تيجان من النار

التاج العاشر

#تيجان-من-النار 40

الكاتبةchra kirkuki

بان :بضجر وتأفف أريد الصدر ماحب الفخذ باوعت على ماعون سيف اخذ مالتك سيوفي

سيف : اي ماريد اخذي

جنان : لاتاخذي مالت اخويه

رقيه : ربي لنتج شويه ياسمين مو حاله مسويه ابني حمار يشيلها من يرجعون من المدرسه ومن ناكل الا تطلع شي من جوا الكاع وتاخذ من ابني

رحمة : اباوع بصمت بان مدللة محسن مدللها بشكل غير معقول سيف ينفذ كلشي تطلبه بان اشوفه يعزها ويحبها جنان رغم صغرها تتصرف مثل الكبار تحب اخوانها لدرجه مرات تضرب بان كدامنا كلنا

ياسمين : كومي بان روحي لغرفتج حتى بعد متعيديها

نعمه : بدل ماتكومين تضربيها كم راشدي هاي عوبه ماعرف شلون تربون الجهال مطلعين عينهم حاتم ابو خشم يابس محد يكدر يحجي ويا وسيف الحمار أمه تريد غصب تكبره براسنا وهو مطي

رقيه ؛ ابني كبير هالعائله لازم يتعامل معامله خاصه لان من يكبر راح يشيل مسوؤليه هالبيت ماسمح لأحد يقلل من قيمته

سعاد : ابنج من هسه عصبي ومخبل الله يعين اللي تاخذه اني من اجيب حفيد راح يكون هو المسؤول عن كلشي لا ابنج رقيه ولا ابنج ياسمين جهال نادر عبد الملك الهم الأحقيه بكلشي

رحمة : ردت استفرغ خليت الخاشوكه على صفحه سمعوني انتو وياها ماكو كبير بهالبيت غيري مفهوم ومن اموت انشالله انتو قبلي اشرت على رقيه وسعاد اللي كاعدين بنفس السره عزيز يستلم كلشي وانتي ياسعاد ناسيه زياد عبد الملك لو جواهر عبد الملك لايكون وحيد هالعائله نادر

سعاد : اسمحيلي خاتون انتو مطلعين جواهر من كلشي هي تابعه لزوجها وفراس ابنها يعني يشيل ورث هاشم مو عبد الملك وزياد بعد كم سنه يتزوج لو يخلف لو لا

نعمه: ينكسر حلكج ولايبقى بيج عظم صاحي على هالكلام انتي متستحين وجه البوم جواهر تاج راسكم كلكم افتهمتو وهذا بيتها امها تزعل منها تتصالح وزياد يتزوج قريبا وراح تشوفين جهاله كدامج حتى عيونج تعمى من القهر شفت رحمه كامت من السفره كمت وراها جريت المواعين وخلطت الاكل وسط اعتراضهم انتو مو مال واحد يكعد مقابيلكم ياحيوانات رحت اسوي جاي فتحت الكاونتر صار كدامي كعك شمرته كرهته من ورا سعاد

زياد : يمه شنو سويتو اليوم شلون جانت سفرتكم تونستي لا

فوزيه ؛ باجر يمه نايمه

زياد : فوزيه ادري بيج منايمه هاي الحركات مو تمشيها على زياد احجيلي

فوزيه : لا منايمه بقهر ارتاحيت شتريد مكابل الكتب ترجع وتقرا متكعد تحجي كلمتين ويايه