تيجان من النار

الشعلة الخامسة

تيجان-من-النار5

الكاتبة chra kirkuki

أم رحمه : مكدرت تنام منتظره عزيز يرجع ممصدكه يشرب جكاير بعدها مصدومه من حجي ابو محمد عليه يبيع ويشرب جكاير يم الملهى الليلي هددها يحجي لأمه تعرف اذا هي عرفت راح تقوم القيامه على راسها جهالي كبرو وراح يطلعون من شوري لو اني ضعفت وانكسرت وماكدر عليهم بتنهد باوعت على حيطان غرفتها اكلتها الدهر مثل صاحبتها وينك جنت كل سنه تجددها تخاف بالشتا تقطر مطر علينه وبالصيف تخلي حصيره جديده بالسقف وتنظفها من الحشرات تدري بيا اخاف منها هسه اسمع صوت الفاروالجرذان احسهم نغمه محسن نايم متعود ينام بحضنها هالليله بعدته نام ودموعه بعينه رحمه صايره تطلب ملابس جديده وتعاند اهوايه تريد تطلع من البيت شافته من رفع البرده ودخل باوعت عليه مبين تعبان وبركبته اثار مثل حبل صاير احمر رجليها مشالتها موجانت ناويه تضربه وتحرك ايده ليش متكوم

عزيز : بتعب ميشوف دربه وكف اهوايه بالشارع لحدماباع الجكاير اللي يجيبها من ابو محل قريب علىمدرستهم يروح بشارع ملهى ليلي يوكف يبيعها اهوايه يتعرض لمضايقات ويشوف اشكال الوان مرات يخجل من روحه مكانه غلط بس ماكو حل وماكو شغل لعمره غير هالشي شاف امه مبين عرفت من دموعها وخدودها اللي بيها اثار صوابعها  راد يفلت ويدخل بفراشه ينام صاحته نعم يمه تعبان اريد انام

ام رحمه : ليش هيجي تسوي ليش تكسرني ليش تعيشني بخوف وقلق ها جاوبني شبي ركبتك يعني اذا ماعندك ابو خلص تفلت براحتك تشرب جكاير دخان وانت بهالعمر شنو شايف من الدنيا

عزيز : مد ايده على ركبته طول اليوم جان يحس بحرقه من الحبل اللي لافها بي وشايل كارتون جكاير  ماكو شي يمه  واني شربت جكاير لان رجعت للبيت جوعان ماكو شي اكله حتى  احس بشبع مشربته مثل ماعمي مفهمج  دمعتي بعيني دخلت للفراش احساسي يكولي امي راح تعوفنا سمعت  حجي مرت خالي وخالي من رحت لبيتهم .

رحمة : كمت الصبح بسرعه بدلت ملابسي رغم تهديدات امي مسمعت كلامها فتحت شعري فرحانه كلش نروح لبيت خالي لبست محسن على السريع غسلت نص وجه والباقي مسحته بس جان بعده نايم اجره واجيبه وهو يبجي عزيزجان طالع لان عيد يريد يجمع فلوس امي لبست عبايه على راسها وطلعنا جنت اسبقهم بخطواتي امي تصيحني واوكف اشوفها تحجي وتعايد بالناس كل وحده توكف وياها عشردقايق  من بعيد سلمت على نعيمه اشرتلي سويتلها بعدين اني اريد اشوف مسعود وصلنا كلبي يدك سريع ردت ادخل امي لزمتني دخلت قبلي ومحسن يدردم ورانا جوعان

ابو مسعود : ها خيتي شلونكم ايامكم سعيده وينه عزوز مايكول اخلي اروح اسلم عليه كعدو اي شلونكم احوالكم هارحمه صايره مرة ماشالله  تعال محسن يم خالو

ام رحمه : غير انتظرتك البارحه كله وماجيت ليش هيجط منو عندي غيرك حتى خواتي من وراك مزاعليني