تيجان من النار

التاج ١٢

#تيجان-من-النار ٤٢

الكاتبة chra kirkuki

زياد : بتملل انقلبت للجهة الثانية عيني على الفراغ كلشي بحياتي فراغ اني وجودي بالدنيا كلها غلط من بدايتها قتلت امي اخواتي شردو بقو بدون ام رحمه رمت بنفسها للنار ام واب ماكو بيناتنا اي صله دم او قرابه كبرت وحبيت وكلت اخيرا انكسرت ورجعت لنقطه الصفر هذا انا الطفل المنحوس ياربي ليش مامتت ويا امي جنت مرتاح هسه ومريح اللي حواليه خاتون ماريد احجي بشي

رحمة : زياد الى متى ارحم نفسك ٦ اشهر كل يوم تسوء اكثر وتذبل اكرر واعيد

زياد : قاطعتها لاتعيدين ولاشي انتهى

رحمة : اني اول الايام جنت احجي على اعصابي ماريد اشيل ذنبك

زياد : هيفاء محرمه عليه للأبد عندي دوام اكوم ابدل لاتنتظروني على العشا استلم خفاره

رحمة : عافني ومشى تنهدت بألم رفعت ايدي للسما يارب برد كلبه

فوزيه : عندج عين تدعين يالي متخافين من ربج كسرتي الولد دمرتي الحقد عامي عيونج حسبي الله ونعم الوكيل عليج نادر وديتي لأخر الدنيا وزياد موتي وهو حي ربي يشوفني بيج يوم دمعتج متنشف ياحسرتي على ولدي ياناس منو يشيل هالظلم

رحمة : ميحتاج تدعين عليه ولا يوم ولا ليله نشفت دمعتي على امي تدعين عليه لان مقبلت اخويه يتزوج من بنت اخو قاتل امي جان شريكه واكف يحرضه ومرته ام هيفاء امي جتي ضره على اختها هي واختها وامها وسوسو براس الرجال واتهموها اتهامات باطله جانت واكفه تتشمت وتضحك اني حاقده امي ملحكت تشم زياد ملحكت تشيله كسروها تكسير محد رحمها اني كلتله يتزوجها ويروح لغير مكان يعيش اني مستحيل اخلي هالبنيه بيناتنا مستحيل اشم بيها دم امي ليش متفهمين

نعمة : كافي مامليتو يوميا تتعاركون لازم نوكف ويا زياد كلنا نشيل الحمل من على اكتافه رحمة ابو حسن ينتظرج بالسياره فوزيه كافي ياعيني  التفتي للبيت ماكدر اسيطر عليهم وحدي رقية  وامها مخربين الاول والتالي امها لسانها اطول من  برج الكهرباء ناقصهم حصان وحبل وشفقه ويصيرون كاوبوي 

فوزية :والله مابيا حيل اضحك من المشاكل والولد اللي راح والولد اللي راح يفقد عقله لو من السوك والحصار والشغل التعبان ادعي لزياد نعمة الله يستجيب لدعواتج مكسوره جناح ميردلج شي

نعمة : محسستني اني خبله لو ولي من اولياء الله انتي وين واني وين اروح افتح التنور بلكت اشوف رقيه قريبه واحركها واخلص منها اذا شميتي ريحه حية محتركه اعتبري المهمه تمت

هيفاء : وكفت مثل كل يوم انتظر وصول زياد ذبلت انكسرت كلبي يفور لا ليلي ليل ولا نهاري نهار كرهت كلشي بالدنيا متصورت اهلي بهالقباحه والاجرام وكفت كدامه نزل من سيارته