تيجان من النار

عنوان الجزء

#تيجان-من-النار٥٥

الكاتبةchra kirkuki

صحت من حلم وردي على كابوس وهي تحاول تستر نفسها كدام اللي واكفه على راسها كل معاني القسوة على ملامحها

خاتون : شبيج مصدومه وتدورين حواليج ماكو حاتم بح خلاص

رحمه : شنو خلاص شبي حاتم تحاول تفهم خايفه لاصاير بي شي

خاتون : سافر راح يم حبيبته تركج خابري امج وبلغيها خلي تفرح خططها فشلت واللعبه انتهت وانتي الخاسره

رحمه : مصدكت اللي سمعته منها بانهيار كامت تبجي وتدور مثل الملسوعه مو مصدكة انتي مو خايفه على شرفي تلعبين بيا

خاتون : انجبي ياشرف هو اصلا مدخل يمج لاتحاولين بهالحركات تلوين ذراعي لا انتي ولا امج تكدرون تسوون شي اللي يتحداني اكسره سمعتي وهسة خابري امج واسأليها قبل ٢٠ سنة شنو كلتلها واذا ناسية اذكرها

رحمة : اني شنو ذنبي حبيته وهو مو على الاساس طلبني شنو يصير اخ ياراسي. اني احلم موهاي كابوس لطمت على وجهي كابوس اصحي منه رحمه حاتم نايم بصفج

خاتون : عمره مشافج ولا طلب ايدج اني اختاريتج انطيته المفتاح يوصل لأمه وكسرت راسج وراس امج تردين تصيرين سيده بهالبيت تاخذين مكاني اني مجيت بسهوله اني دست على النارحتى احصل على التاج لمسته وحركني وحرك كلشي بيا يالله كعدت على هالعرش اصحي على روحج عافتهاتكمل نحيبها وحدها بلا شفقه.

رحمة : نزلت وراها بعد مالبست بيجاما مستوره مثل المخبله ادور واكفين يتهامسون باوعت على امه مو صح معافني ولا سافر خاتون متحبني تريد تحرق كلبي فدوه جاوبيني انتي رؤى ليش تبجين اخوج يحبني

رقية : حسبي الله عليكم شسويتو بيها

تخبلت البنيه

ياسمين : ردت احضنها كافي لاتسوين شي بروحج

رحمة : وخري من يمي لاتلمسيني صحتج ماما من حبي الج رؤى ننام ونصحى سويا ليش ليش هيجي شمسويه اني

رؤى : والله مجنت اعرف هسه عرفت واحلفلج على القرآن لو جنت ادري اكولج بس سمعيني

فوزية : هو مابي خير ليش تبجين عليه لو بي خير ميسمع من احد مو جديده عليها خبلت نادر وزياد من قبلج ارتاحيتي خاتون ها شسويتي بيها

رحمة : كافي لاحد يحجي كلكم كذابين كلكم تكرهوني عمري محسيت اني وحده منكم اني لو بيا خير ابويه ميعوفني ويسافر صعدت لغرفتي شنو اكسر شنو ادمر احرك روحي بهالغرفه اللعينه الفستان الاكل شسوي نار بكلبي اكمز منا ومناك اريد ارتاح ضربت راسي بالحايط مجان يحبني مجان يحبني انخدعت لا اني خدعت روحي هو جان واضح اني غبيه نزلت على ركبي ابجي واضرب بصدري اريد اكرهك شلون بيا طريقه اريد اصير مثله