#تيجان-من-النار54
الكاتبة chra kirkuki
رحمة : دكيت الباب مسمعت صوت فتحته اكيد نايم شفت الفراش معفوس وملابس واكعه منا ومناك لميتها اخليها بالسله طلع من الحمام لابس برنص باوعلي بصدمه
حاتم : شتسوين اهنا هاي شبيها ممصدكه مخطوبه لازكه بيا
رحمة : ردت اصيحك سويت فطور
حاتم ؛ صح احنا مخطوبين بس ميصير تدخلين غرفتي بدون اذن
رحمة : بس احنا واحد واني مو غريبه ليش تتعامل برسميه ويايه كلما اقترب منك انت تبتعد
حاتم :انتي روحي هسه اجي اصلا حبيت الريوك لان انتي تسوي ردت اصرفها
رحمه : كلامه شجعني اقترب منه باوعت بعيونه اريد اشوف لمعه الحب اللي يحجون بيها بالافلام تجرئت لمست ذقنه سبحان الخالق ماشالله على هالعيون
حاتم : ماتفقنا على هيجي احم اني صايم تذكرت كلامها لو تلمس ايدها اعتبر كلشي ملغي نزلت ايدها مستعجل اريد ابدل اذا تسمحين
رحمة : طلعت برا واني اضحك فديته خجول الله اشكد حلو هيجي شعور تحبين شخص مثل حاتم خجول وحلو تقربت من غرفه الطعام ام سيف باستني وحضنتني استغربت منها
رقية : عفية رحمة ماشالله عليج كامله جمال ادب اخلاق وطباخه شاطره هنياله حاتم بيج وياسمين عدها بخت
ياسمين : وانتي ليش ماعندج بخت ادري تقصدين بنتي متعرف شي
رقية : ليش كلامي يغثج احجي الصدك مشفتها يوم تحضر شي لأبني تاكل وتشرب عبالك عايشه وحدها رحمة من انخطبت لحاتم تغسل وتكوي ملابسه وتحضر اكله تهتم بي رغم معاشت ويا امها تعلمها
رحمة : خاله رقيه اني احب احضر واطبخ هي مكالتلي ولا حاتم طلب مني وبان مو مثلي دوامها اهوايه واكيد هي ممقصره
جنان : رحمة اشتريتي فستان لو بعدج ديري بالج تأجرين شتكول علينا الناس
رحمة : اذا اشتريتها بعدين شسوي بيها فكرت بالايجار احسن اليوم راح اروح ويا ماما ياسمين اكمل بقية تجهيزاتي
رقية : واني اجي وياكم ترى ذوقي ماكو منه وهم اشوف ياسمين تختار مثل ماختارت لبنتها كلشي غالي حتى لو متلبسها ولو مشفنا شي من جهازها
رحمة : طلعت وياهم اخذوني لأسواق اول مره اشوفها يمكن اللي اشتريته ويا امي اتبرع بيها محلوات اهوايه اشياء عجبتني ماخذتها خفت تكول عليه مشايفه لو ممصدكه مشت ايام الخطوبه سريع بسريع محسيت بيها حاتم دائما مبتعد ومشغول
أنت تقرأ
تيجان من النار
غموض / إثارةليس كل تاج يضع على الرأس تلمع ذهبا تيجان عند لبسها تحرق قلوب اصحابها
