#تيجان-من-النار ٥٩
الكاتبة chra kirkuki
بان : حبيت اغير جو دائما جانو البنات يتفقون على طلعات ومطاعم جنت اعتذر حجيت وياهم لان عندي مجال وخميس وجمعه كل وحدة تعذرت بشغله
بان منتظره طول الاسبوع ينزل زوجي واسهر ويا يادوب الحك اروح ارتب البيت واطبخ
عندي خفاره اروح ارتاح واطلع وياجهالي شويه
طالعه ويا زوجي مسويتله مفاجأة عيد زواجنا غير
صدك جذب بان عدكم مزرعه شكبرها ليش متروحين تتونسين قبل كم يوم مرينامن يمه تخبل ماشالله
بان : حسيت بخيبة كلهم عدهم حياة خاصه محد يفضل الاصدقاء على عائلته ركبت السيارة اريد اشغلها شفت فرات بحضنه ابنه وماسك ايد زوجته مبين حامل حجاب كامل انيقة حلوه مناقصها شي لعد مو جان يحجي بالحرية شنو هالتناقض خليت راسي على الستيرن ابجي شنو استفاديت اصدقاء لحظات وتمر وعود مزيفه محد يظل ويستمر غير العائلة كوة وصلت للبيت وينها الحياة اللي جنت اتخيلها مو حرة هسة وين السعاده رؤى كاعده تباوع على التلفزيون امي بيدها السبحه وفكرها بغير مكان كعدت يم رؤى شعجب مرايحه للدوره
رؤى : بملل خميس ماعندي دوره رحمة انسحبت واني مالي خلق
بان ؛ بابا وين
رؤى : بالمزرعه اليوم مجتمعين كلهم ماعدانا خطوبه ندى وحسيب
بان : سويت روحي مو مهتمه اي احسن هروح اني وياج وماما للمطعم ومناك للسوك شتكولين
رؤى : نزلت دمعتي انتي متحسين اكولج مجتمعين احنا صرنا برا حياتهم شسوي بالمطعم انتي تفكيرج مشوش وامي مشغوله متعرف ترضي ابويه لو اخوج لو شلون نعيش نبقى بهالشقه ناخذ بيت
بان : ليش تصارخين احجي بأدب
رؤى : اني داخله لغرفتي انام خسرتي كلشي بان وانتي اكبر انانيه دمرتينا
بان : انداريت على امي انتي مجاوبتي موافقه على كلامها مو تعاتبيني
ياسمين : ميحتاج اعاتبج الندم مبين من عيونج الله يهدي سرج ويوفقج شعندي ازيد حزنج بيدج ترجعيه سحبي الدعوة تنازلي
بان : ميفيد بعد ماتصور يريدني خلي احتفظ بكرامتي احسن .
رحمة : من يوم اللي رجع حاتم واني عبالك كاعده على نار كل دقيقه اقرر شي بعز صفنتي دخلو عليه نعمه وخاتون
خاتون : بسرعة لمي هدومج وغراضج ١٠ دقائق ماريد يبقى شي اهنا
رحمة : بصدمه وين اروح شمسويه تطرديني
أنت تقرأ
تيجان من النار
Mystery / Thrillerليس كل تاج يضع على الرأس تلمع ذهبا تيجان عند لبسها تحرق قلوب اصحابها
