ترك بصماته على جسدي

البارت الثامن من الجزء الثاني

آه يا قلبي يا لك من صبور على الحبيب لا تجور رغم ظلمه الكثير وجرحه الكبير الذي لا يندمل ولا يزول ما زلت تحبه رغم كل الشّرور ما زلت تعشقه رغم الجور والفجور ما زلت تحنّ إليه رغم ما فيه من غرور قلبي، ويحك قلبي إلى متى، إلى متى؟؟ أخبرني بالله عليك إلى متى؟؟ هذا الصّبر وهذا الجَلَد والتّحمل إلى متى هذا السّهر والتّأمل؟ إلى متى هذه المعاناة والتّذلل؟ كُفَّ عن هذا، كُفّ فاكره كما كرهت واهجر ما هجرت وعذّب كما عذّبت واظلم كما ظلمت واجرح كما جرحت فلقد عانيت كثيراً وصبرت كثيراً وكثيراً على حبيب لا يعرف للحبّ معنى أما آن لك يا قلبي أن توقف كل هذا؟ فبالله عليك يا قلبي كُفّ!
( لشاعر نزار القباني )
غرام ... بعد مااطلع قاسم من الغرفه تنرفزت هواي من حجيه ومن تصرفاته ظليت ادعي عليه الله ينتقم منه شورطني وياه الله يرحمك يابويه مااريحت وحده بينا غير نور شحجي عليك هم مايصير ...
امداه حطي مااكاعد بشي عبالي قاسم عون طلع فرعون ساعه السوده عليك ان شاء الله هسه مااتموت واخلص منك شو اشوف كومه قضاه يموتون يغتالوهم مجرمين الا انت واكف مثل العظم بالبلعوم ......
سمعت رساله اجتني راسن كمزت على الايباد يمه قلبي رساله من حيدر ....
💬 سلام
جاوبته وعليكم السلام شلونك
💬الحمدالله اخذت هذني اليومين افكر صالي يومين مااكدرت انام تعودت احجي وياج ليش ضميتي عني هيج لهدرجه زوج كدامج اني ؟؟
كتله لا والله ماادري كولشي صار بسرعه مااعرف اني غلطانه اصلا مااردت اسوي هذا الشي كولشي صار فجئه عبالك اني بحلم
💬ليش تخونين زوجج تدرين هذا الشي حرام ويعتبر زنه
كتله اي ادري بس زوجي قاسي وظالم محول حياتي جحيم ضيع عمري وشبابي وياه اني انجبرت عليه ماارته ابويه الله يرحمه هو جبرني عليه زوجي ماايفهمني محسسني مااعندي عقل لو زعطوطه كدامه .......
💬 هذا مو سبب يبرئج زين اسألج سؤال زوجج عنده وظيفه ؟
كتله اي 
💬 حارمج من لبس من اكل
كتله لا بس هو حارمني من الطلعه صالي فوك السنه مااطلعت من البيت وشفت العالم
💬 اوك زوجج يشرب؟  يضرب جهالج ؟مقصر عليكم شي بالبيت  ؟ خاينج ؟
كتله شنو قصدك من هذي اسألتك ؟
💬بس جاوبي
كتله لا ماامقصر بشي ولا مسوي شي من هذا الكلته
💬كال تدرين لعد اكو نسوان زوجهن يشرب يلعب اقمار يوم ياكلن عشره لا ظلم وضرب وقهر ابسط شي محرومات منه لبس ماعدهن زين عوفي كول هذا لعد لو تدرين اكو ازواج يطلعون نسوانهم يجدن من الشارع لو يشغلوهن بدعارة المهم يحصلون من وراهن فلوس ...
انتي لو بس تدرين الناس شلون عايشه بهذي الدنيا كان كلتي الحمدالله لج اني من اطلع اساعد الناس اشوف اشكال يوكف عقلج اخر مرة اجتي بنيه عمرها ١٥ سنه الموسسه بايعها ابوها بمليون دينار لواحد شايب عمره ٨٨ سنه وكل يوم ولده لهذا الشايب يعتدون عليها غير الضرب والاهانه
( ملاحظه مااذكرتها بالبارت القبله حيدر هم يشتغل بموسسه لمساعده المحتاجين وكفاله الايتام )
يله هسه تقارنين مشاكلج بمشاكلهم  بابا شوفي مشاكل العالم وبعدين تعالي احجي بمشكلتج اني حبيتج ماانكل هذا الشي والله شاهد عليه حتى اهلي يدرون بيج وحاجي عنج كدامهم ...
اكدر اكولج يله ميخالف اطلقي من زوجج وتعالي ازوجج بس يعني انتي جهالج مايوكفون بعينج تكدرين تعوفيها اذا تكدرين من باجر اجي لبغداد اوكل الج محامي اخلي يطلقج ...
كتله لا بس يعني كلت اخذهم الجهال هو مو حضانه الجهال لام ...
💬اوك كوليلي زوجج شنو يشتغل ؟
كتله قاضي ....
💬انتي من كل عقلج بابا هذا مايخليج تشتمين اضفرهم شوفي اني مااريد اضحك عليج اني من البدايه كتلج اني مااضحك على بنات العالم جاي اكول الج الصدك والواقع لا عبالج العراق بعد بي عدل ونصاف لا صرنا مثل الغابه القوي هو لفوز لا تتوهمين لو احد يضحك عليج خلي عقلج براسج اني اوكف وياج لو اخر يوم بعمري بغض النظر عن كولشي اني صح حبيتج وتعلقت بيج بس لحب يريد المصلحه لحبيبه وانتي بعد فكري واني وياج باي خطوه تاخذيها لا عبالج انتي وحدج لا اني ظهرج واكف وياج .....
كتله شكرا واسفه لان سويت هيج بيك مااقصدي والله كان تفكيري مشوش ردت اطلع باي وسيله من هذا الشي  العايشته والله اني تعبت ونفسيتي تعبت من حياتي اني هم حالي حال اي بنيه اريد اطلع واطب اسافر اكمل دراستي واشوف حياتي مو كاعده بالبيت علمود اخدم ومحد يكولي كلمه شكرا فوك كل هذا احصل الذم حيدر دائما هو يفشل بيه يرزل بيه عبالك كدامه طفله عمرها عشر سنوات اني تعبت من هذي الحاله احسه كل باب اريد افتحه يطلع مسدود بوجهي .......
💬مو شرط اكون حياتنا مثاليه كلمن وعنده همه هذا اني كدامج مو اضحك واسولف وعبالك مااعندي هم بالدنيا غير السفر بس لا والله لو تدرين كميه الحزن لشايلها بقلبي تكولين الله يساعدك اني اختي عمرها خمس سنين ماتت محروكه كدامي ابويه انتحر بعد سنه من وفاة اختي لو امي عاشت فترة كئبه وصارت شبه مجنونه كل يوم تطلع لشارع وتصيح لو خواني لكعدت اربيهم واقريهم وصرت الهم اب وام واني كل عمري ١٦ سنه ...
شوفي خلي اكلج لا تكولين اني مااحسه بوجعج لا ادري ماايحس بالوجع غير العايشه ...
شوفي كعدي وياه زوجج وفتهمي منه شوفي شنو يريد ليش هيج يصرف اتفقوا شوفوا حل لا تبقين انتي معاندة وهو معاند ويروحون الجهال ضحيه لعنادكم يوم انتي تنازلي يوم هو لا تتهورين عيشي لنفسج وبعدين انتي مو كلتي امج عايشه وياكم تقبلين تتبهذل بهذا العمر اظل تركض وراج لو وراء اخواتج افتهمتني؟
كتله اي افتهمتك حيدر اني اسفه انت انسان مااشفت بطيبته من قبل نيالها لتصير من قسمتك يمكن هو هذا دوري بالحياة اضحي يله ميخالف الله يوفقك وين مااكنت وشكرا هواي الك
💬لا تشكريني اني ردت بس تصحين لنفسج ولا تعيدين اغلاطج واني دائما بظهرج وراح ارجع اعيدها لو الف سنه وهم تراسليني وكوليلي حيدر اني محتاجتك اجيج انتي عزيزة بقلبي بس مع الاسف ماصرتي من قسمتي
غرام...
ودعت حيدر وحسيت هذي اخر مرة احجي وياه انسان حباب ومثالي احسه هو هذا فارس احلامي هذا الانسان لكنت احلم بي يله الحمدالله على كل حال حضرته لان خفت من قاسم خاف يشوفه بس حافظه رقمه هو انطانيا قبل لا يروح كال خاف تحتاجين شي ....
مسحت المحادثه والفيس جريت نفس عميق حسيت رجعت لحياتي لقبر لكنت عايشه بي على لاقل مراسلاتي وياه حيدر كانت ادخلني لحلام ورديه لامل انو اعيش مثل اي انسانه اجرب الحب  افففففف امداه حظج ياغرام هو وين يكعد ....
شفت محمد دخل لغرفه هو مطنكر كتله شبيك ...
كال الايباد مالتي ماموجود واليوم خميس كال بابا عادي العب بي ...
كتله ماادري روح شوف ابوك خاف مااخذه هو مو دائما ياخذه ويضمه حتى تقرء يمكن يمه ...
كال لا هذا وراج انطينا يللله
كلت بقلبي ساعه السوده اني صالي ساعه اكذب عليه وهو شافه ...
كتله لك محمد اني صح عندي بس اني اخذته لان انت صاير كسلان من وراء
هو كام يكمز ويبجي ويصيح الا اكول لبيبي عليج
كتلها هاك ساعه السوده عليك ابن الزفرة طالع على ابوك ...
اخذ الايباد وراح يركض لغرفه زين مسحت كولشي منه  ....
باوعت الساعه بال١٢ الظهر وراسي يوجعني اصلا صار اليه يومين مانايمه ....
خليت راسي على المخدة وراحت بسابع نومه . .....
كعدت على صوت عياط وهوسه انهبطت جسمي
جمد بمكانه ...
________________________________________
عشق ....... فتحت عيوني واحسه راسي يريد يطك شفت نفسي نايمه على القنفه بس وين اني شنو جابني لهنا ....
حسيت الباب انفتح شفت هذا الجلب داخل الشقه وشايل وياه علاليك كبار اني راسن وكفت على حيلي ...
كتله بصوت يرجف ش شنو تريد ...
هو بتسم وكال سكتي جبتلج غراض يجننكعد كدامي وكام يطلع من العلاكه ملابس نوم يخزن بحياتي مااشايفه هيج وادوات جنسيه وعرك ومكسرات وحتى هيج كيس صغير عبالك مخدرات ....
الخوف اسابق لقلبي وحسيت عبالك اني بكابوس ظل جسمي يرجف واحسه اطرافي صارن ثلج ...
دموعي كامن ينزلن وهو كاعد يرتب بالغراض ويختار اليه شي البسه من هذني الملابس الوسخه ....
وكعت يم رجليه وكلت اله ابوس ايدك الله يحفظك عوفني ابوس ايدك عوفني ...
هو ضحك وكال ولج من كل عقلج اعوف هذا الكيمر لكدامي ....
باوعت لنفسي شفت عباتي وشالي ماكوو باقيه بس بنطروني وقميصي ......
عض شفته وكال اليه حبيبتي كومي لبسي هذا اريدج اليوم ادلليني ...
اني عطت بوجهي حسيت اعصابي نهارت الخوف اكل قلبي عبالك مو صدك الجاي يصير وياي .....
كمت اصيح بصوت عالي سسسسسساعدوني ياناسسسسسس.....
ظليت اصيح منا لمن حسيت صوتي راح وهو كاعد كدامي بكل ثقه ولا يهمه ...
باوعلي وكلي كملتي حبيبتي خما اجيبج بمنطقه بيها ناس غبي اني جبتج اهنا حتى نستمتع اني وياج على راحتنا يعني لو اصيحين منا لباجر محد يسمعج فلا اتعبين نفسج صيري حبابه وكومي بدلي ....
كتله انت مخبل انت مخبببل شتريد مني الله يخليك عوفني ...
هو كال يوووووو شوفي لا تبدين تنوحين كتلج اريد اعيش ليله حلوة وانتي كاعده تنكدين علينا تكومين تبدلين لو اني ابدلج ...
هو بدأ يتقرب عليه واني ارجع لوراء وكعت يم رجليه وظليت اتوسل بي وابجي من اصعب لحظات حياتي حسيت بخوف وعجز فلا صاير اتمنيت من الله ياخذ عمري.....
كام يقترب مني ويجر بقميصي يريد ينزعني واني ادفع بي وابجي واتوسل بي هو يضحك ولا يهمه ...
الى ان شالني وذبني على القنفه ( تخم ) كعد فوكايه ولزم ايديه وصعدهن فوك وكام يفتح بقميصي واني ابجي واحرك بجسمي حتى يبتعد عني بس لا مثل الحايط ونظراته افترستني .....
وطول الوقت كان موبايله يدك ويدك من ان مل فتح الموبايل وظل يغلط ويسب واني اصيح معقوله يعني هذا المتصل مااسمع صوتي ....
هو كام عني باوعلي بنزعاج وكال دقيقه واجي اريدج تبدين وتنتظريني بس اتصل بشخص واجي هااا لا اصيحين ولا اتعبين نفسج هذي العمارة كلها مالتي ومابيها احد غيرنا لو اصيحين منا لباجر محد يسمع صيري حبابه وانتظريني ....
طلع الحقير واني كمت اتنفس بصعوبه كمت راكضت بالشقه دخلت لمطبخ دورت سجينه لو شي حاد مالكيت فارغ المطبخ  ....
دخلت لغرفه شفت كولها ملابس بالكاع عبالك شقق مالت ك*****  ظليت ادور بالغرفه وجسمي يرجف وخايفه باي لحظه يدخل عليه ...
شفت بلكونه راحت فتحتها شفت المسافه مو كولش بعيدة يمكن ثالث طابق لان جوانا شقتين باوعت لمسافه يمكن اتكسر لو اموت لا مو مالت اموت بس يمكن جسمي يتكسر بس احسن ماينوخذ شرفي من واحد حقير وجلب ....
غمضت عيوني وشمرت نفسي من البلكونه ....
ماادري بذيج الحظه شنو صار بس حسيت جسمي كوله تكسر بس خوفي كان اكبر وكفت على رجليه طبعا مااسولف عن الوجع يمكن اثنين رجليه مكسورة من كد الوجع الشفته وقفصي الصدري موتني من الوجع ...
ظليت امشي واسح بروحي وكل ساعه اباوع ورايه الطريق مابي احد لا بيوت ولا محلات فارغ عبالك منطقه صحراويه مكان يخوف والدنيا مغرب ...
عززه بعيني هسه اهلج شجاي يسون امي خاف صار بيها شي ....
ظليت اسحل بنفسي لحد نهايه الطرق شفت كدامي طريق عام وبي سيارت حمدت الله وشكرته ....
كمت امشي على الرصيف واشر لسيارت محد كان يوكفلي كلهم كان يشوفوني بس يخافون كان وجهي كوله دم وايديه كلهن مشخطات وبيهن بقع دم شعري منكوش .....
كانوا يخافون مني خاف اورطهم لو شي ...
كنت خايفه خاف هذا الجلب يلحكني شي اكيد هسه حسه على غيابي  ......
ظليت تقريبا عشر دقائق واكفه محد واكفه وساعدني  لمحت من بعيد سيارته ماادري حقيقه لو تخيل ...
ظليت اركز بيها اي والله هي هي نفسها سيارته المظلله ...
كلت بعد مااكو حلو لو اموت ولا ياخذ شرفي هذا الحقير  .....
اشهدت وشمرت نفسي كدام سيارة جبيرة خليت ايديه على راسي وعمضت عيوني  ......
_________________________________________

يتبع .....
صباح الخير والعافيه عليكم شلونكم حبايبي عساكم بخير وصحه وعافيه طبعا اليل كوله كعدت اكتب الكم البارت وانشره وها لا تكولون قصير البارت لان هذا البارت بعد بي جزء ثاني تمام ؟
مع السلامه قراءه ممتعه