تيجان من النار

الشعلة الثالثه

السلام عليكم قبل ماتبدون تقرون الروايه
احب احجي كلمه جنت ناويه  انزل البارت السبت وكتبت بالتعليقات بعدها بالرسائل هاجموني بعض البنات ليش انزل بارت والعراق وضعها مو زين  وميهمني الشهداء عيب هالشي ماكو اي واحد ميهمه الشهداء واني ماحتاج اكول على نفسي هيجي وهيجي يعني اذا نزلت البارت شيصير ليش اني بين الكاتبات تهاجموني بالرسائل

تيجان-من-النار ٣

الكاتبة chra kirkuki

رحمة/ فرحتنا متنوصف لا اني ولا محسن وامي اللي كل واحد بينا مخطط شي بداخله ولو لو افتح دواخلنا كلها نفس الحلم غرفه نمتلكها وحدنا ويا أمنا ليلتها منمت منتظره الفجر راح نروح للقرية ويا بيبي لبيت خوالها موسم الحنطه والشعير والناس تروح تشتغل بالزرع يحصلون مقابلها فلوس قليله جدا بنظرنا اهوايه لان اصلا ماعدنا شي منتظره اسمع صوت بيبي وهي تصحينا كلما انام اغفى اخاف مياخذونا وياهم مصدكت سمعت صوتها كعدت اخواني امي تلم ملابسنا بعلاكه

عزيز شبيك احسك مو فرحان كعدت بصفه وهو يحاول يكوم من فراشه

عزيز : فرحان بشنو رحمه احنا رايحين نخدم ونشتغل الصيف وعطله ناس تروح تتونس زيارات اهلها اصحابها

رحمه : أمي طلعت من الغرفه صاحوها شبيك تخبلت اذا سمعتنا متحس بيا حاله هي

عزيز: واني شنو ذنبي كملت المدرسه واني رايح طول الشتا بردان وجوعان وساكت وانتي يايوم رحتي وبطنج شبعان لو متنتظرين وحده من الطالبات تقدملج شي تاكليها لو صدريتج اللي من ٣ سنين كوه تلبسيها وملابسنا اني ومحسن صغر علينا وبيها كومه ثقوب مخيطتها امي رحمه احنا ليش ايتام

رحمه : اسکت  كافي اسكت ماريد اسمع احنا راح نشتغل ونجيب فلوس حتى هالشتا منجوع ونروح نكمل غرفتنا نعيش اني وياك ومحسن امي اني راح اشتغل  اهوايه اكثر منكم انت ومحسن راد يكوم يلزمني ركضت واني اضحك عليه متكدر اني اقوى منكم هههههه

عيب شنو هالحركات زعاطيط روحو غسلو وجهكم لو هاي هم ممعلمتكم امكم عليه مو كتلج بارحه كوميهم من وكت هسه تجي السياره وتعوفنه من وراج خاتون لغير شي نار

من توصلين لجهالج تصيرين فاهيه

ام رحمه : دخلت للغرفه عزيز يلبس قميصه اللي لونه صاير باهت من كثر مايلبسه مديت ايدي على راسه بعدك زعلان لان مكدرت انطيك فلوس تروح للسينما ويا مسعود ابن خالك

عزيز : يحاول يمنع دموعه من تنزل حتى لايقهر أمه يكفي عاتبها بارحه من طلب منها ميروح وياهم يبقى ببيت خاله ويروح ويا ابنه مسعود يتونس ويروحون للسينما مثل ماجانو متفقين قبل لاتبدي العطله جان متحمس وهو يبلغها بقراره قبل لاتخرب فرحته بكلماتها المعتاده ماعندي فلوس كوه اعيشكم وبكاءها لا يمه نسيت ولايهمج طلع من الغرفه وشال اكياس الموجوده يم الباب الرئيسي المصنوع من الخشب مصبوغ بلون ازرق رايح لونه والخشب مفطر شاف السياره واكفه من بعيد استعجل خطواته حتى يلحك اخوانه