تيجان من النار

الشعلة الحاديه عشر

تيجان-من-النار ۱۱

الكاتبةchra kirkuki

عزيز : صرنا بالشارع ماكو مكان يلمنا ونعمة تورطت بالليل تدخلنا والصبح نطلع من بيتهم مثل الحراميه نبقى بالشارع طول النهار جنت خايف على رحمة من الناس رحنا على بيت عمي من جديد حتى نشوف بيبي ماكو دزينا خبر بيد السايق يوصلها وبعدنا ننتظر فتحنا باب التركة الغرفه نصها مهدوم ونصه باقي رحمة اني اشيل الاحجار الجبيره وانتي ومحسن نظفو الاوساخ فرشنا وخلينه بيها الغراض بارده كلش جانت بالليل قررنا ننام بيها صوت الجلاب خلونه فاتحين عيونه بكل لحظه احس يهجمون علينه وياكلونه متعودين يجون على التركه ياكلون النفايات اللي يذبوها الناس حضنه بعض ثلاثتنا قررت ادور على شغل حتى لو عامل ميهمني

رحمة : لبست محسن واخذه عزيز للمدرسه طلعت من الغرفه الوصف الدقيق الها خرابه رحت اشوف امي حتى لو طردوني كلت بكلبي اعاند واشوفها  زوجها واكف يدخن بالباب  ردت ارجع صاحني تقدمت بتردد جرني وباوع بوجهي

لعد هذا المن طالع جنه قرد واخوانج يشبهوج مو

رحمة: جاوبته بأستغراب من مسكته ونظراته اي مفتهمت منو يقصد بالقرد دخلني للبيت وطلب مني ابقى يم امي وانظفها العجوز كاعده تتشمس وكدامها جهال صغار تنظف شعرهم وتمشطها سمعت صوت طفل قريب من غرفه اللي متواجده امي بيها الباب مفتوح بنات يدخلون ويطلعون دخلت امي بالفراش كالعاده تقربت منها بستها ومسحت وجها بوصله جانت تعرق

ام رحمة : جيتي حبيبتي خفت اموت وماشوفج سامحيني كولي لعزيز ومحسن يسامحوني تمنيت اشمهم واحضنهم رحمة تسمعيني

رحمة : بدموع لاتحجين هيجي ماعدنا غيرج يمه محتاجتج اهوايه كومي على حيلج انداريت طفل ملفوف بعيد عنها كمت وهي تحجي مشتاقه لعزيز ومحسن. بيد وحدة من بنات زوجها ركزت بطنها نازل شفت الطفل فرحت كلش طلبت منها تنطيني احضنها كأنه مصدكت ذبتها بالكاع وراحت شلته صغير كلشي بي اصابعه عيونه خشمه بسته من كل مكان يمه هذا ابنج

ام رحمة : اخوج يمه رحمة جيبي وتقربي مني هذا اخوج مثله ومثل عزيز ومحسن ماعليج بأبوه

رحمة : يمه حبيتي وتزوجتي يستاهل عفتينه علموده كأنما جنت احجي واعاتب نفسي من حبيت مسعود وخذلني

ام رحمة : كبرتي رحمة مو ذيج البنيه اللي جنت امشطلها شعرها واسويلها ظفاير خدعوني خالج وزوجته تزوجت لخاطركم محبيت بحياتي غير ابوكم باعني خالج برخيص جنت اتصور راح اخذكم ونعيش ببيت ونخلص من منيته متوقعت يذبحني ويبيعني ويبعدني عنكم ومن يجي لبيتي يطمني عنكم انطيله فلوس وغراض يكول ممقصر وياهم زوجني لجلاد ميعرف شنو معنى بشر معيشني مثل حيوانه