليه باوعت على معلومات ونصدمت شنو معقوله هي مطلقه .. يتبع السلام عليكم طبعا اسفه عن الانقطاع بس صارت حالت وفاء واعتذر منكم مااكدر اكتب وان شاء الله اعوضكم بالايام الجايه اريد منكم تفاعل يشجعني اكمل الروايه وشكرا صورة وثاب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
