تيجان من النار

التاج ٩

#تيجان-من-النار ٣٩

الكاتبة chra kirkuki

زياد :اجتمعنا ويا الاصدقاء وطلعنا سفره تعرفت على هيفاء بسرعه توالمنا واخذتنا السوالف والضحك 
هيفاء احجيلي عن طفولتج صارلنه شهر متعارفين احب اعرف كلشي عنج

هيفاء : شلون طفوله تفشل يوميا انكتل من امي على لساني اتذكر مره ضربتنا كالت عليه بنت المدمغه على كلامها رجع ابويه ويا عمي الجبير اللي حجيت عليه من قبل متزوج ٤ نسوان عصبي كلش ليش ماسمع كال على منو تحجين امي جتها الرجفه من الخوف اشرتلي اسكت جاوبته عمي تحجي على ابويه كام ضرب ابويه راشدي وطلع من بيتنا يسب ابويه وامي ابويه نسى امي لزك بيا ليش حجيتي شكو تجاوبين انكتل بهاليوم من الطرفين كومه سوالف مستحيل يفوت يوم بدون ماانكتل

زياد : بضحكه والله اتخيلج صغيره ودبدوبه وانتي تنضربين

هيفاء : لاتنسى سمره وعيوني صغار وسنوني واكعه زياد انت شلون جانت طفولتك

زياد : عكسج تماما مدلل امي ماكو مثلها حتى لو نغلط تكول شكو بي ميخالف عمرها محاسبتني وابويه رجال جبير جان اهم شي عنده الهدوء والادب والجوارين ميشتكون من عدنا بس وين حتى لو اشتكو امي تظم السالفه جنت حتى لو اسوي مشاكل وعركات ارجع احجيلها تكول لا مو انت هذوله وكيحين

هيفاء : يمتى تجي واشوفها والله مبين من شكلك ابن عز ودلال من بعيد تلمع

زياد : وانتي مناقصج شي الحمدالله امي ملتهيه ويا اخويه راح تجي وتتعرفين عليها اول ماتشوفج راح تكول اي انتي تلوكين لأبني

هيفاء : اذا هيجي تكول انشالله باجر تجي ضيعنا وقت اهوايه مو ههههه اتشاقه لاعبالك احجي صدك يعني مصايره اخطبك لنفسي ولو تستاهل اجيب الشيوخ وعشيرتنا كلها بس لازم انت تجي شفته بعد ميكدر يتنفس من الضحك بعدك مشايف شي زياد يا احلى قمر شفته بحياتي قصدي على نفسي

رحمة : ها فوزيه هالصينيه المن مجهزتها مو كاعدين كلنا على السفره

فوزيه : ها اخذها لراس الشارع اكو عامل يشتغل خطيه اجر وثواب

رحمة : بنص عين قصدج العامله فوك ام القمل مو لاتخليني اجرها من شعرها وانزلها خلي الجهال يروحون يصيحوها متاخذين شي الها انتي ام زوجها عمتها مو خدامتها لخاطر الله كافي

فوزيه : مريضه شتسوي هاليوم بس وداعتج

رحمة : ليش مخلفه جديد لو شنو لعد ضحكات وركص واغاني بالليل ليش مو مريضه سمعيني زين تكوليلها انتهى شهر زباله راح تنزل تشتغل حالها حال البقيه لاتخليني استعمل غير دروب وياها اني مرخيه الج الحبل انتظر شتسوين وياها بس يمكن اخليج ترتاحين وادزج يم زياد حتى اربيها