تيجان من النار

التاج٣

#تيجان-من-النار ٣٣

الكاتبة: chra kirkuki

رحمة : طلعت من البيت بخوف عمو حسن ينتظرني على راس الفرع كل دقيقة التفت ورايه لايشوفني احد لمحت شخص جالس وياه بالسيارة لحظات وردت اتراجع اشرلي نزل اليشماغ من على راسه ابو هاشم شجابه هالعلة سرعت خطواتي وركبت سديت الباب انفاسي مقطوعه سلمت عليهم

ابو هاشم ؛ شوفي رغم افعالج المو زينه ويايه مردت اخليج تروحين وحدج لان مهما تكونين مكتوبه علينه احنا اهل

عمو حسن : عذريني خاتون خفت عليج علمود هاي جبته ويايه لان يعرفهم اكثر من عدنا هذولة الجماعه ميأمن بيهم علمود الفلوس كلشي يسوون

رحمة : خايف عليه لو على غير شي مو انطيتك فلوس

ابو هاشم : لا عيوني انتي غير افتهم هو شلون وافق على طلبج مياخذ قليل خال ابني واعرفه طماع مو مثلي مسكين يرضى بالقليل

رحمة : ربي صبرني انشالله من اخذ الامانه تعرف واذا مو راضي انزل وارجع لبيتكم ماريد شي منك ممنونه كفيت وفيت

ابو هاشم : هههههه بعدها تكول امانه كولي مخططه لخطف حاتم وغدرت بأمه ليش مسوية روحج ملاك الرحمة متلوكلج على منو تجذبين اخذتي الطفل تحت تهديد السلاح لو امه لو جده لو خالاته شوفي مهدده منو بيهم كتلج اني اعرف خال ابني احسن منج

رحمة : مجاوبته حتى يسكت نبضات كلبي سريعه ياترى اخذو حاتم لو كدرو يفلتون وعدني ميطلع رجله من الحدود اللي اخذه مني مو قليل ربي سترك بدت خيوط الصبح تطلع بعدنا بالطريق وصلنا لمزرعه بعيده كلش دخلنا من البوابه فتشونا نزلنا من السيارة مشي بس ادعي اطلع منا المكان اضاءته خفيفه عبالك غرفه تعذيب فارشين بالحديقة داير مدايرها مدات وحصير دخلنا جوا اصوات عاليه وضحكات نسوان صوت مطرب يغني وكفنا يم الباب طلعلنا الرجال شكله يخوف ضخم واسمراني شواربه ثخينه اشرلي ادخل لغرفه وحدي عمو حسن وابو هاشم وكفو برا رجليه تطكطك كعدت على الكرسي مقابيله يدخن بشراهة

اي خاتون هذا اسمج مو شنو جايبتلي وياج مقابل الامانه ماحب الانتظار

رحمة : طلعت الفلوس وخليته كدامه يحسب وحده وحده واني كلبي واكع بين رجليه بصوت مرتجف الولد وينه

على شنو مستعجله نايم لاتخافين عليه بصراحه العمليه تعبتني وهذا الفلوس قليل كلش انتي ردتي الولد بس اني حضرتلهم تقرير وقدمته لمديريه الأمن بحياتهم ميكدرون يدخلون العراق يعني شغلتين اريد بعد والا اشوفج وجهي الثاني

رحمة : والله استاذ ماعندي غيرهم صدكني اني ماعليه بيهم اهم شي الولد اذا تسمح الي اخذه واروح