تيجان من النار

التاج٢٣

#تيجان-من-النار ٥٣

جنان :خاتون والله هي كالتها بنفسها

خاتون : فركي اصابعي زين راح تنكسر بيدج شنو هاالاظافر عبالك مال ساحرات

جنان ؛ موديل هسة كل البنات هيجي

خاتون : بيتنا بس انتي هيجي ساحره يلوك الج حتى تكملين شكلج الداخلي والخارجي اي كملي حتى اصدكج

جنان : انتي تقارنيني بهذوله رؤى ام بطن ورحمة الثوله لو بان السطحيه اني راقبتها عينها على حاتم ودائما تسأل رؤى بس رؤى متفهم عليها

خاتون : بس هذا ميعتبر تريد حاتم ماعندج دليل قوي طلعي برا اريد ارتاح وانتبهي عليها

جنان ؛ من عيوني حبيبتي عمتو مو تدللين بعد هالمساج اتوقع راح تنامين ومتحسين بروحج

خاتون : بعد اللي صار بزياد ومرتهض منو يكدر ينام ماعدنا غير ندعي ابنه يكوم بالسلامه

جنان : اي والله اشكد انقهرت عليه قبل يومين وين جنا متونسين بالمزرعه اول مارجعنا خابرو زوجته صارت عدها ولاده مبكره وابنها حالته حرجه حتى ماخذ ملابسه هو وجوازه

رقية : كعدت على طخم قنفات المطبخ اللي يشرب جاي او كهوة يكعد عليها انكسرت هالاسبوع انشالله يبين عدهم هسة الفلوس مصفط على كلبج تسوي عزومه شكبره ليش متجيبين من مطعم لو تجيبين خدامات تساعدنا

ياسمين : صبيت الجاي رؤى اخذي لأبوج وعمامج هالصينيه وطلعي صحن خلي بيها كرزات تعرفين رقية هي تكول اذا عزمنا ناس نحبهم لازم نطبخ بأيدنا الهم مو مسأله بخل من اول ماتزوجت وهذا شعار خاتون وفوزيه اما خدامات صح والله البيت جبير ويحتاج تنظيف وغسل بس متقبل تشوف ببيتها احد تخدم

رقية :تذكرها بالماضي يمكن امها جانت تشتغل خدامه صاير عدها عقده

ياسمين : لا تتعاطف وياهم

رقية : مشفنا منها عطف وهاي جواهر من كل عقلها ترجع يم هاشم والله خساره فلوس المستشفى والعمليه والخدمات وشهرين مداريها بالبيت ترجع بسهوله

ياسمين : اخلي شكر لو تشربيها مره
هي وامها احرار يمكن تشوف شي احنا منشوفها علمود هاي متريد تعوف رجلها الله يهديه الها

رقيه :ترسي شكر هو حياتنا كلها مر ناكل مر هم يهدي منو ياأمي الرجال ميريدها لا تعودت هو يكسر احنا نجبر اني ماشوف شخصيتها ضعيفه تتعمد تأذي اللي حواليها هسة رجال ضاربج بعرض الحايط كافي كعدي

جواهر : ماشالله خوش كعده تحجون عليه وانتو كاعدين بخير ابويه شاربين نايمين صدك متستحون