تيجان من النار

تيجان من نار

تيجان من نار

الكاتبةchra kirkuki

نبذه عن القصه

اجواء ممطرة رعد وبرق ليالي الشتاء الطويلة واقفة بشموخ
مركزه نظرها على لاشئ وايدها
لازمه الشال المغطي فستانها الاسود المخملي سمعت طرقات الباب ودخول صاحبة الطرقات بدون ان تلتفت عرفت منو هي بنبرة هادئة شنو جابج

مكدرت انام ادري بيج متحبين هالاجواء مادري جيت اتشمت بيج لو
اطبطب عليج واكولج انسي انتهى راح ولى

ماكدر انسى حاولت اهواية ياريت انسى لحد الان ترن بأذني صوتها وهي تكولي انتي امهم لحد الان ترن بأذني صوته وهو يجاوبها جنت اضحك عليها لحد الأن اتذكر صوت السيد وهو يكولي موافقه عليه واني حايرة شجاوبه

مكدرتي تحبي رغم تركني وخاب ظني بي مرات اكرهج لان اخذتي مني حرمتيني منه خليتي يعزل فراشه عني حبيته اكثر منج بس اختارج

مقصرت وياج بشي الحياة اخذ وعطاء انطيتيني واخذتي مني بالمقابل لو لاي جنتي هسة بالشارع مو عايشة بهالقصر انطيتج اعز مااملك مبخلت عليج بشي

مقصرتي ودائما جنتي احسن مني هو جان يشوفج بهالشكل علمود هاي سجل بأسمج كل املاكه الله يرحمه يكفيني مامتت واني مسامعة كلمة يمه

حركت جسمها بأتجاهها احنا مالنا غير بعض ولو انتي مقصرتي غدرتي بيا زمان بس عرفتي حياتج ويايه مضمونه تعبت لحتى وصلتكم لهالمستوى تجاوزت عقبات وشفت اهواية غدر بحياتي مسقطت جنت اكوم وابدي من جديد علمودج وعلمودهم

وانتي معتبرتنا من ضمن اشيائج وتقررين وتحددين مصير كل واحد فينا بمزاجج اني اعرف نفسي شنو بالنسبة الج اخوانج وجهالج شنو تعتبريهم عزيز

سندي

محسن

صدر الحنون

زياد

رفيق الروح

نادر ابنج

وكفت دقيقه صمت قبل لاترد عليها تعرفي اكثر مني تربيتج

اعرف شتكولين عنه طير حر وجواهر بنتج

بآسى جاوبتها فراشه بدون اجنحة

ادري تلوميني على حياة نادر وزياد وجواهر ربيتهم عكسج

انطيتج فرص اهواية شنو صار زياد كل يوم مسافر من دولة لدولة محد يكدريلزمه ويربطه شايل نفسه من اي مسؤولية لان يدري انتي بظهره اما نادر هج من ورا زواجته الغير متكافأة وجواهر اخ من جواهر زوجتي لابن اخوج العاق على عنادي وبالتالي دمرتيها بسبب عقلج الصغير وحبج لأهلج الوحوش