تيجان من النار

التاج ٤

#تيجان-من-النار ٣٤

الكاتبة chra kirkuki

زياد : يقلب القميص منتظر جواهر ونادر يبدون رأيهم عليه ها شلونه

جواهر : لا

نادر : يمكن عليه احلى

زياد : ليش جواهر احسه حلو خلي نكمل من السوك حتى نروح نتعشى

جواهر : لان اذا لبسته تطلع كلش حلو اخاف يصكوك بعين بعدين

نادر : شوف النسوان وحركاتهم لاتسمع كلامها جيب اثنين واحد الي واحد الك يصكوك بعين جاهل لو شنو ناقصه عقل

جواهر : خلاص زعلت رجعوني للبيت اني ناقصه عقل

زياد : لاتهتمين بي وهاي راسج وابوسها على عناده هو ناقص العقل

جواهر : خجلتني اي بوسني بس مو كدام الناس

زياد : ماعلينه من الناس انتي قدرج عالي عدنا كم جواهر عدنا بالبيت احلى واجمل اخت بالعالم

نادر : اي واني خروف الاسود  بالبيت محد يمدحني بعد جواهر منو يكدر يحجي وياها

جواهر : طلعنا من المحل اخذتهم لمحل نسائي اشتريت ملابس على ذوقهم كلش متقربين من بعض ثلاثتنا نتشارك همومنا وافراحنا بالليل نسهر يحاولون دائما يحسسوني اني مو وحيده زياد اكثر من نادر قطعه من روحي يوميا نفتر بالشوارع ونتمشى مرات نعمة تجي مرات امي طبعه كلش حلو رجعنا للبيت هلكانين نزلت من السيارة وطفرت جيبو غراضي وياكم عيب اشيل اكياس واخواني موجودين دخلنا بضحك كاعدين البقية يشربون جاي رقية اشرتلي اتبعها

فوزية : تعالي على وين شنو سويتو

جواهر : هسة بس ابدل اجيكم اريد استكان جاي من ايدج الحلوه دخلت لغرفتي ها رقية واني اطلع ملابسي اغير

رقية : هاشم خابر عليج

جواهر : بفرحة صدك شلون

رقية : دك التلفون شلته بالبدايه راد امج بعدين من كلته اني رقية سأل عليج كتله طالعه ويا اخوانها حسيته زعل بالليل رجعي خابري

جواهر : اخاف يشوفوني وامي متنام اذا اني مو بصفها متعرفين اذا كمت اشرب مي تكوم ويايه عبالك انخطف عفية رقية ماعندي غيرج شسوي دبريني اموت واسمع صوته

رقية : هسة اشوف الوضع اذا كلهم كاعدين اجيبلج التلفون للغرفه احجي ويا واني اراقبهم خوش ها قبل لا انسى كلتله تعال اخطبها كال الله كريم

عزيز : انتظرت حتى الكل بدو يفترقون بقيت ويا رحمة رادت تكوم كعدي احجي وياج

رحمة : باجر اريد انام تعبانه وعندي شغل