تيجان من النار

قصه جديده

متابعيني الاعزاء

راح انزل مقطع من قصه جديده

موضوعها عن الخيانه ودور الاهل بمعالجه المشكلات وانعدام الثقه بالنفس اتمنى تنطون رائيكم بي

فرط الحب

المكان دائره الكهرباء الوقت صيف الدنيا حاره الكل مشغول بأتمام عمله بتفاني واخلاص وفرحانين يستلمون راتب  كل لحظه واحد او وحده من الموظفين يروحون للحسابات حتى يقبضون .  

طلعت كلينس من جنطتها تمسح بقايا المكياج اللي خربتها حراره الصيف وبيدها المرايا انتهت من شغلها اخذت اجازة زمنيه طلعت ويا صديقاتها اليوم راس الشهر استلمت راتب كومه اشياء ببالها تسويهاوصلو للسوك  اول محل دخلو بيها صديقاتها مكياج وعطور ملابس بيت وكفت تباوع بزاويا صديقتها نادتها

زبيده ليش واكفه بعيد تعالي شوفي الحمرالوانها تخبل وجايب عطر يجنن ريحته اخذت كم قطعه ملابس اخذي دللي هيثم اليوم

بأبتسامه اشرت متريد تحاول تغطي على احراجها متكدر تاخذ شي لنفسها الراتب مقسمتها مصرف جيب لهيثم واقساط سيارته والباقي مصرف بيت استأذنت تروح لغير محل طلعت بعد ماتفقت يلتقون بمكان حتى يرجعون سويا لان صديقتها عدها سياره احسن ماترجع بتكسي مرت من يم المخضر اشترت تشكيله فواكه حتى اذا حمواتها زاروهم متقصر بالضيافه تذكرت قبل ايام حماتها اشتكت منها لان ماعدهم فواكه تقدمها الهم عمتها ام زوجها اللي تحبها وتهتم بيها مشتهيه معلاك وهي مريضه ركضت وبيدها الاكياس تلحك القصاب قبل لايعزل التقطت انفاسها عمو كيلو معلاك بلا زحمه

من عيوني ست عدنا لحم وقيمه تاخذين بعد

لا غير مره اخذ ممحتاجه هسه شالت الاكياس وراحت وكفت انتظرت صديقتها تجي ركبت السياره تسمع سوالفهم زوجها جاب الها ذهب لبس هدايا راحو لفلان مكان عزمها لفلان مطعم ناوي يسفرها هي متشارك غير تكول تستاهلون مقتنعه بحياتها وزوجها ياما سافرت ويا اهلها واشترت الوان واشكال ذهب وملابس مجانت فرحانه مثل هسة  ودعت صديقاتها دخلت للبيت السياره بالكراج فتحت باب المطبخ بهدوء الساعه وحده ونص اكيد هيثم  
بعده نايم

خليت الاكياس طلعت عجين من الثلاجه حتى اخبز عمتي تحب خبز حار مريت على الصاله فراشها بمكانها يجوز داخله غرفتها  سمعت صوت هزيت راسي بنفي معقوله وحده من حمواتي بس تقربت اكثر

هههههه حبيبي اشكد تحبني

اموت عليج

هذا الصوت لا مو هو الصوت النسائي تصيح بأثاره بأيد مرتجفه وبتردد فتحت الباب شفتها ظهرها عليه اندارت خجلت نزلت راسي بعدني اكذب صوت هيثم اللي سمعته عقلي ميستوعب شيصير اهنا

كامت بلا حيا ولا خجل وكفت كدامها واخيرا شفتينا ست زبيده

ستري نفسج نزلت عيوني منظر مقزز اريد استفرغ

ضربت على رجليها وهي واكفه ليش متكدرين تباوعين  اه نسيت لان اني بيضه وانتي زركه متتحملين هيثم دائما يحجي عنج

صحيت من شرودي من كالت هيثم باوعت عليه يلبس يحاول يستر نفسه وكفت كدامه هي حاولت تجرني وخري لاتلمسيني ليش ليش بس كولي شنو السبب

زبيده خلي افهمج لحظه لاتحكمين غلط

لاتبرر الها هيثم ترى زوجي واللي سوينا هسة كدامج من حقنا مو بالحرام افتهمتي بالحلال

شلون زوجج هيثم هاي شتكول جاوبني ليش مو هاي بنت خالتك رسل اللي مجنتو تحجون سنين وياهم امها وامك متبرين من بعض هسة حلت بعينك

احترمي نفسج اني زوجته متفهمين هم زركه وهم طرشه باوعي عليه تشوفين هذا بطني بي ولد توم حامل مو مثلج بس تحلمين وماكو شي بطنج فارغ بأستهزاء

عمتي عمتي وينج بصياح  لحكيني اكيد متدري مثلي شمسوين بيها هي مريضه وين وديتها الله يلعنك ياهيثم

زبيده خلي نتفاهم ونحجي بهدوء وانتي اشرت لرسل ستري نفسج عيب

عاجبني اشوفها ليش تزوجتني حتى تقارن جسمها بجسمي قبل لا انسى يكول عليه قشطه ويكول من ينام وياج يطفي الاضويه لان نفسه تلعب من يشوفج وانتي نايمه بلبس النوم

ماشوف شي من الدموع راح اختنك كول مو صحيح اللي تحجي اني اسامحك على خيانتك بس متحجي عليه يم غيري متكول زركه ونفسك تلعب مني انطيتك روحي ذليت نفسي بعت الغالي واشتريتك اني اشتغل بدالك اني جهزت جهازي اني رتبت هالبيت اني اخذت الك سياره لزمت خدي اضرب هيثم يارجال ياللي نايم للعصر ومرتك تشتغل وتخدم امك وتعيشكم اضرب لزمت ايده اضرب هاك خدي الثاني

احترمي نفسج زبيده لاتكبرين الموضوع

بصياح وهوسه دخلت شعندج تحاسبين ابني ياعاقر يابنت استغفرالله مصدكتي ابني يطلب ايدج لفيت حول بنتي لحد ماخدعتينا انتي فالصو عار واهلج ذبوج ممصدكين ابني المهندس طلب ايدج اي زركه ونفسنا تلعب منج هاي الكلمه اللي غثتج

انداريت عليها العبايه على راسها رادت تهجم عليه لزمها هيثم مجنت اسمع كلامها مصدومه واكفه بكل قوتها وجايه من برا شهر كامل اني اخدمها ونايمه بالفراش حتى حاجتها اني اخذها للحمام وانظفها شلون لعد راسي اخ شعري

لزمتها ودك بالنعال ضربتها ملخت وجها ويا رسل انتي منو تحجين على بنت اختي تشرفج هاي حامل باوعي على بطنها موتي قهر طلعي برا امشي 

حافيه امشي بالشارع نار ملابسي مقطعه شعري كل خصله بجهة امسح دموعي اشوف دم وياها تائهة احس بدوار وين اني اختلفت عليه الافرع وين الشارع الرئيسي الناس تباوع عليه كل واحد يذب كلمه بدون مايعرفون شنو الموضوع رجلي تحترق ماحس بيها من شده حراره كلبي لزمت ركبتي راح اختنك اكح بصوت عالي وكعت بمكاني .