تيجان من النار

٢٧التاج

تيجان -من-النار ٥٨

الكاتبة chra kirkuki

جواهر : مشطت شعر ندى وسويتلها ظفيره راح ننتقل لبيتنا الجديد ابوج شوفني صورته يجنن اتمنى يظل هيجي زين ويانه للأبد

ندى : ماما اني مقهوره على بيت بيبي خربت حياتهم

جواهر ؛ ماعلينا منهم خلينه بعيد حتى امي متغيره عليه كلما احجي وياها ترزلني صايره تدافع على خاتون الحمدالله ممحتاجه الهم ابوج راح يعوضنا عن كلشي

ندى : ياخوفي من هالتعويض البيت اذا كلش جبير خلي نزوج فراس ونفرح بي خطيه حياته كله خلصه بالشغل شتكولين ماما

جواهر : انشالله خلي ننتقل ونستقر كل اللي عندي انطيته لأبوج حتى يشتري النا ذاك البيت وهذا البيت نأجره ويا راتبه التقاعدي نعيش مثل الملوك

هاشم : فوتي ياعروسه البيت بيتج كومو سلمو على مرتي

جواهر : كمت برجفه بنيه عمرها تطلع اقل من ٢٠ سنه مخليه كومه مكياج وشعرها الاصفر نزل على اكتافها بعد مانزعت النقاب منو هاي

هاشم : مرتي عندج اعتراض اذا اي طلعي برا

ندى : شنو مرتك بابا لعد امي

هاشم منو هذوله خدامات يشتغلون ببيتكم اوع نفسي تلعب منهم دخلني جوا ماتحمل اوكف علمود اللي ببطني

هاشم : من عيون هاشم وخري ولج بنت العار خلي تدخل تاج راسكم للبيت منظفتها عدل لو اعلكج بالبنكه

جواهر : تقدمت يمه متزوج عليه هاشم ليش هاي جزاتي وصبري وتعبي وياك ومن منو وحده بكد بنتك

احترمي نفسج شنو بنتك لاتخليني بمستواها تدرين منو ابويه

هاشم : خليها جاهلة وحقوده شمعرفها بالمقامات الله يدري بنت منوهي 

اي بابا كالي مو مبين نسبهم بيتكم بي ريحة مو طيبه حقك حبيبي شلون جنت عايش وياها هم زين لكيتني

جواهر : هاي البيت اللي وعدتني بي هاي اللي خليتني اتعارك ويا اهلي واخذ ورث حتى تتزوج عليه لزمته من ياقته الله لايوفقك دنيا واخرى اني ماعندي نسب لحم اكتافك من خير ابويه

هاشم: امشي ولي من وجهي ماعندج شي يمي اخليج خدامه تحت تراب رجل مرتي شلت رجلها وبستها تاج راسج هاي

جواهر : ماكو احد احسن من الثاني

اني بنت مسعود اكيد تعرفيني

هاشم : اي تعرفج مسعود اللي اخذ امها وعافها لان مو تمام بابا الناس عدها عقل وتشوف مو مثل عبد الملك مشايف غير فوزيه العجوز