تيجان من النار

التاج ١٨

#تيجان-من-النار 48

الكاتبةchra kirkuki

بان : ماما دبري طلعة لازم نروح

ياسمين : راسج يابس الله يستر من نهايتها

بان : انتي متريدين تشوفيني فرحانة كل ام تدور سعادة جهالها

ياسمين : بنتي انتي تعرفين ظروفنا غير سيف بالموضوع شلون تتجاهلين هالشي

بان : اني ماريد اعيش نفس مأساتج اريد غير حياتي كافي سيف سيف وين ماروح كرهت نفسي  شفت حاتم مبدل يطلع ركضت عليه حاتم اريد منك شغلة

حاتم : شنو ديربالج تكوليلي اروح للسوك لو تموتين ماخذج

بان : لا صديقتي تتزوج واريد اخذ الها هديه سوار خاتم كلادة انت كريم واني استاهل

حاتم : منو القردة اللي تتزوج تاخذين الها ذهب صديقاتج لازم يحمدون ربهم يتزوجون مو يدورون هديه

بان : فدوة لاتفشلني وعدتها اخذ الها هدية معتبرة

حاتم : امشي من وجهي هسة والله كريم

بان : اشكد نذل

حاتم : ها سمعتج بدينا بالغلط روحي فتحي الباب ومن اطلع سديها وغسلي المراج كله طين غسلت سيارتي

بان : اني اغسل صدك جذب اظافري تنكسر هسة اصيح رؤى

حاتم : ها ولك شبيك كاعد صافن مثل النسوان

سيف : الله يبليك بحب تمشي وتذكرها متنام لا ليل لا نهار بس تكمز

حاتم : اللي يحب ينقلب لقرد يعني هسة اذا كمزت انت عادي اعتبرك قرد. الحمدالله عندي عقل شنو حب وخرابيط اني احب يوميا ساعه ساعتين وينتهي

سيف : هذا مو حب قلة ادب   

حاتم : كثرة ادب لو قلة ادب احسن منك

سيف : وين رايح خلي اجي وياك البيت يغث واختك ماشالله ممقصرة

حاتم : صوجك منو كالك حبها تتحمل غصبا ماعليك لان اختي حتى لو تضربك بمية نعال تشكرها لان اختي

سيف : باوعت عليه ياريتني مثلك ماخذ الدنيا لعب ونسة

حاتم : جريت الباكيت ومنو كال اني ماخذ الدنيا لعب ونسة هيجي خليني ساكت بس اسوي روحي مافكر بشي لان تعبت

سيف :اوف ياربي يمتى ارتاح مشايفه مثل اختك متحس حجر كلبي راح يطلع من مكانه

حاتم : تحمل هاي غالية علينا وتدلل عليك من تتزوجون راح تعرف اشكد جانت تحبك قابل هسة شتسوي وياك وانتو مامرتبطين