تيجان من النار

التاج ٢٢

#تيجان-من-النار ٥٢

الكاتبة chra kirkuki

الساعة ١بعد منتصف الليل كل واحد مجتمع بجهة من المزرعه بكل زاويا وركن احاديث بدأت ولم تنتهي

  زياد .جواهر .فوزية

زياد : اخ منج اشكد راسج يابس لاتمشين ورا كلام امي كافي لاترجعين اله خلي يولي

جواهر : ليش متفهم عليه جهالي كبرو اخرب بيتهم وين اروح اخذ بيت وحدي هاشم ميعوفني وياخذهم

زياد : ليش تحجين بهالشكل كأنما انتي وحيده وماعندج لا اخ لا ام لا سند

جواهر : لاتكبر الموضوع ماقصد هالشي

زياد : بعتب لاتقصديها ودائما تكرريها محد مقصر وياج وخاتون اللي هي امج غصبا ماعليج اكثر وحده واكثر من كلنا شايله همج

فوزية : تفلسف براسها شنو هالحجي ماعليك هو خابر واعتذر مني وهاي هي زوج وزوجته يتعاركون يتزاعلون

زياد : باوعت عليها فتحت عيوني نعم ست فوزية يتزاعلون يتعاركون مابيها شي بس هذا الخسيس جان ناوي يقتلها وصلها للموت لو لا الله ودعواتنا وجهود الدكاتره جنتي كاعده تلطمين هسة وطالعه الاربعينيه مالتها

فوزية : اسم الله على بنتي ليش تفاول عليها اني وبخته ورزلته بعد ميعيدها رحم الله من جمع بين راسين

زياد : امشي ورا كلام امج لحد مافديوم يخابرونه الجوارين كاتلج ويا جهالج حتى متلحكين تخابرين نوصلج تدرين شنو الرعب اللي عشتها من خابرتني ندى وكعت من طولي ضغطي انخفض الله ستر ولارا اسعفتني ولحكت عليه هسه تحجون بكل بساطه يرجع الها وننهي الموضوع مبقى احد متوسلت بي ادور على تكت حتى اسافر

جواهر : راح انبها اذا متت متخابر عليكم اروح اصلي وانام تصبحون على خير

فوزية : ارتاحيت زعلتها يعني ملتمين وباجر عازمين ناس علمود سلامتها وتجي تغثها كتلك لاتسمع كلام اختك كلها سموم

زياد : ومن يكتلها روحي عالجيها وحدج اروح يم الولد

فوزية : يم الولد ياجذاب لو يم لارا تخابرها ومتستحي نسيت هيفاء نقذت جواهر باجر تجي بس تفتح حلكك وتكول لارا شوف شسوي بيك انطيها وجه حلو خطيه

زياد : لارا حامل وبشهرها عايفها اكثر من شهر يعني حتى تليفون ماطمن عليها اشكد ظالمه

فوزية : عابت الها  انشالله وانت متستحي واكف كدامي مفتخر  وتكولها حامل بشهرها

زياد : يمه اكولج شي لاتزعلين ويرتفع ضغطج ترى هي زوجتي مو صديقه وقبل لاتوسعين عينج اكثر هي بنت ناس ابوها وامها علماء اخوانها واصلين